Baker's Sec. Sch

 Carmen--- 中二時識佢, 初初都唔係咁熟, 煮煮吓先開始熟, 真吔...我哋家政堂係同一組, 跟住經常一齊煮嘢食, 煮得耐埋熟囉!! 唔知幾時開始我哋鍾意咗"煲粥", 跟住我哋就熟到爛啦...嘻嘻...我哋既關係就係咁開始啦~~

  佢真係我一個好好好嘅朋友, 計吓計吓, 我哋都差唔多識咗十年啦...一齊都經歷咗唔少嘢...雖然大多數都只係一啲好無謂嘅感情問題 (而家大個咗啦, 開始發覺以前所煩嘅都係好無謂, 因為而家有更多更煩嘅嘢!) 不過, 中學時代係咁啦, "戀愛大過天"~ 但係都係呢啲經歷, 令我哋有更多話題, 更加認識對方啦~我真係好掛住O個陣嘅日子....

  雖然我而家我喺澳洲, 但係我哋一直都保持聯絡, 我有時得閒無嘢做, 或者有咩事, 我都會打俾佢, 跟住就傾好耐.有時我哋仲會寫信, 不過, 佢話我寫得少喎...只係佢寫得多啫~ 但係我真係好鍾意佢寫信俾我, 因為好多張紙...嘻嘻~佢真係一個好好嘅傾訴對象, 可能因為咁, 所以佢人緣都幾好, 都幾多人追...不過, 只係無一個啱啫~ 不過佢條件咁好, 我諗佢一定搵到個最好嘅^.^

  布琳--- 都係中二時識嘅, 不過係喺中四先開始熟, 同埋黎浩欣佢哋成班一齊食飯, 跟住慢慢先開始熟落~ 初初未同佢熟O個陣, 覺得佢係一個她好串但都幾靚, 又超級白嘅女仔, 雖然你都話覺得我好串, 仲話想搵人打我(死婆呀!) 不過熟咗後, 大家先知道大家諗嘅都係錯嘅~ 而家我哋咪係好好嘅朋友囉~

 最奇怪係唔知時開始佢同我同嘉雯變咗三人行, 成日一齊行街食飯唱K, 可能係三個人遭遇都差唔多, 三個都係處女座嘅關係, 所以先咁投契啦~

 我覺得佢係一個成日諗嘢諗埋一邊, 太多想像嘅人, 不過, 我知佢而家變咗好多啦, 起碼做嘢呀, 食嘢, 行路都無以前咁慢啦~嘻嘻~  我有時會覺得自己好衰啦, 過咗澳洲後, 都好少搵佢, 佢有啲咩, 我都唔知, 我唔想因為咁而令大家嘅距離遠咗, 佢係一個好重要嘅朋友...我好掛住我哋三人行嘅日子呢~

  Cat--- 佢係我重讀中五, 透過亞Greg而認識嘅, 佢呀, 電腦人啦, 其實佢知我嘅嘢唔係好多, 而我都唔係知佢好多嘢...都唔知點解我哋會走埋一齊, 都唔記得幾時開始兩個人一齊出街啦.

 佢係一個幾有主見嘅女仔, 幾有性格, 某程度上都有啲似我阿妹, 可能因為咁, 所以我哋就走埋一齊啦~ 過澳洲讀書, 都係佢提議我嘅, 但係最終我哋都無同埋一個地方讀, 佢去咗Brisbane, , 不過都好嘅, 我放假咪可以去佢度玩, 又近Gold coast, 正啦..嘻~其實我都有啲想轉,但係算啦, 太煩啦~

  阿清--- 又一個喺澳洲讀書嘅人, 其實我同Cat同佢係一齊過澳洲, 但係去咗三個唔同嘅地方, 佢就喺Melbourne. 其實我中一就識佢, 但係唔熟囉~ 反而係佢識咗Cat後, 我哋先有點嘢講, 跟住直到大家打算一齊去澳洲, 先再熟啲啲啦~~而家佢又同嘉雯咁好朋友, 可能第日番到香港又會唔同啦~

