以下係一D有關哈利ge報道~
2002/5/11 蘋果日報
魔法再現5000影迷瘋狂大叫少年哈仔迷死Fans
改編自暢銷童話《哈利波特》系列的第二齣電影《哈利波特消失的密室》,將於下周五於英美等地同步上畫，
而香港則於下月上映。前日電影於英國倫敦舉行盛大的首映，
出席嘉賓除包括電影的台前幕後工作人員外，就連腹大便便的原著作者羅琳（J.K Rowling），
亦與其麻醉師丈夫梅利（Neil Murray）現身支持。
穿黑袍手抱貓頭鷹
《哈》片首映前日假李斯特廣場的Odeon戲院舉行。
約五千位影迷，由下午開始便駐足於戲院門外，
其中不少人更身穿黑袍、手持貓頭鷹毛公仔，以「哈仔Look」出現。
當三位小主角丹尼爾拉德克利夫（Daniel Radcliffe）、路柏格連特（Rupert Grint及
愛瑪屈臣（Emma Watson）到場時，影迷開始陷入瘋狂狀態。
三位小主角之中，丹尼爾的樣貌改變最大，成熟了不少、
而女主角愛瑪屈臣則亭亭玉立，嬌俏可人。現場不少女影迷，更不停嚷「哈仔」丹尼爾的名字，
丹尼爾顯得受寵若驚，他說：「感覺真係好奇怪呀！」
校長角色無人取替
而於片中飾演魔法校長一角的愛爾蘭影星李察夏里斯（Richard Harris），
早前因癌病逝世，而當丹尼爾被問到對李察離世的感受時，他即顯得有點激動：
「李察一定會好想出席今晚首映，因為最鍾意去Party！」另外，
早前有消息指老牌影星基斯杜化李（Christopher Lee ），將會取代李察的角色，
但基斯杜化李已否認此事。此外，《哈》片於前晚首映後，得到極佳評語，
不少影評大讚三位小主角演技更趨成熟，故事更加緊湊刺激。
2001/11/10 蘋果日報
《哈利波特》電影版即將11月中於美國上映，美國遊戲大廠Electronic
Arts當然唔會錯過呢個機會，將 會同步推出四款以電影版故事為骨幹英文版遊戲，分別PC、PS、GBA及GBC上推出，家逐一為大家介紹。
PC版係一款立體動作冒險遊戲，畫面肯定係四款之中最好。玩家會飾演主角Harry
Potter在Private Drive及Hogwarts等地方進行冒險，從中學習各種魔法去解決難題及對付敵人，由於遊戲對象係8至12歲，所以遊戲內難題唔會好難。另外遊戲對電腦系統要求唔高，Pentium
II 233已經可以運行得好暢順。
PS版亦係一款立體動作冒險遊戲，但同PC版差好遠，而故事就直接由Harry Potter剛到達Hogwaats開始。 玩家會透過各種迷你遊戲去學習魔法，然後用解決唔同疑難，而到遊戲中段時，可以坐住掃把飛，同埋參加Quidditch 比賽。
GBA版係一款平面Action RPG，形式類似紅白機時代《ZELDA之傳說》，遊戲一開始會以講故事書形式介
紹故事背景，然後由玩家控制Harry Potter就會上第一次魔法堂，繼而就會Hogwarts內到處冒險，遇到敵 人時就會進行動作式戰鬥。當學習魔法時，遊戲要玩家記住一連串上下左右指令，成功重複一次才能學到
魔法，幾考記憶力。
GBC版係一款正統平面RPG，形 式同紅白機及超任時代平面RPG一樣，玩 家要到處搜集情報、購買道具及到各種冒險，遇到敵人就會進行回合式戰鬥，可以使用魔法、道具及卡片等等指令，其中
卡片可以混合出好多特別效果，隨可以遊戲內四處搜集 之外，亦可用通訊Cable同其他 玩家交換卡片 。
2001/11/7 蘋果日報
英國United Kingdom
改篇自童話小說《哈利波特─神秘的魔法石》的同名電影Harry Potter and The Sorcerer's Stone已於3 天前在英國舉行首映禮，香港的上映日期雖排在聖誕檔期的12月20日，但這股熱潮已漸漸殺到埋身，生怕
自己搭唔到嘴，不如先飛到英國睇睇拍攝場地真身，至少可以吹吹水！
