●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

早上戰戰競競地解決完我想要解決的問題，又小進了一步！會長大人今日生日，所以都出決定同家馳妹去同會長唱K！

今次去銅鑼灣CEO唱K，第一次去，想不到都幾整潔乾淨，大堂有點似酒店喎！入到K房，已經俾想像中大，沒有難聞氣味，反而有陣洗潔精味（因為有空氣清新劑味）一入來，竟然見到三位男士正在唱"容祖兒"的世上只有，哈哈，覺得有點兒好笑∼∼∼

他們已預先預備叫定lunch，是龍蝦豬排飯，單看賣相，都蠻好！到切的時候，那兩塊豬排竟然刀槍不入...最後，完整無缺地放在碟子上...比原先的預定時間，可以再多唱個多小時，家馳妹像上了身一樣，好興奮！仲同會長大人大玩枕頭戰。這兩個人，搖控都可以爭餐飽......

之前就急急走到Time's廣場對出的Anna Sui Roadshow，終於見到新包裝lipstick的樣子，真的幾fancy，以gloss同shimmer系列的lipstick最靚，最後收獲：

兩枝 lipstick(Gloss 301 + Shimmer 371) + Limited nail colour

Sales送左 2 way cake, foundation, whitening emulsion, mask的samples，都算不錯！*3*

陪家馳妹行街街，去到izzue真的好想又買過，家馳妹買了條短褲同衫，原本想同佢一人一件，不過較早前已經買了同一隻色的衫同一條短褲，所以都是收歛下算......剛好見到izzue換秋裝，比b+ab的好，b+ab的秋裝都蠻成熟同深色，現在穿的話，有點不合時宜。

會長大人又有一連串惹笑動作，我受不住了，嘩哈哈∼∼∼

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

今早同媽咪，細佬跟親戚們飲茶，早知會被他們說三道四，不過橫豎肚子餓，一去又無妨......

首先，他們的注意力集中係細佬身上，一句句唔好讀書呀，你仲細呀，唔得咪重讀　囉，行行出狀元......攪到我細佬不知點應對！老實說，我清楚知道我細佬絕不會重讀，亦不會那麼快就趕住投身社會，但以我所知，他可能連入讀IVE的最低要求也沒有，他亦自知有幾分拎到始乎是中六合彩般幸運！但我估不到的是，他竟然是想讀毅進的西式餅點...當然，他沒有講出來...因為我都是打日記今天(6/8)才得知...

而我，就當然被問及成績啦...只可用普普通通來形容！又被問及我選了那間大學，就老老實實回答浸大囉！之後又說，浸大？！浸大讀傳理系先好咋喎∼心想：""阿水唔知咩∼讀到我會唔讀？！""又話我Art好，應該讀Poly design，先生...poly design都唔係好好je...況且人家我maths無C，無得恨∼∼∼

食飽又到我家開雀局，一日又這樣過去∼∼∼晚上跟家馳妹傾傾電話粥，傾得蠻盡興！哈哈∼∼∼打電話給會長大人講句生日快樂，幾有心！

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

晨早在換大門，一屋塵加天拿水味，我個鼻整天無法安寧！

邵莉的小食鋪開張，輔祭會人約定今晚去趁熱鬧，順便醫飽個肚，不知誰人經常強調有車仔麵等野食，滿以為去到可以食得飽。

坐5C誤打誤撞地去到，um...比我想像中細間，沒有位子坐，不是入店內坐吃，只可以企街食或是外賣...誰說仲可以食車仔麵......？！一去到就見到各人都在忙，除了邵莉兩公婆，仲有邵莉媽咪同幾位大嬸負責賣小食的工作，邵莉親自介紹冰極西瓜汁，果然好冰極，好透心涼同消暑！

隨後，就開始試試小食，價錢都幾大眾化，買了辣魚旦加燒賣，其實用料方面好不錯的，可惜的是...辣魚旦沒有辣的感覺，燒賣阿姐就吝嗇豉油...要直接同邵莉講先，唔講反而仲害左佢！

