帝京高中　後樓梯

jun：「你想點呀．．」

kame：「厄厄∼∼」奸笑？！到底發生緊咩事？

jun：「我冇錢ga∼∼」

kame：「我知丫∼」全校都知ga啦∼汗

「咁你想．．想點呀？」唔係求財唔通．．．

「我知你諗咩ga．．你省省啦！」kame已經心有所屬。

「又．．又知？（難道我真係咁易俾人睇穿？？）」咪咁傻啦jun∼

「厄．．我地入正題啦∼泰國旅行．．你跟我！！」kame你幾時出黎行ga？

「我都冇錢去．．」彈珠機事件揚開之後就冇人再肯請jun做part-time。

「又係喎∼」kame沉思左一陣，「包食、包住、包玩，事成之後．．仲俾份part-time你∼」好優厚ge條件∼！

「．．要做d咩ga？」jun心諗：好野幾時輪到我丫，都係問清楚好d！

「．．我去邊你去邊咁啦∼」kame支支吾吾，背後實有陰謀。

「咁即係跟班啦！ ．．成交∼（唔駛錢，重有得玩∼正！）」jun∼∼你d志氣去左邊呀∼∼汗

kame：「．．你出去先∼」為免引有關人士ge疑心，kame決定利用前後腳戰術。

jun走左一陣， kame就自以為不知鬼不覺o係後樓梯行返出黎．．

「hi∼（撥頭髮）」估唔到會o係咁唔適當ge時間見到夢中情人，kame諗唔切pose，只好”求其”挨住個儲物櫃。

「厄∼∼hi∼」夢中情人俾kame d怪行嚇親，急急腳離開。

「bye∼」kame一於少理，繼續扮型，笑住目送意中人ge離去。

一切都似乎在佢掌握中、掌握中！ （請以周星星《唐伯虎點秋香》節奏唸出）

+++++

那邊廂

tsuki：「yukihiro sir，早晨！！」好明顯又到左趕稿ge日子。邪流丸深受讀者愛戴，一期都不能少！

「hi∼」nino都黎左保健室喎∼佢又黎跟yukihiro學藝喇。話說yukihiro因為受唔住nino苦苦相逼，只好將佢納入門下。之但係後來佢又發現nino原來都幾聽話ga bor∼（yukihiro：我終於有傳人喇∼∼∼*氣聲）

