Link: 留言板(去留吓言啦！)
22/8/2004
唔經唔覺又成個月無update過個diary，因為我呢掛每日同夜都要睇奧運，晚晚都睇到好夜先瞓，日日起碼十二點先起身，食完lunch，又要睇電視戲，之後又睇奧運，每日都係咁樣，自己都覺得自己有d恐怖，但我又覺得奧運好好睇，特別係跳水同游泳項目，真係正到痹呀，好可惜，游泳的項目已經完晒，剩番幾項跳水，我一定不容有失，我諗開ｏ左學就無乜時間睇電視lu，所以而家要睇番夠本呀。
26/7/2004 ~ 30/7/2004
有關心我嘅朋友都知我呢個星期有單大嘢義工要做，所以日日都好好好支力，大家睇住相先，過兩日再介紹吓。
23/7/2004
琴晚返到屋企搞到好夜先瞓，原本打算今朝去"樹仁"報名都起唔到身lu，咁我就hea到下晝，同Jeny去書展喇，嘩！下晝去真係好多人囉，要兜來兜去先入到去，我o地行呀行，行呀行，今年好似無往年咁多嘢睇囉，好多d大書局包幾個位o黎做，雖然d書係平d，但d書出面都買到，無乜特別咁囉。行到大約六點鐘，我同jeny都要走喇，我就買o左d嘢咁啦，jeny就得個"行"字，無乜買到嘢，不過走嘅時候就好麻煩，因為佢六點之後入場費只須十元，所以就吸引o左大批貪平同放工嘅人湧o黎，將條路塞住o左，搞到我o地都走唔到，幾經辛苦我o地先可以去到地鐵站，我同Jeny都要遲到去上堂同開組，好可憐。
22/7/2004
今朝一早就起身lu，因為我要去Poly interview 呢個HD Social Work，雖然上年都in過，不過最後唔得，今年都有d緊張o架，Yuki姐姐(佢o係Poly讀社工出o黎嘅)叫我唔好咁緊張同埋唔好扮嘢，做番自己就得，d interviewers會揀，咁我o係個interview入面都幾輕鬆，今年兩個interviewers好nice，所以我o個組氣氛唔錯，大家都有講有笑，當然其中都有d"chur"人，係咁講係咁講，講到over time再over time都唔肯停，趕時間食lunch呀大佬，亦都有d"hea"人，人o地講緊，佢o係求度玩手指，好心你就咪o黎啦。我都唔知自己表現成點，不過算啦，都過o左去，好多嘢我都控制唔到，唯有等運到啦。In完已經點幾鍾，我就即刻飛奔去琛水埗買T-shirt，下星期個義工活動要用嘅，買完成兩點幾，我就入o左間幾多人嘅麵鋪食lunch，叫o左個"四川擔擔麵"，好好食呀，仲好抵食添，十蚊咋，d麵好似北京拉麵咁，佢d麵係人手攪，唔係用機器整，好彈牙，正呀，大家如果去開琛水埗，可以去試吓，間嘢叫"大家食"，有好多唔同款嘅麵可供選擇o架。
我又急急腳咁返屋企放低d嘢，然後就再出過去，去邊度，咪係去睇Sammi演唱會囉。我同三毛首先出去沙田行街街同埋食晚飯，個dinner好怪獸，but就馬馬地好食。之後我o地就向紅館進發喇，我都有d期待o架，都有一段時間無睇concert，同埋未睇過Sammi的live演出，入到去見到個舞台好特別，係紅色星星o黎o架，即刻諗起個朋友一定會好鍾意。睇完成個concert覺得一般啦，可能係第一場，d音響未ready，Sammi又唔係好跳舞喎，同埋有d歌唔多識咁，不過個舞台effect就真係好靚囉，同埋林海峰個talk show真係笑爆嘴，Over all o黎講都值嘅。
20/7/2004
今日都做o左好多嘢吓，無再"hea hea"吓喇。早上起身後就準備整蛋糕嘅嘢，因為jeny會入o黎整蛋糕同我補祝生日，搞o左好耐吓，終於等到佢o黎，咁我o地就立即開工喇，我o地今之整嘅蛋糕叫"梳乎厘"Cheese
