9月8日
因為出發時間係下午，所以時常覺得好有好多時間（特別是在拾行李時）。坐4點幾機，所以要1點半就要出發坐巴士入機場（因為要起飛前2小時到機場辦登機），今次同團契2位弟兄－Chris & 華哥一齊布吉自由行。哈哈，大家都自由地失業，Good，失業兵團！心情沒有太高興，可能受到面試失敗的情緒影響到，又可能是擔心人生路不熟，兩文三語又唔得，總之出發時總是心不在焉。
2點20分就到在機場，係OX（泰國東方）櫃位搞好左登台機手續就去左大家樂食Tea。出發前不斷睇Forum，因為不少人都俾OX bad comment，話佢地成日delete，而且仲冇飛機餐，所以就食定個Tea打底。
個Forum好有用，因為對我地第一次去布吉，仲要係自由行，提供了不少有用的info，好似去個島、邊間酒店、搵邊間Local Tour、食邊間等等。所以我們出發前所訂了個plan，大部分內容都是依靠這個Forum，個網址係www.phuketfans.com，佢不單有布吉info，仲有去泰國其他地方info，如果大家想泰國自由行，這個網頁very useful and helpful，而且仲有coupon可以download，Good。
食完後就辦出境，我同華哥好快過左檢查關卡，Chris就俾保安叫住，原來佢個筆袋有把刀仔，係北京的手信，唔記得拿走，所以保安就俾左2個選擇，1是由保安保管2星期，然後到機場取回；2是由保安沒收。他選擇了後者。
入到禁區內，就看看在那個閘口登機，45號，要坐無人駕駛地鐵去的，我也是第一次要坐無人駕駛地鐵去登機閘口，哈哈。臨上機前打左個電話俾藹詩，佢明天去英國讀書呀，不過佢講緊長途電話，後來我地就send左個message，順風啦。
上到機，坐得幾前，因為OX係冇商務客位，所以我地同地勤講要坐前d，結果都幾前，哈哈，不過我地就分開坐，而且坐係中間位，地勤又冇問我地要唔要窗口位，我地又冇要求，蠢左，所以決定回程有咩要求，一定要同地勤講。
起飛冇耐，就有好多人去廁所，正當人來人往之際，我見到有個幾熟的身影，「唔係阿嗎，又撞到人？？」呢個幾熟的身影係屬於我的物業管理舊同事－Carman，於是我想confirm一下，諗住用路過時望望，不過行左2次都唔成功，算吧。空姐們也在同時派小食同飲料，當我們吃完包小食冇耐，就有飛機餐，我們也沒想到佢會有的，哈哈，Good，不過佢個飛機餐冇生果，但係有個蛋糕，好飽。原打算係架機上看書的，不過真係好累，結果看了一會就睡著。睡下醒下就3個鐘，臨落機前15分鐘，空姐再派多次飲料，Good，「Coke without Ice」不過佢好似唔記得，俾左杯有冰的Coke，不過佢後來發覺俾錯左，再俾多杯no ice Coke，哈哈。
終於到達布吉國際機場啦，現在是晚上6時30分（當然是泰國時間啦，香港同泰國有1個小時的時差），而落機也confirm了那個人就是Carman啦，哈哈，大家又見面啦，上次我和她碰面是在前往白石高爾夫球場。哈哈，今次係第二次碰面。她是和家人同行，不過因大家住的酒店在不同的沙灘，所以就沒有同車了。
出左機場後就exchange currency，我身上只有THB$350，都唔$$坐車，我見到rate後，就決定先用美金，原打算美金是作為後備金，以備不時之需，不過個rate高過港幣$0.08 per HKD$1，for example，I used US$500 to exchange Thailand Bet，so that I can get THB$20,640（US$1：THB$41.26）。If I use HK dollar，I will have THB$20,280（HK$1：THB$5.20），haha，we gained about THB$360，I like it。
