神龍

識既招式 實現願望
簡介
　　集齊七龍珠後,聽到咒語就會由龍珠出黎,而且仲會令天昏地暗。每次可以實現一個願望,而實現後會回龍珠入面。第一次實現左烏龍女裝內褲既願望﹐第二次實現左烏巴要保拉復活既願望,而第三次實現左笛子大魔王變回年輕既願望。之後被大魔王殺死,但又被天神復活,於是令被大魔王殺死既人復活。

　　係給予加里二世不死之身同令悟空復活黎戰撒亞人後因為魔童同天神之死而死亡。係天神復活後被佢復原,於是係令一年內因菲利而死既人復活。數年後因為天神同魔童合體而消失,後黎係天迪成為天神後復活而且變到能夠實現兩個願望,於是就令被斯路殺死既人復活同拆左17號同18號體內既炸彈。七年後就得可以實現三個願望,而且係武術大會後令除壞人外當日死左既人復活。布歐摧毀地球果陣隨著龍珠而粉碎,不過地球重建後還原,並且令普通地球人忘記一切有關魔人布歐既事。

　　當一星龍被消滅後就出現,而且令地獄軍同邪惡龍襲擊中死去既好人復活同修復一切破壞,後黎就載著悟空離開令大家學識唔靠龍珠黎生活。

娜美星神龍

識既招式 實現願望
簡介
　　係娜美星上名字發音類似「波倫加」,係娜美星大長老從一隻夢中獸為藍本而製,用黎實現願望既生物。雖然可以實現三個願望﹐但係只會聽從娜美星話許既願望,而且一個願望只可以令一個人復活。被天迪叫出黎後令魔童復活並把佢傳送到娜美星某個地方。之後同大長老一齊死左,不過後來又因為佢復活而還原,而且更將娜美星上除悟空同菲利外既人傳送到地球。被新大長老復活後就帶無限既靈魂到地球再復活同令阿樂復活。一百三十日後就令天津飯同餃子復活同將除魔童外既娜美星人送到新娜美星。

　　經過多年後力量被提昇到可以一次令好多人復活,於是同布歐既最後一戰果時重建地球同令巴菲迪黎到地球果日起除壞人外所有死左既人復活,最後就令推元氣彈既悟空復原體力。

地球因黑星龍珠而爆炸後就將地球還原同令因Ｂａｂｙ而死去或失常既好人復活同還原。

究極神龍
識既招式 實現願望
簡介
　　係黑星龍珠出黎既神龍,都係天神第一次製既神龍。係所有神龍之中最強既一個﹐擁有宇宙最強既能力,因為可以實現既願望可以完全超越製造者既極限。實現左既願望一定要再許願先可以解開,而且仲有自動復活既能力。被畢拉夫叫出黎後就聽佢既自言自語,將悟空變番細過。之後仲為Ｂａｂｙ係地球旁邊重建舒夫智星,但一陣就因為魔童既死而消失。

占星婆婆
識既特技 占卜,穿越陰陽間
家庭成員 弟弟龜仙人
簡介
　　龜仙人既姐姐。可以穿越陰陽間,又可以令死人係陽間過廿四小時。係一個沙漠中開一間比武用既建築物。黎占卜既人若付唔起一百萬圓既費用就要打贏五個手下先可免費占卜。雖然有點暴力,但佢都帶左孫悟飯黎見悟空,幫悟空搵龍珠同如意棒。

　　自從地球不斷發生突變後就經常免費為大家提供情報。曾經帶悟空番陽間參加天下第一武術大會,不過因為佢變成左超級撒亞人3而要提早帶佢番陰間。後黎將死左既比達帶番地球作戰。

貓仙人
識既特技 觀察地球﹑舞空術﹑殘像拳
家庭成員 同佢冇關係既彌次郎
簡介
　　八百幾歲,住係花梨塔頂既仙人。擁有傳說中喝左就會變強既超聖水既人。實際上係引人搶超聖水黎鍛鍊黎者既老師﹐同時都係種寶貴既仙豆,擁有超神水同一大片筋斗雲既人。三百年前曾花左三年時間鍛鍊龜仙人。悟空被桃白白同笛子大魔王打敗後令佢得到反擊既功力。指使悟空上天界後都指點過無限佢地修練功夫。