cake，都唔係好難整，我o地整到差不多一點，放o左佢入oven，咁Jeny就煮意粉比我食，雖然係即食意粉，但好好味o架，多謝Jeny，真係辛苦晒你喇。食完lunch之後，我o地玩o左一陣，個cake就得喇，嘩佢發到好大呀，仲好香添，今次整得好成功，無燶o架，大家睇睇，係咪好想食呢？對唔住，無你o地份，我o地已經食晒lu，呵呵呵呵呵呵......之後我o地極速執嘢，因為我o地要趕
落去青衣城睇"十面埋伏"，我o地啱啱o係開場前趕得到，Yeah!套戲都幾好睇，d境真係靚到不得了，套戲係愛情片o黎o架，以為係武打片嘅朋友都幾失望，佢都有打，不過就真係打得唔係咁靚囉，我好鍾意劉德華今次嘅演出，好搞笑，好有新鮮感，佢今次要做個"大醋珵"，唔做大俠，同佢以前d演法好唔同，戲份就略為少d囉，至於章子怡，好多人都話佢做得唔好，我就唔係咁覺得，我覺得佢都ok，雖然佢o係套戲到都幾暴露，但佢o係唐朝時o係得清樓度做嘅，係有咁嘅需要，我最欣賞佢做盲妹同跳舞o個part喇，我覺得佢跳得真係好睇，佢身材好，動作又靈活，做盲妹真係做得真，佢嘅眼珠係無郁過，講真，佢做得好過好多香港o個d唔知o係度做乜都收千幾萬嘅女演員啦，雖然佢情慾戲多o左d同埋臨尾唔知點解死極都死唔去，但都係個編劇問題啫，而金城武都做得到風流，不過不失咁啦，總括o黎講，大家當一套愛情片o黎睇，係做得唔錯。
睇完戲之後，我就要趕去石蔭Bonny度開組喇，今日係個班嘅第一日，d小朋友大部份都好乖，係有一個洩仔，要成日鬧佢囉，我個partern(即係另一個導師)就唔多掂，佢好似未做過tutor咁，乜都要我講，乜都要我話比佢知點做，都算啦，咁我o地之後睇功課時要將d小朋友分開兩組，我一組，佢一組咁，點知佢即刻將個洩嘅小朋友塞比我囉，原本係佢話佢搞呢個洩仔，佢今日一見到佢咁麻煩就即刻縮沙，又話我食得住個仔，又乜又七，咁個社工(Bonny)聽到咁，叫o左我睇，其實睇邊個我都無乜所謂，不過佢洗唔洗咁，我已經睇多佢一個仔o架啦，仲有佢都唔知有冇讀過中文，唉~~~~最憎d partern唔掂，又要頂埋佢o個份。
18/7/2004
今日又o係屋企無嘢做，真係悶到發晒癲，日日起身都唔知自己有乜做，咁嘅生活，過o左兩個禮拜已經極度頂唔順，做得辛苦，有幾日假咁樣休息吓就話好啫，長時間係咁真係唔掂呀，無目標，生活無意義，唉~~~~今日的底色係陰影。
好在無工返都搵到d義工做吓，可以幫吓人，教吓小朋友，對個社會有番d貢獻，個人都無咁hea，唯一就係無收入，要洗少d先得lu，下星期開始唔洗hea lu，有義工做。
17/7/2004
今日約o左Suki姐姐食lunch，一見到佢就有d唔認得，因為佢化o左妝，即刻大o左幾歲，我o地去o左青衣城三樓o個間餐廳，我o地叫o左個焗豬飯，不過就覺得"大家樂"o個d好食d囉，好在個甜品都幾好味，Suki話請我食飯當慶祝我生日，多謝晒Suki，Thank you so much!!!妹妹妹......^3^3^3^
從Suki口中得知佢約o左7s d同學仔夜晚出去食飯，諗諗吓發覺同我o地成年都無聯絡過，唔知其他7s d同學而家點呢，之前話再約林sir出o黎同班Maths group同學gathering吓，最後我無o左件事，當然亦都無約到啦。其實miss wong都有問過我會唔會約成班同學出o黎，我本來諗住summer應該會掛，但係我而家hea住晒咁都無心情去約lu，因為真係唔知約出o黎做乜好，咁鬼大班人，真係好鬼麻煩ga ma，你知啦，個個都係大少爺大小姐，個個都要就晒佢o地ga ma。
16/7/2004
有心肝的朋友仔都記得今日係我生日，但係超級搞笑，竟然打得成風，原本約o左人都無得玩，唯有留o係屋企hea，二十歲生日，真係夠難望，睇來一生人都唔會有邊次係咁lu，"圓規"呀嘛，我會記住你。哼(高音地)......