由機場去Potang（中文叫芭東，係布吉其中一個沙灘，蠻出名的），大約30分鐘車程，車費係THB$550，fixed price and listed。架車都幾靚，係豐田車，俾香港的的士舒服好多，而且夠新，哈哈，I like it。司機哥哥手車好辣，逢車過車，成140km，哈哈，勁。我地有問下布吉的天氣，因為我地之前有check過，話布吉會有雷雨，「Good weather，fine」，Good weather?? We hope so。佢有問我地邊到人？我有問佢有咩島好玩，「PP Island，good place」PP Island??唔係嗎。有好多香港團會去的，所以會有好多人，而且唔太得。所以我就冇理佢。不過行左大約20分鐘，司機哥哥車左我地去一間Local tour，我叫Chris同華哥留係車上，我自己一個人入去，哈哈，有咩事仲有人可以係出面求救。入到去，個Sales自我介紹，係一個好肥的女Sales，佢個名仲有趣，「蚊」，蚊??yes，因為佢個英文名係叫「Moskito」，個讀音同英文的「蚊」的讀音一樣。佢介紹左幾個島俾我，我又有問佢Fanter Sea個Show幾錢，因為我已決定係芭東報名，所以今次純粹get info，「Remember to call me.」「ok la」就返上車去酒店。
到左酒店，沒有在網頁見到的那個漂亮的大堂，係reception辦手續，有welcome drink，係一杯好甜的果汁，「Room 355, this is the key, breakfast card and key card, remember to give back the key card when you leave. The extra bed will be placed after 10 minutes」，因為我地3個人，book左一間房加床。
入到房，「點解同係網頁見到的完全不同??」有點失望，間房就一般啦，加左床後就出去逛逛。
因為人生路不熟，所以就拿住張地圖，confirm自己的location。幸好我們的酒店和芭東沙灘的路程很短，只需步行3分鐘左右即可到達。首站是尋找local tour，因為係個Forum到都有不少人介紹了一家叫Nice Tour的local tour，所以我地決定光顧他啦，間鋪的位置係麥當勞同KFC的中間，（哈哈，因為d網友用了此2個landmark，不過，如果用了其他的landmark，我諗我也不知道如何找），行了大約8分鐘左右就到，店員阿Mark好好人，介紹了幾個島，最後我地選了Raya Island，因為少香港旅行團去，我好怕多香港團會去的地方，不單價錢貴，而且我不喜歡人多，I like localize。
要THB$800 per hand include lunch and free pick-up，然後再問下Fanta Sea Show （奇幻樂園），要THB$1,100，另加THB$200 for transport，不過佢地有refund THB$200，haha，我地會光顧原因是佢地個好reasonable and lower。走前阿Mark俾左name card我地，下次再光顧啦。
報完團，就行去麥當勞參觀一下，因為我每去一處地方，去會去麥當勞have a look，望下d裝潢同Price，哈哈，始終香港麥當勞最便宜，不過佢地個朱古力面雪糕最抵，每個只售THB$10，cheaper than in HK。
由於大家都唔係好餓，就去左食日本菜，間店叫Zen，都幾有名的，哈哈，裝修期間有8折，I like discount offer，Chris問我有冇budget??其實我冇諗過每餐個budget，「$2,500啦」，第一餐就豪d，結果叫了6道菜，因我忘記有20%off，所以結帳時只需THB$1960，Good。間shop都幾得意，我地係地下個層食，要脫鞋，而且d服務員全是泰國人，但係全部穿上和服，講日文歡迎詞，哈哈。
食完就去左Ocean Supermarket，我們買了牙刷及飲料，就返酒店，打了電話去reception made a morning call order，看了一陣電視就睡，因為明天要早起，6點morning call。
