Welcome to Our Thailand World
|
|
|
|
|
| 酒店早餐 ... | ||
| Namie : | 依間酒店d早餐同 Bangkok 果間差唔多~ 又係咁... | |
| Miyuki : | 今日係最恐怖既一日 , 因為我地要去珊瑚島 !! 我點都估唔到自己驚嚇程度有 200 個 蘋果指數 ! 搭快艇個陣我真係好驚 , 當時真係咩人都叫晒出黎 , 媽媽 , 細佬 , 家姐 , 成家都叫晒出黎 , 叫埋 melody , ada .... 總之真係個心好想佢快 D 停 , 最後我真係驚到忍唔住喊左出黎 ... 唸番起真係覺好慘 ...... | |
| Steven : | 今日係泰國之旅第4日~一早都係 7 點 morning call, 之後就 ready 去珊瑚島~ | |
| Jodi : |
都係照舊o甘早起身，不過有D懶床……打開窗簾，整好自己儀容同敭埋泳衣之後，我地都落到樓下食早餐，但係D野食都唔係話同之前間酒店相差好遠，但係比起上o黎好味D既，特別係個洋蔥炒薯仔，真係好好味!! 但係o甘早食o甘多，會肥的~ |
|
珊瑚島... |
||
| Namie : |
我地坐大飛入去珊瑚島~初頭我同
Winnie坐,
好玩到痺呀~~!!
成隻大飛飛起左呀~!!
剌激過d機動遊戲呀~!!
入到珊瑚島, 見到 d 水好 dirty...有d唔開心, 點知行左去另外一個灘時~ 嘩~! 依個灘正好多呀~!! 水清沙幼~ 仲有一個水退做成既小河~ 我一見到條河就諗住踢Winnie水, 點知起左腳之後, 企唔穩, 成個人打側咁撻左落水...瘀得黎連我自己都覺得好爆笑~ 估唔到我會咁樣第一個濕身, 依個下水禮真正~! 玩完水之後去左沙灘行街街~ 好多野買呀~!! 不過冇帶錢...唔係我又買野嫁啦... 回程時, 我又係坐返船頭~又係正到暈~~ I like it~!! |
|
| Miyuki : |
之後我地一到步就去左海灘玩 , 勁搞笑 , NAMIE 可以原地跳而趺番落水
!! 我同阿 ling 之後仲一齊行鋪頭，佢仲買左一條民族褲俾佢朋友呀！不過個度 D
手錬都唔靚！我剩係知自己行到越行越唔開心.....唔知呢，好想走，又熱，又要搭死人快艇
，個一刻好想打人... 唉，回程個陣真係有個人旁住自己會好好多, 只少可以捉實 D ! Thanks Steven ~ |
|
| Steven : |
我地坐快艇去~ 首先去左海中心
ge 浮台~ Jodi
, Ming and 健玩降落傘~
之後繼續坐快艇, 我坐左船頭,
好拋呀, 但好正呀~ 去到,
我地 8 個都唔玩水上活動,
咁我地就行左去另一個 beach,
個度 d 沙好靚,
d 水仲好清呀~ so
落左去 swimming~
好正呀~ 之後坐番快艇返去, Miyuki 好驚坐, so 我陪左佢一齊坐, 佢真係好驚, 不斷捉緊我隻手, 仲有個團友問我佢係咪好驚 tim~ Miyuki~ 我係咪好好呢~ 唔好話我成日串你啦, 我都有貢獻 ga~ |
|
| Jodi : |
跟住我地出發去珊瑚島，係途中，我地要坐快艇到浮台先。我地係浮台上面可以玩降落傘，我同阿健o念左好耐，終於都去左玩。等既時候真係好驚，唔知自己上到天會點∼終於到我啦！上到去，好舒服呀~兩隻腳係到半天釣，由o甘高望落去，好有呢個無拘無束的感覺。玩完之後，我地再搭快艇到珊瑚島，今次我坐左係船頭，好拋，但係好好玩，仲刺激過玩機動遊戲~終於到左珊瑚島啦，我地放好我地D野，跟住就出去玩啦。出到去，見到個天都唔係話好靚，好似想落雨o甘~但係我地一路行，行下行下，行到去另一個海灘，o個個海灘靚過我地o個個好多。於是我地落去游水，但係我地開頭冇o念過行到o甘遠，所以我地都冇帶泳鏡係身，不過我地都玩得好開心。跟住我同阿健都有去海灘旁的一些商舖行下，見到有靚既野我地都買左，仲買左好多手信添~ 12:00我地要行番去我地本身的海灘去食lunch，著住件濕透的泳衣o黎食飯，都係第一次呀~
|
|
酒店泳池... |
||
| Namie : | 返到酒店我地遊左一陣水, 仲影左d好變態既影~ 之後曬左一陣太陽就返去沖身, 準備一陣又去玩過~ | |
