29/7
今日終於有時間去剪頭髮喇...
諗返起兩三年前...出街買野既時候...
d人同我講..."細佬..要d乜呀?"....咁樣真係...
我唔要呢d事再發生...
25/7
今日係荷里活見到kennis同joey呀...
好耐都見過佢地喇..好掛住佢地...haha
24/7
我唔開心又點??唔開心...仍然去關心人去理人...不過人地唔領情...
人地需要既唔係我既關心..我既任何一句說話...
需要係別人既關心..別人哄....別人既一切....
我唔理佢....佢或者會仲開心....
23/7
好累呀...今日去左好多地方呀..
旺角,九龍城,竹園,鑽石山...無無聊聊咁...haha^^
又用左幾百隻蚊喇...wahaha...
20/7
有人話我乖左,發少左脾氣...其實係我少左向你地發脾氣..
次次都淨係發自己脾氣姐....so..我宜家十萬個憎死自己....
不過我發自己脾氣好過發你地脾氣.....
19/7
好努力咁去搵d野...但係搵左好耐都搵唔到呀...
"開心""幸福""快樂"...去左邊呀???好唔開心..好想喊..
原來我真是個白痴...好嬲自己...
我真的看得自己太重要喇...以為別人第一時間會哄返自己先...
不過我唔記得左自己既地位同身份...等咁耐...我都唔知自己等乜....
我嬲我唔開心又點??唔想諗...乜都唔想諗...玩..我只要玩..玩就乜都唔使諗...
打機..行街..唱k...睇戲..打波..游水...我要由朝玩到晚.....
18/7
今日去左書展呀...買左我最愛既森美...
第一次真係買本書返屋企呀...(除左返學要用果d)
我不嬲都唔買書既...我鍾意借嫁嘛...
不過森美出既..點可以唔買呢....
跟住去左shopping....買左唔少野嫁都...
係咁洗$$$$...(唔開心既時候最鍾意做嫁喇)
成日加埋用左二百幾隻蚊呀....冇乜$$$喇....
17/7
好懷念返學既日子呀...
一早返去第一時間就望我最鍾意既籃球場...
得閒睇下人打波...同d
frds傾計...笑下呢個笑下果個....
上堂拋紙仔..畫公仔...做功課...成班嘻嘻哈哈...
recess,lunch,放學..同d
frds打波,,傾計,,笑,,玩到傻,,,
唔知仲有冇機會過呢d日子呢....
16/7
今日同thyane,lily去睇我左眼見到鬼呀....都幾好睇呀....
之後去左冒險樂園玩...armarm夠票換左個file俾lily....
原本諗住入機鋪打機嫁...最衰THYANE爭幾個月先夠16歲喇...><
尋晚又訓唔著喇...又諗起一個唔想諗起既問題...
佢肯同我出街,佢肯拖住我又點....我唔知佢係咪真心想....
同我一齊行緊既時候..個心又係咪度..係咪諗緊第二樣野...
不過算喇...唔想再諗...唔想煩喇..係唔係都好喇....
之後訓著左...就發左個惡夢...
係以前兩個發過既惡夢連埋一齊..就係尋晚發果個惡夢....
我夢見到佢為左"佢"而鬧我話我...最後佢就離開左我...唔再理我...
希望淨係發夢果時係咁..現實唔好係咁....
12/7
尋晚訓唔著覺....諗左好多野..諗返好多野....
眼淚不停咁流...但係今日竟然一滴眼淚都冇流過....
都好呀...我都唔想再喊...呢幾日喊到好累喇已經...
拎成績表果時...係一d感覺都冇嫁差唔多...
只有一剎那想喊...就係睇到maths
d成績果時喇....
11/7
聽日就要拎成績表喇....
好驚聽日一返到學校....就忍唔住喊喇....
一定要忍住忍住....
聽到"告別校園時"..有d想喊tim....
10/7
今日好累呀....係成個人都好累..乜都累....
尋晚係張床度同pooh
pooh公仔傾心事..講晒d唔開心野出黎...
雖然都仲係唔開心...但係都好左d喇....
不過pooh pooh就係濕晒既...好心痛tim....
9/7
今日先真正明白...雖然有時係預左會接受一個唔好既結果...
但係當到左真係要面對真係要接受既時候..仍然會好難...
不過...好彩我身邊..有好多好朋友去支持我...關心我...
第一個係kennis...當kennis睇到我個msg...
佢同cindy都即刻打電話俾我....問我點...好驚我有事....
仲有joey,thyane,manman,老婆仔....
你地講既每一句說話我都會記住..每一個字..都令我十分感動....
第二次同你講野講到喊...不過今次同上次..好大分別....
7/7
睇到你既回覆.....每一個字都變成傷害....
或者你真係開始討厭我喇....不過令你討厭....
唔係我要做既野咩??就算有幾大既傷害...幾唔開心....
我都冇得返轉頭喇....
原來我俾你既權....我俾你既身份....
你全部都唔想要嫁....算喇....係我白痴姐...
我想約你..你拖咁耐....都係因為唔想同我去姐....
我相信呢個暑假會令我最難接受...最唔開心既...
唔會係repeat或者轉校喇...一定係失去你....
6/7
唔好再話我唔俾機會佢講...
由我話轉校第一日開始....
我已經俾左好多次機會佢講嫁喇....
如果真係有唔捨得....佢真係想講既....
一早講左喇...
唔係我冇俾任何權佢....係佢自己唔要..話冇咋....
今日得到呢個答案...我仲可以講d乜...
到我真係走....你地都唔好怪我唔好怪佢喇....
5/7
曾經有一晚發夢
見到你為左佢而鬧我...話我...
或者有一日呢個夢會成真
明明為你好...寧願唔開心難過既只係我....
做好多野去令你去討厭我...唔理我
但係當你真係唔理我既時候....
又有一份好大既失落感好唔開心....
4/7
不 我不怕因你哭
我只怕將結束 這一切追與逐
如果 人突然地閉目
我跟你的接觸 靜默中結局
如何為了你
也裝作沒發生
讓眼淚流在心 會抱憾終生
很可能 這傷痕
能越心 彼此也越近
不 我不怕因你哭
也許放聲痛哭 你跟我可繼續
情感 還未談便結局
你跟我的怨曲 用什麼記錄
原來沒有你
縱使有淚再哭
亦怕沒誰著緊 永遠亦不甘心
怎可能 這傷痕
能越心 彼此也越近
3/7
從眼神中....睇到d野好似...有一種感覺...
係一種唔好既感覺....(唔好問我係乜感覺係乜野....我唔會講嫁係)
我只知呢種感覺...呢樣野...我從未試過係你裡看過感受過....
或者係一個警告.....
今日係張檯度見到一樣野...一樣係我心目中最珍貴既野...
我個心竟然有d痛...但係又唔捨得唔望唔要....
係因為即將失去...所以心痛??
2/7
今日係學校唔開心....喊......完全唔關轉唔轉校事......
點解個個都話有d人只係個口唔肯講...其實唔捨得???
點解我感覺到別人唔捨得.....感覺唔到你??
你又做過d乜...可以令我感覺到???