不過有樣野唔明，點解ESPN d 節目好似不斷重播？？
9月9日
6點morning call，咁早起身因為要梳洗、靈修同食早餐，我們要在8時20分前完成，今早我們會去Raya Island（中文名好似叫帝王島，I am not sure）。我們一人一日負責帶詩歌，今日Chris負責，哈哈，帶在首有浪同山有關的詩歌。靈修完畢已經是7時30分，哈哈，仲有50分鐘食早餐，我地落到餐廳，嘩，要不要這麼多人??我曾看過有人comment間餐廳好似大家樂 － 要等位，因為今早我見有起碼2團香港團係餐廳食早餐，不過這家酒店也有不少香港旅行團會入住的。我們行了一個圈就搵到位坐，食品種類不算多，一般啦，原打算唔要酒店早餐，因為我想我們每人每日唔洗食HK$40早餐，不過訂酒店時，個agency話3人房冇得唔要早餐，冇啦啦要俾多HK$150。其實我對早餐冇咩要求，因為我食來食去都係果幾樣，不過算吧，臨食完前見到有煎蛋，不過因為太飽，留待明天先試啦。
食完早餐後就係大堂等車，哈哈，有專車接送，尋晚阿Mark話我地這團共有10個人，其中5個係香港人（包括我們3人），so good，u know，small is beautiful。車程大約30分鐘，我地由芭東沙灘去碼頭，坐快艇去Raya Island，架Van幾舒服，哈哈，令我想起我去新加坡時，每天也坐這種車四處去。去到碼頭，上左快艇後，個司機話要等多d人先開，等多d人??原來要等多4個香港人，可能佢地係第2個地方book local tour，隻艇冇想像中咁拋，30分鐘就到左，不過唔係上岸，而係
潛水，OO，我地3個人完全冇咩準備，反歡其他人就好有準備，全副武裝，有潛水衣、潛水鏡、手套及蛙鞋，利害利害。我地只好用船家提供的潛水鏡同救生衣，三、二、一，跳，就跳左落水，d水勁咸，係咸得好利害。而且我地第一次用潛水鏡，要學習用口呼吸，起初是有難度的，不過，好快就適應，其實都係水面潛下潛下，不過好正，因為d魚會係你身邊遊過，我沒有載眼鏡，也看得好清楚，哈哈，不過沒有眼鏡的時光好難過，我會頭痛的，所以係海中潛左30分鐘我就上船。
係快艇上曬太陽，so relax，半小時好快就過，然後就上岸，去左一邊沙灘，不過個沙灘就一般啦，因為太細同埋太多石頭，我地冇游水，係個灘上四處行，拍下照，行行下見到一隻曬乾左海星，於是我就將佢放回水中，哈哈，隻海星要「發」，又過左30分鐘，司機叫我地去食野的地方，其實個島好似仲未起好，因為仲有工程進行，好似起屋、地基平整等。即使是食店，其實好似未完工，不過是外圍未完成，內部已然完工，個feel都幾好，哈哈，有專人分餐，幾好，共有6個菜，不過有3個好似樣，分別是炒雞肉、炒豬肉同炒菜，個冬陰公湯好辣，我只飲了2匙，因我太怕辣。係45分鐘的午餐時間，我不斷飲水，哈哈。
吃飽飽後就行去沙灘，嘩，這個才是個沙灘，好正，咁先係陽光與海灘。因為個tour唔包d沙灘椅，要THB$150一張，所以我地就將d行李放在樹下，我不太擔心被人偷野，因為個沙灘只有我地個團人，而本地人又唔會冒險偷野，因為佢地偷遊客野，以後不用在布吉工作，因為冇人會請佢，因為布吉是為遊客而設的。而且我地沒有帶貴重物品，我只了THB$300，所以我地3人好放心。
係海中跑步、踼浪、感受下d浪的威力、曬太陽，feeling so good and relax。時間就好快過，3點個司機就叫走，坐快艇返碼頭。不過臨走前，Chris行行下踏中左一團黑色物體，細問下得知係油污，油污??係沙灘上竟有油污!!因為係沙灘點洗都洗唔走，決定返酒店先解決。今次我地3個人就坐係船頭，一來感受下d風，二來可以吹乾個身，不過太累啦，係強風下都可睡著，30分鐘後就到碼頭（其實冇去個程咁耐，可能是在船上小睡了一會），坐專車返酒店，到了酒店後，我就去超市買洗潔精，Chris就入廁所再努力，華哥就留守房內，分工合作。
