My diary
大王每天的行程、心情，都會記錄在此。
14/2/2004
Happy Valentine's Day!循例都要講番句比你o地嘅，有情牛嘅牛就緊happy啦，有牛同你o地sweet sweet咁過情牛節，都唔志在o架喇，所以呢句係特別送比無情牛嘅牛嘅，雖然你o地無情牛陪你o地，但係你o地有大王我，情牛節一樣會happy到震呀。
12/2/2004
今日有件開心的事，話說今日有d仔派exam report，我之前已知大部份仔都有d進步，其中一、兩個仔仲有好大進步。有一個仔(係女仔o黎)就係今日派exam report兼有好大進步，佢全班考得好頭吓(唔記得o左)，而全級就考三十五(好似)。
咁佢同我講"miss,今次考得好好，媽媽讚我好叻女，好開心呀，我由一年級到而家三年級都未試過有全級名次出o架。"
我就問佢"係呀，咁點先會出全級名次o架？"
佢話"全級考頭五十名先有得出。"
我話"咁你咪比上次進o左幾十名囉？"
佢話"係呀，我諗有成三十幾四十名o架，所以阿媽話我好叻女呀。"
我答佢"我都話你得o架，你比d心機會考得再好d添，叻女呀，比d心機再考好d。"
我覺得好開心，開心過自己考到好成績。佢一first term test之後，我就開始教佢，教到佢first term exam完，今次比上次進步o左咁多，我覺得好安為，雖然我好明白佢考到好成績，佢自己的功勞係最大，佢唔肯努力，我做d乜都幫唔到佢，不過我仍然覺得好開心，唔係因為我覺得係我幫佢佢先有咁叻，自己有好大功勞呀，自己好掂呀咁，而係我真係當o左佢(o地)係自己細佬妹(or仔女)咁，成日想佢o地好好地讀書同學好做人，所以佢o地成績好或有進步，見到佢o地開心，我都會好開心。就算佢o地成績唔係話咁理想，只要佢o地係乖嘅、聽話嘅，我都仍然希望幫佢o地同鼓勵佢o地。之前有個同事曾經對我講話我好快就唔會對d仔咁有感情，好快我就會適應呢份係一份工作，唔可以咁講感情，不過由summer course到而家，我都教過唔少的小朋友，見到好多小朋友離去，自己亦試過離去，但係我依然對d仔好有情義結，雖然我每日都好忙，有好多嘢要做，不過我依然好開心、好樂意佢o地同我傾計，同我講佢o地嘅嘢，同我分享佢o地嘅感受，佢o地將我當成大姐姐咁，就係呢份感覺令我做得咁開心，亦都好唔捨得要走，無奈而家對我最重要始終係自己的前途，唔可以唔走，呢d part-time只可以o係我有餘力時先繼續做，不過我會祝福我教過嘅仔。
2/2/2004
今日全日都o係屋企溫書，本來就無乜嘢打寫，亦都無諗住打日記，但係睇到一個朋友發表嘅嘢，又有d感想喎，所以就同大家分享吓。話說我呢個朋友超級搞笑，佢無端端o係度數自己有幾多"Gab friend"s，首先要講吓"Gab friend"係乜先？唔......其實我都唔係好清楚個定義係點，大概係同d"gib"人做o左friend掛，"gib"呢即係？？？(呢個係貴妃術語，要問吓貴妃tse先)，總之就係d唔好嘢o黎啦，我都唔知點樣解釋至好呀。好，講番先，咁我睇完之後就覺得好好笑啦，因為我呢個朋友都幾搞笑o架喎，無啦啦會o係度睇吓自己有幾多"Gab friend"s，都真係幾無聊，佢首先要續個續個朋友去諗吓佢o地係咪"gab friend"啦，然後將佢o地分成"Gab friend"類同非"Gab friend"類，再數數吓"Gab friend"類有幾多個，嘩，好複雜，睇o黎佢真係得閒得滯。
睇完之後，我就即刻有d疑問，究竟點解要去定義自己d朋友係咪"Gab friend"呢？我成日都覺得能夠認識到每一位好朋友(即係你o地)都係自己嘅福氣，當我有咩嘢事嘅時候，你o地都會關心我同幫助我，如果我有咩嘢事都唔理我嘅，o個d都唔算係friend o黎啦。咁又係點樣定義佢o地係咪"Gab friend"呢？係佢對自己"Gab"定係佢嘅為人"Gab"先算係"Gab friend"呢？呢樣嘢我就最混淆喇，如果條友對自己"Gab"，咁仲同佢做friend，咪理佢啦，如果你覺得佢係"Gab"人，咁你仲痴埋去同佢做有friend，咁你咪仲"Gab"。點解要數"Gab friend"，唔數吓非"Gab friend"有幾多呢？數o左自己有幾多個"Gab friend"s，自己都一定唔會開心o架啦，但係數吓自己有幾多非"Gab friend"s，咁咪可以知道自己幾有福氣，如果係冇乜or冇嘅話，仲可以趁機會檢討吓自己添，我覺得點都好過數"Gab friend"s啦。所以好好笑之後，我覺得佢都有d可悲，因為佢選擇去數自己嘅"Gab friend"s，而且佢仲認為自己有唔少添。
由於我o係屋企溫書都好無聊，所以就受o左佢影響，走去數數自己究竟有冇呢d所謂"Gab friend"喇，想唔想知答案呢？我都好好彩，我覺得自己都冇乜"Gab friend"囉，就係得o個一個會去數自己有幾多"Gab friend"同覺得自己有好多"Gab friend"嘅"Gab friend"喇(係單數o黎o架，唔洗加s)，哈哈哈......不過我都想同呢個"Gab friend"衷心咁講，我一定唔會嫌棄你o架(就算你再"Gab"d都唔會o架)。You are my best friend forever.(-->Gab friend???)