　　主要既工作都係種植仙豆。避過左木霧侵襲後照顧無限既女友馬倫。當布歐襲擊地球果陣被殺，後黎因龍珠復活。

波波先生
識既招式 舞空術
功夫來源 天神
家庭成員 天神(以前)，天迪，魔童
簡介
天界上管理神殿既僕人，都係上到天界黎見天神既人既對手。以前係天神學左d超激戰既基本知識,所以當悟空係天界果陣就負責訓鍊悟空。

　　天神死左之後幫大家搵天神既太空船，係天神復活後又去左搜集龍珠。加里二世攻打天界果陣比封住。被放出黎後幫天神去天神墓地，最後使用左超神水為世界既人解毒。天神同魔童合體後就負責照顧新天神天迪。布歐上天界果陣為左救天迪而係變朱古力前將佢拋到地球，之後因龍珠復活。

悟空和歐布在天界打完後便負責修理神殿。曾經被Ｂａｂｙ的卵控制﹐後來被界王神用超神水還原。之後也幫手講解邪惡龍的事蹟。

天神
識既招式 操縱龍珠﹑觀察地球﹑舞空術﹑靈魂附體﹑衝擊波﹑氣功波﹑眼精光線﹑魔封波﹑穿越陰陽間
功夫來源 自己(?)
家庭成員 波波先生
簡介
　　細過既故鄉娜美星發生氣象突變時坐左架太空船黎到地球。但係因為撞傷左頭而失憶因為咁只記得製造同操縱龍珠既方法。同笛子大魔王原本係同一體。

　　數百年前仲係一個超強戰士既時候上天界搵上一代既天神,並且打算繼承神位,但因為心中有惡念而被拒。後黎經過一番修鍊,終於成功驅除那股惡念,曾同加里爭神位，因為心境向善而勝出後將動亂既加里封係宇宙。但無法阻止果種惡念化成大魔王而去左地球搗亂,亦因殺左大魔王自己都會死而束手無策。因為悟空係唯一可以打倒大魔王,又有一夥正義心腸既人而將所有既希望寄望係佢身上,仲希望佢可以代自己做天神。好耐以前製造左故事環繞著既七龍珠,都有令神龍復活既能力。

　　加里二世/人造人篇－－悟空死後介紹佢到界王處修鍊。魔童被立巴殺死後都同佢一齊死左，於是指魔童同其他犧牲者去界王星。後來因娜美星龍珠而復活﹐於是將地球上死去既龍珠復活。一年後因加里二世既攻擊而幾乎失去神位，後黎仲為左替世界既人解水霧毒而差d被以前既神靈殺死。對戰人造人時因為發現左斯路既存在而同意同魔童合一，令魔童既戰鬥力同智力大大提昇。

拜古安

識既招式

舞空術﹑氣功波﹑超級旋風陣﹑雷電交加

功夫來源

西界王(?)

家庭成員

西界王

簡介
　　西界王鍛鍊左一千年以上既高徒,性格高貴可敬。係大界王星上第一次遇見悟空,而且仲同佢係地獄幫手收拾企圖作反既斯同菲利一眾。係陰間第一武術大會中一路打到總決賽後仲為左同悟空爭取陰間第一而使出連超級撒亞人都束手無策既真實力。不過由於絕招有破綻﹐所以被龜波氣功打出場外。之後為左下一屆武術大會而去左修鍊。

北界王

識既招式 觀察宇宙﹑心靈通話﹑舞空術﹑超能力﹑界王拳﹑元氣彈
家庭成員 阿布﹑阿高
簡介
　　住係陰間，管理北銀河既人。專門鍛鍊一D死左﹑又有本事走過蛇道既人。養左一隻猴子同蟋蟀黎幫人適應界王星既高重力。幾萬年黎曾經鍛鍊無數既徒弟,等佢地畢業後就指佢地去大界王星深造。為左打敗撒亞人而鍛鍊悟空,但係緊急關頭計錯數,累到悟空遲左出戰。之後鍛鍊魔童等人,再用皇牌精英軍團鍛鍊阿樂﹑天津飯同餃子。悟空打菲利果陣幫大家傳話。