原來個個打算出來食埋dinner，點知食唔飽，唯有再出去食！最後決定去新蒲崗大家樂食鐵板燒餐，$36都過得去，幾好食！最攪笑係個阿嬸逐個送餐來的時候，問用不用幫我們""姐∼""（擬聲詞：形容燒汁倒上鐵板時所發出的聲音...""姐""！）到問會長的時候，會長大人堅持親自""姐∼""，固該名阿嬸都不強人所難。當大家進食期間，會長大人剛好食完頭盤加餐湯，準備攻佔埋碟鐵板燒時，拿起壺汁，認真的對坐在他對面的我和曉汶說：我""姐""嫁啦喎∼

結果，當會長倒的時候，肥桓話：唔""姐""嫁啦喎你！話口未完，會長塊排已經被汁淹沒住...煙都唔煙下...

原來會長大人碟排已經擺得太耐了.........

哎呀...近日皮膚差到透...又有ance，又痕...幾時先好返呀？！>.<""

推介一隻平價mask，係屈臣氏有售：TIFANNYE ( $19.9- )

蘆薈+左旋C 同新出的lavender 都幾好用，幾保濕，又唔會敏感，gd！

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

上星期返鄉下，沒有返聖堂，今個星期回到去，修士已經去了非洲，真快！

天氣悶熱得很很很∼∼∼父母同親戚們入大伯家摘龍眼！細佬又要去返工，各有各忙。今早彌撒迫柴佬做吊爐，笑料百出！！！同家馳妹笑唔停口∼Keekeekee！彌撒間忍不住口同家馳妹不停傾閒計，無辦法，鄭神父的彌撒實在太精彩......完了彌撒就開會，新會員，家馳妹個表妹，升中一，升讀德愛，究竟是幸，還是不幸？

大家坐在輔祭房傾計，今日有少許不同，少了陣肥桓味！大家提議今晚去睇戲食飯，睇""煎釀三寶""。回到家中，立即教會長大人裝MSN，話想開個counter（其實係指想開個account∼^^|||）同時間，Travis & 波叔都在，就開始四個人chat，會長以一對三，情況有點慘不忍睹！

晚上去到荷理活廣埸睇戲，""煎釀三寶""不太有劇情，劉青雲同楊千華又不太合襯，但都算有很多笑位！戲中有點兒不文笑位，全埸大笑的時候，坐在身後的小童又不知名的跟大隊大笑起來，有趣∼∼∼

未知是否因為星期日的關係，商場到處都是人潮，想找個地方食晚飯都不容易，最後決定搭19號上慈雲山食晚飯。上到慈雲山，決定到之前同寶寶，大頭等人去過的沙爹王舊址，ｘｘ餐應食""西冷牛排""，好味！*3*

多謝寶寶send來的B女相，影得好靚！最近發現自己好喜歡看靚靚的B女相，但要我養隻又不太有心機！都係欣賞靚相好∼∼∼

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

因為今早沒有電，所以又出茶樓食早餐，今次包了房，設施幾好，有獨立電視同服務，不過略嫌不太多款食物，吃來吃去都是雞腳趾......悶......

因為下午就走，所以婆婆等人都忙了一整日，又要去捉雞捉鵝，宰好又再用豉油煮熟讓我可以帶返香港，又買了好幾支蜜糖、一大袋龍眼、陳皮、菜乾等回來，收收拾拾都差不多要出門了，我見到婆婆的樣子好不捨得，又不停叫我記得過年時返去，我真的不敢應承她，怕會令佢失望...

今次由常平返香港比由香港返常平的時間耐，不知何解∼尤其在香港羅湖到Hung Hom要成9個字，用不著嘛！

回到家已經差不多食飯，邊食婆婆整的豉油鵝，邊飲Jolly Sandy bear bear 佢！

結論 : 返大陸係就有點悶，但就真的好似渡假一樣，如果可以同Travis一齊去就好了∼∼∼

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

大舅母又特登請假陪我，今朝早又大伙兒去飲茶了，吸取了上次的教訓，今次叫食物比較謹慎了，否則真是吃到我膩...

