[2004.12.30]年尾
尋日見冇乜野做, 特登走去尖咀太空館睇電影•三點半去到,
先睇左套《迷失樂土》, 主要係講委內瑞拉一個超級瑪雅古城突然滅絕, 從中探討現今New
York會否走同一條路•其實套野集中講委內瑞拉平頂山同New York市郊一個湖既生態, 告誡我地要保護生態鏈•套野幾表面, 冇乜野講,
我又坐得前, 睇得勁辛苦>.< 好在隔離坐左個靚女>3<
跟住就去參觀下太空館同文化中心, 再出海傍影下相•六點二我又睇另一套戲, 叫《奇異星體》•呢套野幾好, 教我地睇星, 又講下超紅巨星, 新星,
磁星, 中子星, 奇異夸克星, 吸積盤等....幾多野諗下•套野愈講愈深, 講到上夸克, 下夸克, 奇夸克同埋事件邊界,
重講到霍金個黑洞保存資料問題, 勁深•同場既師奶同小朋友睇黎唔會明.........
睇完成七點, o係尖咀行多陣, 影下燈飾就走人•
海嘯災情愈黎愈嚴重, 香港都有好多人失蹤, 見到video影D人沖走, 都好無奈•有時D野都唔知點解會咁?
好彩阿靜未去布吉ja, 唔係真係大檸樂•
------------------------------------------------
26同27號我同教會活石小組一齊去南丫島宿營•活動都唔錯,
首先o係沙灘唱歌, 又有玩UNO, 跟住又黑麻麻點蠟燭, 一齊分享小時趣事同相片, 夜晚重走出沙灘點營火..........
第二日我地食完早餐, 一齊靈修敬拜, 最後o係沙灘玩左陣就走•
呢個Camp我真係食左好左「立雜野」, 又豆腐花, 又雪條, 又番薯, 重有薯片咁..........勁肥>.<
小組下年就解散, 有D唔捨得>.<真係好多謝Peter同靜
出年個小組唔知會點?
------------------------------------------------
愈玩愈覺得Xanga厲害, 個skin可以整到超靚, 咁就唔會千篇一律啦!
See?
..........................................................................................................
[2004.12.22] 假期呀!
原來我之前申請左一個Xanga Account, 早排攞黎玩下, 發覺原來幾多野玩~重可以自己設計interface, 勁靚!
好野~
--------------------------------------------------------------------------------------------------------------
尋日晏晝出左尖咀科學館睇那個《西九龍文娛藝術區》既展覽.......免費入場, 三間發展商仲有精美小冊子同DVD/VCD派•
整體黎講, 香港薈萃既設計比較吸引, 活力星的也不錯, 藝林的天幕實在太骸人了=.=
之後大搭火車入中大開會, 但什麼也傾不成!! 入中大似乎只為打掃間宿, 淋下花, 同攞D野番黎.......
呢幾日睇左兩套戲: 《地心探險》同《天擊戰線》......前者係未日災難片, 後者就係一部政治戰爭片, 兩部都幾刺激•
另外, 我又借左兩本郊遊書同三本所謂「商機書」, 睇下假期會唔會充實D啦!
我重有一套電子書, 有全套金庸, 古龍, 倪叵等小說! Great!
...........................................................................................................
[2004.12.19] IT人的苦水
以下篇文章是我在網上看到的•雖然偏激, 但好些論點我頗認同•
粗字是我特別贊同的, 而紅字就是我的意見•
「試問其他各行各業, 有那些轉得夠IT快? 今年學會VB, ASP,or
MCES 2000 出年變
VB.NET, PHP or MCSE 2003 都算, D老闆又希望你識埋Java, J2EE ,novell engineer
大佬, 唔同Platform架!!! 等於叫一個西醫開中藥 , 衰就衰在D人有常識, 唔會亂叫西
醫開中藥, 但對IT佢地又唔識咁諗, Great!
大家諗下, 要一個西醫學埋中醫, 要幾多心血, 而我地IT人卻偏偏要走這條路, 唔走又
驚俾人淘汰.
VB or Microsoft 轉 Java or Novell 只係一例, 隨便一想, 這些例子比比皆是,
如 programmer 要有(老闆Assume) network 的知識, programmer 要有(老闆Assume)
server administrator 的知識等,咁即係話西醫讀完中醫又要讀埋心理醫生!!!!!!
問題就出在一般人唔會覺得內科醫生唔學外科醫學知識為不求上進, 但係對IT點解佢地
會話一個Microsoft expert唔識Linux 為不進取!
//我覺得IT真係轉得快, 但係唔應該好似佢咁樣•勁既IT人學左個Programming Concept, 就唔使下下由頭學過!