　　過左四年平靜生活後,居住既界王星比悟空做地球既替死鬼,所以就同佢一齊比斯路炸死。由於係陰間第一武術大會中從西界王贏取佢既界王星失手,所以要住係蛇道旁邊一倍山峰上,不過好多事都會去大界王星監管悟空同其他徒弟修鍊。

　　悟空被黑星龍珠變番小孩後果陣將黑星龍珠既特性話比大家聽,係悟空佢地穿越宇宙果陣都幫地球既人報告佢地既狀況。地球被地獄軍襲擊果陣從新既界王星為大家講解事情既狀態,後黎都幫悟空完成元氣彈。

東界王神

識既招式 舞空術﹑超能力﹑金縛術﹑氣功波﹑激烈界王炮
簡介
　　原本係掌管宇宙東部星群眾界王之神。自從魔人布歐殺死北同西界王神而且吸收南同大界王神後就成為左宇宙之首。為左阻止被封印既魔人被巴菲迪復活，於是帶傑比度到地球參加武術大會，希望可以搵出巴菲迪既所在。係悟空一行人既陪同下雖然成功咁搵到佢，但冇辦法制止布歐復活，結果被打到重傷，幾乎冇命，好彩比傑比度救番。為左提昇悟飯力量而帶佢上界王神界，比佢使用終極之劍。係老界王神既提議下使用左天界神珠，同傑比度合體成傑比度界王神。

老界王神

識既招式 觀察宇宙﹑超能力
簡介 十五代前既大界王神。比遠古一個強敵封係終極之劍裡，過左好耐被意外解封。同龜仙人既性格好似。因為以前同一個巫婆用左天界神珠而擁有左提昇力量既超能力，於是就為悟飯提昇體內既潛力。後黎為左令悟空可以再加入戰場而將生命比左佢。布歐襲擊界王神界果陣同傑比度界王神同天迪去到新娜美星，不久後因為龍珠復活。

　　baby征服地球後叫傑比度界王神救番悟空,等悟空黎到界王神界後就讓佢進行生出尾巴既修鍊黎令佢既潛力發揮。當悟空要快D鍊果陣就同其他人用鉗拔佢既尾出黎,最後用悟空既方法將佢既尾巴完全拔出。之後就叫界王神去搵超神水令杜拉格斯佢地還原。數年後邪惡龍散播地球果陣就將邪惡龍既事蹟話比大家聽。

阿布
生物類型 界王猴
家庭成員 界王﹑阿高
簡介 北界王飼養既猴子。係界王星上主要係幫黎修鍊既人克服高重力。斯路黎到界王星果陣同界王一齊被炸死。

阿高

生物類型 界王蟋蟀
家庭成員 界王﹑阿布
簡介 北界王飼養既蟋蟀。係界王星上主要係幫黎修鍊既人係高重力下練好反應同速度。斯路被帶去界王星時同界王一齊被炸死。 

傑比度界王神

識既招式 舞空術﹑氣功波﹑超能力﹑瞬間移動﹑醫療﹑激烈界王炮
簡介
　　傑比度同界王神既合體。擁有好高強既實力同頭腦。布歐消滅地球果陣將悟空佢地救走，之後仲幫手同大家傳送到不同既地方。

　　悟空要被殲悔死亡彈打中果陣奉老界王神既命令救番佢,但因為殲悔死亡彈扭曲左二次元空間而將佢掉入蜀咕羅空間,不過悟空同數五郎父子出黎後將佢地救到界王神界。悟空同Ｂａｂｙ兩敗俱傷果陣去左天界搵超神水令天迪﹑波波﹑杜拉格斯﹑悟飯﹑悟天﹐仲有舒夫智星上其他人還原﹐都係地球人移民到舒夫智星時幫手。