到了超市買洗潔精同牙刷（支牙刷後來證實好有用，我本身都買了一支），個收銀見到我買洗潔精時，露出了奇異的眼光。泰國物價好低，洗潔精就THB$10，牙刷就THB$5。返到酒店後Chris就努力清洗污穢，我同華哥就睇電視。「洗潔精真係可以清除油污！」哈哈，我地bath完後，我就提議去做個message to relax，個價好抵，Thai message、Foot message同oil message都係THB$280 per message，而且近酒店，所以3票贊成。我就做Foot message，因為我對腳very tired，佢地就做Thai message，佢地可以做到睡著左，我就唔得，哈哈，係message過程中有些趣事發生。做完message後就行去食晚餐，不過冇咩頭緒，結果行左一群大排擋，我諗大約有7至8擋。不過前幾擋d店員起勢拉客，我最怕的，結果去左擋都有點名氣的 － 99餐廳，我地叫在7個菜，間食店都幾識做生意，水一枝要THB$20，椰青就THB$30，基本上會選椰青，因為個相對價格比較便宜。食物質素below average，因為串燒牛肉只有一串，細size，THB$200；青咖哩雞勁少雞肉；燒烤尤魚最失望，細size，等左好耐，最奇怪的是竟然有水出，我地懷疑係水灼熟後才燒，失望到極點。THB$900結賬。
飯後繼續散步，行左好遠，原打算找一家食店，for dinner tomorrow，但係有閃電，即閃，因為我地冇帶雨傘，返酒店途中window shopping，今次見到有幾靚的相簿，我諗做手信都不俗。鎖定目標就開始search the price啦，仲要練習下negation，當然要練習下啦，我諗我有起碼3年未同人講過價，基本上我去旅行會找一些當地人的購物地方買手信，因為遊客區的價錢為遊客而設的，而且，近3年我去的地方不太需要講價，例如台灣、南韓，fixed price，係東南亞同中國買東西唔講價，你與你的金錢不共載天，其實我也不太喜歡講價，太麻煩，但如果唔講，我總覺得不可接受，況且，我不擔心我買不到，Huge stocks，行左幾擋有以下結論：1, 木面的比紙面要貴大約TJB$200；2, 木面的比較難講價（我都唔知點解，可能成本真的很高）；3, 木面的sell price around THB$800-1500。收左風後要想下我的出價，我想木面的相簿大約THB$300就可以成交，紙面的可以在THB$250-280左右啦。
回到酒店前，Chris同華哥買了班戟，我仲好飽就冇買，返左酒店，傾左一陣傾，見左陣電視，12點前大家已入睡了。
9月10日
今日主要行程 – 購物
昨天太累，所以8時才起床。梳洗後就落樓下吃早餐，人不太多，可能已經出發四處去，今早有西多士，哈哈，不錯不錯。早餐後返房靈修，今早的詩歌敬拜由我負責，我帶了本以前我去台灣camp時嶺南團契所自製的詩歌集，帶了一首「我要高山舉目」，首歌係我前2日面試時，作好了3封信後唱的歌，不過當時忘記了大部分歌詞，哈哈，緊張嗎。其實今日都緊張呀，因為要坐篤篤（當地其中一種為遊客而設的的士）去布吉市，人生路不熟，唱了2次後就各自靈修。
靈修完畢後就出發，首站去左酒店天台同泳池拍照，然後去exchange currency增加彈藥，「下，點降個rate（both US & HK $$）跌左咁多??（US$41.46=>US$41.20，HK$5.3=>HK$5.22）」，回想一下，可能是澳洲註印尼領事館被人炸，令美元受壓，無啦啦少THB$0.08 per HK$1，唔好輕看THB$0.08 per HK$1，我們結果exchange了HK$1000，就少左THB$80，就冇左7罐可樂。