因為吃了藥的關係，累得很，所以又睡多一會兒，差不多下午的時候，就要到叔公家食飯，叔公屋企明顯比較大，不同用途的廳都分得好明顯，而且有獨立""空調""設備，去到的時候，吃的又是燒味送瀨粉，但我覺得比香港的燒味還差點！後來發現，""伯婆""原來是我媽咪的grandma，即我婆婆的奶奶，嘩！好大輩份

上芳姨（其實她只是大我四歲左右）房間上網，同樣是好慢，上到香港Yahoo，但load得好慢甚至load唔到，有點氣！

眾人又再提議打麻雀，我都樂意奉陪，哈哈！誰不知今次手風不錯，連小三元都比我食到！正∼我想都有$200幾嬴，到第二圈的時候開始差少少，不過到最後都係我一家嬴三家，呵呵∼∼∼

吃完飯回到家梳洗，完全不知道班化骨龍又出事，今次受傷人物係我細舅父個仔，有點心涼，呵呵。

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

一大早起身去屋企附近的酒樓飲茶，間茶樓都幾靚同好大，我想應該有我地平時去的3-4倍...成班化骨龍知道我同媽咪返來，個個都要留下到過夜，所以，屋企好多時都好""熱鬧""∼

成班化骨龍都仲意食雞腳趾（鳳爪），點知夾夾埋埋叫左成5-6籠，又叫左3籠排骨，兩籠奶皇包，兩籠糯米雞...單食鳳爪已經食到我飽......

返到屋企同班化骨龍玩了一朝早，成班表弟妹個個都異常活躍，細路多自不然多嗌撬，一個喊完到另一個，沒完沒了，週而復始，尤其是細舅父個仔，真係大帝仔寵鬼壞晒，爹到無人有，動不動就喊，動不動就話ｘｘ蝦我，又喜歡搵交嗌撩事鬥飛，鍾意講大話，自己整親又賴人地整跌佢，咁奸狡的細路我早就想一巴二巴煎埋佢度，最衰我細舅父成日係度，等我谷鬼住度氣，妖！！！成朝早就咁呢個喊完到果個，想死耶∼∼∼

吃過午飯後，打返兩圈麻雀不用咁悶，結果，開頭就好，到後來又要輸了∼

仲要吸左好多二手煙，臭死了！！！

晚上叔公等人來食飯，要開兩圍先夠坐，好喜歡食婆婆煮的飯，夠硬！撈埋婆婆煲的湯真的好好味！

晚上Travis打來的時候，大舅母十分體貼，知道人多叫我上二樓房間傾，之後她讓我上網，不過好慢，而且玩的是QQ，而不是ICQ，所以都沒什麼好玩！

原先明天就返香港，大舅母同婆婆想我留多耐點，所以媽咪決定留到後日先走。

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

上午吃過自家泡製的排骨飯後，就同媽咪趕往Hung Hom火車站搭11:00am往常平的火車，原來搭火車都好方便，上入閘就過關，再直接到車廂，由這裡到羅湖都不用停站，再由羅湖到常平只要半小時，即是說只要一小時十分鐘就到達，十分之快！火車經過深圳的時候，突然驚訝看到在某商場外有Muji（無印良品）的廣告，不是嘛...大陸已經有Muji了......

一落車過完關落大堂就見到細舅父同佢個仔(最不想見到的兩個煩人...）芳姨的男友駕車來接我們車，由車站到我大舅母家，只需4-5個字，好快∼∼∼沿途經過以前在婆婆的屋企及地方，好懷念...

去到大舅母家，已經見到一大班化骨龍，婆婆，舅母等人等待我地回來同準備午飯，可能我真的太耐無返來啦，婆婆將我同我細佬的名稱經常掉轉...哈...大舅母更加問為什麼男朋友沒有來，哈...下次下次∼∼∼

近來我鄉下呢度興起食燒味，所以一返到去都是燒味送瀨粉，吃過午飯，媽咪分好帶回來的物品給我大舅母，細舅母，姨姨，婆婆...我大舅母話覺得香港的牙膏同大陸的真的有點唔同味，這我又倒相信的，大陸的產品不太信得過∼∼∼

