是日難得我有假，就同阿真約埋，去大澳join cheap精佢地，佢地果晚已係大澳果邊過夜0架啦~我同阿真足足搭0左兩個幾鐘頭車，上山落山咁...真係有d暈車浪，沿途阿真話今日我會見到一個新朋友→呢位女仔係曉子帶來介紹比cheap精的~呵^~^真的？很想快些見她呢~

     一落車就見到佢地係碼頭等我地喇~(有思建、雪、cheap精、zoe、曉子、秋文、那位傳聞中的女仔)，我首先行埋佢到，say HI，跟住阿真仲同佢握埋手添^^，跟住仲同cheap精講，我摸到佢隻手呀，哈哈哈咁~阿真果樣仲好得戚添.....哈~~~真笑爆肚....那位女孩子叫嘉儀呀，真人比相中靚，而且我相信她幾玩得的^^希望今次我地0既熱情表現唔會嚇怕嘉儀啦~

     去到想食果度出名0既茶果，但未出爐(失望>_<)，沿途見到d得意0野就影低落0黎，跟住就入0左一間茶餐廳食水餃同冰冰，很家庭式呀~~~那位老闆好nice呀，又斟酒，又拿碗杯，又唔嫌我地一大柵人只叫0左d水餃同0野飲，最正0既就係果度播埋d舊歌，真係別有一番味道，那~~~今時今日咁0既服務態度就好喇~^^

     由於亞雪0既親人係大澳人，所以就順道去探望亞雪0既阿姨，我地個個都帶兩"梳"蕉去，真係有d唔好意思>.<果度有位歲幾小男孩(噢~已忘記係亞雪0既咩人~)總之秋文成日撩、攪佢，真係"鄧"個男孩子慘，但最後都比秋文0既熱誠所感動，跟住仲玩得好投入添，直情係"喪"0左。其後阿姨仲帶我地去買蝦膏添，我一0黎就買0左兩舊，比我屋企人整「咸蝦蒸豬肉」，美味~~~跟住沿途去行埋碼頭，仲比我地發現曾幾何時有套電視劇→大澳的天空，那個拍攝場景，果度個景又真係幾靚0架喎~仲見到有人整一磚磚0既蝦膏添，跟住去到碼頭，嘩~~~大風到無人有，講0野都要大聲d，個體重輕d都會被吹走，果度有位阿伯同亞雪姨講，嘩~~帶咁大班細路出0黎行呀，哦？細路？哈~~~係呀~我地好細0架咋^___^仲有呀~折返時由於逆風的關係，個個0既身型都現晒形囉~尤其個肚腩仔呢^.^返到雪姨屋企，為了打發時間，大家齊齊玩UNO同Killer，我第一次玩killer，第二round就做killer啦~初時都無人估到我0架，以為我第一次玩乜都唔識，最後我可能太緊張啦，掩飾唔到我"道氣"，比我身邊0既曉子發現0左(哦~~~我0既動作梗係大得滯喇>.<)我下次只用眼神殺人喇....哈哈哈~~~~

     跟住亞雪就介紹0左一道地方0既小食比我地，果度有燒魷魚、鱔片、瀨尿蝦乾等，我地叫0左鱔片和瀨尿蝦乾，鱔片好香脆，瀨尿蝦乾好鮮味呀~~~實在太好味喇！mummy~~~那位老伯仲好細心將d燒濃0既部分去掉，真係好正0架，大家去到記住幫襯0下呀~果度得一間車仔檔咋，跟住去0左唔知咩橋(雪講過，但忘記了)，跟住就去買海味，秋文同zoe買蝦乾，仲猛咁講價呢^_^哈~~~真無佢地符。

     六點左右去0左一間食肆食海鮮，有海蝦、薑蔥炒蟹、椒鹽瀨尿蝦、辣酒螺、蒸魚呀等等，都係唔太飽，同埋d0野食一般啦~每人花四十幾蚊，都幾化算0既~~~就係咁，今日0既行程就咁結束囉