一個風寒日麗ge早上 帝京大學附屬高中
「新聞部有會要開，幫我頂陣丫！」不負責任得佢∼
「妖！$#@．．．」好一個粗鄙ge女子！
「咦∼∼你又係做風紀呀？我地真係有緣喇∼」lee條極盡核突之能事ge肥婆”輕輕”咁一推，佢對面ge女子就已經消失得無影無縱。
+++++
「緣？嘔∼」孽緣就真！
「二階堂實同學∼點解你將個章戴成咁呀！快d整番好佢啦∼」
lee位懶哂好人ge人兄就係學界聞名ge『內陸蕉』-沼田俊男，嘔∼∼∼高中ge風紀負責人（編按：負責？係咪呀∼∼∼）
「．．整番好就過去廁所個邊巡下啦！」toilet？唔係呀fa！
minoru帶住異常沉重ge心情同拖住比平日沉重左數十倍ge身軀（註：相當於一條藤ge重量！）朝著廁所ge方向慢慢移動~
「游果領累和<有個靚女喎>∼∼」好臭呀！！！天寒地冬，o係男廁外面minoru瞄到一名金髮女子正在徘徊一番。
「（dum！dum！dum！太靚喇！雖然著左褲，都難掩佢高雅ge氣質。唔知佢個樣係點ga呢？）
lee位女同學．．．」眼前ge lee位”女子”先黎一招”美人卸膊”，避開左minoru ge一雙玉手、回頭大嗌，
「我係男仔黎ga！！！！！」十里以內人士無一驚嘆莫名，企左佢面前ge
minoru更係傷心、絕望、難過，悲哀∼
「（唉哎哎∼真係天妒紅顏啦∼！！）．．．對－唔－住！」兩人呆望住對方，
「（雖然佢係一個男子，但係面紅起黎都極之可愛∼）就當我地無見過啦！」minoru就咁消失o係”呆呆”ge人海之中．．．
+++++
禮堂
「嘈夠未！再嘈就死出去食西北風！（賤笑中）」鬧得興起ge『內陸蕉』，點都估唔到今日ge說話種下左日後ge禍根．．．
寒風凜冽，『內陸蕉』依舊奇賤無比。本年度帝京高校仝人ge命運將會點呢？
「O-ha！大家食左早餐未呀？好高興o係度同大家見面呀！新ge一年我將會係大家ge校長∼」在場頓時嘩聲四起。
「噓 ∼我知大家好開心，但係都唔好嘈喎！其實我呢．．．」台上一身紅粉波波look ge女士，除左係中學部ge校長之外，更係操縱左幼稚園、小學、初中、大學ge生殺大權，佢就係二十一世紀ge傳奇女子───慎吾媽媽。
至於點奇喇喎．．．
「．．跟住要介紹今年新加入帝京大家庭ge老師。首先係小學部ge田中老師，請鼓掌！第二個係．．．」
ma ma好後生ge時候嫁左俾稻垣先生（亦即係帝京ge真正”渣”fit人）原本佢只係帝京幼稚園ge園長，但係好不幸佢老公係舊年因為”渣”大膽車俾人拉左（聽講要再過一排先放番出來，慘∼）就係咁樣佢為左世界和平，家庭倫理，社會風氣．．．而自資出左兩張集愛與勇氣於一身ge細碟，一登場就上左oricon榜no.1，勁呀！
「最最．．．（x1000000次）後我地要一齊歡迎大學部新黎ge老師．．．」忽然間禮堂之內地動山搖，原來ma
ma左度跳緊∼能夠令一個已婚婦人進入如此顛狂程度ge miss/sir究竟係何方神聖呢？
ma ma忽然擺出一個黃飛鴻ge照牌姿勢「．．我地一齊鼓掌───Gackt∼∼∼∼∼」傳說中ge Gackt老師慢慢咁行上講台，除左ma ma，場內99%ge雌性動物情緒都變得異常高漲！
Gackt sir輕撥佢ge秀髮，左手插袋，右腳向30度方向微微咁搖擺：「大家好！」見過大屠殺未？帝京就有得睇喇，
Gackt ge說話殺死左在場不少人。
「（咁抵死，拍手丫喇）好野∼！好野∼！」ma ma用佢ge一雙電眼scan勻台下所有拍過手、尖叫過、甚至微笑過ge雌性動物以及雌雄同體．．．
+++++
二年B組
「大－家－好－（請用南音示範lee句說話）」”東施效顰”，一句相同ge說話出自不唔同級數ge人把口，效果差天共地囉！
「請－大－家－翻－開－代－數－書．．．」大佬呀！放完假無幾耐咋，咁快就教書，你慌唔係聯立方程咩！
黑板前面學人單手插袋ge蛋散就係2年B組ge班主任───安藤寧（ando）>o< o係佢“統治”之下，全班都死氣沉沉，除左．．．
「低B仔！！！」minoru───帝京ge特“寸”階層，（現實生活ge佢都已經達到無“生”不“寸”ge地步）
