機露
識既招式 舞空術､飛彈､尋找龍珠､反金屬化､心靈通話
簡介
　　原名ＤＢ４６４９Ｔ２００６ＲＳ。係繆博士為左搵黑星龍珠而派去宇宙既手下,擁有吸食金屬同電子器材既本能,不過係依米加時因為意外而失憶。食左悟空佢龍珠雷達後將自己本身既雷達改良化,於是同佢地一齊上路。

　　同阿包去到達魯頓星球果陣帶悟空們闖入去,但搵到變成公仔既阿包果陣被多魯達奇踢壞。雖然係船上經常被阿包蝦,但佢被悟空同杜拉格斯遺棄果陣仲係可憐佢。佢一個人係路達沙惑星遇難果陣就趕去救佢,係攻擊既蟻地獄蝎子打死,並且搵到綠洲同五星珠。後黎係太空船接近Ｍ２星球果陣回復記憶,而且將繆博士快完成一個強力繆達機械既傳聞話比杜拉格斯聽,仲依照計劃假扮出賣悟空佢地,令悟空同杜拉格斯被米加粒子炮部隊捉左。番番列頓身邊果陣為左保護被捉既悟空佢地而將顯示佢地部份戰鬥力既戰鬥資料比米加粒子炮部隊。

　　當列頓去打悟空果陣就趁冇人監視既時候去放研究所既杜拉格斯，後黎仲將快被生剮既悟空同阿包解放。之後幫佢地集齊七夥黑星龍珠，仲番番地球後被比達Ｂａｂｙ打壞,隨後被杜拉格斯修理好。阿包大戰地獄軍果陣同佢一齊作戰,都幫左佢對付基洛博士。悟空係搵邪惡龍果陣都同佢搵龍珠。戰二星龍果陣因為唔受佢既毒霧影響,所以悟空同阿包被丟到充滿負能量既湖果陣就將佢地救番一個清潔既地方避難,後來仲搵番掉入湖裡既二星珠。三星龍出現果陣被佢打壞,不過後來也還原。
　

繆博士
識既招式 舞空術､氣功波
簡介
　　好多年前係一個擁有一d科學頭腦同巨大野心既外星人。一次搵到舒夫智人用黎裝Ｂａｂｙ原始細胞既太空囊,於是就利用入面既指令去製造吸收令Ｂａｂｙ復活既能量既繆達機械。Ｂａｂｙ係成長果陣將繆達科技鑽研,於是就將自己同其他被征服既外星人改成繆達機械,企圖將繆達機械分佈各處代替人類黎征服宇宙。將Ｍ２星球變成機械惑星後就將研究所移到宇宙深處既黑暗惑星上,之後將不同種既繆達機械擴散至銀河多個星球,仲係魯頓星球上建立魯頓教黎呃人餵能量比收集能量既Ｂａｂｙ既魯頓,但係靜靜地完成Ｂａｂｙ果陣唔知點樣走漏左風聲。當打探到黑星龍珠散落銀河既消息果陣就將搵到既一星珠藏係頭內同製造左ＤＢ４６４９Ｔ２００６ＲＳ黎搜其他既龍珠黎征服宇宙。發現魯頓星球上既悟空後就一直派繆達軍團係宇宙追擊三個超級撒亞人,不過始終都失敗。

　　得到機露既幫忙後終於係Ｍ２星球上捉到三人,因為企圖用佢地黎做解開撒亞人能量之謎既實驗動物,仲打算將佢地改成繆達機械。當機露將三人放出果陣因為不敵而想去開動Ｂａｂｙ,仲令到秘密遭揭破。Ｂａｂｙ係胎兒變成嬰兒果陣被佢既強大能量打傷,係佢被三個超級撒亞人粉碎後又被其中一塊碎片上身,因為坐太空船逃離悟空佢地果陣身體被復活既Ｂａｂｙ打散。

　　落地獄後遇見基洛博士,於是同佢花左數年時間研究新１７號﹐但係製作中途在１７號加上左由自己遙控既程式。當兩個１７號既精神交接果陣就復活同基洛博士去到地球。基洛博士被阿包捉作人質果陣命令超１７號將冇利用價值既佢消滅再殺死所有撒雅人同幫手征服宇宙。悟空係地獄番黎後就叫超１７號將佢送番地獄，但１８號出現果陣就被佢脫離控制同粉碎，結果自己反而先番地獄。
　

列頓將軍
識既招式 舞空術､氣功波､飛拳､金屬化光線､變身超爆飛拳､防護罩､再生､變形､分身､金屬操縱
簡介 繆博士多年前從一個強力既外星人改造成既最強繆達機械。負責監管機械惑星Ｍ２，後黎就幫手捉拿悟空佢地。

