"私"日記
18/9
幾日無寫日幾了，超累！！身和心都很累，雖然又唔係病得好嚴重，但日日搞個班一仔都心力交瘁，好像每個星期都會新發現多一兩個有問題的學生，仲要個個的問題都好似好嚴重咁！班四仔其實都幾乖，但個兩三個會發顛，就咁影響晒成班同學；班五仔就逢過了第二個小息的堂就好似上身咁HIGH！放學時．．．．完全覺得自己只剩下一個軀殼，沒有靈魂的！睇怕留堂留小息的制度又要恢復，都未見過一年級一開學可以又唔帶書，又唔交功課，仲要好似係奉旨咁！把鬼火呀！
你問我做咩唔請三日假，如果我發燒我實請呀！可惜唔係呢！如果你話的神經病可以請三日咁我都發下神經啦！記住包埋青山三日遊的食宿費喎，唔係就你包我的！
今朝去看醫生足足呆等了一小時！放工時，終於輪到他們，都說是您傳比我架啦！連藥都一樣呀！
各位我明天搬家了，新居未有電話和上網設施．．．日記要暫停個零星期了
14/9
一早起身又看了陣筆記便收到重要的訊息
^^！果然是貴人呀，貴人出門考試又招風雨，吃愛心月餅早餐時狂風狂雨，還是搭的士去試場好了。在試場裡撞到一兩個以前教院的同學，也撞到上午校的同事。中午他來了陪我吃午飯，然後又等我考埋WRITING，真係好！考完我們去了太古看向左走向右走慶祝一下考了三張試卷，吃飯時收到媽媽發瘋電話，又係她叫我唔好過去，現在又問我仲咩唔過去，走去看戲，說我有N樣野未做，．．．．吊頸都可以透下氣掛．．．反正都做不完，人地今日先考完試輕鬆下都唔比。搞到我地睇完戲又要趕過去新屋到看，回家都成十一點幾，超累啦！
今日WRITING超難，死硬！
記住看醫生呀！我都唔想好似阿婆咁煩，但係見你病得咁辛苦我都唔想，唯有陪你咳下、個鼻鼻痕痕囉！
13/9
醒了又再訓，去到銅鑼灣又走巴士，差點遲到！做完彌撒又去了灣仔拿支票，立刻去銀行入埋，再去教協逛逛．．．等人放工食飯！哼，明知人地等他．．一個電話都無架！吃飯後在北角行了一陣便回家。夜晚依然沒有心機溫習！
12/9
訓到十點幾便等人吃完飯飯．．之後出去行了一陣，好勁呀！由筲箕灣行到太古．．累得不得了啦．．．晚上依然不想溫習呀！
11/9
中秋節快樂呀！！！
今日學生上五堂，我就有四堂，Ｄ時間過得幾快呀！最勞氣都是電腦堂，不過可能係大家都係第一次用新電腦室，實在太興奮啦！
去馬"安"山吃飯太遠啦！好累．．不如見下一Ｄ唔會累的人仲好啦！哈哈哈！我要去賞月啦！
祝大家今晚有個愉快的中秋節！
10/9
今朝痴線架！！一個真實到不得了的惡夢就咁將我從睡夢中整醒，仲要係係個夢入面頂唔住大叫，原來現實中我真係都係到大叫喎．．．好在間屋無人，唔係細妹一定打死我或者送我入青山都似．．點解會咁架！！！真係日有所思夜有所夢．．．或者這幾日對住班一一年級的壓力太大了．．．今日連常識科老師都問我有無留意到班入面的問題．．我只可以好無奈咁答她．．其實我地所有中英數的老師一早已留意到了，現在問題交給輔導社工去解決，現在還在觀察期，唯有等待又等待．．或者遲早解決埋我吧！噢！！
唉．．今日第一次係班五仔到試分組活動．．．結果．．．oh
no！
最開心都是等到放學時間．．．只因可以有個可以依靠的膞頭休息一下．．
