各位，咁耐以黎你有冇騙過人呢?我相信唔多唔少都有試過呢。騙人既目的不外乎幾個，一係就想令自己得到利益，一係就想令人地受到傷害，一係就唔想令人擔心自己，最後就係唔想自己利益受損。我相信最多人騙人，都係想自己得到利益，又或者唔想自己利益受損。點解我會咁講，咁你先問下你自己啦，妒忌、貪念等等......我講左咁多野，唔係想討論騙人是對是錯，而是教你一個騙人既方法。

唔知你地有冇試過請教其他人一些問題，又或者比人請教呢?如果有既話，你地會唔會相信對方呢?我曾經遇到一個好奇怪既例子，當然，詳細既人、事，唔好講喇，但我可以將個事件既大綱講出黎。

話說有一次，有個人問我一些問題，問我應該點做，其實，我唔係太當佢係我個朋友，因為知道佢既為人，無事不登三寶殿，唉......不過無計啦，反正果個時間我都冇乜野做，佢又成日打黎，咁咪幫下佢囉。同佢分析個問題，同埋得著，等等......當我講緊既時候，佢好相信，我以為佢會聽我既說話，選我介紹佢的一條路，當然，我唔係亂吹既，有証有據。但最後，佢選左條我反對既路，點解呢?我都唔知，因為佢再冇打黎，但我從其他人得知佢既結局------收左皮!!!!!雖然我唔係好明佢選擇既原因，但估都估到係驚我玩佢，因為佢自己都成日玩人，騙人。但佢冇諗過我點解要玩佢先得架，仲有，既然你知我玩你，你又問我仲乜呢?佢想知我既答案，諗住相反果個就對，大佬呀，你估我係你嗎，專同人講假話。不過冇所謂啦，我一d都冇嬲到呀，因為我都唔係咁鍾意佢，嚴格黎講，都想佢死好耐，不過我又唔會用d好重要既事黎玩，因為真係會玩出火，既然佢自己"鍾"埋去，就唔關我事喇!!!!!

我講呢件事，係想話而家好多人都唔會信人，諗住人地會玩佢，其實佢自己成日得罪人多，稱呼人少，所以咪驚人地會玩番佢囉......但係，你自己有腦架，個腦唔係生o係個pat pat度，你可以用個腦諗下，自己分析。但係呢個社會裡，好多人個腦的確生o係個pat pat度。所以，如果你好憎一個人，而你又觀察到佢個腦生o係個pat pat度，佢有野搵你，你不妨用我呢個方法對付佢，就係同佢講真話，跟住佢就會當你講假，切切底底飛落你個陷阱度，既能對得住自己，又可以攪掂佢，一舉兩得。