31/1/2004
今日一早就要起身，因為要去補phy，咁鬼早起身，搞到我上堂都鐘鐘吓，所以下個月我要轉去星期五晚補，唔洗再鐘鐘吓咁上。我上完堂就即刻打比盧貴妃，約o左佢比番d嘢佢，我o地見到面就緊係雞啄唔斷咁，傾到要貴妃媽打o黎"吹"添，kikiki......之後我就返屋企lu。
30/1/2004
今日唔洗返工，咁啱三毛太師有嘢要拎比我，我就順便賜佢與大王共進午餐啦，我o地約o左去青衣城食嘢，最後揀o左去我o地7S嘅聚會嘅老地方---青衣城pizza hut，我o地叫o左個迷你pizza同一碟麵，可能因為都幾耐無食啦，所以覺得好好食呀，我仲食飲o左杯好香嘅coffee添，我o地都食到好鬼死飽，之後三毛就返o左屋企，我就行一陣諗住買d嘢先返屋企，我行完百佳買完嘢，就發覺公司call我，我就打去比個同事，原來另外個miss要返學補課，返唔到補習社，問我返唔返到，咁我咪應承返去，但係仲有成個幾鐘頭先返去，唔知點算好，我就打比三毛求救，佢叫我去佢屋企等到夠鐘先返工，我緊係上去啦，我啱啱o係pk買o左嘢，咁鬼重，上去坐坐先都好，上到去我就緊係陪佢唱唱k，到夠鐘我就返工lu，又賺多日"他條"錢lu。
26/1/2004
今日要開工lu，全屋牛我最早開工，不過好開心喎，哈哈哈......開工又有開工利是收，呢排又"他條"喎，係咪好好呢？我一返到補習社，老細就比o左封開工利是我，我就好開心咁去做嘢，全日先得十個仔返，我同另外個miss好"他條"咁，又講笑又同d仔玩，老細見到咁，就即刻諗縮數，要我同另外一個miss輪流返，所以我可以返少兩日，咁就賺少兩日"他條"錢lu。不過老細都好好囉，我都就走啦，佢封o左成一百蚊開工利是比我，仲叫我比d心機考a-level添，又話叫我考完返番去做咁，雖然我辭得職都冇諗過可以返番去做，但係佢咁講都好識做，希望佢到時真係會等老師用，叫我返去做啦。
25/1/2004
今日終於都又出動去拜年喇，今晚去o左舅父間新屋度食飯，舅父搬o左去何文田山嘅一橦豪宅度住，o個橦真係豪宅o黎，係何文田山最高一橦嘅樓，o個個屋苑只得一橦樓，所以橦樓真係一枝獨秀，我同哥哥一落車就見到座樓，我o地就衝上舅父屋企，一路上我同哥哥都覺得舅父好勁，買間咁富貴嘅屋，上到去就仲犀利，間屋個廳有落地玻璃窗可以飽攬維港景色，真係靚到嘩嘩聲，原來三間房都一樣可以見到成個維港景，主牛房仲對到正一正個view，舅父一家晚晚都對住咁正嘅view，真係好幸福呀！對住個咁正嘅景食飯，今晚餐飯真係正到暈呀，媽咪同阿姨都整o左d正餸，加上舅母準備嘅，真係食到停唔到口，好飽呀！
其實我仲想同大家分享吓呢個舅父嘅事跡，我呢個舅父咁勁，住豪宅，又自己開廠，當中真係經過o左好多好多嘅努力，佢o係十幾年前，佢當時仲未結婚，已經試過破產，不過佢無放棄過自己，幾年之後，結o左婚就同埋我舅母一齊搞公司，呀唔係，係我舅母幫佢手去搞公司，初初佢係做d唔知咩咩生意(o個時太細，所以唔多清楚)，後來賺到錢，佢就開鋪頭買自己設計嘅衫，真係好犀利，後來生意唔好，蝕o左好多錢，連層樓都蝕埋，又要借錢呀咁，佢都無放棄過，無懷疑過自己嘅才華同能力，佢就去同人打工，努力搵錢還債，佢好高職位，好高人工，好快就還清d債，經過咁多挫折之後，我舅父都仲未死心，呢兩年再接再厲，佢自己開廠造自己設計嘅衫買，做自己嘅品牌，不論成功與否，我覺得佢呢份毅力真係"無與輪比"嘅，跌跌碰碰咁多次，仍然可以自己企番起身，而且佢原本份工已經好好，職位同人工都相當高，但是佢仍然堅持自己嘅理想，相信自己嘅能力，要賣自己設計嘅衫，今次仲厲害，自己開廠"車"埋添，做埋自己嘅品牌。