真大頭蝦，唔記得帶個進度表返家，咁做咩呢！不過都仲可以做好大半個英文進度和打好默書紙了！
太好了！明天放四點呀！！！！
食藥呀！！！唔係Ｄ菌會越來越強，辛苦的係您自己，擔心的係我呀！
9/9
今日一早老師便來了補回上星期沒有上的課，一早起身仲呆頭呆腦喎！
好在返工時沒有受巴士按章工作影響，順順利利便回到學校。今日收四張通告加三十二元補充費，完全係比班一年級玩謝．．．足足用了一堂時間，仲要笨笨唔識交出來．．．．激死笨笨的班主任啦！放學和回家後都要勁打比D家長傾傾．．．放工時太累了，竟然去到銅鑼灣才訓著，結果過了站．．．
今晚他要放工後仲要去開會呀！唔制呀，真戥佢辛苦呀！要不要呵返呀？
8/9
昨晚太夜訓了，今早就出事了！先唔記得帶飯盒和雨傘，返到鴨「利」洲時，竟然唔記得按制下車，好在司機好似認得我係在這個站下車，立刻停車給我下車．．返到學校後明明想去倒杯水飲卻走了去洗手．．天呀！我係到做緊咩呀！完全未訓醒．．．
今日幾堂空堂明明預了要做好多東西，但最終只做了目標的一半，明天又要好好努力了！放學常識共同備課時仲係呆呆地．．都唔知今日搞邊科！
放工等巴士時，看到好正的月色，特別望多幾眼！突然聽到有人大哭．．．原來係我去年的一年級學生，唔知做咩激親媽咪了．．成條街的人都望住佢地，點知仲同我上同一架巴士，不過我坐樓上，她們坐樓下，下車時埋去打個招呼，個阿媽一見我就投訴，個女一見到我又哭過，原來是小朋友唔適應二年級的生活，覺得好多功課在家發疲氣．．．明天回去要跟進一下才可以啦！
等來等去都無電車呀！等了成三個字先上到車．．要他久等啦！今晚我們真係去了吉之島買月餅。不過回家時媽媽訓了覺啦．．．想比他表現下都唔得添！等下一次囉，仲有大把機會給你表現呀！咁幾時輪到我可以表現下呢？雖然只有短短的半個小時見面，但已好滿足．．您的關心、您的愛護讓我覺得自己好幸福，只有想起您便己好溫暖！
7/9
一早醒了就半夢半醒再訓過，咁就訓到十點零起身做野，等人電話．．．先去了教協轉了個圈，然後又去了宜家轉了個圈，再去吉之島看月餅和海馬訂床"育"買枕頭．．．回家媽媽才告訴我不要６吋厚的床"育"喎，又唔一早講清楚喎！
行完幾度地方唔知係咪凍過頭，氣管開始唔舒服，又少少肚痛喎．．．回家少睡片刻又好似無事咁．．不過氣管都係唔爭氣，激死！
今日見到他無咩精神和心機，但仲陪我周圍去喎．．．好唔捨得又好感動喎！今晚要記得吃藥呀！乖乖！！你唔吃藥，我都唔噴藥架！咁先叫同病相"連"！
6/9
好野！今日短週終於可以回下氣，幾日累積下來雙腳勁累呀！一早起身就比阿媽拉住吃早餐，竟然是成碗飯，吃完可以唔使吃中午，下午茶時吃了一個冰皮月餅。吃完早餐便去了中學同學家交還所有漫畫給她，又在她家坐了一會兒和她媽媽傾計，走時下傾盆大雨，搞到成條褲濕到小腿，鞋又入水．．．回家後要立刻換晒所有衫，然後便繼續工作。起初真是毫無頭緒，好在後來慢慢開始找到資料，一邊做學校的東西，一邊等男朋友放學。等到啦！今晚他陪我吃晚飯呢！
記住吃藥訓覺好呀！唔捨得您病架！您病時我都要做您的百子櫃才可以！凍要著衫架嗎!!!!