「咪－住－o係－講－書－之－前．．．我－想－揀－班－長－先∼」各位同學都以極速攞出書包入面最大ge一本書，趴低、遮面、”lay”檯底，可謂無所不用奇技。
「都唔知想點！」說時遲那時快minoru都拎左本men’s non-no出黎，
「．．正－班－長－」邊個做好呢？「吉田－祿同學，你－黎－做－啦∼」幾求其喎∼
「．．跟－住．．就－輪－到－副－班－長．．二∼」個姓冇“二”字ge人當堂鬆哂。
到底“二”咩呢？二宮、二之宮、定係二階堂呢？
「（你睇我唔到，你睇我唔到．．．）我頂！！」自欺欺人！遮乜丫∼望到你喇∼
-_-|||
「二－階－堂－實－就－你－啦！」眾望所歸，有得留低．．．o係ando身邊ge居然係minoru∼啋！
「Oh god！」無啦啦做左『祭天小羔羊』ge minoru接受班上一眾『禽獸』熱情歡呼。梗係啦！又唔駛佢地做 >_<
「收－完－功－課－繼－續－講－書－」ando死唔斷氣咁款。真係好難明白點解帝京肯請佢。炒佢啦！！！
「咳．．咳．．．」邊個o係度肺癆，打斷哂ando講書（打得好！打得妙∼正！）
就o係大家將focus移去『肺癆人』所在地（門口）ge時候，minoru塊面突然浮現起一d不安，why∼？
「對唔住！我o係新轉黎ga，但係．．．」欲言又止、紅粉緋緋，仲唔係你∼廁廁門口個靚女！
「咦∼冇－左－件－事－tim－！」ando∼你就唔o岩啦∼要人o係度吹風．．．
「早晨！我叫山下智久，除左山下之外，你地仲可以叫我yamapi！轉黎帝京之前．．我住o係神奈川．．．」唔知點解，班男子望yamapi ge時候d眼神衰衰咁，反而班女人就．．．唔通．．．
「．．仲有，我係男仔黎ga！」從來未見過有人咁樣介紹自己，不過．．都唔怪得yamapi ge∼因為佢實在太省鏡喇！！！
講完冇幾耐，反應完全唔同哂。班女好似顛左咁，望到人實一實，尤其是左邊角落塊豬扒───後藤珠美（goto）
「點解有d水滴聲ge？」為左唔想俾yama認得兼踢爆，minoru個頭越擰越過，仲同隔左成條街ge goto有眼神接觸tim！
「（嘩！塊扒o係度流口水呀！）嘔∼！」
「（yamapi係我ge！咪同我爭呀！）．．．」好得閒同你爭呀，唔知醜！！
「．．而－家－要－幫－山－下－同－學－安－排－座－位∼」ando成世人講得最有point就係今次喇∼個個女同學都整“裝”待發，之不過佢地冇行ga喇！因為．．．
「得－番－後－藤－同－二－階－堂－隔－離－有－位．．．」點算呢？o係ando猶豫緊ge時候，yamapi已經注視到兩個候選人────左邊肥屍大隻ge goto，望左唔夠一秒，yamapi已經標哂冷汗∼陰公！！minoru哩∼雖然望極都係得個背脊，但係都好過件扒丫！（yamapi：求神拜佛，千祈要揀中果個呀！！！）
「山－下－同－學，你－就－坐－去－二－階－堂－隔－離－啦∼」於是yamapi懷住希望同歡欣ge心情走埋『救世主』度喇！
「（唔好埋黎呀∼我叫ga！）．．」
「你好！」
一d都唔好「hi！」為左避開yamapii，minoru連聲都變埋。
好熟口面哦．．「我地係咪．．」d對白咁老土ge∼
「唔係！」擺明有野啦！
「可唔可以．．」
「唔可以！！」人地都未問完，駛唔駛咁絕呀？
+++++
連續上左兩堂，yamapi見都未見過minoru副尊容（人地趴左o係檯面嘛∼）。佢對lee個“另一半”越來越好奇（心諗：唔通佢皺皮ge∼！）
「二階堂實！」
「咩料？」中計喇！minoru彈左起身。
蠢唔哂ge goto早就get到有d唔妥（goto：有乜理由對住個靚仔都唔起痰ga？一定係得罪左人啦！）（編按：你估人地係你咩？一出世就得罪人！>_<）
「係你喇．．」goto豎起耳仔，以為有戲睇．．．
「係！係我。」又如何？minoru雖然同緊yamapi講野，但係佢一直用凌厲ge眼神斜bear住goto，
「多謝你呀！（救左我，等我唔駛同條肥婆坐！）」估唔到yamapi竟然捉住左minoru隻手講“釘橋”。唔止goto、其他人都睇到目瞪口呆。