雖然佢脾氣唔多好，又好少同我o地傾計，但我真係好佩服佢o架，亦都希望大家遇到挫折時，可以好似仍咁堅毅，一定撐得住呀。
23~24/1/2004
琴日年初一已經去拜o左年，呢兩日都唔出去拜年喇，天氣又凍成咁，出面又冇嘢玩喎，所以一家牛唯有一齊o係屋企hey啦，日日狂食全盒d糖，又咩嘢鬼電視都睇一餐啦，又係咁同阿哥爭個電腦用，但係又唔知用o黎做乜咁，總之d生活就係勁hey啦！(不過我又唔想溫書喎！可能因為太凍啦，又可能係難得全屋牛一齊爭嘢食同爭嘢玩。)
22/1/2004(大年初一)
踏入2004年咁耐，我都未打過日記，真係好鬼死懶呀，今日係大年初一，就當係新開始啦，再打吓日記，等各位子民都知我呢排點樣，我知大家都非常之咁忙，個個都會各自有自己嘅嘢忙，o係咁忙碌嘅生活之中，我真係好開心，你o地都冇忘記我呢位朋友仔，不時都有收到大家的電話s、sms(es)、e-mails、letters 同 cards，我真係好感動，每次收到你o地嘅問候同鼓勵，我都會覺得好溫暖，而且好鼓舞，o個日溫書、做嘢都會好鬼起勁，心情靚絕咁樣樣。雖然未必可以好似以前返學咁成日見到面，成日一齊玩，但係大家嘅感情亦都唔會話就咁就淡，反而會越o黎越好，因為大家會開始學會珍惜，珍惜我o地每一次傾計、每一次見面狂歡嘅機會，珍惜每一句親切嘅問候說話、每一份出自真心嘅關心，多謝你o地每一位將呢d咁好嘅禮物源源不絕咁送上給我。
o係上年，我特別察覺到、深深體會到自己的福氣，上年我o地大部份都會經過人生裏面一個大關口(其實過o左又覺得冇乜嘢)，o係呢d咁重要嘅時刻之後，自己就特別多反省，我發覺自己真係有好多非常之好嘅朋友仔，我自問都唔係咩嘢大好人(不過我都唔係壞人o黎o架)，而且脾氣仲唔多好添，成日都會得罪其他牛，但係o係我身邊就有好多好多嘅好朋友仔，你o地個個都對我好好，包容我的壞脾氣、任性、硬頸固執、鍾意唔理牛感受、迫牛做自己鍾意的事(好明顯我真係當自己係大王、皇帝，想點就點)......(唔再數lu，再數真係搞到好似衰到貼地咁)，所以我非常感謝上天對我嘅眷顧，讓我結識到你o地一班咁正斗嘅朋友仔，能夠擁有你o地對我嘅關懷同愛心，我真係好幸福，所以我要同你o地每一個講一聲(好大聲咁講o架)"我愛你呀！"。
新的一年，我衷心祝大家身體健康之餘，仲龍精虎猛；心想事成之餘，仲行運一隻牛(新年大流，就比我同所有子民貪心d啦)。屬鼠嘅朋友，今年會福星高照，行好運，所以大家要加油努力，做多d自己想做嘅嘢，將我o地d好運用盡佢，唔係屬鼠嘅朋友都唔緊要，你o地一樣福星高照，因為有我o地呢班福鼠(牛)嘅朋友高照你o地麻，我撐你o地o架！總之，今年所有牛國嘅子民都要草得草，要牛得牛啦！