| Miyuki : | 之後我地返酒店沖涼休息，我仲同 Winnie , Namie , Jodi + bf , Ming 7 個人去左酒店泳池游水！ 個度有３個泳池，幾靚嫁！我地仲係水入面玩包剪頭， 又一齊擺 D 搞笑 post 俾阿 Ling 同我地影相！winnie 游水好勁呀！！好羨慕佢！之後有人自稱要教我游水，不過最終我都係唔識 －＿－ , 不過呢段時間我都好開心，可以玩吓水同晒黑自己 ！ | |
| Steven : | 之後返左 hotel, 我地仲去左 swimming pool swim~ 好靚呀個 swimming pool~ 游左成個鐘~ | |
| Jodi : |
我地大概兩點返到酒店，然後我地都上房擺低我地拿了出去游水的行李，跟住就落去酒店的泳池游水。本身我地係房o個時，望住個泳池，已經覺得好靚。點知落到去之後，個泳池除左靚之外，D水都好清呀~香港o個D ，一落水就聞到D氯氣味，但係呢個泳池我就唔係好聞到啦~ (其實D水有冇加入氯氣都係一個問題呢!?!) 我地係泳池，除左游水之外，我地仲係度玩水底猜拳，點知原來Miyuki係唔識玩，佢每次一入水底就係度笑，未到佢透氣，但係佢又已經透左，仲之我地玩左差唔多十分鐘都未完整玩過一次啦! 我地又係個泳池到擺晒post影相，之後我同Namie都有上水訓係度曬太陽，好舒服呢SuNbAtHiNg~
|
|
| 泰北罌粟花蜜養蜂中心 ... | ||
| Namie : | 我諗住依個Talk一定好悶, 點知又唔算喎~ 仲有好好味既蜜糖飲~ d蜜糖真係好清甜~ 我都忍唔住畏買左樽~ | |
| Miyuki : | 游完水我地就去左 ”泰北罌粟花蜜養蜂中心 "， Namie 同阿 Ming 各自都買左一樽蜂蜜！ 不過原來我後成來先發覺我屋企都買左一樽！哈哈！不過好甜呀！！ | |
| Jodi : |
我地游完水後，上房整番好自己D眼耳口鼻，3:30我地就要集合。我地之後出發去蜂蜜中心，佢地賣o個D係罌粟花的蜂蜜，但係大家可以放心，佢係冇毒的~我仲買左一樽返香港比自己，不過我覺得幾貴呀!
|
|
| 古法按摩 ... | ||
| Namie : | 初時對佢唔係咁大興趣, 始終唔係咁鍾意比人周身鍊...但係試左又唔係咁差姐~ 都ok呀~ | |
| Miyuki : | 到左我最想去既地方喇！！ yeah yeah yeah ~ 就係 ”古法按摩”！！我真係勁勁勁鐘意嫁！ 相比大陸，泰國真係勁舒服嫁！我入去之前仲食左一條大腸腸，都係＄４！正死呀！（不過食得好急）！本黎大家都唸住一個鐘就走，個時真係好唔想，但係又唔可能 say no ! 我係香港返咁耐工，日日都咁辛苦，依家難得有得按摩，真係想加鐘！好彩後黎 Jodi 提議加鐘．個個跟住和應，我勁開心呀！！ 成個過程我都叫個女人大力D !! 嘩 !! 正死我呀 !!! 哈哈哈哈！真係好想試多一次！！ | |
| Steven : | 之後去左做古法 massage~ 好舒服, 正過大陸個d好多, 我地全團人都有加多1個鐘, 好正, 真係她 relax, 將之前 tire 都消哂~ 做左 2 個鐘~ 其中一個 hr 係 free , 另一個都係 $50 港幣~ | |
| Jodi : |
然後我地去比人古法按摩。我地去到的時侯，佢o念住我地係按兩個鐘，但係我地係o念住係睇情況先決定，佢地知到之後，調走晒本身幫我地按緊個D，總知好亂o甘啦!比佢地按的時侯，真係好舒服呀，按到我都訓著左。因為按得太舒服啦~我地都有加鐘，開頭亂完一輪，結果都係兩個鐘，不過唔同既，呢個兩個鐘係我地決定架嘛………我最鍾意個下係最尾飛起拱橋o個下! VeryGood~
|
|
| Dinner ... | ||
| Namie : | 依間野乜都ok, 係冇開冷氣唔係咁得姐~ 食完飯去左行夜市~ | |
| Miyuki : | 按摩完後，我地去左一間冇開冷氣既餐廳食飯！ D 餸又係菜，又係魚蛋，冇一樣好食 >.< | |
| Jodi : |
按左兩個鐘後，我地上車出發去食dinner。我地去左一間酒店既餐廳度食，D野食都唔差呀，仲有炒蟹添，好好味呢~
|
|
| 夜市 ... | ||
| Namie : |
行夜市最開心係...唔洗講你地都知啦~
當然係大手臂鬼佬啦~!