minoru本來想甩開yamapi，但係佢一見到goto激到彈起ge表情之後就把心一橫，加多兩錢肉緊喇！
「You’re welcome la！」好英文，minoru幾投入。
又過左一堂
minoru同yamapi互相了解左40min之後，已經變左做對好兄弟（姊妹？！），搭膊頭都算喇！仲成堂咬耳仔、寸阿蛇。
goto本來已經夠哂恐怖ge面孔上面霎時多左廿間。
「妖∼！」偷雞唔到洩渣米。goto∼你唔恨得咁多ga喇！
+++++
「陣間放學可唔可以帶我去參觀一下學校呀
^_^」
「可以∼（廢事你入錯女廁啦
：P）」
「各位同學請注意，各班班長請o係放學後到204室開會！重複一次．．．」
「頂！！！」yamapi完全感染哂minoru d野，乜都“頂”一餐，
「sorry ar！」
「no
problem la！」仲玩埋轉channel tim -_-|||
放學ge時候
「喂∼唔駛等我喇！你番去先啦．．．」minoru行左落球場，同一個好sporty ge美少年“搭訕”，
「我都冇話等你！」咁寸ga∼（彼此彼此姐~！）
「（死寸龜丫！）bye！kame∼表∼∼哥∼∼！」“表哥”lee個稱呼聽到kame一額都係汗，點解佢咁驚呢？
波牛甲、乙、丙、丁：「表哥∼你仲踢唔踢波呀？」擺明玩野，
「踢呀！（你班死仔．．）ueda呢？」kame跑番落場，
「佢唔玩ga喇！」梳緊頭ge ueda狂bear住講野ge yuichi。
「jin，你開波丫！」yuichi轉台都轉得幾快喎！
「koki，接住！」jin大腳右傳，
「你射唔入ga喇！」kame把口都幾衰喎！
「junno好野！」人地一手就接住左喇！
「次次都接到．．唔玩喇！」yuichi極道不滿咁樣，鬼叫junno咁高咩！
「擭擭都係六條“冷”，係咁上下ga喇！」ueda o係旁邊大講風涼話。
唔講唔覺，成個球場真係剩得佢地六條友咋。咁都踢到波？
帝京入面人稱KAT-TUN ge就係lee班傻仔喇 ^o^
+++++
「第日見！」
o係學校門口同jin佢地say完goodbye之後，kame就棟左o係條街度等車。
冇幾耐，有d異樣喎
「好靚女呀！」kame ge面上流露住一個淫樣，一種史無前例ge感覺爆發喇！！！
「（同校喎∼正！）唔知佢讀邊班呢？」收歛下啦kame，人地以為你傻ga！
「（隔離果兩件賤笑緊ge扒咁似黑澤同神木ge∼）唔通靚女都係讀高二？」kame想過對面巴士站say hi ge時候，人地已經上車番歸喇！（抵死 ^o^）
「頂！！！」到靚女係邊個呢？
+++++
204室
「一年A組、一年．．．」仲點緊名bor！
「哇∼（都唔知lee班咩人黎ga∼泣）」minoru悶到連喊路都打埋，
「．．二年B組！」終於叫到喇∼
「到！」忽然間全場靜哂，而且用埋d騎尼ge眼光望住minoru，搞到佢鬼咁面懵，
「（好lo呀！最衰ando啦∼）．．．」又關安藤事？cos佢係帝京五大無前途miss/sir之首，教出黎d學生個個都“非瘀即hurt”可憐∼d學生！）
minoru o係漫長ge會議入面充分感受到乜野叫做“人情冷暖”。meeting果陣根本冇聽佢講野，差d搞到佢以為自己以經死左tim！
+++++
「（死啦！唔記得去劍道部報到，實有排鬧啦！）．．．」開完會minoru急急腳行左去，
「哎地！！！（邊個？）」落樓梯轉彎ge時候minoru同路人甲撞埋一齊，
「sorry！」好禮貌「．．下次唔好喇！」minoru居然好意思叫人小心d∼唉
道場
「對唔住
>_< 因為頭先．．．」解釋完一輪，最後都係俾人省到“立立令”，minoru今日真係黑到勻。
「（死人安藤寧．．捽死你、捽死你．．．）1、2、1、2．．」唔止俾人省，minoru重俾教練罰省地板。
「．．話哂我上年都做過下“劍道部最佳新人”丫，駛唔駛去咁盡呀？」成六點鐘，學校乜人都走哂啦∼
minoru”渣”住把竹劍o係操場邊行邊練「バカ！」卒之打到人∼ >_<
死喇！原來仲有人未走「．．你冇事丫嘛？」原來打中果個係之前撞到ge路人甲，
「冇．．冇事就假喇∼（咦∼咪係頭先果個女仔！）」