「hi。」tsuki打完招呼就一支箭坐埋位處理公務。

大部份時間佢地都互當透明。直到．．．

「搞掂！」tsuki終於打完篇千字文。

yukihiro：「nino，你而家再彈一次啦∼」

「彈得不俗∼」tsuki打從心底讚嘆出黎。其實之前nino一直都彈緊，只不過d人聽唔入腦之嘛∼

「喂．．你．．」tsuki伸左個頭出布簾，電光火石間，四目交投（yukihiro聽聽下舒服到訓左，略去不計∼汗）

「．．你望我呀？」tsuki難為情地帶返起頭先完野一度除低左ge眼鏡，

「你．．唔戴眼鏡好睇好多．．」nino回味緊剛才ge一瞬間。原來眼前ge四眼妹就係佢要搵ge人。果然踏破鐵鞋無覓處∼∼哈

「really？」記者ge本能令tsuki對nino ge說話半信半疑。

「信我。」nino施展十萬w電力。不過tsuki副眼鏡實在太厚，冇反應。

「．．好矇呀∼」大近視tsuki多年來眼鏡不離身，除低眼鏡ge佢一味靠耍。

「．．小心呀∼」nino o係tsuki耍中一樽樽五顏六色ge藥水之前出手阻止，並且將tsuki雙手”撥亂反正”過來。

「．．你塊面好尖∼真係好似老鼠呀∼∼哈哈」tsuki當nino好似公仔咁搓，仲踩埋nino ge死穴，不過nino都冇反抗ge餘地喇∼∼厄∼∼

「．．．（睇睇下又幾靚喎∼）」連浪子nino都面紅∼賣相女王tsuki果然並非浪得虛名。

「．．你讚我呀？（面紅+心跳+停手）」一直以來tsuki都朝著傳媒天后ge寶座奮鬥，因而忽略左好多點綴人生ge野。

「．．（做我女友好唔好？）」既然出唔出聲都聽到，nino索性用傳心術。原來浪子都有怕醜ge時候。

tsuki集中精神望清楚nino，「．．嗯∼」

於是，又一對情侶誕生喇∼！

+++++

天字一號二階堂宅

鏡頭轉到黎lee度，可想而知又到左食飯時間∼汗

satoru：「．．．（發生咩事？？）」

「．．（唔知．．我而家好感動！）」厄∼∼二階堂太入廚二十五年第一次有人為佢煮ge野而”大打出手”。

「．．唔准挾！！」　「．．我就挾俾你睇∼！」

事實上minoru&kame兩位一d都唔似賞識緊二階堂太ge廚藝，佢地筷子來筷子往，碟上ge菜都跌哂落地。

突然，minoru+kame：「．．摷咩呀你∼∼」satoru只好迅速地收返對筷子、低頭，然後狂爬白飯。

又過左三秒

「．．江湖事江湖了斷，唔好嚇親d老人家∼」跟住佢地兩個就放低筷子各自o係飯檯底拎出一個大紙盒並以閃電速度交換。d老人家唔嚇親就假∼

kame睇完minoru俾佢個紙盒：「我隻等身pooh呢∼∼」

minoru：「．．佢o係一個好安全ge地方。」安全ge地方即係佢自己間房。

「俾返我∼！」　「膝頭對上就係比∼！」

「哼．．表哥表嫂∼我走喇。」

「．．」估唔到冇事發生喎∼汗

有暗湧！

+++++

話都冇咁快就到左學校旅行ge大日子

萬里無雲ge千尺高空，minoru「呼…．呼∼∼∼∼」正在呼呼大睡∼汗

忽然

「．．咩事呀∼∼（捽眼+打喊路）」minoru俾幾下強烈震動驚醒左。

「．．侏．．侏羅紀？！」位前面ge電視正放映緊陳年鉅片“侏羅紀公園”，好一幕暴龍夜襲四驅車！！

「3D立體影院？？」minoru臨訓前飲剩ge半杯橙汁竟然隨住劇情ge發展而震動----泛起陣陣漣漪∼汗

minoru心諗：豪華機真係豪華d∼∼∼∼

「搞錯呀∼！！」坐o係minoru後面ge tsuki都比震動影響左工作ge情緒。

　

唔夠兩秒，minoru前後三行一共五位女子向住同一方向一致地：「嘔∼∼∼∼∼∼」

『砰』、『砰』．．．真相比侏羅紀隻暴龍更恐怖∼！

空姐甲：「小．．小姐，咁樣唔ｏ岩規矩ga喎∼」

「I ‘m the law∼！！哇∼∼∼（咆哮？！）」goto洗劫完架餐車之後，完全唔理果位空姐ge感受，大搖大擺咁行番埋位（難怪架機震得咁緊要啦∼∼）

「．．你lo哂d野食．．咁其他搭客咪冇野食．． lo．．（無言）」空姐眼白白咁睇住goto同三大姣花將包裝得十分精美ge常餐、特餐同埋快餐全部食哂。

「．．唔緊要∼∼∼」機艙突然傳出一把正義ge聲音，「．．其他人見到佢地都唔駛食野ga喇∼！！」

「講得好∼！！」果位空姐勁笑，俾goto等妖人 bear到行一行，「你地．．慢用∼」然後好似風咁消失左。

lee個時候

聽到正義之聲ge jun：「．．俠女都上左機？」佢仍舊念念不忘o係機舖出口相助，令佢重拾自尊ge謎樣女子。

+++++

「Go！ Go！ Go！ 」minoru到步後第一件事就係去toilet。

「哇∼∼∼」有個披頭散髮ge濕身女子從toilet狼狽地衝出黎，minoru一個閃身就避開左佢。（編按：都係果句---好身手∼！！）

「泰國真係多怪人∼∼厄∼∼∼」出面大堂正在有幾個唔知係何方神聖ge人跳緊d富有特色到近乎騎呢ge舞蹈黎歡迎帝京仝人∼汗（minoru：所以我咪入廁所lo∼！）

「．．咦∼∼而家d廁所人衣著咁光鮮ge？？」minoru口中ge廁所人即係o係負責清潔廁所ge人∼汗　佢推門而入就見到一個身穿Burberry ge女子 正o係度處理緊堆垃圾。