佢真係好大隻呀~
我諗一定好好攬~呵呵呵~~
好掛住你呀~~大手臂鬼佬~ 之後行左去 Royal Garden Plaza, 有好多Boots買呀~ 我又掃貨啦...哈哈~~ |
|
| Miyuki : |
食完野我地成班人決定今晚唔跟車番去，自己行街，我地去左 Big C
廣場附近行，Ling + Jodi + 健 +
Winnie + Ming 去左紋身！我同
Namie + Didi
就行一陣先，我地仲去左 starbucks 飲野！ 開心死我呀！第一次飲就飲中左杯正野！仲要係好平！飲野其間我地仲識左２個外國人！ 哈！Namie
仲因為咁而癲左 ! 哈哈 !!!! 我地行完街後就去左 take taxi ，８個人都係
total $ 50 , 平死呀！ (註: miyuki, 係 $20 呀~) |
|
| Steven : |
食完 dinner,
就行街, 佢地有個去左整
tattoo , So
我, Namie and Miyuki
自己去左行一陣, 仲去左
starbucks飲野, $19 HK dollar
一杯, 好抵呀~ 我地仲同左個幾得
ge 外國人影相, Namie
仲笑到咩咁 lor~ 哈哈,
見到佢咁, 我都係咁笑~ 之後再行, 今晚係 last night in Thailand, so that 我地冇跟旅遊巴, 行夜 d~ 我地之後去左買手信~ 買完都差唔多12點~ 之後我地就坐 d 好似 taxi ge 車返酒店~ |
|
| Jodi : |
食飽飽之後，我地又有自由活動的時間。我地去番琴日個商場度。但係琴日我地係o個度已經行晒，所以地都行左出去出面，我地仲唔跟車番添!我地去左Starbucks度買野飲，真係好平呀~買左杯大大杯既，都唔駛$30港幣，底到笑呀~跟住我地行下行下去左個商場，樓下地舖有間NIKE，我地入左去睇，我仲睇中左件衫，但係佢地o個件dirty左而又冇新wor，我只好走啦……… 我地上去個商場，又見到有Boots啦，仲有Roxy呀~好多Paul Frank添呀，但係對我o黎講，都係唔底~我地就番時間，要係12點前去到財記，佢地琴日都已經係財記度買左好多野食，但係我同阿健都冇去買到，所以我地一定要去o個度。我地11:45就去到，我同阿健及夾埋仲買左港幣300幾蚊野，好多哩! 之後我地去搭公車番酒店，佢地既公車，又係的士，又係巴士………
|
|
| 酒店 ... | ||
| Namie : | 依日係最後一日, 聽日就要返香港啦...所以今晚一定要盡興~~!!!襟棉胎, 摸鼻哥乜都玩~! 仲要焗4仔輸, SORRY 呀4仔, 希望你唔嬲啦~ 有movie 睇呀~ 要問我地啦~ | |
| Miyuki : |
返到酒店，大家各自開始執拾行李同埋數！我原來 totally
洗左唔夠＄８００，唉，真失敗， 最多一定係 Namie 啦！ 我去唔到我最想去既 body shop
! 之後大家玩蓋綿胎，今次既大輸家係阿
Ming !!! 哈哈哈哈！佢真係極度白痴呀！睇唔出平時 A/C
咁勁，反而數目字考反應就咁鈍，笑死我呀！！我地又一齊夾計整佢變做 ７
級豬，哈哈！佢真係成為我地既新 Target！！嘻嘻∼ 玩到４點幾就訓覺，呢一次會係最後一個大家共渡既晚上 .......... 好唔捨得呀 !!!!! |
|
| Steven : | 因為係 last night, so 我地玩左好多 game~ Namie真係好鬼死好笑呀~ 阿 Ming玩 game 又成日 lose, 笑到好勁 lor~ 最後我地 4 點半先 sleep~ 哈哈~ | |
| Jodi : | 我地8個人同一車，有驚無險o甘返到酒店。返到去，我地緊係玩埋今晚啦，LAST NIGHT wor! 不過我地要拾好晒我地D行李先可以過去玩，如過唔係我地就執唔切野! 今個最後一夜，阿Ming比我地擺左上台o甘，我地全部人都想盡辦法令佢輸，然後被罰，我地仲要係罰佢比我地古法按摩，而我地既古法按摩方法，緊係與眾不同啦~ | |
 |
||