Welcome to Our Thailand World
|
|
|
|
|
酒店早餐... |
||
| Namie : |
7:00 起身, 出左去露台睇風景。酒店附近係民居, 一朝早果街市就好熱鬧,
好多人~ 之後落去餐食早餐, d 早餐都算 ok 呀~ 不過就唔係咁多款揀。 食完早餐就去下一站 --- 燕窩中心。 |
|
| Miyuki : | 今朝一大早 6:45 就要起身! 勁爆眼訓! 我地既早餐就係酒店食 , D 野食 OK 啦! 冇我想像中咁豐富囉! | |
| Steven : | 今朝7點起身,7:30 in hotel have breakfast | |
| Jodi : |
我6:30就要起身，因為我係朝早洗頭的! 起身後，打開個窗簾，D陽光好似特別靚o甘，都唔覺得刺眼!~ 7:30全部人都要落去食酒店早餐嘩…D早餐好多款可以選，但係我想食落肚個D，就唔係好多。都係食多士最好! |
|
| 燕窩中心 ... | ||
| Namie : | 其實依個地方冇乜野睇, 介紹下d燕窩, 買下手信咁囉, 最多都係食碗燕窩。都幾悶下...所以行左冇幾耐就上返旅行車玩~ | |
| Miyuki : | 又係一個字 -- 悶 !! | |
| Steven : | 8:15就去左燕窩專門店,但冇野好睇,之後我地上番車影相~ | |
| Jodi : |
食完早餐後，我地今日第一站就係燕窩中心，去得呢D o甘既地方，緊係有人同你講解啦…真係悶到爆….好彩呢度唔係淨係得燕窩睇，都有其他野食可以買，而我就買左一盒20包，每包都有20粒的朱古牛奶糖， o念住可以分比D小朋友。樓下有得食燕窩，但係我地真係好飽，冇食到就上左車啦…(Winnie仲係過馬路的時侯，比人摸左一下pat pat，其實人地係想叫佢過快D姐!) |
|
| 皮具世家 ... | ||
| Namie : | 去完燕窩再去皮具世家, 即係買魔鬼魚銀包果度。又係果句, 悶...依d野真係唔岩我地行...成 $3xx 先一個 B貨, 貴到佢呀~! 我留返黎買爸爸好過啦~! | |
| Miyuki : | 阿 Ling 本黎睇中左個銀包 , 真係幾靚嫁 ! 不過 $$ 就 ...... 所以最終都係冇買到 ! | |
| Steven : | then去左睇皮具,但對我黎講,都係冇野好睇~ | |
| Jodi : |
跟住我地就去皮具世家，皮具世家所買既野係有ISO保証的，但係入面個D Blueberry(Burberry)都唔係真既! 阿健o係入面買左條象皮皮帶，為港紙$130左右，對我o黎講…緊係對D皮具唔係太大興趣啦!! |
|
| 蛇園 ... | ||
| Namie : | 一個字, 悶!!! 聽講座時, 我同LingLing, Miyuki 訓著左... 聽完就拿拿聲上車走人~ | |
| Miyuki : | 又係有人表演捉蛇 , 好悶呀 ! 之後入左間房聽個男人講解 D 蛇有幾強既藥用價值 , 仲悶 , 攪到我同 Namie 訓著左 ^^ | |
| Steven : | tehn去左蛇園,呢度好d,睇下d大蟒蛇~ | |
| Jodi : |
跟住我地去蛇園，入面D蛇好多，佢地仲用D未脫毒囊的蛇o黎表演，望住條蛇流D毒液出來，好恐怖哩! 佢仲比我地摸下條蛇,當然我唔o甘摸啦~ 跟住我地又去上蛇藥的lecture堂啦?我即刻係度扮訓覺~ |
|
| Dream World ... | ||
| Namie : |
Dream World
真係好多極正既機動遊戲玩,
不過我把聲沙到冇輪,
再玩就真係唔洗出聲啦~
唯又唔玩咁多啦~
行下街好過囉~
飄雪樂園 --- 好好玩呀~~ 好似真係落雪咁~! 我地玩到傻左, 我仲’扇’腳落左個一字碼, 成隻腳叉左出黎...好瘀呀~!! 洗衣機 --- 依個我就冇玩, 不過睇佢地玩都好過瘾~ 洗衣機敢死隊有: 比人雪藏所以得閒黎泰國玩既Steven, 睇唔出佢係咁大膽既LingLing, 我地既維妮小熊Winnie, 仲有激似彭彭既阿健~!! 好在拍左 Movie, 有得睇佢地果樣...真係笑爆肚~!! 行街 --- 估唔到一個遊樂場有咁多野行: Wacoa, Disney, Lacoste, Dream World... |
|
| Miyuki : |
之後我地就去 Dream World ! 嘩 !
