今日 6:00 am 起身, 事關今日是澳門旅程的第一天! 我同浩約左表姐 7:00 am 係上環等...... 好早晨呀! 表姐幫我地係噴射飛船照左入去 VIP 房坐!! 哈..... 好勁呀! 本身我地係豪華位坐, 點知無端端叫左我地入 VIP 房坐.... 勁開心!! 7.35 am 開船, 8:35 am 到達! 好快....

我地到達 Macau 果陣人生路不熟, 我地拎住兩本 map 周圍睇, 哈... 好興奮, 因為好似探險咁! 我地行左 10 mins 都冇就到左第一個目的地 - 金蓮花, 可能太早了, 所以冇乜人!! 又行左一陣就到金沙, 又行左 15 mins 到就到左葡京, 睇左一睇就走了!

行多一陣就到新馬路, 果到既 buildings 好有歐陸 style! 果到有個噴水池, 民政總署, 郵政總署等等都好靚! 第一餐就係食地道黑椒雲吞 + 水餃! 跟住行多一陣又食九記冰室, 食左三色雪糕都係 $9 ! 又食豬扒飽! Macau d 食豬扒又真係幾好味.... 行多一陣就到大三巴呀! 係果到勁多都係內地人, very crowded! 之後入左去博物館睇! 之後又去左澳門博物館參觀, 一人 $15 ! 果到好多文化交流既野睇! 跟住又到左炮台! 睇左一陣就走了! 落返來去到義順牛奶公司食雙皮奶 + 燉蛋! 原來 HK 都有一間的!! 哈! 跟住落起大雨, 成身濕哂! 但係仲去食左魚皮角, 之後行到好累, 所以決定返 hotel 換衫同休息下再行過! 回程行左 15 - 20 mins 到去到 hotel - 皇家金堡酒店! 返到 hotel 大約 3 點幾, 休息左陣又出去行過呀!

沿路入左去葡京唸住買曲奇, 點知買哂, 明天再去過! 之後又睇 map 去左荷蘭園, 搵禮記雪糕! 真係好好味, 食左個朱古力磚 + 雪糕三文治! 哈! 之後一路行下街! 四周睇下 Macau 既特色! 行行下去到間藝術展覽室, 所以入左去走一趙! 雖然 Macau 細細, 果到 d 人真係幾有 art 天份! 之後去左盧廉若公園, 果到雖然冇乜野睇, 但係好有特色! 之後唸住去咀香園買定手信, 點知迷路.... 唉... 行左好耐先去到大三巴!! 終於見到咀香園了.... 之後買完又係去左新馬路行街, 果到成個旺角咁, 不過唔係咁多野買.... 行到 10 點到就返 hotel 了! 因為好多店都已經 close 哂! 冇野睇!! 返到 hotel 睇 TVB, 哈.... 睇埋創世記就 sleep 了!

2.7.2005 星期六 <晴>

今日 9 點幾起身, 因為要去 lobby 食早餐, 哈... d 野食都唔錯, 果然係四星級!! 一早起身去左葡京買曲奇, 今次仲冇!! 哈.... 跟住去左國父紀念館, 我覺得係孫中山間屋來的! 之後唸住行去二龍喉公園再撘纜車 (只係 $3 來回, 超平!) 去到松山市政公園, 見到個燈塔好靚靚呀! 又影左好多相....

之後又撘纜車走了, 之後去行新橋區, 去左香島咖啡室食野! 又去左市東街買龍鬚糖, 跟住去到 d 店到買左條手鐲!! 好靚呀, 不過就貴左 d! 嘻嘻.... 之後去左消防博物館, 睇下 Macau 果到 d 古老消防用品!! 之後去左旅遊撘, 不過果到要比 $$ 先可以上去最高, 所以都係唔上呀.... 去左果到既 shopping mall 行下, 不過果到好多店都未開.... 係果到休息左陣去左主教山睇個教堂, 沿路見到何厚華家同何鴻燊家! 真係好大喎!! 主教山真係好靚, 個 view 好靚好正!! 跟住走果陣去左 d 小巷行.... 之後去左大街, 見到有個音樂噴泉, 不過未夠鐘做..... 所以冇睇到....

之後去左 Macau 既新八百伴, 好似 HK 既 Jusco! 係到行下, 買左魚生食..... 好好味呀! 行到咁上下就去左食葡菜.... 又幾好味呀, 來到 Macau 緊係要試下啦... 到 10 點幾了, 都準備去碼頭返 HK!

11:30 pm 就返上船呀! 12:30 am 返到 HK! 今個旅程睇左好多野, 食左好多野, 好充實!! 係一個愉快既旅程!!