  巢皮--- 中三同班嘅, 我記得佢好似係坐我前一個位, 而又係單行, 所以咪開始同佢講嘢, 咪熟囉~ 其實我覺得佢好好人, 但係佢好似有點變咗, 喺佢做咗嘢之後, 把口衰咗啲啦~嘻~~不過, 出咗去做嘢, 接觸嘅人多咗, 唔同咗, 人就會變, 我都唔否認自己無變~ 但係唯一無變嘅我哋始終係朋友,雖然少聯絡, 但我都唔會唔記得佢嘅~~

  黎浩欣--- 都係中三同班, 但係係至中四先開始熟落,到咗中五嘅幾時開始, 我哋就變得好鬼死friend, 成日一齊周圍去, 但係自從佢去咗演藝讀後, 我哋就少咗聯絡, 因為佢又要跳舞, 又要教琴同教舞, 仲要表演, 所以都好少出街, 佢真係好多材多藝~~我真係好耐無見過佢, 其實過澳洲前諗住一齊出去食飯, 但係因為就唔到時間而取消, 希望第日仲有機會啦~

  Money--- 曾經係好好好嘅朋友, 但係無見好耐, 有時會諗起佢, 諗吓佢而家生活得點, 好想知道佢嘅近況, 但係無啦, 無辦法搵到佢...佢係一個好容易傾得埋嘅女仔, 所以我覺得o個陣同佢有佢傾唔完嘅話題....但係 一切都過去啦....我希望佢而家過得開開心心啦~亦希望大家仲有機會再見啦.

WHF Sec. Sch.

Whole family in WHF.....8 girls are in the front la~~

 3 個女仔, 一個墟, 咁 8 個嘅話, 又會係咩呢??

Kitty--- 一個天生鬈髮嘅細細粒~~細我一日, 但係size就差一大節~係8 個中女仔中, 最細小嘅一個...亦係最自信嘅一個, 學生會主席喎, 真係唔少嘢呢~~我同佢啦, 好好好啦~~可能又係處女座嘅關係啦~不過,我哋嘅性格係好唔同!!諗番起F.6 & 7嘅日子~好令人懷念~好掛住佢啦~嗰陣一齊食飯,放學, 去街~好開心, 連返學都好似去遊樂場咁, 佢講嘅~不過係真嘅~嗰兩年預科生活真係過得好輕鬆~係我中學生涯最開心嘅兩年~我覺得自己自從喺呢間學校讀書後, 性格都有啲變咗~ 人都開朗咗, 可能接觸得佢多啦~

  佢係一個幾容易同人搭上關係嘅,人( 話你交際能力強啦~) 永遠不愁無朋友~ 性格開朗,幾好啦~  佢而家喺教育學院讀緊音樂, 雖然佢話唔係咁多人看好, 其實我都係, 因為始終係新手, 不過見佢而家好努力咁去學, 仲自信心爆棚嗰隻~我諗佢會一定成功嘅...佢做咁多嘢, 一定會有好好嘅回報!!!永遠支持佢啦~

  Zoe--- 籃球隊隊長, 幾高大威猛~不過, 只係一個大細路, 最鍾意同細路玩, 呃呃氹氹啦...哈哈~ 不過, 佢真係都幾識氹人嘅~同佢一齊都幾開心嘅...好似永遠長唔大咁(咁大個仲孭住個太陽島幼稚園書包~嘻) 所以我好多時會打電話俾佢, 因為佢係較得閒嘅一個~~^__^"~~唔係, 佢仲係一個幾好嘅傾訴對象, 識氹人, 同佢傾完, 我真係會開心啲~ 其實, 我真係幾羨慕佢, 可以寓工作於娛樂.  不過, 我知佢好想做中學PE教師, 我都覺得佢幾適合, 但唔係話做就一定做到, 如果真係無辦法嘅話, 唯有放開啲啦, 但無論如何, 我都祝佢好運啦~~ 我都希望佢可以做到佢想做嘅, 我會為佢祈禱~@.@~

