Tissie小記
四十一至五十回
Tissie小記第四十一回(行夜山)
今日9月30日,今日和正個上環區的弟兄姊妹一起行夜山,真的好開心,其中和一個帶了用瑩光棒正的老鼠耳朵姊妹好好傾差不多全程未停過,由頭講到尾!!中途見到一個姊妹屋企,她向我地關燈開燈!!打信號勁搞笑,真係估唔到咁遠,都可以見到大家..另外有一個姊妹因亂講螢火蟲英文,而她名有個瑩字,所以見到螢火蟲就唔叫螢火蟲,直接叫她名(XX瑩),其實今次行夜山不算辛苦,但和一班好好傾的弟兄姊妹一齊走,真係快樂無比!![真係有D想叫一個帶了用瑩光棒正的老鼠耳朵姊妹,叫她做老鼠姐姐]咁樣,計之前麥兜姐姐和大黑熊後,我地有老鼠姐姐,搭多個螢火蟲姊妹!!遲D我地學生家可以開動物園!!
Tissie小記第四十二回(月圓之下)
今日10月1日,今日和一班朋友去了睇煙花,其實係屋企睇,我都覺得浪癈時間,但為了班朋友,冇計啦!!成場煙花,都係好求其叫了幾聲!!接凓同班朋友去了打機,原來現在有隻拳擊遊戲好正(我信主後好久未去過,所以都唔知道),但玩完後,兩隻手都脫了少許皮,實在太刺激,另外有隻射擊遊戲都幾好玩,要成身動先玩到..極其過隱!!之後各自回家,在中環分手,走路回家途中,正條街都冇人,我突然心想遊戲機舖係好玩,但始終認向形象,都係小去為妙!!
Tissie小記第四十三回(香港拉登)
今日10月4日,相信大家前天有睇報紙的話,都知香港拉登是咩!!他就是寫信去,恐嚇香港政府各高級官員的人兄,他還放下毒藥在某間超級市場...但最緊要的是香港拉登的鋪在我屋企對面,捉到佢都好似過一段落,但他落毒的超級市場在我屋企上面,我近排都去個間超級市場買零食呀,咁就死啦!!咁都唔死得,真係感謝主呀!!今日仲好多藍帽子(警察),係我屋企下面,成條街有二十個左右,個間超級市場都有五個呀!!!
Tissie小記第四十四回(電禱)
今日10月11日,今日小組後,大家都沒有什麼意思,留守在上環,所以都回家了..點知有一個弟兄想早D放工,想給我們一個驚喜,和我們一起祈禱,但最後我們早走了,只留下這個弟兄呀!!他打電話給我,傾了一陣計,突然他說來個電禱,即是隔住個電話一起祈禱,原來遠在半年之前,而經有電禱這回事!!電禱這種感覺好奇怪!!你唔出聲冇乜事,一出聲就唔知怎樣好,真係好奇怪!!大家都不彷試試呀!!
Tissie小記第四十五回(姊妹家)
今日10月19日,今日食lunch時,我和一個同校的弟兄,去了我家族的一個姊妹屋企食lunch,她家真的很大呀!!還養了二籠禽獸(雀),我們吃完飯後,她還監我們喝水,她對我們好似她的小學生咁!!到走的時候,我還好開心咁,拿住三個便當(飲盒)..........去掉呀!!雖然只是吃lunch,但這段時光,是我正天最開心的時刻,因為大家是弟兄姊妹,有一份親情呀!!
Tissie小記第四十六回(步行日之好'耶'姊妹)
今日10月25日,今日光愛中心步行日,我和幾個上環弟兄姊妹行,我們傾計中途,有一個姊妹,因被一個弟兄玩<-----(唔係我),說了句,.....'耶'~~~~,之後我們連忙取笑,我們還美化她這個助語詞,張講的每一句都加上...耶~~~~,例如:(好開心呀!!....耶~~~)(好嬲呀!!....耶~~~)(好好笑呀......耶~~~~)(好衰呀....耶~~~~),她又步行中途被我笑到去飲茶..真係好搞笑架!!......耶~~~~~~~~~
Tissie小記第四十七回(修頓..好勁呀)
繼步行之後飲茶,之後我和幾個弟兄,去了修頓球場打波,大家都知修頓D人好強呀!!我初時都估死啦,實冇得打,點知打四場..WIN兩場,我仲可以是佢地面前扭過....嘩個種虛榮感.....真係'勁',可能佢地冇盡全力,但始終都係勝利!!哈哈!!我真係想多D落修頓打波..愈強越強咁先有進步!!這樣我又想,在事情上,多些經歷主先有進步,好似打波一樣,未打過實會失敗,打下打下強一些,打下打下又強一些,總會有出頭日,所以失敗<---(心靈上)唔緊要....經歷主多,自然就強呀!!強~~~~~~~~~~~~~~~~~~
Tissie小記第四十八回(走火警要行山)
今日11月7日,今日上堂的時侯,突然火警中響起,大家都知道是演習,當我們出校門後,先知要去的地點是山上面一個公園,大家都好搞笑地逃出學校,街外人看我們有點奇怪,因為一行二百幾人,個個西裝友的樣子走去行山,真是有點奇怪,連我也覺怪呀!!!
Tissie小記第四十九回(被人屈)
今日11月9日,今日真是好慘呀!!今日在上堂的時候,無端端突然有人電話響了一聲,仲要係我附近響,個Miss即刻走來說:[這兩行人,誰是,好快D出來認]!!那時無人認,之後Miss說:[這兩行人,誰有手提就拿出來,我正係收響那個人]!!我拿出來後,都不是我!!連這兩行人電話上都沒有顯示接收了信息或電話!但在我個行中,有條友說:[係Nokia手提響聲]!!這兩行人,得我和那條友是Nokia電話,佢話唔係佢響,咁講法,明是屈我啦!!我即刻大聲同佢講:[你屈我呀]我真係好嬲,佢仲要扮到被屈咁樣,佢勁好戲囉!!Miss看我電話,都冇顯示接收了信息或電話,Miss又不可屈我!!所以她說這兩行人有電話的,要做5條account!!不是為了5條account以好嬲,係真正的被屈而嬲!!經過今次,我發覺我最不喜歡的是被人屈!!
Tissie小記第五十回(冇覺好訓)
今日11月12日,今日凌晨3:00,都唔知邊條友仔開大個喇叭(我只係街),一開就開足半小時,搞到我冇覺好訓,但從這件事中,都有點提醒!!因為初時,我睡下睡下突然聽到一D吹號聲,我仲以為主番了,我即刻彈起走去窗口,望下天又望自己,點解仲未變身!!只是好多戶人開了燈,之後在觀察一段時間,原來是我誤嗚,這個吹號聲是假,原來有條傻佬是街玩野,搞到冇得訓!!不過今次都另我感受主真係隨時隨地番來,仲會係好快番來!!