　　當悟空係超級米加粒子陣消滅後就親自出馬。將杜拉格斯變成金屬板再送走後就同超級撒亞人既悟空決戰。悟空變超級撒亞人2後就吸收被佢消滅既米加粒子炮部隊黎變至尊無敵列頓。當咁樣都打輸後就番Ｍ２星球合體,再出動整個星球既力量黎攻打悟空。由於悟空拼命抵抗,加上繆博士清楚說明唔可以殺佢地,因此阿包令悟空分心果陣先可以收拾他們。悟空佢地係研究所還原後本來要被傳送過去,但因為傳送時機器被機露毀滅而差d死左。番到Ｍ２星球既另一邊後被Ｂａｂｙ上身黎攻擊悟空們,但係三個超級撒亞人既攻擊下毀滅。地獄之門打開果穹都去左地球搗亂,但同歐布進行一場激烈既決戰後被佢粉碎。
　

尼支
識既招式 舞空術､飛彈､長臂攻擊､眼精光線､變形
簡介 米加粒子炮部隊既隊長。悟空佢地到達Ｍ２後就同部下同機露配合黎攻擊。悟空佢地落網後就係機露讀取三人既戰鬥資料。阿包出現果陣就利用資料黎對付佢,之後就同利畢德同比斯合體成超級米加粒子陣﹐而復活後不久被悟空炸碎。地獄之門打開果陣去地球黎搗亂,但好快就被送番去。
　

拿代
識既招式 舞空術､飛彈､長臂攻擊
簡介 米加粒子炮部隊既隊員。悟空佢地到達Ｍ２後捉阿包果陣失敗,因為係機露讀取佢既戰鬥資料後就去對付潛入總部既佢。同佢戰鬥果陣起初佔左上風,但被佢知道機露背叛佢果陣被佢用超級撒亞人能量毀滅,而復活後不久被悟空炸碎。地獄之門打開果陣去地球黎搗亂,但好快就被送番去。
　

利畢德
識既招式 舞空術､機關槍､噴火槍､長臂攻擊､分身
簡介 米加粒子炮部隊既隊員。悟空佢地到達Ｍ２後就捉住左悟空同杜拉格斯﹐隨後係機露讀取三人既戰鬥資料。阿包出現果陣就利用資料黎對付佢,之後就同尼支同比斯合體成超級米加粒子陣,而復活後不久被悟空炸碎。地獄之門打開果陣去地球黎搗亂,但好快就被送番去。
　

比斯
識既招式 舞空術､飛彈､眼精光線
簡介 米加粒子炮部隊既隊員。悟空佢地到達Ｍ２後就搶番機露,隨後係佢地讀取3人戰鬥資料。阿包出果陣就利用資料黎對佢佢,之後就同尼支同利畢德合體成超級米加粒子陣,而復活後不久被悟空炸碎。地獄之門打開果陣去地球黎搗亂,但好快就被送番去。
　

超級米加粒子陣
識既招式 舞空術､飛彈､長臂攻擊､眼精光線､變形､鑽地
簡介 尼支､利畢德和比斯既合體。名悟空決戰果陣變成各種唔同既狀態黎作出唔同種類既攻擊,例如係空中高速移動同飛行狀態同係地利穿梭既遁地狀態。使用戰鬥資料果陣連悟空都感到束手,不料佢最後竟然駛出真正既功夫出擊,結果被佢粉碎。
　

多魯達奇
簡介 魯頓教既教祖﹐都係一個戀公仔狂。很久以前因為口才好而被繆博士採用黎呃人加入魯頓教黎增加魯頓既能量。當魯頓教開始強大果陣就將處理教徒既事交比木斯莫斯,而自己就係後頭靜靜監管。悟空佢地到達魯頓星球果陣因為木斯莫斯戰敗而叫魯頓一下子將所有教徒吸收,等悟空同杜拉格斯出現果陣就啟動魯頓,令自己可以同變成公仔既阿包玩。當魯頓被悟空同杜拉格斯打倒果陣因為拒絕讓魯頓吸收阿包而被繆博士變成公仔同佢一齊被吸,後黎係魯頓體內經過威逼後講出左魯頓既弱點。魯頓毀滅後逃去Ｍ２星球﹐但被列頓將軍殺死。
　