個度真係變左好多呀 !! 多左好多鋪頭 ! 我地行之前先醫飽個肚 , 我地食既 lunch buffert , 最好味都係 D 魚蛋粉 !! 好好味
!! 食完野大家就開始玩機動遊戲 ! 首先我地去左夢幻真雪城 ! 咁大個女第一次見到雪咋 ! 個一刻勁興奮呀 !! 好好好好靚呀 D 雪 ! 我地仲影左好多相 ! 好正 ~ 之後我地去左玩機動遊戲 , 有個肥仔玩個唔知乜野既機動遊戲 , 玩到塊面 ..... 哈哈哈哈 , 唸番起真係笑死呀 ! 阿Ling 佢仲搞笑 , 玩到佢 D 頭髮 ...變左貞子呀 -_-' 哈哈哈哈 ~ 之後佢地仲玩埋滑浪飛船 , 哈哈 ! 成班人濕晒 ! 阿 MING 同阿健仲因為猜輸左而被罸企係條橋淋多一次水 ! 哈哈 ! 後黎佢地仲玩埋過山車就唔玩喇 ! 之後大家就開始行街 ! 其實我冇唸過大家咁快就唔玩機動遊戲 , 因為之前我係預左得自己一個 而你地就會盡情咁去玩 ! 話就話好多鋪頭 , 但係好多野都係舊款 , 所以我都冇咩睇得岩 ! 係想買 T , 不過冇咩岩心水 ! 唉 , 連我唯一一樣可以玩既坐船仔都冇人陪 -_-" 我地就要走喇！ 不過好好彩臨走前都睇到一次大巡遊，嘩！有我最鐘意既埃及妖后呀！ 玩完之後 , 一出門口，領隊就問我地買唔買團體相 ，咁我就一定買啦！紀念麻！ |
|
| Steven : |
11點幾就去左我好想去 ge
夢幻樂園,首先影左張全團大合照,之後就係園內食lunch, 之後就去左園內 ge 飄雪樂園,好凍呀, 但好好玩呀,我地仲影左好多photo~ 之後就玩機動遊戲, 我, 健, Winnie and Ling 玩 '洗衣機' , 睇落去唔驚, 但玩落都幾 exciting ga~ 之後就玩類似 '滑浪飛船' ge 野,但呢個激好多,今次就我,健, Ming, Winnie and Jodi~ 玩完, 成身 wet哂 lor ~好彩我一早 bring 多一件衫去換~ 之後就玩過山車, 但一 d 都唔驚, 只係快速版火車~ 之後就去左鬼屋, wa... 一入去, Jodi 就俾門口個工作人員嚇到尖叫, 哈哈, 我就係後面笑, 因為我睇住個工作人員嚇佢, 但我冇出聲~ 之後入到去, 我都好驚 lor, 我仲開電筒, 哈哈~ 原來電筒係在呢個時候用的~ 之後我地係園內行街, 因為裡面有好多野行, 我地差唔多個個都有收穫~ 仲影左好多好多 photo~ |
|
| Jodi : |
上車後，我地就出發去我地其待以久的夢幻樂園&雪城，但係呢到的環境比起我想象中差得多。我地入到去，係未可以自由活動先，因為我地會係入面食lunch。 食完之後，我地首先去雪城，入面真係好凍呀，我地著晒係出面借的雪樓同埋雪鞋，但係都係好凍呢~ Namie係入面唔小心滑一滑，差小小就可以做到完美的一字馬。我同阿健, Steven, Winnie都有去玩o個個好似雪橇的東西，滑落o黎個時超級好玩! 跟住阿健, Winnie, Steven同埋LingLing去左玩洗衣機，仲拍左VIDEO添呀! 然後我地又去左玩滑浪飛船，有5個佳麗上船: 一號維尼，二號阿Ming，三號Steven，四號阿健，同埋五號Jodi 我地全身濕晒，無一幸免。但係我地加入環節，就係猜拳，猜輸o個兩個就要係條橋上面比水花淋多一次，結果…落選的兩位佳麗，分別係二號阿Ming同四號阿健。哈…哈…哈… |
