我相信現時每一個香港人都會擁有一張八達通，功能可謂多不勝數，搭車､買汽水､食飯､睇戲，甚至交手續費‥‥‥基本上一張八達通， 係香港今時今日大部份既野都可以做到，但係，我相信有一樣野大家都未必知道八達通可以做到‥‥‥

有一日，我到便利店買野，後面有一位人兄跟住我。當我買完野後就冇理佢就行緊出門口喇，但我聽到個人話想增值八達通，咁個店員咪叫佢放張八達通上部機度，突然，果個人話可唔可以用八達通比錢‥‥‥我冇乜野好講，如果你唔明我講乜野既話，你‥‥‥我都冇乜野好講喇。呢個就係八達通一面世以來既一個隱藏功能，真係好設計!