雖然係咁，都好多謝有心肝嘅朋友仔，收到晒你o地d messages, sms, e-cards, birthady cards 同calls喇，Thank you very much!!! I am really happy!!!錫晒你o地呀，妹妹妹.......
15/7/2004
今日約o左上去samuel屋企睇碟，仲約埋岑草夫婦同豬勇先生上去，都好耐無一齊玩lu。我o地lunch買o左pizza食呀，好好味。諗落都好耐無食過pizza，我記得以前o係葉記返學時，幾乎個個月都會叫pizza，我o地好興叫pizza同叫suki整蛋糕o黎慶祝同學仔生日，雖然只係簡單既慶祝，但都幾開心，而家都好難再有d咁嘅機會lu，有d同學連聯絡都唔係咁多，要約番出o黎真係唔係咁易。
我o地今日睇o左"江湖"，套戲真係一般，無傳聞中咁好睇，好在o個時要a-level，無入院睇。睇完呢套，我仲睇o左"愛.作戰"，呢套反而幾好睇，個story寫得唔錯，除o左愛情之外，仲有一d message比到人，大家有時間可以睇吓。
14/7/2004
今日終於有d嘢搞，唔洗o係屋企hea住晒咁。我首先去o左"石蔭"傾嘢，因為我應承o左個社工summer幫佢搞個班，雖然無乜錢，但當係消磨時間都好，我又無工返，日日o係屋企無嘢做真係好悶，又唔洗蝕車錢，去幫吓手都好，同埋都可以學吓嘢，橫掂我都唔識d多元智能，順便學吓嘢都好。點知個worker好長氣，其實我一早就知佢係咁，我之前跟佢做義工時，佢已經係咁，不過無諗住佢講個幾鐘都唔夠，搞到我約o左人要遲晒到。
我離開o左石蔭就盡快片入去屯門，都好快呀，我去o左荃灣會合阿cass，就搭車入屯門市中心，全程都係用o左半個鐘頭多d，所以我都唔洗遲到，但可惡的Yuki姐姐竟然遲到，佢太洩喇。我o地等埋佢就行o左一陣，諗吓去邊度食嘢，最後搵o左間環境幾好的cafe high tea呀，間嘢d tea餐都幾抵食，二十幾三十蚊，d嘢食都係貴價同好味嘢，我o地就係咁傾係咁傾，好開心，可以同d舊朋友聚一聚，傾吓近況咁，真係好舒服，同Yuki又好鬼funny，佢係我第一個跟嘅社工，我跟佢學o左好多嘢，我o地都睇住佢大o架，由佢一出o黎做嘢就開始跟佢，睇住佢買樓結婚好happy咁，過多兩年仲會生埋bb，諗親佢都會好開心，仲有跟佢做嘢真係好開心，我想做社工，唔多唔少都有受佢影響，因為佢比我覺得呢份工好開心，雖然我而家接觸多o左，睇多o左唔同嘅嘢，但佢仍然比我覺得呢份工好開心，我都希望可以好似佢咁，做個開心的社工。
7月頭/2004
唔好意思，咁耐無update個diary，唔洗返工，原本應該好好地咁搞吓個網，但一來我又好鬼hea啦，二來我隻floppy又壞o左，個diary d file唔見晒，所以要重新整番晒d嘢落o黎，一拖再拖，一直都無update過個diary喇，請大家見諒見諒。
同大家講吓我嘅悶況先，已經放o左榜，又排好晒choice，而家唯有等放jupas，睇吓有咩讀咁囉，都無乜嘢好做lu，亦都無乜嘢好講喇。講吓返工先，上回講到放大假，而家慘變失業，因為老細話補習社d班少人報，唔洗咁多miss，佢原本話叫我同另外一個miss夾，但係成個星期佢都無覆番我，d班都開始lu，咁即係唔洗返啦，不過我覺得佢好selfish囉，佢唔用我又唔打o黎同我講，我唔搵佢問，佢都唔會話比我知，佢要人o個時就"a"我返，考試o個排，佢落咁多學生比我，我都無玩過嘢，又無嘈過加人工啦，而家佢唔洗返又唔講，一心想拖住我，要我隨時返去幫佢，佢咁樣做，邊留到老師幫佢買命，唔怪得d做得嘢嘅老師走得都走晒啦，唔好嘅佢又鍾意炒喎，怪得d家長成日投訴d miss成日轉來轉去，d小朋友適應唔到啦，不過我老細亦都太睇小我喇，我出面仲有其他路數o架嘛，待遇好過佢嘅都唔知幾多，佢咁嘅待遇，仲要我隨時stand by，真係妄想呀佢。我而家日日hea o係屋企，已經hea到好悶lu，日日唔係睇電視，就係聽電台，最多都係溫吓"煲冬瓜"，唉~~~~悶呀！好在都以前跟過嘅社工記得我，會搵我幫吓手，做義工都好，起碼開心同好玩，無咁悶。
1/7/2003
Today's special.