「дロ∼！」廁所人居然以純正日本腔鬧minoru，

minoru：「你係誰？」

廁所人不滿地：「搞錯呀你？連我都唔認得∼∼」

「akira？？」

「咪係我之嘛∼」akira轉身想黎個big-hug之際．．．

「．．冇見一排，你唔係淪落到lee個地步ar fa？」
聽到minoru咁講，akira即場跌低左 -____-|||

「．．你睇下∼∼」akira奸笑住叫minoru睇下佢頭先搞緊ge一袋垃圾。

「厄∼∼∼」垃圾袋入面有幾對大小各異款式一樣ge波鞋。

minoru∼汗：「你都好得喎∼」

「．．忍唔住丫嘛∼！！」akira由某日開始一見到有女人著住對指定型號ge粉紅波鞋就會狂性大發，解救辦法就係除左對鞋落黎任由佢處置∼汗上加汗

minoru好自然咁將兩件事聯繫起來：「．．頭先個女人．．厄∼你係唔係．．」

「Bingo！」akira高舉勝利手勢。

突然，minoru諗起番d野：「．．um．．其實呢．．り．．」佢想講乜野？？

akira唔耐煩但係又要知：「講啦講啦∼」

minoru決定以生平最快ge速度將遺忘已久ge秘密講出黎：
「．．其實．．aiba冇拍拖ga∼！對粉紅波鞋佢細佬著緊！！！仲有證據顯示佢有少少鍾意你！！」

akira：「下下下∼∼∼∼∼∼∼（超高音）．．你講多次∼∼∼∼（勁興奮）」

+++++

「好掛住你地呀∼∼∼∼∼」一班女子o係入境大堂重逢，照例又黎個big-hug。

「．．lee位人兄∼貴性呀？好似唔識你ga bor∼！」打算攬埋一份ge yara俾minoru制服左。

「乜．．乜你未話俾佢地知我地ge關係咩？」yara用怨恨ge目光望住akira，在場人士又用d懷疑ge眼光望住佢地。

「り．．（完全唔記得有件咁ge事∼）yara係我new zealand 果邊ge管家∼！我地冇野ga∼！．．其餘三個就係yara d 死黨！」好明顯第二句係特登講俾某人聽ge！

「哦哦∼」好似冇人信喎∼ >____<

「．．」akira幾經辛苦突破茫茫人海，終於搵到aiba喇！不過．．．

「．．．（怒）」akira忽然目露兇光，眾人嚇一驚之餘亦不忘將視線同akira ge重疊∼

「厄∼∼」aiba隔離多左個人ge？大家心知不妙，極速散開。

aiba feel到來自akira身上ge一股殺氣，開口：「hi。」

akira依然一粒聲都冇出，只係怒bear 翹實aiba 隻手ge赤腳女子。

「．．點解aiba會同果隻野ga？」全場竊竊私語。

說時遲那時快minoru亦移動去aiba個老死nino度問個明白。「aiba幾時同左anne ga？」眾所周知anne係四大姣花ge要員。

「o岩o岩卦∼」nino對於眼前ge景象都不能置信。佢ge記憶定格o係冇幾耐之前，果時佢同aiba企得好好地，突然俾人以十萬噸衝力撞開左。定神之後，就係而家咁喇∼！