|
| 人妖歌舞表演... | ||
| Namie : | 依果人妖歌舞表演真係拍爛手掌~!! 人妖靚不在話下, 最正係阿健既 ’豔福’ ~ 哈哈~!!佢比人 妖坐大脾不特此, 仲比人索吻~ 哈哈~~ 好攪笑呀~ 睇完d人妖, 我覺得4仔明同Steve真係要進修多幾年先得~ | |
| Miyuki : | 到左夜晚 , 我地去左睇人妖歌舞表演 ! 嘩 ! 有個靚姐姐真係勁勁勁靚嫁 ! 勁想同佢呃手同影相 ! 不過最終都係冇 ! 成個 show 有 D 人妖幾好, 有 D 就好衰, 猛咁係度電人 ! 勁憎呢 D 人 !! 方死想人地追佢咁 !! 有D人妖好恐怖，擺明成個樣都係男人, 仲要係度跳得勁開心咁 ! 有個人妖好慘, 佢做反串, 要俾人踢落台！一定好痛 !! | |
| Steven : | 之後去左睇人妖 show, 我地坐到好近呀, 有d好靚, 仲靚過d女人, 有 d 就好 ugly, 有個男 dancer 好嘔心 ga, 之後仲有人妖去左 d 觀眾席度搵 d 男人, 將個胸夾落男人個頭度震 lor, 笑到我地死 lor~仲有人妖坐落阿健大脾度呀 ~ 但好彩冇 '震波' , 之後笑到 Jodi 眼水都標埋, 上左車仲笑~ | |
| Jodi : |
跟住我地去睇人妖show，我覺得呢個show D人妖，真係冇得頂!! 佢地除左靚之外，個SIZE仲要係統一的。成個SHOW有好多笑位，一就係阿健比人妖污辱左，人妖坐係佢到摸佢個胸，仲想錫落佢度。我係佢旁邊，除左笑之外，我都唔知做咩好囉! (我仲笑到o咸晒，張廁紙仲濕埋添呀~) 二就係我見到有一個人妖的樣，同哥哥上次扮新娘個樣，簡直係一模一樣架! 三就係個show有個好鬼死醜怪又矮的人妖，佢專登係幫個show帶起個氣氛，真係好好笑~ 完左之後，我地就出去同D人妖影相，好鬼死靚呀~ |
|
Central Chidlom ... |
||
| Namie : | 今晚我都冇跟大隊去食Dinner, 自己去左行街, 我覺得依果選擇好明智, 呵呵~! 財哥帶我地去左一個好大, 好靚既 shopping mall --- Central Chidlom. 好鬼死多野買呀~ 我又買左 Wacoa, Paul Fuck 電話繩同 Converse. 不過我地要預時間買野返酒店食, 所以得9個字行...仲有好多野我都想買呀... | |
| Miyuki : | 睇完之後我地自由活動, 我地即刻去左 shopping , 因為咁, 攪到我地冇食 dinner , 去左 M 記買野番酒店算 ! 哈哈 ! 其實我好鐘意咁 ! 大家都好似為 SHOPPING 而咩都唔理 ! 哈哈 ! | |
| Jodi : |
跟住去食Dinner，大隊去左食日本野(係自費的)
，但係我地8個冇跟隊，自己去搵野食，財哥教我地去Central
Chidlom度個food
court食野。我地上到去行左一圈，發覺冇乜好食，所以我地選擇去行街街again。o甘夜晚個餐點?
