6.10am 夠鐘集合，見到我地既領隊姐姐 -- Erica！之後見埋我地既團友，不過似乎唔多岩玩！哈！ check in 之後 8.10 am 夠鐘上機啦，心情開始緊張，我記得我之前撘飛機都係咁樣！可能係心理作用！ 上到機開始有 d 不安，不明原因！好在我隔離有 Wendy 比我拉住隻手，都好 d！哈 ...... 之後平靜下來 就冇乜事了！一個鐘頭二十分鐘就到左台灣中正機場！不過感覺都係香港個機場豪華 d！

之後我地拎完行李就上架旅遊巴，第一次見到我地既導遊 -- Kammy！感覺 Kammy 都幾好人，講左好多台灣 既故事比我地聽，使我又了解多左台灣既背景！第一個目的地係九份，個司機都 drive 得幾安全，唔錯！ 上到去九份，第一個感覺係好熱 & 風景唔錯！同埋果到有好多野食，我地去左食牛肉麵，又真係幾好食喎！ 跟住一路行下一路去睇下仲有咩食！之後又食左臭豆腐，勁好味！又食左大大粒丸！跟住又買左個太陽餅返 hotel 食！

之後我地就去左基隆市，基本上都係去食同埋 window shopping！事關我地之前食得太飽，所以都冇乜點食果到 d 小食！唯一既收穫係一杯 M 記的雪糕！基隆市有好多遊戲機 + 夾公仔機 + 出口店！不過去到果到都唔係 太想買野，可能係第一日既關係！嘻！

跟住去左全個台灣都高的大廈 -- taipei 101！果到好似又一城！因為好多都係 d 名店，大多數香港都有得 賣！但係 d 價錢又貴 d 喎！不過又真係好高同好靚！行完 101 之後去左對面既 New York New York 繼續行！ 果邊 d 野就冇咁貴！不過個外表就冇咁靚！我地都係 window shopping 多，我唸住買 CD，但係仲貴過香港 買！唉......

之後去左饒河街夜市，其實又係食！仲係一路行一路食，好熱！原來台灣 d 小食差唔多都係好油膩！搞到我有 d 喉嚨痛！我地買左好多野食，有：胡椒餅，蘿蔔酥，炸蟹，炸雞扒，珍珠奶茶...... 仲有好多好多！ 全部都係好味的！又唔係好貴！幾好！

食飽飽之後就返酒店呀！今次住的 hotel 係豪景大飯店！哈...... "飯店" 個名都幾好笑！洗完白白，Bark 佢地話想落街買野食，但係我，May，Wendy & Cat 就係 hotel 到休息 + 訓！因為今日真係好累！行左咁多 食左咁多，係時候休息下！

之後我地就去左「真」珠推廣中心！去到果到好似上 lesson 咁，個個人都聽住個 lecturer 講 d 珍珠點 培植，又話佢 d 功效繁多！又話可以滴眼，食用，醫病...... 總之能醫百病！哈...... 不過我都冇買！ 因為我之前已經聽左 mum 講有哩種樣，佢仲叫我千萬唔好買！不過如果佢冇叫的話，我又可能會買左！ 哈哈......

到左食 lunch 時間，我地去左「鐵木真」到麻辣火鍋 + 蒙古烤肉，好好味呀！不過我就冇試過個麻辣火鍋， 因為我好怕辣，加上我又喉嚨痛！所以都係唔食比較好 d！如果唔係點繼續玩埋去！

之後我地去左「忠正紀念堂」，去到都係 Kammy 講解蔣介石既生平事跡！好似又上多一堂 history！不過 感覺都好好！果到個 view 好靚，一大片地方感覺好宏偉！

今日最重要既行程就係去「伊豆」浸溫泉，今次係我第二次浸溫泉，不過今次係一絲不掛咁樣浸！其實都幾 shy 呀！不過過左一陣又冇乜野 lu！同埋玩得幾開心 + 舒服！果到有個四十幾度既大池，有一個凍水池， 仲有一個蒸汽室！我同 Wendy & May 一齊輪住浸池！哈哈，好搞笑！

浸完之後就去左港記買手信，買左好多野食！哈哈..... 果到仲有得試食 tim，所以岩食就買！原來果到 係 Pamela 住既酒店對面，早知就去果到搵佢啦！買完野之後就去左西門町行街同埋食 dinner！我地去左 一間唔記得咩咩 fish 食 dinner！我就食左個焗海鮮千層麵，勁正！而家唸起都好想食！果間 rest 好特別， 佢地 d 坐位係一張搖搖椅，地下係一片好似海灘既沙咁！好得意！食完就開始行街了，行左去一個商場， 見到好多年青人既品牌 (好多都 HK 都有)，我係果到買左件 bread & butter 既 tee！嘻...... 好開心！