Missing Tse Tse!!!
30/6/2004
今個月最後一日lu，亦都係我最後一日返工，我開始失業喇，講笑咋，係開始放大假，我七月頭o個半個月唔洗返，七月中先知幾時返去教暑期班，呢兩個月都幾辛苦，所以可以放假休息吓，我都幾開心，不過唯一悲哀就係無收入囉。
大家得閒一定要搵我去玩，我要o係放榜前大玩特玩。
14/6/2004
今日約o左7S Maths group一班同學同老師出o黎gathering，所以起身後就開始打點，到lunch時就去稻香飲茶，我o地都唔係好多同學o黎o架咋，老師就有miss wong同miss long o黎o左，不過我o地就叫o左好多嘢食，好怪獸咁囉，原因係以為林sir請o架嘛，點知我o地call o左佢成餐飯都搵唔到佢，我就留o左幾次言o黎鬧佢，我o地仲咀咒足佢一餐飯咁耐喇。食完飯之後，我o地就各自散，就o係我o地等緊小巴之際，我收到一個不明來歷的電話打來，咁我就試吓打番去，睇吓咩嘢事啦，點知一聽，原來係林sir，佢話佢個電話無留言，原來我抄錯o左佢個電話號碼，所以我搵極都搵唔到佢，佢又唔肯定個日期、時間喎，所以就係咁，我o圩就無緣gathering喇，我仲要打番去個錯電話度話我打錯電話，幾gab。
13/6/2004
嘩！原來我已經半個月無update過個diary，我都唔多覺添，不過我呢排又真係幾忙，同埋我又懶打呢。大家唔好見怪，望吓望吓個日歷，原來考完試到而家，都個幾月，真係一d都唔覺，我有好多原本諗住考完之後做的事情，到而家都未做過，我諗我真係要搵d時間好好地plan吓我餘下的假期做乜好。
仲有半個月就放榜，基本上我都唔係話緊張，只不過唔想咁快到啫，因為到o左o個時又要有排煩lu，諗來諗去都唔知點好，上年經過一次咁樣，今年仲要多d嘢諗添，唉~~~~~~我想d日子過慢d呀！
29/5/2004
今日係非常繁忙的一天。早上九時多起床後，便去幫人補習，好不容易才過了一小時多，應付完個細路仔，又要應付佢阿媽，佢阿媽話想谷佢個考試成績好d，我心諗佢平時已經要做好多嘢o架啦，你仲想點谷呀，佢已經好慘o架喇，仲要狂谷個考試，我諗個細路之後一定憎死我呀，不過為o左搵錢，我唯有照佢阿媽說話去做啦，未辦法，真係難為了小朋友呀。補完之後，我去o左幫個細路睇補充練習同搞埋d銀行嘢，我就去幫哥哥攞貨，出去太子，又去中環，條友又遲到喎，搞到我要"片"番入青衣上普通話堂，但都miss o左d，真唔抵，跟住上堂又好辛苦，一來我好懶，無溫習，二來拼音真係好難，我諗我真係要花多d心機去讀喇。唉，上完堂又要去美景攞嘢，真係好麻煩，見係自己哥哥咋，唔係真係睬你都傻呀。
我將d嘢攞晒番屋企，執好d嘢又出去喇。我約o左波波k去睇戲，雖然我都幾支力，但係我唔可以失約同埋我都好想去睇戲，我已經幾個月無入過戲院睇戲喇。我o地去o左尖咀睇，個波波k話一定要"史力加"嘅"英文version"，唔肯睇呢個"廣東version"囉，所以我o地行o左三間戲院先買到飛，買完飛之後，我o地就搵間鋪頭食晚飯，點知o個間嘢好鬼死貴，d嘢都係一般咋，仲要超細碗，我真係一d都唔飽囉，食完我o地緊係去睇戲啦。好，講吓套戲先，呢套d畫功好好，成套戲都靚到不得了，而且個故事仲好好笑囉，我由開場笑到散場，睇完成個人都好開心，帶出嘅意義又好positive喎，啱晒我o地呢d小朋友睇呀，誠意推介。睇完戲，我陪波波k行o左一陣街，買o左d嘢，但我o地都未返屋企喎，因為我食唔飽，所以我o地去o左長發買宵夜，好怪獸，我買o左盒腸粉同糖水，仍後就回家慢慢歎。