我地沿路行過來的時候，見到有麥記，so我地dinner就係去麥記買外賣返酒店啦~ 我地係商場入面，又係盡情的購物，我同阿健, 阿ming都各買一對converse，計番港幣，只不過$130，係咪好平呢? |
|
| Dinner ... | ||
| Namie : | M記 --- 第一次食唔係香港既 M 記呀~ d味道就差唔多, 不過價錢就平過香港。我叫左個魚柳包, 因為我覺得冇咁熱氣嗎~ | |
| Steven : | 之後就去左行街,行左 1 個鐘,我地就買左 McDonald 返 hotel 食~ 70泰國就有一個餐 lu~ | |
| Jodi : |
45分鐘後，我地要走lu…因為我地仲要預時間去買麥記，o個度麥記D味同香港差唔多，冇乜特別! |
|
| 酒店 ... | ||
| Namie : | 之後返到油店, 大家又在我同 LingLing 間房食野, 食完野沖埋涼, 過左去Steven, 4仔明間房玩, 今次玩到喪左...尤其係玩非洲話事啤, Miyuki 要扮羅冰, 點知原來只要伸隻腳扮跳豔舞, 哈哈~~佢好無奈咁扮完羅冰 再跳豔跳~仲有 Winnie 同 Steven 既’沙貝河(琴渠)’~ 哈! 咁都比4仔諗到~正~!! 不過要數經典, 就非 Steven 既人妖表演正啦~ 如想知當晚詳情, 請問我地攞 Movie 睇呀~ | |
| Miyuki : |
番到酒店食埋野已經係香港時間
12 點! 嘩, 第一次咁夜食飯
! 食完之後我地仲玩啤排, 今次我地唔剩止玩蓋綿胎
, 係玩非洲話事啤 ! 本黎信心大十足既我,
竟然接２連３咁輸, 仲要係有一鋪...我竟然要扮...羅冰
! 天啊 ! 係我自己講嫁呢個Ｒequest !
勁想死 ! 我地仲 take 晒 videos
! 哈哈~~依家睇番真係笑死大家呀 !
我地個個都扮得好搞笑 ! Steven 扮人妖（佢根本就係),
Jodi 扮洗面（ yeah ~), Ling 大叫鐘意董健華（正呀) , Namie
青蛙跳（佢強行）, Winnie 扮 XX ( 攞獎啦! ）,
好似得阿健同 Ming 冇輸喎 !? 攪錯!!! 之後番到房我又係同 Winnie 傾計, 傾完先訓 ! |
|
| Steven : | 大家沖完涼之後,就去左我房度玩,玩左好多 game, 最好笑就係玩話事啤, 大家 lose 左要扮好多野, Miyuki 扮羅冰,笑死我地, Winnie 跳 nami nami, Ling Ling 扮左個好嘔心 ge人妖~ Miyuki 仲錫 Namie 同 Jodi 大脾~ 哈哈~ 我地仲有 take video, 睇番實好好笑, 我地玩到成 1 點先 sleep~ | |
| Jodi : | 之後我地返到酒店，食埋麥記，沖埋涼就係Steven間房玩，我地今晚玩非州(泰國)話事啤，仲張我地輸左o個D，拍晒video。有Steven的李麗珊，Miyuki的羅冰，Winnie的’擒渠’ ……就算而家再睇番都好好笑呀~ | |
 |
||