不久就開始開雀局，這是我幾天以來消磨時間的工具，手風不太好，輸到籌碼都無埋，可憐∼∼∼

晚上Travis打來的時候正在打麻雀，電話一響成班細路走去擔電話聽，攪到我搶不到切電話，後來我婆婆搶來聽，問是不是打錯，笑死我（因為雞同鴨講的關係^^）直到我傾電話的時候，我那個上年來過香港的表妹一直在旁，所以就讓Travis同佢傾一會兒，我表妹個樣怕怕羞羞咁，真令我又氣又笑∼∼∼（本來她是蠻巴渣的，kaka...）

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

媽咪要到中環買海味，所以又自己一個去尖咀逛，由海港中心行到Ocean Terminal，開始看厭b+ab的衫，反而覺得izzue的比較ok，所以之前都入了條短褲＆衫，今次去都有不少減價貨，但我比較喜歡不減價的貨品，god！

行到Facesss，見到ettusais的迷你甲指出了，真的好迷你，可能只夠搽兩次的分量...原本又想到Anna Sui買甲油等，但醒起8月又有一個road show，同埋會出新色新包裝的唇膏（好靚靚的*3*），所以都是遲下再去吧！

之後就到新太陽行行，好像沒有去過這個shopping mall行，原來入面有agnes b, b+ab, a.y.k, dada girl等shops，行過dada girl時，醒起有出螢光色護腕，買了個螢光橙粉紅的，又不厚身，岩summer用，只售$20，抵！

接到媽咪，再到旺角與她會合，到百老匯買電話帶回大陸，之後到bauhaus買了件衫衫就走人了。

因為明天同媽咪返大陸，所以要到藥房買些藥用品帶給婆婆，回到家已經累死了...已經兩三年無返大陸，我知道住的地方已經不同了，未知會有什麼變化呢？

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

一年一度的書展又開始了，不禁覺得時間過得真快，不是嗎？！

約了Mamie，榮，波叔，柴叔，jamie到書展逛逛，去到的時候見到Joey在大堂宣傳。第一時間上Hall 1，可能是 2 nd day，都算多人，想行埋書檔睇睇都有點困難...後來我同Mamie與男士們分道揚鑣，始終想行的都有點不同嘛∼∼∼

行到新傳媒，見到東方新地MORE可以免費做會員，就走去填Form，還好，有贈品送（GLYCEL 試用裝）。其實More的內容都幾好，期期都有不同護膚品的比較，意見都幾好幾中肯。無耐突然聽到身後有人叫""容祖兒""，一寧轉身就見到Joey係新傳媒旁的明報檔攤宣傳，趁人少少就幫波叔影Joey相，不夠幾秒就已經堆滿人，人群在四面八方湧過來，恐怖∼∼∼

之後走到皇冠出版的書檔睇書，又睇中""深雪""的書，對其小說興趣不大，轉攻散文，買了本集結了她散文的書""一人睡　二人睡""，有 8折 = $44∼又有Dove sample 送...真好！

再上第二個Hall搵幾位少男，行多一陣就到旺角食韓燒，等家馳來join我地，食得好飽飽，不過食無耐就有一大陣煙味，有點頂不住∼∼∼

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

今早可以遲少少起身，大概七點半左右吧！真爽耶......

可以起完早餐先開彌撒，雖然今次的彌撒不算是太長，但始終比較懷念昨日的彌撒！彌撒後，就開始活動，因為埸地濕的問題，又無得射箭，男的去踢波，女的去打badminton，到最後幾個女仔到球場搵班友，個個鬼咁夜先睡，仲有力踢波？！我就累死了...

回到營地個個又要去沖身，無辦法，實在太熱同行奪命斜的時候流了一身大汗，無辦法忍受......看一陣電視，都係時候要去食午飯然後走人。

離營的時候坐快船返歸，那個死柴狼跟臭波叔用船上的嘔吐袋將我的Hello Kitty逐隻包好...他們定是嫌命長∼∼∼止嘔袋終有物歸原主的一日！呵呵。

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

聽說一早修士已經起左身去男仔房打擾他們，哈！六點半起身，大個幾個同肥桓阿典，一齊行落花地瑪聖堂望彌撒，以極速完成整個彌撒－－大概2-3個字。如果鄭神父都可以就好啦=.= 完了彌撒，陪修士去麥記買咖啡，就再經奪命斜上返去食早餐。

完了早餐就早禱，由一班細同樹雄帶（因為唔知醒，無去望彌撒），真的要在此感激樹雄的為我們祈禱""請為剛才去了望彌撒的兄弟姐妹祈禱""......