行到 10 點幾就返 hotel 一陣，12.15am 再出過去西門町到搵 cafe 飲野！搵左間「小歇茶亭」飲左杯 蘋果紅茶！哈...... 跟住係果到傾下計，講下笑，不知不覺又到 2 點幾啦..... 都夠鐘打烊了！所以 我地都要走了！

2.45am 返到 hotel，take bath + talking，哈哈..... 又渡過了第二日了！

之後我地去左情人橋，個 view 好正，好靚！全條橋都係白色，不過太陽太猛烈，隻眼都睜唔大！係果到影左 好多相！跟住係情人橋隔離就係淡水老街，果到好有特色，完全睇到台灣既風貌！淡水係盛產鐵蛋，所以我都 唔執輸，買左 3 包！哈哈！果到有好多 "阿婆"、"阿伯"、"阿媽" ...... 鐵蛋！真係大開眼界！仲有買左 當地小食返香港做手信！行到 4.30pm 就走了！

之後去左蔣介石興建既 "圓山大飯店"，一入到去就覺得好有中國色彩，同埋好宏偉！入面飯店所有既雕刻都係 人手做成的！有龍有鳳，手工好精緻，仲有果到所有既擺設都係富有意思的！間飯店有五十幾年歷史， 雖然唔係話好耐，但真係值得一看！最記得飯店前面有兩隻獅子，一公一母！真係好靚！

參觀完圓山大飯店之後就去左 "故宮推廣部"！果到係介紹咩係中國五大歲獸，果到 d 人會幫埋我地睇自己既 姓名好定唔好！佢話姓名既筆劃每逄 10，20，30 都唔係咁好，筆劃 4，9，13 就係好既！哈哈.... 都唔知信唔信好！仲有佢仲幫我睇 埋我家人，男朋友！哈哈..... 好搞笑！原來我係屬木的，浩係屬火！聽完一輪之後就走！

到晚上去左士林夜市食 dinner！我地食左好多不同種類既當地小食！又幾好味喎！唸住見下 Pamela，點知又 meet 唔到！真係有點可惜！之後去左隔離既夜市行街，果到有好多小食同埋好多店舖！一路行都買唔到野， 終於去左一間甜品店食 "雪片"，好好味呀，好似雪榚咁，但係一片片的！去台灣一定要試下！

之後我我地去撘 "捷運"，感覺好得意，因為勁似香港既 MTR！原來捷運係同香港既 MTR 同時間策劃的， 但係因為各種問題所以遲遲都未興建好！我地個目的地係...... 乜乜敦化！哈哈！唔記得！果到有間 "成品 書店" 賣各種既書籍，好似 HK 既 page one 咁！成品仲係開足 24 hours 呀！所以順道都要去見識下！ 2 點幾 am 就撘的士返 hotel 了！原來台灣的士係由 NT 10 起標的！

返到 hotel，多謝 NT 170！

到 10 點到就出發去京華商場行街，話哂哩個都係購物團，要去下 shopping！果個商場最大 特色係一個大圓形既外觀！係香港真係冇咁 special 既商場！咁我地就行下睇下野，不過咁 晨早睇，d shop 都未開門啦！哈 ..... 所以我地都係行左一陣就走了！

第二個目的地就係去鼎泰豐食上海菜！果到最出名係食蟹粉小籠飽，嘩！我第一次食到咁正 既小籠飽！好味到極！就算其他味道既小籠飽都一樣咁好味！下次到 Taiwan 都要去哩間 食小籠飽！

之後我地食飽飽，去左士林官邸參觀佢個花園，話說哩個地方係比蔣介石同宋美齡住既地方！ 佢而家只係開放佢地屋企既花園，遲 d 可能連花園都冇得開放！所以都要珍惜今次既機會！ 係果到一路行一路影相又一路比蚊咬！係門口見到棵連理樹，即係有兩棵唔同既樹緊緊交纏！

之後另一個景點就係忠烈祠，去睇下 d 守衛換班既情況，原來佢地會表演操演，睇到都目定 口呆！睇完又去茶藝館比人 sell 茶葉！哈.... 點知去左果到係玩遊戲，個主持話要我地大 家睇下邊個飲茶飲得最大聲果個就係 winner！哈.... 竟然我 win 了！所以有一份上等茶葉 獎品！哈.... 勁開心！拎返香港比 dad 飲！

跟住我地又去左一個商場叫美麗華！果到又係有一特色，就係有一座摩天輪係隔離！哈！ 都幾大呀！我地又去睇下野，行下咁，不過同香港賣既野都差唔多！所以都冇乜買野！

行完之後，我地就要夠鐘去 airport 呀！我地 check in 等左一個 hour 到就入閘了！ 哈.... 今次我唔係太驚呀！可能早幾日搭過一次，所以定左！過左 1 hour 20 mins 就 返到香港了！好開心！我地一行九人就係 airport 分手！

今次旅程真係好開心，見識左好多野！同大家一齊玩都好開心好 relax！我永遠都會記得 哩一次既旅程！^^