魔法學生學習用掃帚的大草地，正是Alnwick Castle外那3,000英畝的青草原。
魔法學校取景於中世紀古堡
該電影最大的賣點是忠於原著，所有拍攝場地都是取景於英國，例如霍格華茲魔法與巫術學校的外貌就正 是英國北部Northumberland郡內的Alnwick Castle，這所建於14世紀的古堡，向有北部溫莎堡的美譽，我 覺得其極富中世紀Feel的外貌及居高臨下的獨有氣勢，正好跟神秘的霍格華茲魔法學校非常配合。
跟學生走過霍格華茲迴廊
離開Alnwick，我從北部來到中部的Gloucester郡，尋找那條在戲內時常有學生走過的霍格華茲迴廊，原
來它的真身正是在Gloucester大教堂內的那條長長的圓拱形迴廊。我特意在走廊上徘徊，細意觀察兩旁呈扇形的雕花柱子，匯合成圓拱形的頂部，亦不禁讚歎古時人建築之精巧！
當劇中學生受傷時，便會到霍格華茲醫務室治理，而這所醫務室正是位於離倫敦Victoria巴士站1小時40 分鐘車程的牛頓大學。
2001/10/29 蘋果日報
憑住小說全年總銷量突破3,000萬本之勢，哈利波特電影版已鐵定今個聖誕節到香港同大家見面。精品亦已陸續殺到，睇個勢會係星戰之後最有升值潛力電影精品。當中更有Fans有幾多掃幾多，由積木、布公仔、情景模型、電子遊戲、Game
Card全部齊，更擺到一屋都係,想睇邊件新精品最值得購買，就等Fans Kitty同你數一數！
同大部分人差唔多,Kitty喜歡Harry Potter 只不過年半左右，「重記得舊年四月，聽人講呢個古仔好睇咪買本英國版睇，點知一睇就停唔到。之後更特登上網美國訂珍藏版，反反覆覆全套睇十幾次，如果有Harry Potter百萬富翁或一筆Out消我實玩。後來更儲足彈藥上網狂訂精品，但好多我都唔會拆盒，先有價值 。」
「呢套布公仔雖然只得12吋高，但有齊Harry、Hermione、Ron
和貓頭鷹Hedwig，扮相得意，Harry d頭髮好過癮， 可以任意Set頭 ，我最鍾意就係整爆炸頭 ，夠晒Yeah！ 另外Hedwig比例近乎1:1，所以我估升值潛力應該唔錯。」
每個售價 ： $129.9（玩具反斗城）
魔杖電子遊戲機
其次最值得推介就係魔杖，「外形跟足原著，又係一部電子遊戲機 ，魔杖會向你講出各種咒語要你支棒上 、指下同掣， 只要你跟足指示，就可以過關。而且又可以雙打
，睇邊個跟唔切就輸,所以我最鍾意同媽咪、家姐玩雙打。」
每支售價：$249.9（西武） （11月初有售）
一致公認飛天掃帚
唔單止Kitty覺得正，就連其他哈利Fans都一致公認呢把飛天掃帚好好玩。
「飛天掃帚有4呎長,1:1夠大把之外，更內設電子遊戲機，等你可以親身玩到魁地奇球賽， 唔會得個睇字。再加上掃帚又可以伸縮，就算帶出街玩都得。
售價：$529.9 （吉之島)（11月初有售）
好多哈利迷都唔捨得拆開各款情景模型。「情景模型要連埋個紙版背景，拆左就無晒價值，所以千祈唔
好拆散。」 售價:$79.9 （玩具反斗城）
在哈利精品中，除各類珍藏之外，另外都有唔少係以玩樂遊戲為主 ，可以同小朋友一齊玩。
Harry 學魔法呢個遊戲只要按動開關，就自然將個波吹起，之後就要控制將個波穿越唔同障礙。
好考時間配合和掌握。
售價：$269.9 （玩具反斗城）
「UNO玩,Game Card儲 」
今次Harry Potter有UNO同Game Card，Kitty認為Game Card款式、角色非常之多，未必捨得玩，最適合Fans、卡迷儲 。而真係要玩就可以揀UNO，雖然張張牌都唔同樣，但勝在價錢唔貴，夠抵玩。
海格遊戲機
「呢個森林行迷宮電子遊戲都幾好玩，除有故事作為依據之外，再加上機身海格造型好特別，係Fans就一
定會鍾意。」不過小記就覺得螢幕只得22 × 22mm，略嫌細少少。
售價：$129.9（吉之島）
