===My Friends===

等我介紹我的朋友.....我唔係扮<野蠻師姐>唔好以為我死左~~~~ 啦~~~~排名不分先後ga~~~~~

當然~~~Sharki 幫我整hp，就介紹佢先la．

Sharki Hui，又名Sharkcat，又叫鯊魚貓．

當我第一次聽到個名時,我只係幻想到一隻貓頭鯊身o既野, 個頭狂想咬條尾. 但係亦想像左, 鯊頭貓身, 個頭又係咁想咬條尾. 真令人無奈.

我地係中四識o既，共渡兩年，只是恨相逢恨晚矣．佢係超超搞笑，超超可愛o既． 不過識，雖然個人冇個名咁矛盾，不過亦都係咁奇怪~~~不過亦勁可愛~~~Sharki 隻手係勁soft，好似冇骨咁．佢熱愛Kutar，兔仔，家中o既熊仔，而且又非常喜歡Park Ji Yoon，佢亦熱愛韓語．只是近日佢對潘瑋柏多左，變左非常投入台灣娛樂，連台灣注音都認識了不少！我同Sharki 一起，就一定係狂笑的~ 好像第一次一起狂笑是因為動力火車(注： 一出名嘔心台灣組合)．佢最恐懼的是一些由數字組成的台灣組合！佢正常黎講都係笑梗o既, 有時我講起嘔心野佢會扮聽唔到，呵呵，我最喜歡狂重複到佢感到無奈為至． 佢o既特點就係，我未見過佢唔開心，而且未見過佢食野慢過我或食唔哂．佢係我創作o既超級fans，無論由蛙詞，日記，故事，佢都非常支持．抵鍚極了~

P.S: 我有蛙詞及半個的故事正在其網頁上連載中~支持一下~~~

Alison Wong--Sting

中二時認識的， 注定我要"中二" 佢一生一世了~~ 我同Alison只係短短半年書友， 不過因為OM而加深認識．大家可能以為Alison好斯文正經，不過其實當我地兩個一行埋一齊，就真係有幾nasty就幾nasty．同樣，我地一齊o既時光就只有歡笑啦~~~記得因為Alison是出名冇common sense 的，有一次我想整估佢，問左個有關pisa tower o既問題，結果對我地而言pisa就有左一d 好深層o既意思...而我地兩個都好pisa.而個問題係咩？而pisa 又係點解？係我地倆個o既秘密．同樣又係OM，我地共渡左好多時光，有一齊食大腳板， 一齊lunch食左一盒雪糕， 一齊飲可樂再演變出s 樂，skuen，sting 得專業名詞．一齊o既日子係勁開心ga~~~亦都好開心，好多時候可以一齊傾下心事~~中五果時佢走左去英國識靚仔唔預我~~~哼~~不過好在佢每幾個月就返黎探下我~~抵鍚~~(每次見到可以見到Alison係進化梗去超級美女)．

戴子--大便, 大件, 屎屎

小學唔知幾年級識，咁就n 年朋友．當然~~~我地唔係同一中學，見面又少，傾計又少．不過感情都仲係咁好．雖然佢識多左好多fds，不過我都係la~~但係次次有機會出黎依然勁開心~~~戴子係個超級美女，呢個我小學已經係咁覺得．不過佢就成個男仔頭咁，到今時今日，終於大個女，女大十八"便"，今時今日佢話以後都唔著tee．不過點都估唔到佢咁早就拍拖，雖然佢感情方面有起有落，都好開心佢會同我傾，雖然我幫唔到手，不過感到好開心ga~ 戴子超級迷公仔，近日迷monchichi，我一見到就驚．大概所有我驚o既野佢都鍾意-__- 戴子同我出街時又係狂笑~~有時諗返我估我一生人有70%都笑梗~10% sleeping，20%呆．P.S： 祝戴子早日同周sisi拉埋天窗，早日生d 周天天，周使使．(-__- 大學畢業搵埋工先好啊....)