阿妹(阿瑩):我同佢識左2年,但係講既野加埋都唔夠100句.其實佢有冇俾個機會我...連我自己都知,我淨係知...我為左佢做過好多野(如果唔知既話,就去我的愛情故事睇下)為左佢放棄好多野,但係佢從來好似冇感動過,只係覺得我煩,我記得我的友人(馬王駒)問過佢我為左佢做左咁多野,有冇小小感動,佢冇答過.佢淨係話我每次送野俾佢,係我格硬塞俾佢.......我從我友人口中得知後,我好痛,係個心好痛.原來係我戇居....應該早以沒期待,應該心死為何仍未放開,應該不要回過任你傷害,戀什麼愛,你精彩,我悲哀.我付出那麼多,應該緊緊把你抱住的人應該是我.原來我係被愛碰趺的小丑.

阿姐:我同佢係中五相遇到,我同佢萍水相逢,我開頭諗住佢幾好人,點知佢唔只高竇,辦曬上菜咁,我地俾面你先同你講下野,點知你脾氣差.你呀.....三分顏色上大紅.正一死仆街.夾住你黎打,打到你訓,訓醒再打.

蔚蔚(亞猩):佢呀....我係中四識,果時我同佢唔係咁熟,但係我果時都覺得佢幾好人,幾玩得.不過同佢熟左之後,我又覺得佢份人都幾特別下,佢D感覺同埋鐘意D野都好特別下,係估都估唔到佢.佢性格都幾開朗,加上我都覺得佢幾聰明下,好似會知道人地諗D咩咁,又鐘意講埋D低能野,唔小氣,同佢一齊都幾舒服.(其實我對佢都有D好感架)....

肥謝:佢...呀......係.......係中四識...我開頭見到佢,我已經知佢可能會幾寸下,點知原來係.....魚腩.....佢開頭以為我呀,文大少,BALLBALL,馬王駒係薯仔,會俾佢係咁刨,點知同佢熟左之後,日日俾我地寸,寸到冇聲出.不過我都覺得佢都幾好人,我平時都有同佢講野,佢有時講D野都幾岩下.佢都幾玩得,俾我地寸都唔發脾氣,俾其他人...一早就退學LA.同埋我都幾鐘意同佢講下野,因為佢攪笑LAW,同佢一齊會好開心.

蕭大波:佢唔鐘意我叫佢呢個名,但係我鐘意咁叫佢喎.我同佢係中四識,果時仲以為佢好寸,點知原來係白痴婆一名.不過我都睇唔出佢讀書係幾叻,又勁過我,又升到中六.我記得佢又係俾我寸到佢爆...不過佢幾好人架,又肯幫人,又多野講,都幾有性格,同佢一齊唔會悶.不過有時真係好低能下,做埋D唔係正常人做既野.仲有佢好鐘意睇愛情小說,佢D中文係幾勁架.

MONKEY:佢呀,佢傻傻地.成日係到笑,我同佢係.......係中四識,好似係...識左蕭大BALL先識佢,佢又係好人一個,不過佢成日上堂都訓覺,食野.佢返學大部分都係訓,可能佢係睡羅漢托世.同佢好少講正經野,多數係講笑呀.人地唔笑,佢都會笑.總之係一個笑口棗.

亞奶:佢較為係一個較為文靜,唔太寸得既人,我都整喊過佢兩次(我唔想架)佢平時多數訓下覺,我都好少同佢講野,但係因為佢坐係我後面,所以我成日要問佢借野,問下佢亞SIR,MISS教緊D咩呀.不過有時都會同佢講下野,其實佢都唔係咁文靜者,我同佢點識........唔記得左喎.

亞肥:佢幾好人架,成日借野俾我架,同埋成日同佢講野,我同佢都幾多野講下,一得閒我就會擰轉頭同佢講野,佢較為成熟,講咩都幾公正,不過就有少少小氣.又成日同佢討論D問題.同佢一齊唔驚冇野講,加上佢份人較正常,俾D意見都幾好架.

Sakurai:佢份人幾好玩得,又多多野講,我同佢中二識,佢果時高過我,就成日寸我矮.不過我而家高番.數口精,不過佢又係幾八下(佢實話係好奇唔係八掛),佢又幾講得笑,又襟寸,但係有時都係short short地架.同佢都識左4至5年拿,同佢都係好朋友.

Water_Yeung:佢係一個笑口棗,我同佢中一同一班,但係中三先同佢FRIENDS,因為中一,中二果時佢好文靜,唔知佢果時係咪有自閉症,但係到中三之後佢竟然變左一個日日講笑,成日講英文粗口既西人,我覺得佢個人都幾容易滿足.但係我覺得佢太易信人LA,唔係太好呀.

Wing:我同佢係...係中二識既,點識?好似係同Sakurai識左之後先識佢,佢份人好好,好幫人,又斯文,又係讀書人,佢升到中六,真係好勁.佢個人冇咩架子,好都冇咩見過佢發脾氣.不過佢成日俾鋒鋒蝦,又係幾慘下.

秀秀(怪獸):我同佢係中一已經識,佢果時高過我成半個頭,不過我宜家高過佢好多,佢果時打BALL勁個我,不過我宜家勁過佢好多,佢份人幾好人,又鐘意幫下人,不過有時就係煩左小小者,份人都幾為人著想下,整體上都幾大方得體架.