在Forum內有不少人都會包一日篤篤去Town，因為方便去shopping，故此我們也想包一架篤篤。絕大部分篤篤都是紅色的，今日見到一架全白色的篤篤，哈哈，我立即就問價「whole day $600??」「whole day? Too long la」「too long??」「yes」「ar?」唔可以包全日??「where u want to go?」「town」「350」「but we want to Ceramics」「how long u stay there?」「half an hour」「400」「cheaper ok la??」「no ar，high oil price ar」「okok」不能講價，不能包全日，只是為了坐白色篤篤，唉，只是滿足個人慾望，不過是一架幾新的車，算吧。
大約20分鐘後，我們就到了Ceramics，一家星級酒店的瓷器店，是供應給酒店及Spa用作承載香薰油、洗頭水等的瓷器，其實她的product都幾靚，不過價錢就……哈哈。我買了一條頸鍊，Chris同華哥就此開始了他們的大收購，我們逗留了45分鐘就去下一站 － Big C。
我們到了Big C的地下車場，和司機哥哥及他的戰車拍照後就走，司機哥哥有問我們的行程如何安排，其實佢都想做我們的生意，不過佢知道我們要留2小時就say no la，哈哈，佢對我們要購物2小時感到驚訝。Big C係一家本地的百貨公司，也有不少遊客（特別是香港人）會到此購物，因為價錢便宜，特別是超市，哈哈。我們也參觀了超市，也買了少少東西，因為留待在Lotus的超市再買。我們其後到了上層，他們有一個禮物及紀念品展覽，就去看看，不過沒有什麼特別，買了些磁石貼作手信就走。臨離開Big C前見到有一家賣甜甜圈的店，好似幾好食，THB$15 per one，我們買了2個試下，都幾好食，食完就行去Lotus。
我想沒有人由Big C步行去Lotus，特別是遊客，因為從Big C係見不到Lotus，沒有行人路，也沒有路標。我們拿著地圖，確定自己的位置，問下路人，找找地標（一家醫院及Esso油站），行了10分鐘，都找不到間油站，而天色開始轉黑，我們三人沒有帶雨具，感謝主，我們在路口上終於見到Lotus個標誌，原來間油站的位置同張地圖的位置有出入。
Lotus比較高級些，可能是外資投資的，所以店內物品的售價也較Big C貴一點。超級市場當然會行啦，同Big C的差不多，Chris想找有亨利做罐面的可樂，原來是特別版（歐洲國家杯2004），哈哈，這杯賽也完了一段時間，所以這款可樂的存貨也很少，找了很久也沒有，所以就問了職員，原來佢地只賣餘10罐左右，並將存貨放在很高很高的地方，哈哈，真係佢地唔講我地就搵唔到。在超市行行下，聽到天花板好嘈，舉目向外觀看，原來正下大雨，感謝主，祂讓我們有瓦遮頭，因為唔知場雨要落到何時，所以我們決定到Food Court had our lunch，賣完幾袋物品就行去Food Court。
個Food Court不算大，我想有10個counter，原來係Food Court買東西時要用卡，一張THB$100的儲值卡，結果我們共買了THB$85的食物，Chris同華哥叫左米粉，我就叫左個炒飯，Size就一般啦，有free water supply，幾好，Chris想keep張卡當紀念品，but still had THB$15，so he searched a drink below $15，he found it，it cost $12，is coffee with small size。So he made the order，but the sales mentioned that there was no small size，so she charged Chris a large size，which cost $15，and she didn’t give the card back to Chris! Because the card was no value and she needed to do so。OO… Chris disappointed。其實我們也不明白點解個餐牌明明有的東西，店員又可以說沒有??