　

傑比度

識既招式 舞空術﹑氣功波﹑醫療﹑超能力﹑瞬間移動
簡介 界王神年長既手下。思想好守舊，所以好唔鍾意悟飯可以上界王神界同拔出終極之劍。同界王神參加武術大會黎搵巴菲迪，但係岩岩搵到果陣就比達普拉粉碎。因龍珠復活後救左界王神同帶走悟飯番番界王神界療傷。後黎使用左天界神珠同界王神合體成傑比度界王神。

閻羅王

簡介 係陰間入口決定死人靈魂去天堂定地獄既人物。以前曾經去過北界王處修鍊。

　

ゴズ

簡介 地獄一丁目三番地既看更。曾經同掉落地獄後想離開既悟空比試。

　

メズ

簡介 地獄一丁目三番地既看更。曾經同掉落地獄後想離開既悟空比試。

大界王

簡介 掌管整個銀河既人物。不過平日十足一個衣著新潮同鍾意滾動樂既輕浮老野。只有主持陰間第一武術大會時先會著番界王既裝束。

西界王

簡介 掌管銀河西部既人物﹐都係北界王既死對頭。經常同佢搵野黎鬥。曾經取笑北界王死左既事實同以界王星黎打賭悟空同拜古汗既決賽同結局,不過悟空得勝後卻僥倖保住自己既界王星。

南界王

簡介 掌管銀河南部既人物。係一個高大同愛認叻既男人。

東界王

簡介 掌管銀河東部既人物。係一個暴躁同開始光頭既女人。曾經同悟空比賽。

大界王神

識既招式 舞空術﹑氣功波﹑衝擊波﹑能量氣彈
簡介 遠古時掌管全宇宙﹐後黎係討伐布歐果陣為左救東界王神而被吸收既界王神。

北界王神

識既招式 舞空術﹑氣功波
簡介 遠古時掌管宇宙北部,後黎為左討伐魔人布歐而被殺既界王神之一。

西界王神

簡介 遠古時掌管宇宙西部,後黎為左討伐魔人布歐而被殺既界王神之一。

南界王神

識既招式 舞空術﹑氣功波
簡介 遠古時掌管宇宙南部,後來係討伐布歐果陣被佢吸收既最強界王神。

　

奧利夫

識既招式 舞空術﹑氣功波
簡介 北界王以前收既弟子之一。係陰間第一武術大會中成為八強後被拜古汗擊敗。

　

ミゴレン

簡介 北界王以前收的弟子之一。

　

サーテ

簡介 北界王以前收的弟子之一。

　

マーライコー

識既招式 舞空術
簡介 西界王既弟子之一。係陰間第一武術大會中成為四強之一後被悟空擊敗。

　

タピカー

簡介 西界王的弟子之一。係陰間第一武術大會中成為八強之一後因為超速奔跑太久而落敗。

　

トルビー

簡介 南界王既弟子之一。係陰間第一武術大會成為四強之一後被拜古汗擊敗。

　

フーログ

簡介 南界王既弟子之一。係陰間第一武術大會成為八強之一後被馬拉高擊敗。

　

キャタピー

識既招式 長臂攻擊﹑化繭
簡介 南界王既弟子之一。係陰間第一武術大會既預賽中因為被悟空打倒而化為一千二百年先能破既繭,結果被淘汰。

　

パポイ

簡介 南界王係陰間第一武術大會後收既弟子。

　

アークア

識既招式 舞空術﹑超能力
簡介 東界王既弟子之一。係陰間第一武術大會成為八強之一後被悟空擊敗。

　

チャプチャイ

識既招式 舞空術﹑分身
簡介 東界王既弟子之一。係陰間第一武術大會既預賽中因為分身互相碰撞而輸比奧利夫。

　

サイケ鬼

簡介 原本係地獄中工作既鬼之一,但因為地獄既靈魂清洗機爆炸果陣被邪念入侵而化成邪念波。邪念波被擊倒後就還原。