 Poling--- 一個好有領導能力, 好識照顧人嘅女仔, 都幾照顧我~好好人, 成日都好幫我~好鍾意佢呀~~嘻嘻, 同佢一齊真係好有安全感, 唔怕俾人"蝦 ">.<.....仲有呀, 佢係一個打壁球嘅高手, 好犀利呢@.@ 而家佢喺破產管理局做會計, 跟住又要幫人補習, 自己又要番學, 好辛苦~小心捱壞啦~真叫人擔心呢! 不過, 佢真係好勁...樣樣都靠自己, 唔靠屋企, 好叻呀!!!我有時都會打俾佢傾吓, 問吓佢啲近況啦~ 不過同佢傾吓, 可以知道好多嘢~佢好神通廣大咁喎, 樣樣都知, 同佢一齊, 一定唔會蝕啦, 咪點做學生會財政呀~~ 哈!

 Iris--- 百佳怡啦, 成日傻吓傻吓咁啦, 但係做起嘢嘅時候, 都幾認真, 幾有辦事能力, 真係唔少嘢呢~ 雖然佢成日攪出好多笑話, 但係都係因為佢我哋先有更多歡樂^.^...佢真好鬼單純(唔通係因為喺女校出嘅就係咁??!!, 唔係啩, 佢係例外啫~), 成日俾我哋玩, 又唔嬲, 真係傻得可愛~嘻嘻~ 但係真係好驚佢俾人呃,!! 佢真係一個好容易相處嘅人, 可能因為佢無咩機心, 同佢一齊無咩壓力啩~~

 Jessie--- 一個幾瘦嘅女仔, 個人好率直, 成日有嗰句講嗰句,唔....有好有唔好啦~~都幾勤力讀書, 我諗算係8個女仔中, 最勤力嘅一個啦~^__^"佢而家喺city讀緊副學士,就快畢業啦^.^畢業都唔駛憂啦,嘻嘻~有人養啦!! 講笑啦, 不過, 佢而家真係有哂少奶奶咁嘅款喎!! 我諗佢係CaCa之後, 似係會最快結婚嘅一個啦!! 不過, 唔好唔記得請埋我啦, 就算我喺澳洲, 都會番嚟飲你嗰餐嘅~~你而家實係話緊我發神經啦....哈哈~~

 Greg--- 一個好傻氣嘅女仔(當然唔同百佳怡嗰隻啦), 同我一齊轉嚟呢間學校嘅, 我哋係中三嗰陣識, 同埋Money係好好嘅三姊妹...嗰陣雖然成日見, 但係都好鍾意寫信嚟互通消息, 好傻, 但係好開心, 除咗F.6 & 7外, F.3就係另一年過得最開心啦^.^.....雖然呢啲己成過去, 但係真係好好嘅回憶, 好多時都會諗番起, 尢其喺澳洲呢度, 離開咗一度, 就會更加諗番嗰度嘅嘢~~有時會覺得好可惜, 覺得自己做錯好多嘢, 點解嗰陣唔平心靜氣咁諗吓呢~~不過算啦, 過去就過去啦, 況且而家都幾好呀, 大家都有各自嘅生活, 佢都搵到一個好好嘅歸宿啦....阿John....( 真係好頂你哋唔順啦.~情侶妝~Help la~)而大家都仲係朋友, 都仲會一齊出吓嚟, 幾好啦~祝佢幸福啦 ( 不過都已經寫哂喺塊面度啦@.@)!!!!

 CaCa--- 幸福少奶奶啦, 有人養, 仲有工返, 兩樣最難搵嘅嘢都有齊啦, 唔駛憂啦~~初初識佢, 唔係咁討人歡心, 串串哋咁, 不過熟咗就唔同啦, 佢好玩得, 仲係一個有問必答嘅女仔啦~~哈哈!!仲好詳盡嗰隻~嘻, 總之, 豪女一個啦~ 最鍾意蒲, 係落pub落b嘅最佳人選. 不過, 佢自從做咗嘢之後, 已經少咗蒲啦 ( 佢話嘅...)~~人都成熟咗啦, 識諗咗啦, 咪幾好囉^.^

