旅途的第三日，今日我倆從酒店Check Out後，就開始駕車由札幌到登別。沿途“小心動物”路牌都好趣緻，我見到的分別有狸貓、鹿及狐狸的圖案等。經過約個半鐘的車程後，我決定第一站去伊達時代村（忍者村），由於我倆到達嘅時間都幾早，所以都未見有其他旅行團到達。跟著，我便根據網友提供到售票處買“忍者村＋熊牧場”套票，當地ｄ售票員真係唔會主動話你聽有套票，所以諗住係登別去多過一個主題公園嘅朋友要醒目ｄ，哈哈。

同埋，入場時有一個節目時間表，記得把握時間呀。我本人同老婆係忍者村行左一陣，跟住就去睇左“忍者劇場”和“歌姬劇場”，而係“歌姬劇場”內，演員會請一個男觀眾扮“有錢婊客”，當日個位觀眾為俏為妙，我唔識日語都被佢攪到我抱腹大笑。另外一提，係開場前工作人員會每人派一張白紙，最初還以為給觀眾抹手抹咀。原來將紙係俾觀眾睇完套劇後，包住ｄ賞金然後擲上台。當時個個都擲，但係我同老婆就你眼望我眼，真瘀．．．

之後我倆就去登別車站的觀光案內所拿取觀光指南，到達後我同老婆好開心，因為我地見到一條好大好長的彩虹，同時彩虹又橫跨於海洋公園之間，構成一幅美麗的圖畫，正！跟住就去第一瀧本館Check In，放低行李後即時出去找食物，我倆便到一間拉麵館用饍。跟住就駕車去了一連串嘅景點，分別係地獄谷、大湯沼、奧之湯沼和扇形湖展望台。不過，我相信如果我無揸車的話，應該去唔到咁多地方。

返酒店浸下露天溫泉先，當時室外氣溫約６∼７°Ｃ，浸左落去真係好舒服，完全唔想上番嚟，另外我又Order左一客Saka，一邊摸住酒杯底，一邊浸在暖笠笠的泉水裡，一邊望著地獄谷及山邊紅葉的景色，如此詩情畫意，真的令我樂透了。但當中有一事令我十分尷尬，就係無論係更衣室、浴室，溫泉附近都有ｄ（老）女員工行來行去，但係周圍ｄ人都好似見怪不怪，我就左遮右掩，哈哈．．．

到了晚餐時間了，由於之前訂房時已經訂了個“蜜月套餐”，所以呢一餐係我係整個旅程嘅酒店晚餐中最好的，另外酒店又送左支金淊清酒給我倆，而且ｄ食物好新鮮，色香味俱全，整個套餐價錢亦不算貴。所以，我同老婆決定下次去北海道會再來一次，Yeah。