食完lunch就搵車入市中心行街及購物，當然坐篤篤啦。其實不用自己找，那些司機是“送上門的”首先要做及唯一要做的事－講價。「Town, 3 hours, how much??」「400」「400?? 350」「350, ok, but u need go to a shop 5 minutes, 5 minutes only」「ok」大家估下點解我地去間店可以少付$50? 哈哈，其實我相信大家都估到，是因為司機哥哥送我地去一些店後，不論我們是否有購物，佢地都有佣金收的，所以，佢先肯收少ｄ，同跟團去一些咩店物店是異曲同工。今次司機哥哥送我地去一家珠寶店，唔太大，我對珠寶沒有興趣同認識，不過售貨員非常落力，見到我們對珠寶沒有興趣，就向我們sale領帶，sorry，都沒有興趣，5分鐘後就立即離開現場，我見司機哥哥幾高興，就問下可否晚一點才接我們，因為我們離開Lotus時已經4:30pm，從珠寶店走已是5.00pm，而司機打算6pm接我們回酒店，所以我問司機可否7時才接我們??「no ar, too late」其實我都唔明有幾late「6.30pm」是我們的底線「okok」，司機在Rattana Ocean Mall停車，他說Ocean Shopping Mall沒有什麼好去。不過無所謂，因為2間店其實在附近。到了Rattana Ocean Mall已是5:15pm，故我們打算在Rattana Ocean Mall附近的街逛逛，我們也預留了30分鐘回到Rattana Ocean Mall逛逛，好，我們有45分鐘，Go Go Go。首先到對面的一家運動店，華哥找運動袋，Chris找波衫，我?沒有什麼想買，哈哈，原打算買對龍門手套，不過好貴，放棄。10分鐘後就離開，當我們行行下時，突然我望到一家似曾相識的店，Iyara，一家我在泰國最愛的店，間店賣的是精品及香薰。我很喜愛她。我很快就決定買什麼東西，Chris同華哥受了我的感染，開始了購物戰，經過20分鐘，我們做出了最佳成績，共買了超過THB$2,000的東西。哈哈，其後我們回到了Rattana Ocean Mall，華哥買了一個袋，我就去了麥當勞買飲料，然後上車返酒店。
其實返到酒店時間的確尚早，只是7時多，放下戰利品後就去食晚餐，今晚晚餐是「掃街」，其實過去幾晚都發覺芭東的街邊擋食品種類不多，最多是燒粟米、串燒，仲有雪糕（不過用麵包夾住，好似熱狗）。我們邊行邊搵街邊擋，順便找找相簿，練習講價，不過真的不多街邊擋，所以返去Ocean個邊，起碼有串燒同燒粟米，我們叫了10幾串串燒同2條燒粟米，take away返酒店食。
食完上酒店天台拍照，估唔到天台沒有燈，好黑，幸好我有支電筒，不過在天台拍照勁似狗仔隊。然後再去泳池拍照，又係冇燈。然後到酒店附近的夜市逛逛，有一家有些砌得好靚的鐘，因為個鐘殼係一個盒，盒內砌了一些精緻物品，幾靚。「how much??」「700」「700??」雖然靚，但係唔值「how much you give??」反問句「700, 2」個sale的答案是否定的，唔肯減價當然唔買啦，而且我講唔到值我就會走，點知個sale見我走就同Chris講ok，Chris當然叫住我唔好走，哈哈，因為佢想買一個，「下，你想買咩??」「係呀」「我只係隨便問問」「……」Sorry Chris。旁邊有一家賣相簿的，我也問了價，也還了價，心中有數。
行下行下就見到有家賣手飾，就想入去，因為我想隻手鐲給自己，上次我在韓國買的手鍊已經斷左，想買一絛，就在這時間，我們發現了一家Iyara，我們在回酒店途中，我從紙袋中發現原來芭東有一家Iyara，但沒有地址，哈哈，如此給我們發現了。在手飾店中，我見到一隻手鐲，是用珠仔串成的，這也是我以前在中心時，其中一件真貨的真身（因為我們用了它的意念，但也是我一直都不能明白的意念，因為中心的版本是用珠仔串在扣針上，然後再串起扣針，而真身是用金屬做外殼，中間有空位，用魚絲串起珠仔），今天我終於明白了是什麼東西了。手飾店沒有東西吸引我，當然下站再戰Iyara。