5/9
私人鬧鐘始終有效過機器。早回去的時間都好似唔係好見使咁，話咁快就十二點，都唔知備得課定準備壁報好呀！全日得一節空堂，好耐都未試過直踩咁多堂，過了五堂把聲沙晒．．仲定得住，飲杯熱茶又無事，又再戰鬥過！
有兩個四年級的學生真過份，剛講完課堂規則，轉頭就係到玩野，把鬼火小息立刻拉埋一邊好好教訓一頓，比多幾個下馬威，這班成三十七人，一兩個發顛其他好容易就跟住要好好睇住！班五年級就幾好，不過都係睇定ｄ先！最開心係班小一教classroom
language時又幾快上手喎，真是喜出望外！
放學時，又發生阿哥唔理阿妹自己回家事件，唉！好在個主任見到幫我打去個學生的家到，咁先可以入去飲啖水透下氣．．．
本來想放學做it壁報，但又唔係一時三刻做好，都是回家才做，累到傻！成個教員室又開始靜"英英"，都是三十六著走為上著，結果咁橋同老細一齊搭車。
有人送回家真好，又可以見多幾面！
有人學精了喎！
4/9
發緊夢突然聽到訊息響，看完後回了幾個字竟然訓著了，再醒時竟然發覺自己拿著個手電，都傻傻地！
今日又全日班主任堂，搞到放工時完全不想說話玩自閉！今日用盡最大耐性和心機對這班學生，點解有人可以叫住佢個名都唔知有人叫佢，天呀！氣絕身亡！不過，我已下定決心要好好好好好好把這些呆呆變到少呆啦，最好再由少呆變唔呆，若能由唔呆變少少精明就更更更更好啦！
經過商量和擇日已決定了我考基準個日搬屋啦！果然係好日呀
3/9
要返學呀！不過都預了啦，返都好起碼可以快點做好班主任課的東西。今日又企了一日，腳都軟埋，小息得十五分鐘，遲下去，教排隊等等，回得教員室休息實得個七八分鐘．．．未夠鐘又要落操場睇住他們排隊，今年這班學生要比去年付出更多心機去教！眼見去年好比心機教的一、二年級分散去不同的班級，給一些不負責任的人去教好唔捨得呀！
今日放工偷得小小的約會．．．．唔制呀！星期六無得見喎！係咪真係見架？？
最後都係要直接點通您先明架！天呀！！！！！！見您咁有誠意咁，先話您知答案係咩！
2/9
今朝勁唔想起身呀！最後都要起身返去．．一返到去就收到fax說停課了．．天呀！不過都算叫做做了些東西，開了個資訊科技會、又和同事搞下學校個網頁．．本來做好的電腦的進度表．．但開完會發覺又要改了。
其實很想和您吃中午，但咁大風大雨，都係早點回家安全點！
唔知明天使唔使返學呢？
1/9
開學啦！好成功呀！今日竟然沒有一年級學生喊呀！都話唔比家長入學校這招好，無家長在旁無得依賴。今年這班學生絕大部分都有兄姐係到讀書，有時有問題都可以容易找人問。不停由十二點開始講野到三點幾，把聲沙晒和勁乾呀，好在個零鐘又無事了．．．
今日好像是大食會咁，有同事叫了隻小乳豬回來請大家吃；又有人請吃西餅；又有人請吃水果，勁搞鬼！
連續兩日無寫日記咪就係火搞間屋ｄ野囉！煩到死！但煩得來都好，起碼由他陪著我，hehe！短期內仲有海景看，無海景看後應仲有個大天空呀！實在太好了！峰迴路轉，現在又訓反中房，雖然無了無敵大景觀，但都好．．起碼仍然是我鐘意的東西！
昨晚我們去了看香江明珠呀，為了有個好位置，呆坐了成個半鐘呀！有人多數係以為我係等到呆生悶氣呀！其實我係有野唔開心架，但都無人理我．．．．好慘呀！不過，想下想下又好似唔係好重要咁，但又好似好重要咁喎．．初時個心會痛架喎．．．．．想想下都唔識嬲了．．反正有人點極都唔明．．
昨晚去了食日本野，個釀焗蟹蓋好正呀！今日放工無端端又偷情去了喎．．．．hehe．．多做機會見面幾好呢！好想日日都見到您呀！其實想見係唔需要藉口．．．^^，知嗎！
您是我的特別嘉賓，所以才會選這首歌！