魯頓
識既招式 眼精光線､口發光彈､變化光線､人體吸收
簡介 繆博士為左吸收輸給Ｂａｂｙ既能量而製既繆達機械。原本係係心臟部位既細胞為中心而建造。多年黎一直藏係魯頓教大殿既神像內,不斷地變人成公仔再吸收黎提昇能量。當悟空佢地出現果陣就吸收左所有教徒黎大大提昇能量,然後充就被多魯達奇喚醒黎攻擊悟空佢地。面對悟空同杜拉格斯時因為佢地太強而落下風,但吸收左阿包後就進化成最強既狀態,對悟空果陣壓倒。但由於剩下既能量令體內既人既靈魂醒來,因為咁最後被阿包發現弱點。細胞中左悟空同阿包既內外攻擊後身體就散開,令被吸收既人還原。
　

木斯
識既招式 舞空術､超能力
簡介 魯頓教既神官。平時係莫斯手中既皮鞭。當莫斯被悟空們殺死後就變成人既模樣﹐用鞭既魔法操縱萬物黎攻擊悟空同杜拉格斯。雖然卑鄙既戰策令悟空佢地無能為力,但佢地變超級撒亞人後就陷入苦戰。雖然後黎用奸計將悟空打番原形,但好快又被杜拉格斯粉碎。地獄之門打開果陣黎地球來搗亂,但好快就被送番去。
　

莫斯
簡介 魯頓教既祭師,都係木斯既奴隸,負責將被魯頓變成公仔既人掉入魯頓面前既容器令佢吸收。悟空攻入神殿果陣用卑鄙既戰策對付佢地,不過尼奧被悟空壓壞後死係佢既爆炸中。
　

尼奧
簡介 莫斯像獅子既部下。悟空們攻擊神殿果陣被命出場,不過被悟空炸出既落石壓壞。

Ｂａｂｙ

識既招式

舞空術､氣功波､再生､變形､分身､寄生､防護罩､超能力､能量吸收､產卵､衝擊波､氣合炮､龜波氣功､魔閃光､手指光線､大爆炸攻擊､加力炮､終極閃光､超級加力炮､殲悔死亡彈

簡介
　　舒夫智人係滅亡前為左向撒亞人報復而製造既寄生型生物。原本一個包含舒夫智王記憶同遺傳因子既細胞,係製作完成後就被發射到外太空。多年後被繆博士發現,因為咁就利用佢黎製造吸收復活用能量既繆達機械。

　　慢慢吸收夠能量果陣被繆博士送去黑暗惑星既研究所,不過成長至胎兒時被杜拉格斯發現,因為生命維持既機器被破壞。但經過一番奇蹟後以嬰兒狀態復活。被悟空3人粉碎後就上左繆博士身再係佢體內復活,然後係Ｍ２星球上列頓身黎攻擊3人,但因為太低估佢地實力而慘敗,於是就趁佢地係兜圈果陣攻擊一艘太空船。吸收船上人既能量後上左一個少年身再留下繆博士搵到既一星珠黎引悟空們,因為被佢地救既必達星。

　　係果度轉換左一個醫生身體後就攻擊杜拉格斯,而且係悟空佢地想出擊果陣成功咁侵佔佢黎攻擊悟空。不過最後因為杜拉格斯發出真正既力量而被趕出黎,只可以逃去宇宙吸收人類既能量,然後諗辦法打敗佢地。嘗試失敗後就係進化成少年狀態果陣入侵地球而且使用一d人黎搵撒亞人。

　　當搵到悟天後就現身攻擊佢同上佢身,之後侵佔悟飯同身體。比達出現果陣就用悟飯既身體同被控制既悟天黎進攻,因為連比達既身體都成功地佔據。係悟空番黎前先去地球各處發放自己既卵黎控制地球上既人。悟空三人集齊龍珠番黎後先令杜拉格斯都控制,然後就攻擊悟空。

　　係吸收左悟飯､悟天､杜拉格斯同布拉既能量再變成超級撒亞人2後將超級撒亞人3悟空打敗並出殲侮死亡彈變超級撒亞人3。其後用天迪取黑星龍珠黎係地球附近重建舒夫智星,再開始將地球人移過去,準備舒夫智化全宇宙。當歐布係舒夫智星出現果陣就打傷佢,後黎將歐布變成朱古力再食左。悟空變大猩猩果陣去左搵莊子幫手,因為係戰超級撒亞人4悟空果陣變成左大猩猩。

　　同悟空一齊倒地後被莊子復原,不過因為體內既歐布作怪而無法制止悟空復活,結果再戰悟空果陣被佢打暈。比達既身體還原果陣因為細胞被壓縮而被逼離開,隨後係坐太空船逃走果陣被悟空攻擊。向悟空反擊失敗後被打入太陽而毀滅。