1月

1月

1月1日

今年有好多願望呀~希望阿wan成績好啦,我升到班啦,加人工啦,個個都會愛錫自己同開開心心身體健康!!
之前玩左幾日到而家終於捱到喉嚨痛啦,,差d出唔到聲呀~下晏過左去搵wan,然後食pizza,,行左陣青衣城就過左去嘉年華~
咁岩hei同carmen都係今日去,所以就約埋一齊玩...睇見wan玩batman個部玩到係咁叫,,我真係服左佢啦~咁辛苦為咩呢....佢仲話好好玩喎,,,俾佢激死~
之後一齊去左買vcd同食上海野,,正~
番到去睇叱吒,見到edmond終於有大獎都幾開心

1月3日

去左奧海城行,,買左塊鏡都幾靚架...諗住睇戲,,但最後都係番左屋企~

1月11日

提早同兒去左慶祝生日,發覺neway真係好唔掂..服務真係唔係好得... 個日晸家都好似好累咁,玩到4點就走lu!
南哥仲玩到唔見部電話 tim,,慘~

1月13日

琴晚好夜先訓...咁朝一早就番學.竟然兩科test都合格,有科88分tim,,,估唔到原本我真係咁醒架!!諗住放學番屋企抖下啦,,因為呢幾日都冇得好訓..點知突然電話響..今晚有人生日又要去玩...諗左好耐,都係俾阿ling引左我去~點知去到就知賴野....阿ling已經玩到high high地啦,,但係好似得佢一個玩咁.....或者佢講得岩,,我地開始同正常人有d距離啦,好似有少少溝通唔到咁...咁飲酒飲到咁又係有d唔正常既~haha
因為好眼訓..結果玩到2點幾我就走先啦,係度祝佢生日快樂

1月17日

去左旺角行街,條街多人到就黎行唔到咁濟..結果行左成晚嘜都買唔到~

年廿八

諗住今日番工冇咩野做架啦..點知冇啦啦俾人捉左上大陸!攪到成10點幾先番到屋企,真係冇唒癮...

年廿九

年廿九都要番學真係慘,,,聽講下年要過香港仔個邊番學,諗起就煩,,到時都唔知要幾點起身啦......lunch阿勤請食日本野,dinner就去左一品香.有個傻仔飲左一杯酒就面都紅哂...攪笑!!嘆完個飯又番去上堂~
幾經辛苦捱完兩堂TD(早走左半個鐘),wan 約左我食元氣,正~ 之後就去行街同花市,買左一大堆野食埋粥就番屋企~

年卅十

原本今晚食完團年飯,就會幫carmen慶祝生日,但唔知點解攪到一獲泡咁,,,,最後都係去左greenbox唱歌,但係好多人都冇到,,,,其實一早約好,我都唔明點解可以咁樣既...不過算啦..羊年過左唔開心唔好提!!
新一年又黎過,祝carmen生日快樂!!

正月初一

琴晚都玩到5點幾,佢地唱完k仲去花市,,我就番去訓覺啦.2點幾起左身,上左婆婆度拜年~食完晚飯就上左華仔度開局,開頭玩13張,,阿ling上左黎就打牌,,打到5點幾都係嬴得個幾十...之後同佢地慢慢行番屋企......

初二

訓醒都成夜晚咁濟lu,,佢地10點幾就上左黎賭錢,又係上黎打天光....

初三

2點幾就俾電話嘈醒,,以為邊個想俾我開年啦,,,原來係阿wan番左黎..過左青衣搵佢,上佢度拜年,樓下好多小販,d野食好正...如果柴灣都有咁多就爽啦...
食完野又去左嘉年華玩,billy佢地成班都係度玩緊...結果當然大獲全勝..一人一個公仔走~阿wan好叻咁中左個佢好鍾意既米奇~我就唔洗講啦,一大一細冇走公雞啦~
跟住就去左食飯再上黎賭錢..趁阿wan訓左就細細地咁玩下啦..開頭都冇事,,,點知熱完身就黎料啦,,,走去玩射龍門...結果同地獄黑仔王玩到天都光埋,,,榙面仲有2k係度...最後都係分左佢算數....

初4

起身陪wan行左陣街後送佢番屋企,,佢地又係度搏鬥緊啦,,,見佢地咁激烈,諗住打個莊諗住贏番少少錢啦,,,點知咁就賴左野啦....搭住黑仔王好似派錢咁...輸到要搣行士咁濟,,,,好彩夜d jayjay上黎幫一幫手先搵番dd咋...
新年4日紅假就係咁俾我賭左去啦~~