//不過我都應同IT需要你十八般武藝,
樣樣識先得~
我個人認會在一般人對IT還未有足夠常識之前, IT 人係好難有好日子過, 亦好難得到
別人尊敬
至於有人話IT搵唔到錢, 我個人並唔同意, 只不過我地係付出2倍的努力去換取一倍回報而已
付出：
1. 讀書量認真的話可以同醫科比，知識更新率應是所有科目之冠。
2. 功課量最多。
3. 投資極大，書超貴，考試更貴。
收穫：
1. 失業日子多過返工。
2. 返工極驚失業，毫無職業保障。
3. OT 極嚴重。
4. 領取比保安員還低的薪金。（保安市價 7500 十二小時，高級保安 8500 十二
小時，保安長過萬八小時。）部份IT人現領取清潔工人的卑賤薪金，可恥。
//人工低, 工作量多..........十分同意!
//當然, 行行出狀元, 有人搵到錢, 但整體性的確不佳
社會人士的看法：
1. 科網泡沫爆破後，社會開始歧視 IT 人。
2. 所有人都認為託 IT 人幫手檢查或提供其他服務，是無義務付錢的，因為 IT
人的知識只是清潔工人的價錢，難道你託朋友幫你丟垃圾也要付錢？
3. IT 人是不需要私人時間的，俗稱朋友的社會人士會託你幫手
format windows
重裝 or 幫佢裝電腦，一般需時一個下午，佢會叫你做，然後自己去玩。但人情maintain
就一世.
4. IT 人的職責是所有有電的物件的保養維修。
1. 到你老左，business knowledge 又無，tech skills 又 outdate。做 sales
人地話你樣殘，做 low level 工作人地覺得你太 smart。
2. 同親戚講你做 IT 佢地覺得你下年都唔知仲有無得撈，只係會叫你幫佢買電腦。
3. 成日 OT，都係連同朋友的共同嗜好都無埋，莫講話識新女，六親都無埋。
4. 個人太 outgoing，太 fashionable 老細覺得你唔會坐係度專心做 program /
system Administrator。要夾硬迫自己變柒//<----這個搞笑, 但又有少少啱。
5. 無機會學好英文或者普通話。只係會用 Technical English。
6. 講野成日 if then else while for / infrastructure，係朋友都怕左你。
你自己仲以為自己好醒，好 logical//<---佢好似講得太誇張。
7. IT人唔會同其他IT比較能力同人工。只會比較大家的 contract period 有幾長
同放工時間。早放工 or contract period長的 IT 人會覺得自己好自豪。
8. 你做緊重要野，老細會當你係神，你仲可以惡過 D top sales。但係無
bonus，無職升。但係一做完同 system stable，一個唔覺意，你自己的工作就會
shift左被人 maintain ，可能係一個能力學歷比你低的人。可能要搵定後路。
9. 眼見其他老同事一個個踢走，工作俾左你。仲有一 D 平價新人上位。老細喜歡
助長佢地氣燄，等佢地以為自己好受重用去咬你。你覺得你自己是一隻衰老中的雞。
10. 你做到野，同其他行業唔同。老細唔會覺得你有能力去 lead 其他人，就算你
有，都驚你跟緊個 system 會死。情願用個外來人做你阿頭。
11. D 同事上網上得慢,佢地覺得你唔夠 tech 去改善, 從來都唔覺係 outside
web server 多人上以所慢.
12. D 同事玩唔到icq , winmx , outside pop3 ..呢D program.就叫你
立刻改,唔改就話你唔夠 tech ,大佬呀有公司 policy .
總之，當你見到你的同行一個一個咁陣亡，但係你仲有得做，就算老細 lum 你，
你都會開始懷疑自己仲可以做幾耐。呢種心理感覺同壓力，就算是無間道的秋生去
扮演，佢無辨法俾到戲你，因為佢未做過 IT。做到的，肯定可以成為影帝。
實當初為何會選擇ＩＴ？
是因為當年ＩＴ巿道好？人工高？
還是對電腦有興趣，以興趣為職業？
１９９８－９９年，世界ＩＴ大熱，泡沫湧現，出現大量ＩＴ學額。
現在ＩＴ泡沬已爆，ＩＴ人需求激減。但到了現在，大量ＩＴ學生都畢業了，做成大量
ＩＴ人出世！
基於需求與供給的定律，巿場自我調節薪金，ＩＴ業人材因供過於求，薪金一定比其他
行業低好多、好多、好多、好多、好多、好多、好多、好多、好
多．．．．．．．．．．．」
...........................................................................................................