26/5/2004
嘩！今日真係勁開心呀，因為唔洗返工，補習社同私人補習都唔洗做，Yeah!Yeah!Yeah!我緊係把握咁珍貴嘅機會，約o左我兩位貴妃出o黎玩啦，終於可以發癲喇，大玩特玩。
我一早就起身，要幫媽媽張羅出發去旅行，無錯，我呢幾日就無王管喇，送o左佢出門口之後，就張羅番自己今日的行程。我首先會合o左盧貴妃，中途再同謝貴妃會合，跟住我o地一齊向我o地第一個目的地---銅鑼灣進發，我o地去到第一件事緊係搵個地方怪獸先啦，我o地食o左個好貴嘅雲吞麵，好在都幾好食，跟住我o地就去今日嘅主打---維園度睇熊熊，o個度真係有好多隻熊熊o架，隻隻熊都有唔同國家畫嘅嘢o係上面，有d真係好鬼靚o架，我o地緊係狂影相啦，d相係謝貴妃度，遲d比大家睇啦。影完相後，我o地緊係去行街街啦，咁鬼死貴車錢，唔好蝕比佢嘛，我都買o左d嘢，好開心！原本我o地諗住去一間報紙介紹的cake shop食cake，點知去到先知無堂食，只有外買，我o地都唔知買去邊度食，so就無得食lu，very poor!!!
之後，我o地向今日第二個目的地---尖沙咀的星光大道進發喇，去到就係咁睇吓手印，都幾無聊o架，人又鬼死咁多喎，所以我o地行o左一轉就鬆人lu，之後就開心死喇，我o地去o左Haagen dazs食tea，雖然好貴，但真係好好好好好好好好好好好好好好好味好呀，今日真係好滿足，happy!happy!happy!!!食完後，我o地就依依不捨咁回家。
返到屋企之後，我就煮晚餐食喇，之後就睇我今日的主打TV programme---皆大歡喜，今晚呢集真係好好笑，我自己一個人睇都笑到收唔倒聲，阮兆祥真係好鬼正囉。Today is a very nice day!!!今晚一定發個好夢zzzzzz
20/5/2004
又一個星期無update，since我好鬼死懶囉，我大部份時間都係hea o係屋企發"牛豆"。除o左返工補習社之外，我要學普通話啦(上星期講過)，仲接o左個私人補習o黎做，所以我呢個星期都幾辛苦，要適應吓個new schedule。
13/5/2004
今日終於正正式式考完試喇，Yeah!Yeah!Yeah!其實考中化oral都唔係太緊張，可能唔係太多時間去緊張啦，我練o左唔係好多次，同埋今年練過嘅都覺得自己做得麻麻地咁，可能無上年咁貼近考試同社會啦，所以今日都係考得ok咋。今年個人短講題目無上年咁好彩，唔太啱我style，唔多好講囉，所以真係做得唔太好，至於小組討論方面，我都係咁上吓，不過今年d對手比較弱，所以無乜火花，得一個被局揀反對的男仔係掂，個題目好一面倒吓，佢最後一個，好無奈咁被迫反對，但係佢都表現得非常好，我o個組其他人都唔太反駁倒佢，如果唔係我狂駁佢，我諗佢會head得住，不過over all個小組討論都係麻麻地，得兩個人討論咁，其他人都無乜points。
