13-6-2004

呵呵,今日好充實呢,早上同阿金游水,仲有梁華tim,游左一個鐘頭多後,我們三行人便由兩米池走到去1.2米

玩水=.="阿金研究出蛙腳背泳手,我將其招式命名(撐船),奇快無比,令我眼前一亮,我就再試阿金教既海豚腳,

速度有所增加了(太好啦!!),跟住同同梁華玩摔角,我完全唔夠打,次次都比佢打返,佢太大隻啦,我抱唔起佢..

之後就去玩水梯,狗仔式四肢滑行法唔太快,超人式也是一般,原來最好玩是打坐腳,上身訓下最快

再好玩D就扒下來腳行頭,感覺好正,滑完一會(十多次了=.=")時間剛好是10:30,晒太陽,晒晒下又走去

滑兩滑,又去下個公園玩,在0.3米下用手指和腳指在水底行來行去,好好玩,我最鐘意扮海獅用手代步..

玩到11:30又返兩米游了,跟住食完野,阿金又到我家研究 Z高達 ,都係好好玩.......

                                                                    今天好充實!!

其實我都係最近先落兩米游下,以前唔得架我,因為唔太識游,加上心理作用,so so......

呢排因為返工,同D朋友兄弟少見左好多,一見面都好多野講,好似班八婆咁,吱吱喳喳

我就好珍惜相聚的每一刻,真係好少見了,可以整星期也見不到,我想,做什麼事時,都要

付出一定的代價,我選擇了工作,所以要離開他們,這也是一定的,反正我有我想做既野

我打算用自己D血汗錢買電腦,又想同班老不死去玩,但一定要消費的

要出街玩,就要錢.要錢??我也不想老是問屋企人拿幾百幾廿,所以我選擇返工,賺錢...

比自己用之如又可以幫輕屋企,而且,我想為自己將來打算一番,我目標係(三張)做老闆,

成年後我要學車,我要進修同印刷有關的電腦應用課程,呢D係我最想做的

            返工雖然會使我殘左好多,的確我消瘦左好多,但係,我學到好多平時

學唔到既野,好似,點樣先叫做野做得圓滑,凡事都要忍,我也知道了點解,出面D老闆

唔多想請暑期工,我媽同老豆講既野都差唔多:[D學生剛讀完書,識咩先,好似印刷咁

,印刷係咩野,同點做,識咩?做,又唔係做得長,教完就已經2個月後了,又話要走啦,

浪費時間,而且呢行難上手,有D人十年都唔上手,你地呢班細路又唔捱得,講多兩句

就踢炮唔做,貪好玩咩...做長工就可能有人請,暑期工?返屋企訓覺吧啦]實在是講得對的

,如果我唔係太子,睇怕我到現在也冇野做,我真好彩!

                                 唔緊要啦,唔捱下點知呢個world難搵錢,點知父母搵錢辛苦呢

                                 平時,我地就幾百幾百咁洗,佢地一日都唔知有冇幾百

                                  所以真係幾金架!!