原本打算去射箭，但由於落雨的關係，迫住留在室內打table tenis，同修士打過幾次，發覺都修士打得不錯喎！原本以為落這麼大雨，下午不能夠去沙灘游水，誰不知午飯過後，又雨過天晴∼∼∼

Swim的時候已經見海水不太乾淨，但都不太注意...點知玩了一會兒，修士問我是不是敏感，臉上面一撻撻的紅了，我想應該是...因為有點痕癢！真倒楣，連游水都敏感！波叔笑言我紅了一撻撻似鍾無艷，隨即被肥桓，阿典等人追幾條街，到我沖水回來的時候，已經他們被埋在沙裡，抵∼∼∼哈哈！

差不多游完，家馳妹同柴佬都來了，各人沖洗，我們就去超市買食物飲品預備今晚的燒烤∼順便到碼頭等蔡氏姐弟＆陳神父，原來他們坐同一條船！

回營地更衣等，就準備去燒烤，個燒烤場地真的好討厭...頂！鬼咁多蜜蜂！好彩愈夜愈無蜂∼∼∼這裡的一大特色，就是食剩的食物要全倒，真的好浪費！！！晚禱完就各自各梳洗，就到男仔房玩啤牌。到全班一齊玩"話事啤"的時候，我同家馳妹即刻投降唔玩，太恐怖了吧！結果，19罰影核突相，柴佬罰食""麵包王老吉""，家馳就仲攪笑！原本罰背起肥桓行，但肥桓太重，非能力所能做到，結果掉轉，由肥桓熊抱家馳影相，而朱氏兄弟仲慘∼∼∼阿典要用鼻尖嗅肥桓個""格肋低""，而阿會長就要用""肫桓洗面奶""簡直是用者傷心，見者流得一額汗...太恐怖了T_T...汗...

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●

完了彌撒之後，就一行人出發到長洲明暉營去∼∼∼

乘搭慢船之際，開始開賭檔－－""鋤大D""。坐慢船９個字到達，久別了一年的長洲，我又來了∼∼∼

記得小學畢業營都是去明暉營，其奪命長斜仍緊記至今，事隔多年，景物仍舊，奪命斜仍然名副其實！就連阿典等男仔都大叫累：""嘩∼∼∼呢條成45度角斜呀！頂......""上到營地，已經熱死又累死∼

因為BOOK了舊翼的關係，眾人大感懊悔！結果問可否加錢轉新翼，因為房間有限，只有兩間，後來女仔佔一間，大的男仔佔一間，其餘較細的同修士神父同住舊翼。比起舊翼，新翼算不錯了，有廿四小冷氣，電視，較大的廁所，木床，較靚pattern的被鋪，較舒適的環境。比起小六時而在的""鐵窗邊緣""房間，好得多了！

休息一陣，都差不多食晚飯（6:00pm），晚飯的時候，會長大人同修士都由路向營回來了！晚飯都不過不失，四菜一湯，不過食完要自己執碗...

食飯的時候，修士又發揮他的整古精神，同班細路講話剛才上來的時候是搭車，班細路又信以為真，問搭咩車？！修士話咪搭11號囉！其中有個仲實牙實齒話：係呀！我上黎的時候都見到呀，但我無搭...真被他們笑死∼∼∼

吃個飽飽，又是時候做晚禱，完成之後個個衝到男房睇足球，我同嘉媛就返自己房睇""百萬富翁""。

差不多九點，就全部人用走3-4個字的路程落碼頭附近買野食，長洲的星星真的好閃好亮，像假的佈景板一樣！買一些乾糧，買一些街頭小食就返回營地，個個Bathing之後，同大幾個玩下啤牌，uno...真的被會長大人笑死，

玩uno的時候，一句高八度的""uno""，令我們全體笑得身體發軟，什麼都忘了∼∼∼另外家馳draw會長2, 到最後...反而家馳係最後一位被draw返轉頭，24隻，哇哈哈∼∼∼笑死我！！！自食其果∼∼∼

今晚好早就睡，誰不知又睡不著，慘慘慘∼∼∼