「yuichi！！」akira終於開口喇！不過佢一開口就叫另外個男子都可謂意料之外。

「咩．．咩事∼」yuichi o係群眾壓力下出左去做”架倆”。

「我地走∼」akira有樣學樣翹實yuichi。仝人目瞪口呆。

+++++

酒店

「半個鐘頭之後o係番大堂集合。解散！」大家分配好房間鎖匙就各自上房喇。

ringo：「akira，你又係住lee度ga？」ringo全名味吉林檎，tsuki同班老友，今集初登場！

「當然∼我地d做過research ga嘛∼！！」做research絕對係akira ge強項。

tsuki：「不如你入埋新聞部丫∼」tsuki旅行同時亦不忘為新聞部招兵買馬。

「到喇喎。」akira側側膊行出lift。

minoru：「喂，你住幾樓呀？」

「高你地兩層。」akira同yara等人比帝京仝人早一日黎到泰國。

「咪即係同亞邊個一層lo∼∼」hana講到爆大聲，荒死冇人聽到。

「關我咩．． 厄∼∼∼」隔離部lift咁o岩開左， akira同裡面彈出黎ge人撞到正∼akira抬頭一望，又迅低頭，退後。估到係邊個啦各位∼∼

hana：「乜咁o岩呀∼你好似唔係lee層ga bor∼∼」

aiba尷尬地：「你地好。」其實佢係俾lift入面ge人推出黎ge。

lift入面共有四名嫌疑犯，分別係aiba個老死nino、崇拜nino ge kame、kame個老死傻jin同埋俾kame包起ge jun：「hi∼」

「．．間房好似o係果邊喎∼∼」眾女子掂行掂過，完全無視班男人ge存在。

「．．你都好似唔係lee層ga bor∼∼」hana+kachiyo聯手推左akira入lift，

「咦∼∼junno佢地好似住lee層喎∼∼∼」　「我地去探下佢地lo∼aiba你上去先啦∼∼」閒雜人等亦識做地讓出部lift。

『叮∼』lift門關上，各位任務完成。

「哼∼」　「超！」馬上又回復對峙局面。一幫向左走，另一幫向右走。

「厄∼∼」最後又o係走廊盡頭撞番∼無聊！

「早知o係佢地對面．．就唔駛兜咁大個圈啦∼」jun 勁細聲同nino & jin講，

「士可殺不可辱。我唔會跟住班女人行ga∼！」講出事實真相ge jun俾kame bear到行一行。

「咁叻就唔好黎泰國、唔好去我屋企黐餐丫笨∼∼∼」minoru 說話擲地有聲，佔盡上風，

『砰！』
minoru閂埋房門之後，kame仍然呆呆地企o係原地。

「．．寄人籬下，係難受d ga喇∼我地一齊加油啦！」身同感受ge jun上前安慰kame，仲句句踩中要害。

「．．再出聲就賣你落人妖吧。」唔止jun，連其他人都唔敢再出聲。

『叮噹！』

『唰∼』房門半開，一手纖纖玉手出現o係大家眼前，

「．．．」kame與玉手ge主人四目交投，

nino大聲地：「阻街呀∼！」
kame再度化身成石像堵塞門口。

「唔該借借。」出名好脾氣ge aiba亦忍唔住出聲，

「哎呀！」傻jin想學nino同aiba攝位入房，結果”cake”住左∼汗

「有冇事呀你？」　「扶佢入去坐啦．．唔好理佢地兩個喇∼」

yuichi等人應聲趕到，救出傻jin。

kame腦海空白一片，只能講聲「hi。」

yamapi：「．．hi．．（怪人！）」

「．．我．．り．． 其實我．．um．．留意左你好耐．．我地可唔可以．．り．．（面紅）」勢估唔到kame個夢中情人ge居然係yamapi∼∼∼∼

天呀∼∼∼

係人都知．．．．．

「．．我係男人黎ga！！！」yamapi塊面紅哂、鼓起泡腮，向kame發出嚴正聲明。

kame：「．．．（男人？！）」（編按：請幻想成蠟筆小新式火山爆發∼汗）

+++++

 

to be continue．．．

　

編者的話：

下回不知又何時∼∼∼汗