跳跳虎五一七足球隊團年飯係年廿九假蝴蝶灣經已順利舉行完畢，席間大家交換左禮物，老嚴抽到按摩膏、梁俊得到最名貴既禮物波襪一對，孫仔有唔知乜鳩野，馬高得到貼紙薄、老N得到雞脾阿媽買既香薰、劉丰抽到護膝、肥馬有劉丰既蘿蔔糕、肥蔡有麥提莎、大口有樂必治咳藥水、曹鬈有體汗劑、雞脾有嗽口水、陳輝有grammar書一本、阿君有髮蠟，阿航抽到大口既止汗劑。我係度代表跳跳虎多謝大家俾面出席，而且有帶備禮物交換，另外亦強烈遺責兩個飛機友阿穎同譚聰，我地感到非常失望。我地明年再見。

另外，跳跳虎五一七足球隊新一屆領導層正式上任。雞脾係經過投票後正式成為球員公會代表，任期為一年，希望佢能夠好好為你地反應意見。

跳跳虎五一七零六年全體出席率為49.92%，下半年出席率比上半年升左近八個百分比，其中曹鬈同鄭信並列首位達94%，而老嚴則以86%僅隨其後，而最低出席率的為江子，全年僅有13.73%出席率。全年共有五十一個踢波日，有十位球員出席率過半，其他球員應該自行檢討。值得一提既係有17位球員既出席率係下半年係高過上半年，其中阿穎以13倍既升幅居首，而阿航既出席率則跟隨其後。以半年計，劉丰上半年100%出席率而曹鬈則下半年達100%出席率。以月份計，曹鬈、鄭信及老嚴分別有九次達100%出席率。詳情可登入大回顧小統計一欄觀看

二零零七年終於來臨，跳跳虎五一七足球隊係時間作出最後既回顧。跳跳虎全年總共踢左51日波，一共265場，贏左132場，和左5場而輸左128場。全年跟隊既得勝率係49.81%，末能過半。另外，跳跳虎踢過兩場友誼賽，對手分別係新校隊同埋安健聯，而戰果係輸新校隊2:5同埋贏安隊6:2。比賽方面，跳跳虎踢過三場比賽，分別係葵青康文盃及油尖旺康文盃，己隊力戰而敗。分別輸0:2，0:4及1:2。

入球方面，全年有17個隊友有波入，而整體一共入左148個入球，前鋒共入左72球，48.65%，曹鬈係前鋒神射手。而中場則入左64球，佔球隊43.24%，其中肥蔡係中場射手。而後衛方面都有有5人入過波共十二球，其中阿穎係後防射手。

跳跳虎全年總共有17人當選過焦點球員，其中以肥蔡五次為最多，四位球員以四球僅隨其後，而焦點率最高既係肥馬。瘀血方面總共有18人當選過，其中譚聰以四次居首，而瘀血率最高既係孫仔。全年有9人係當選瘀血比焦點還多，其中大口及阿君均末曾當選過焦點但已當選過瘀血，兩人應好好檢討，而林豪末曾當選過瘀血但有四次焦點為最出色。

經過各位跳跳虎隊友投票後，2006年度各項既獎項亦都有最後公布，詳情如下：

本年度各獎項都名花有主，今年以林家豪最威個人包辦四個獎，而有多人連奪三個獎項，當中李玨政更以總計有十七個獎項繼續領先黃海龍既十五個獎，睇黎兩人出年繼續都有惡鬥。而徐子航可以話係最威既一個，個人係十佳同最強防守都係第一而最強攻擊則為第二，可見佢是全材球員，可惜近排都無乜見過佢，希望佢唔係沉淪啦。而雞脾則倒退得最勁，由往年第一既防守退到第三，攻擊亦跌出榜外，十佳都由最第一位跌落最尾，更拎埋最佳退步獎，雞脾都應該好好反省下。而老嚴同老N都可以話係最有進步既球員，老N不但拎左最佳進步獎，更首次入選十佳同最強防守球員，實至名歸。而老嚴得票則不斷上升，此子實力尚有無窮既進步空間。

跳跳虎五一七足球隊將會參加2007-2008第一屆既聯卓既乙組聯賽，經過我地親自聯絡各隊友下，有大約十五、六位隊友將會參加呢個聯賽。當然佢地必須每月繳交會費，最快會係呢兩個禮拜內收取大家一百元、然後每月60元既會費，經常初步討論，每月三號前必須過到數落球會戶口，而詳細既新會規亦會稍後公布。

    跳跳虎五一七足球隊傳統以來都有黑色四月，如陳輝一碼飛機，然後退隊、陳輝扮施丹仆街然後抖近一年，同埋大口爆眼角等等，而且成績方面都唔係咁好，舊年四月得勝率係最低既一個月，僅有21%，創出紀錄。但今年第一場就係愚人節踢，得勝率過左一半，劉丰同林豪都破左兩個多月既入球荒，似乎黑色四月陰影經已過去，但大家都唔好咁易鬆懈，因為費時大家學陳輝咁啦，今日先後一號，仲有成三十日，四次踢波要捱，祝大家好運啦！

另外，四月份賽程已上載，請各位查看。大家唔知仲記唔記得十二月踢過次人造草比賽，果次既評論今日已經出左，大家可以係首頁下面果渣野到click入去或按此進入！多謝觀看！