9/5/2004
嘩！我考完試呢個禮拜真係好累，因為有好多嘢做，又唔多習慣喎。
首先，大家都知道我要返工啦，返番補習社度做，雖然唔係做d咪嘢新嘢，但我同d仔都hey o左個幾月，所以都有d唔慣，我o個幾日簡直係更年期嘅高峰，日日都勁鬧人，鬧到停唔到口，連聲都沙埋，仲要收工時係勁頭痛囉，真係好攞命呀，勁辛苦。不過辛苦還辛苦，難得有工返，我一定唔會唔做，點都要捱落去，我諗過埋呢個禮拜，佢o地習慣o左我嘅style，咁就會好d，唔洗成日鬧，咁就無咁辛苦喇。
除o左返工之外，我緊係要練我未考嘅中文oarl啦，我又點會唔記得我仲未考，返去學校練過兩次，但我覺得做得好差，我太耐無練過，而家真係有d臨急抱佛腳feel，星期四就考lu，所以我呢個幾日要好好咁練吓，我唔想失準。仲要好好咁養聲添，如果沙聲就會唔夠聲同人爭講嘢。
當然，考完晒d AL之後，我緊係唔會唔去玩啦，我同o左兩位貴妃一齊玩，打網球呀，真係太耐太耐無做過運動，所以唔多識走動囉，kikiki......不過都好開心，可以同佢o地見面同玩，等tse貴妃考完試，我o地就可以玩到癲晒咁lu^3^。仲有就係有同事(係對我好好o個)請我去唱k，佢已經叫過我好多次，因為我唔太想同佢d朋友一齊唱，所以都推o左，咁啱今次我又考完試，佢又話請我呀咁，搞我唔好意思推，雖然聲沙，但都去唱o左少少歌咁，算係還佢一個心願啦。
最後，我作o左一個好貴嘅決定，就係報名讀普通話喇，讀完之後就可以考一個試叫psc，都幾重要。個course要四千蚊，我咁大個女第一次一次過洗o左自己咁多錢，仲要係o係非常短時間之內決定囉，由查詢到交錢報名，唔夠一個鐘，我又一次好型喇，我仲要比個職員話我好趕，明天已經要上堂，但之前一日先問詳情同報名填form，kikiki......以後逢星期六下午二至五我都要上堂，無得去玩lu，不過咁啱呢個星期六黑雨，唔洗上堂，又有d以前返學嘅時候知道唔洗上堂的興奮感覺添。
呢個就係我今個星期的忙碌生活，所以今日星期日，我全日o係屋企hey，係hey到爆囉，kikiki......下個星期要加油，大家都要一齊加油呀！
1/5/2004
今日約o左波波琪出街，佢話要去沙田睇克勤，佢廿歲人仲做埋d咁嘅嘢，我都唔知點解我會睬佢o架，呢d嘢都係dF.2F.3仔先會做，我早幾年陪人做過d咁嘅嘢之後都幾年無做過啦，都唔知佢點解咁大個人仲會做埋晒d咁無聊嘅嘢o架。我o地一出到沙田就見到楊千樺有個function，咁就走埋去睇睇啦，呢個波波琪話要影，咁就影吓啦，反正帶o左DC，楊千樺比幾年前見佢o個時真係靚o左，不過佢其實係化o左幾厚妝囉。之後我o地去左食lunch，波波k好心急咁將個lunch食完，因為要霸靚位睇克勤喎，我原本諗住佢唔會好似d o靚妹咁瘋狂，淨係想睇吓克勤啫，點知佢見到克勤就發晒，好似d瘋狂fans咁，仲要追克勤上車，一邊跟一邊尖叫，好可怕呀，我唯有跟住佢o係後面啦。雖然我無追埋去，但係陪佢做埋d咁嘅低能嘢，我真係好驚撞倒d學生囉，比佢o地知道，我以後都唔知點o係補習社立足呀，我以後一定唔會再陪任何人做埋d咁低能嘅嘢o架。
30/4/2004
我考完試喇，你o地考埋試之後，我o地就可以一齊去玩lu。等你o地呀