 小炳--- 又高又瘦, 同Kitty有住親密關係嘅男仔...嘻嘻~~^.^' 最鍾意對住部電腦, 打機啦...有好多戰友, 哈哈~~ 我係完全無呢方面嘅天份, 所以, 我都唔明有咩好玩... 佢仲係一個幾難以捉摸嘅人, 對我嚟講啫~~ 可能我覺得佢份人較保守啦...所以, 好難知佢諗咩~~ 不過, Kitty知就得啦, 哈哈~

 姚記--- 呢班男仔中, 算係最friend嘅一個, 可能佢成日幫我整電腦啦( 真係好唔好意思, 有時佢好唔得閒都搵佢, 就算嚟到澳洲, 都仲要佢幫我啲屋企人, 真係sorry sorry la........)我有時都會打俾佢傾吓~~ 不過, 佢成日都有好多問題, 好多唔開心, 但係都唔識點安慰佢, 只可以做一個聆聽者啦~唉~只希望佢可以放開啲啦, 希望唔好嘅嘢都可以快啲離佢而去啦~~~ god bless him @@

 小明--- 見到佢就會諗起小丒, 其實我係覺得佢份人好攪笑啫( 尢其係醉咗嗰陣, 就會失控啦!!!), 可以俾到人幾多歡樂. 其實我覺得佢仲係一個幾好傾嘅人, 姚記最啱搵佢嘞, 佢幾識安慰人, 雖然唔係一定可以決解問題, 但係我覺得佢都好似Poling咁, 識得好多同知道好多嘢, 所以諗嘢都係多方面, 俾嘅意見都多啲, 同埋有道理啲啦~~

 阿魁--- 佢同小明好friend, 經常出雙入對, 嘻嘻~~有時仲同埋姚記三人行嘅@.@...不過, 三個男仔之中, 我較少同佢接觸, 可能佢較少講嘢啩~

 Wing--- 佢喺city讀緊副學士, 我諗佢都係差唔多畢業啦, 雖然較少同佢接觸, 但係佢人都唔錯嘅~~Road to be Engineer~幾有大志啦!!!

 Mark--- 又係一個印尼華僑, 但係識中文嘅, 不過, 佢個人怪怪哋, 可能少見, 唔係咁知佢做咩啦~ 但係個人都幾好, 只係有時太認真啦~~

 阿朱--- 一個好好嘅乖仔, 好顧家, 好照顧屋企人, 都係一個好好嘅朋友啦~雖然, 佢成日話自己無咩朋友, 但係我覺得唔係嘅, 其實度度都可以搵到朋友, 只係在乎你有無心嘅啫, 一個人唔會連一個朋友都無嘅 ( 起碼, 我係其中一個啩^__^"), 所以, 我覺得佢會喺加拿大 (佢啱啱去咗嗰邊學廚呀~) 會搵到更多新朋友嘅~~加油呀!!!學廚多啲嘢, 跟住教我啦, 嘻~

 阿賓--- 另一個會幫我整電腦嘅人啦~( thank you thank you), 而家準備緊A-level, 希望佢會攞到好成績啦~~其實都好耐無見過佢啦...唔知而家點啦~~希望下次番HK時, 會有機會見啦!!

others

 Justine--- 小學同學, 仲係第一個小學裡面嘅好朋友, 我第一日返學嘅小息就係同佢一齊渡過, 佢仲請我飲嘢~~不過佢五年班嗰陣就過咗嚟柏斯, 我哋斷斷續續都有寫吓信, 聯絡吓嘅~^___^"( 因為我太懶寫信啦~嘻嘻~~) 最初我嚟到柏斯讀書, 都係有佢同佢屋企人接應我咋, thank you thank you la~~^.^ 佢媽咪煮啲嘢都幾好食, hee~@.@

 Shan--- 都係小學同學, 其實小學畢業後都無咩聯絡, 但係唔知幾時開始, 我哋仲一齊出街, 跟住佢就去咗英國讀書, 但係讀咗一陣就返番香港, 之後就去咗墨爾本讀嘞...我哋間中都有傾吓電話嘅~~