雖然是同一品牌，但是在不同的店會有不同的優惠，好似在Town的那店會有Buy 1 get 1 free，而這店會有一些物品做Special Discount。Chris同華哥再力戰Iyara，而我也買了些手信，今次戰績一般啦，THB$1000多啦。
返酒店前再到酒店附近的夜市買拖鞋，因為Chris的拖鞋在油污事件中宣告死亡，但在芭東沙灘擋也沒有特別的拖鞋，所以到夜市再找。當然我問價錢、佢揀款式。Sales姐姐一開200個大洋「too expensive, look at that（我指住華哥的拖鞋）it just $80」「we are very cheap ar（當然指售價）」「$80」「no la」「$200, 2」「2?」冇啦啦仲咩要買2對??華哥就好，佢要一對「160, 2」繼續殺價，最後成交價THB$180，2對。原打算再殺價，因為冇Chris的size，有些有大的，但係唔靚，不過個Sales點都唔肯，形勢比人強，180啦。臨走前sales姐姐問「where you come from?」「Hong Kong.」「I love HK」「If you love Hong Kong, give me
more discount」哈哈，我上次在韓國用這句對白，愛屋及烏就給我多些折扣。愛若沒有行為是死的。（改編聖經金句『信心若沒有行為就是死的』雅各書 2:17）
講起殺價，就令我想起我漏了Chris同華哥在第一晚晚上找拖鞋的事。因為華哥沒有帶拖鞋，所以在Zen食完晚餐/宵夜??。就去買拖鞋。揀了很久也沒有合心水的。原來華哥係我們去Zen途中見到一對幾好的拖鞋，但我們回程時也找不到，所以華哥就係Nice Tour旁的一擋買拖鞋，開價THB$160，成交價是$80，成績一般啦。其後Chris都想買，去到一家店，價已經講好，不過不能成交，因為no stock for Chris’s size。在尋找拖鞋途中，我也尋找我的相簿，當然會問下價，其中有一家有相簿同拖鞋賣，Sales姐姐懶可愛，見到我們類似台灣人就同我們說起國語來，（你可能問點解唔係大陸人而係台灣人，因為style問題），我的三文兩語是沒有白學的，你說國語，我也說國語，「how much?」我指住對拖鞋「350」350??你冇講錯呀?「70」我已經好俾面，唔還35，因為如果對方用開天殺價，我只好落地還錢，出10%作還價。「300」你以為減左好多咩??「no」Chris都唔會肯買啦，我再問個木面相簿「how much?」你估下Sales姐姐開了個什麼給我??「1550」你冇野呀??1550你都夠膽開，我連價都懶得還，走，「how much you want ar??」「Bye bye」。
返酒店前Chris同華哥都想買班戟作宵夜，但係冇開擋，就返酒店休息，因為逛了一整日街，所以梳洗後就上床睡，Chris同華哥好快就睡了。我就躺臥在床上看MV，泰國MV的真的好好笑，MV內容不外乎2種，一是歌手同一班dancers，載歌載舞，不過dancers都穿得好誇張，歌手就會企定定地唱，另一是愛情故事，又以包2奶的故事較多，哈哈，最好笑的是，MV內容不是由歌手主演，歌手的畫面會插入MV當中，哈哈，好搞笑的。至於歌手的打扮，正，男的一定是西裝，但不打領帶，女的，晚禮服（好似只有一次例外），哈哈，如此好看的MV太吸引我，直到3點才肯睡，但是，我們6點就需要起床。