BoBo初體驗又驚又唔慣
何超瓊前晚在好友劉鑾雄的豪宅舉行四十二歲生日豪宴，席上她拉�韝j劉合唱《只有情永在》。至於被陳百祥帶去豪宴見識場面的陳文媛，坦言帶兩梳蕉出現令她尷尬兼有點驚。
前晚由富豪劉鑾雄任派對搞手，為好友何超瓊（Pansy）慶祝四十二歲生辰的超豪夜宴。據知大劉除為她準備多款名貴刺身包括鮑魚、吞拿魚等及到會BBQ，連生日蛋糕都要吃名牌的Zoe。在大劉悉心安排下，Pansy與一班富豪好友大快朵頤後，超豪夜宴的餘興節目就是唱K。
阿叻前晚雖臨時拉伕帶陳文媛（BoBo）、前E-Kids成員阿添及Kawaii等到富豪夜宴見識，但這班歌手藝人並非為Pansy生日高歌助興，反而唱K唱得最落力的是壽星女及彤叔一班富豪。而當晚唱了多首飲歌的Pansy，更拉�騕h錫她的大劉合唱情歌《只有情永在》。而大劉為派對打點一切外，還送上價值數萬的名牌Herm𥲑手袋給壽星女作生日禮物。
至於姍姍來遲的鍾鎮濤（阿B），雖跟BoBo一樣兩手空空到場，卻給壽星女一個驚喜。據知阿B於凌晨十二時許到場，即被Pansy捉住點唱其名曲《讓一切隨風》作為生日禮物，四十二歲感情生活交白卷的Pansy如被唱出感受，聽得十分投入。一班富豪藝人玩至一時許便陸續離開，未有飲醉的Pansy亦面帶笑容的離開派對。
兩梳蕉靠邊坐
前晚有份出席何超瓊生日派對的BoBo，昨日出席活動時坦言不認識Pansy及劉鑾雄，只是叻哥帶她去見識，她說：「初初我唔知有人生日，都有同Pansy講生日快樂，但係就有些少唔好意思，因為禮物都冇買。」而BoBo坦言前晚有點不習慣及驚，全晚只與前唱片公司同事坐在一旁。