minoru一聽到路人甲咁講就走都走唔切「sorry！」仲連人地d書都踢散哂tim∼真係唔應該！
「．．下次唔好喇！」路人甲用番minoru ge“經典對白”話佢。
「執書都o係度笑，正バカ！」
minoru最後都擰轉頭瞄左路人甲一眼至走（人性？！）
+++++
二階堂宅
「我番黎喇！」咁靜ge∼唔通minoru今日真係命犯天煞烏蠅？
「（突然閃出）阿女，你返黎喇！」廢話！講lee番ge人就係人地個老豆二階堂悟（satoru）喇！
「．．akira同kame呢？（答都廢事）」
「廳囉∼日日都係ga啦。(明知故問！)」
lee兩父女ｄ說話都幾廢ga bor。
「hello everybody！」minoru一野擒上sofa，不過冇人理過佢，akira同kame好似兩尊活佛咁坐左o係度。
「咩料呀你地？（通佢地睇我唔到？冇“奶”由ga！）」minoru開始扯佢地d頭髮，
「妖∼咪搞啦你！」齊得佢地丫。
「老豆∼你個妹同表弟“恰”我呀∼∼！」扮野啦你！！
「（死人頭丫，唔理我！）喂！你地兩個呀．．」
「．．．」minoru開始發現佢地有d唔妥喇，
「（平日淨係akira係咁啫，今日連隻龜都係咁，why？）電視做緊咩呀兩位？」個問題都幾無聊下，不過．．．
「．．下？唔知呀！」咁樣就證明左
佢地根本唔係睇緊電視，
minoru行動升級，「今朝番學見到某人呀？」akira塊面當堂紅哂，
「咁你呢？發姣呀？」kame ge表情都出賣左佢自己。
「食飯喇！」二階堂太好唔通氣咁拎左 dinner出黎，
「．．今餐食咩呀？」兩個人好快咁轉左channel埋檯食飯。
+++++
「老婆，lee碟咩黎ga？烏卒卒ge∼」satoru”渣”住對筷子摷下摷下，三個細ge都get到二階堂太塊面多左幾間，akira重鬆左富一下”爭”tim！
「咳．．」
「和也，你肺癆呀？」仝人激暈。
「．．老婆呀．．你重未答我喎！」
「垃圾黎ga！」二階堂太極速拎走左碟菜(？)入廚房，
「你死喇！」三個篤住satoru黎鬧。
「．．．」二階堂太一出黎佢地即刻收哂口。
「唔．．最近讀書讀成點呀？」satoru都未執完個“爛攤子”又轉topic，
「ok la！(好肚餓呀！咪煩啦！)」kame好似生積咁，不停挾野食，
「讀好d呀你！你唔細ga喇∼人地表叔都做埋．．」表叔？乜唔係表哥咩？（kame：你估我想ga？o岩o岩做人表叔果陣我連尿片都未識換呀！！！）
「嘻嘻．．．」akira & minoruo係度狂笑。satoruge“訓話”係每餐飯ge重頭戲黎ga！
「笑咩呀你兩個．．都唔明亞媽同姑姑諗乜．．咁老仲生你地出黎（生都算喇∼但係點解要留番比我揍？）」lee個家庭真複雜！！！
話說十八年前，satoru結婚冇耐，屋企就遭逢巨變───二階堂兩老（都唔係好老啫，男ge50，女ge．．48之嘛∼）竟然搞出人命，唉∼試問做左27年孻仔，受盡萬千寵愛ge
satoru又點受得住丫∼（satoru：lee d係我ge心聲黎ga！！）
做左人亞哥兩年幾，satoru心情總算好番dge時候，結左婚Ｎ年ge姑姑大人（即係龜梨太）又玩有喜，好似鬥生咁！！
不過，好彩ge係∼事隔冇幾耐，satoru老婆都生左個湊熱鬧（satoru：乜講得我咁兒戲呀！！）
「．．妹，咁你又點呀！」個focus忽然落左o係akira身上，
「．．今日o岩o岩先放完假．．．」
「又係bor！」akira好巧妙咁避開左問題，kame忽然間覺自己好蠢（akira & minoru：擺明ga啦！）
+++++
「bye bye∼」akira同kame晚晚黐完餐之後都有咁快得咁快走人，名義上話“月黑風高”實際上佢地係唔想俾satoru扯住，
「．．仲咁早，去邊好？」幾押韻喎，
「．．不如去．．．」akira未講完kame塊面已經青哂，
「．．細路∼你都係番歸啦！」橫掂都冇話要帶你去∼
「早d返呀！！（我驚ga！）」奸計得逞，akira笑住咁目送kame離開。
+++++
到底akira去邊，
kame又點解咁驚呢？
To be continue．．．