新網頁1

柏基心頭愛

GLAY 　「去年開始中意這音樂隊，每個隊友打扮好有型，。每天上網時會上有關GLAY的網頁睇呀，尤其GLAY的隊長Takuro(久保塚郎)和低音手Jiro(和仁義仁)。如有興趣，可去我親手設計GLAY的網頁睇! (按右圖進入)」
數碼相機　「我好想有自己的一部，可隨時拍風景和人物，因我驚自己錯過美好的事物。但是，我想要部機要大約四千幾蚊，因我想要一部最好部。希望儲錢等有錢才買一部，好想拍照呀! 見到自己拍的相片，心裏很興奮。」
上網找靚相和靚Wallpapers 　「除online傾icQ，我會上網搵靚photo和靚wallpaper，如搵到心水，我會save係我部電腦度，用黎擺destop或做設計。世界有好多靚photo和wallpaper，所以我要慢慢搵。直到依家仲好搵唔到中意的wallpaper呀!」
科技片電影(有關妖龍或怪物) 　「我中意睇電影，尤其有關龍或怪物，例如﹕侏羅紀公園和魔戒等。我中意外國電影片，道具做得咁逼真，令我半信半疑。我依家最中意就係"魔戒"，我想這部機是最好o既! 睇後再睇仲不覺得睇厭呀! 值得買vcd呀!」
打波　「每禮拜五六我會去新蒲崗度打波，非去不可。如有事不能打波，我會少少失望，連遲到重唔中意呀!我中意打勝呀! 好勝呀我! 輸左我會抱怨自己的球技，我希望打波技巧進一步。打波時我中意射三分同搶籃板，我要好好練波，當做運動一下吧!」
EMILY 　「這女仔俾人神秘的感覺，佢思想古怪，令我對佢有好感。她的生活只有黑白灰紅四色。設計好靚，令我對插圖有好大好大的興趣。我好中意睇emily的網頁。按圖可進入這net睇呀!」
藍天白雲　「最美麗的東西就是藍天白雲。我以前返工時好多次唔開心，我便睇天空，見,到變化無窮的白雲和廣闊無邊的藍天，不知點解一睇心裏就好d，重很舒服，唔開心的事情全部走o西。如可以躺在綠油油的小草上，凝望藍天白雲，我想心情會闊左好多好多，當時的感覺可能難以形容呀! Yeah!」
訓教　「唔開心就立即訓教，聽日無事呀! 累就訓，醒後人精神左好多。如有發甜夢就好，訓至唔想醒呀! 哈哈! 我中意做至好夜訓，訓至中午才醒，如可以日日如是就太好! 不過訓太多腦子會遲鈍，唉...早訓早起，我唔中意...」
維他商標檸檬茶　「每次去7-11便利店買飲野，我會買維他牌檸檬茶。我好中意飲這茶，雖然酸溜溜，但好飲呀! 如唔開心，我會買檸檬茶飲，讓我心裏過好d。菊花茶、綠茶、麥茶、凍奶茶和可樂我仲好中意飲呀!」
Nicola Cheung 　「我平時冇心裏的偶像，找不到最好個。不過Nicoka Cheung(張燊悅)個樣算靚，可愛、活潑、女人味和性感，令我有dd中意佢，尤其她的啡色捲曲髮。好想見真人呀~嘿嘿..」
韓國燒烤　「除元氣之外，少不了韓國bbQ呀! 我好中意同好frenz一齊食。一邊燒肉，一邊傾計，好享受呀! 氣氛好舒服，令我好似返屋企咁舒服。如有特別節日，我會約呀好frenz一齊去尖東或旺角間食o架!」
MILK, COOL,IdN, "多士"等設計雜誌　「什麼設計雜誌我仲有興趣去睇呀睇，尤其Milk和有關設計插圖。我最喜歡接觸新事物，認識新的東西吧! Milk、IdN同Cool好夾年青人睇呀!好多野睇呀!有新潮流既物件呀! "多士"是好本書呀! 攝影好靚，但無法在書店報攤買到，要訂購呀!我好中意係晚上睇雜誌，因晚上時心情特別好好，睇得令我得到享受感和感到舒服。」
NBA 　「每禮拜四晚上我仲會睇NBA比賽，睇波後好想打波。我以前中意買NBA雜誌ROCK和JumpShoot，但依家好少買。不過我仍然上nba.com睇一睇。我中意溜馬隊的米拿、熱火隊的鍾斯和湖人隊的拜恩。」
上網看攝影設計　「上網時不要錯過看有關攝影設計的網頁，因好多人用flash黎擺自己的傑作，搞我一睇就唔俾家姐玩icQ，哈哈! 好好吸引呀! 如有時間，我會搵呀搵，睇呀睇。如有興趣，便去睇好Links搵呀!」
公牛隊錄影帶　「公牛隊的佐敦和柏賓合作比賽，好厲害。得分叻，三角傳球又叻，睇一百次仲唔厭呀! 公牛隊是NBA最強的一隊，我永遠佩服公牛。我希望我隊像公牛咁好。我好想有錄影機和公牛錄影帶呀! 如有，我會日日睇呀! 」
上廁所　「哈哈.....每一朝早能夠順暢地去廁所的話，會令我興奮莫名，事關能夠於一天的開始就可以清理體內的垃圾，心情特別好嘿! 好的開始就是成功的一半! 哈哈...」
ICQ傾計　「每晚我會online和上icQ，因為我想同朋友傾計，保持聯絡和感情。上icQ時可認識好多網友，同時學打中文和英文，一舉兩得。我想每天有好多話題，唔想無野講，只講"嗨!"和"ok!"。另外，我識左好網友，佢係小西梅，識左八九個月，感情好好。如想識佢，可按圖進入佢的網頁睇。」
漫畫書　「以前我日日買，依家我多數借朋友睇。我最中意就係 "火影狐忍"、"舞吧! 昂"、"通靈王"和"花之慶次"，很好睇。好感謝死黨Terry和好友David一直借俾我睇。Terry屋企有好多漫畫書呀!好羨慕啊!屙屎時睇漫畫書好享受呀! 哈哈!」
日本　「我不只中意日本新潮流地方，還有中意日本的鄉村，空氣清潔。細個時直到依家我有夢想，就是想做小城市的小漁夫和小鄉村的小農夫。因為想在舒服的環境裏過生活。」
元氣壽司店　「我好中意食日本材料，元氣的壽司好靚又好食，我好中意食凍豆腐、冷麵和綠茶。一食後就說﹕「能食到這美味的壽司，真是太好! YEAH!」如可以去元氣壽司，我會慢慢食，好好享受美味的壽司。」
Mitsubishi UM-151 　「這編號是我心愛枝黑色水性原子筆的。這筆寫得好靚好細，令我心情好好。我溫習會考同應付會考時用這枝筆，有枝筆我信心比較大d。直到依家，我仍用這枝筆寫字。見到字靚，心就甜呀! 哈哈! 不過枝筆算貴，一枝要9蚊，希望平d呀!」