我的愛情故事

我的愛情故事

我的愛情故事都幾慘下,我仲記得最深刻既係中四果時.件事係..係中三果陣我係禮堂考試,咁我一向都鐘意周圍望,咁我又LOVE SEE下女架嗎,咁我咪望LAW,咁我就望到佢LAW,當時佢SLEEP緊,咁我咪望下佢LAW,嘩.....原來佢咁靚女,真係好靚女,就係果時,我就想識佢.不過我又唔同佢一班,又唔係朋友喎,加上我又唔係大膽之人,咁咪諗下咪算LAW.不過我都有去查下佢個名叫咩......就係(瑩)....就係呢個名...令到我失去太多野.

到升上中四時,正常人都會八掛下升上去有D咩人同班架嗎.咁我咪同我D FRIENDS...(文大少,BALL BALL,馬王駒)去SEE下.咁佢個名出現左係4C班名單中,咁我咪開心LAW,咁當時我仲未鐘意佢,剩係知佢靚女,咁靚女係人都想識架嗎!咁係長長既中三暑假,我諗我都會識到佢掛.....(原來唔係咁簡單)

好野....等左咁耐..終於等到開學..呀...升到中四C班,咁我咪同班FRIENDS一齊坐LAW,佢咪同佢D...FRIENDS一齊坐,咁又過左一個月,我咪諗住同佢D...FRIENDS...混熟一D...咁2,3個禮拜己經同佢地混熟,但我仲未同瑩講過一句野.咁算LA...未同佢熟者.咁我一路咁返下學...唔知幾時,我都唔知幾時開始鐘意左佢.我不知不覺咁開始鐘意佢,咁我咪諗下我點解LOVE佢...原來佢都幾特別,唔同一般女仔咁八,好斯文,幾大方得體架,佢對身邊事件可以不聞不問,處之泰然.剩係黎幾樣野都引死我.咁我都LOVE佢,咁好自然咁追佢LA,正常都會LA.咁文大少係我軍師,佢都話爽,我咪去LAW,同佢講第一句話係..係禮堂聽講座,咁就坐係我後面,咁佢D....FRIENDS....又坐係佢隔離,咁佢地又係到講緊D...IQ題...我咪聽下LAW,咁瑩俾人問到,我咪聽下,點知佢個答案又幾得意喎,咁我咪玩下LAW,到我PLAY完,咁我諗住把握黎個機會同佢講下野,咁聽完講座咪上番去小息LAW,咁我咪問下佢答果個答案係咩....佢竟然講左一句我成世人都冇諗過佢會講既野,佢講左一句:"關你撚事呀!!"...嘩...我真係估佢唔到,佢平時唔多講野,睇落去咁斯文.咁經過今次咁既事,我都有D失望.咁算LA,人誰無過...呢.

機會再一次來,咁佢D...FRIENDS..經常拋我,寸我.咁我果時又細膽,咪算LAW.咁有一次佢上完兩堂後,佢走入去廁所裏面喊,咁我咪好擔心佢咩事喊,我見佢入左廁所咁耐,咁文大少咪叫我俾紙巾佢LAW...咁我咪係女廁門口等佢出黎,等到小息完左佢出黎,咁我咪即刻上前俾紙巾佢,咁佢喊緊,雙手掩住塊面,咁佢咪冇手接我張紙巾LAW,咁佢個....FRIEND....咪幫佢接,然後俾佢.咁最後佢都有用張紙,我都幾開心.到返到課室,佢坐左係我後面,咁佢隔離D...FRIENDS...咪開解佢,這時我知道佢眼有淚光,但我唔夠擔轉身同佢講一句(你唔好喊,咩事呀,不如你講俾我聽),當時我個心,唔會俾佢好過,我都一樣咁難受.但我連一句安慰佢既說話都講唔到,我真係冇用.果時BALL BALL叫我去同佢講番幾句野,但我真係講唔出口,唔係我唔愛佢,係我太愛佢.

過了一個星期,在一個小息中,我在課室中行下,突然有種幾好聽的聲音叫我,咁我咪去睇下邊個叫我,原來係佢叫我幫佢還野俾佢果個FRIEND.我即刻話好呀.佢肯叫我幫佢,我不知幾開心呀,說不出的好受.到上堂,我咪得閒偷望佢,我諗都唔會俾佢見到掛,我見到佢訓緊,咁我咪一路望住佢,佢真係好靚.到佢起身,我仲未知,我掛住諗佢.咁佢終於望番過黎,佢望住我,但我還未知,當我知佢望緊我,我就同佢眼對眼咁望住,數秒過後,我迴避佢的眼神.我就係咁一路上堂,一路諗番佢對眼,多麼似一個旋渦.我心甘情願被她征服.好快到食LUNCH,我咪諗住買糖俾佢食,到返去課室,我咪請佢食,佢話唔食.果時我好失望.算了.到放學我咪同佢講句BYEBYE,佢竟然同番我講BYEBYE.我仲好記得佢有笑容咁同我BYEBYE.

我每天返學既動力就係佢LAW,每一天我都希望可以有奇蹟發生.我就係咁一日一日咁過.在某日我得知佢就黎生日,係11月23日,我永遠都會記得黎個日子.我再諗下...佢既生日咪係我地學校既旅行日,到果日佢係有出現過,11月23日,果日我都幾開心.唔知有冇人知呢?但係果日我係一句說話都冇同佢講過.可能係天意.

咁快就到12月,聖誕節黎LA,咁我咪去買聖誕卡,諗住買黎送俾佢,咁我地班咁岩有個聖誕聯歡會,咁我諗住佢都會去LA,咪諗住係果日送俾佢,點知佢話唔去,咁我有D失望,不過算呀.咁我咪早D送俾佢,咁佢又肯收喎,我當時好開心,真係好開心.過左幾日,佢送番張聖誕卡俾我,我勁開心.因為卡裏面寫我個人幾好人,淨係黎句我都開心死.原來聖誕節係可以咁開心.

到1月LA,係我地學校既開放日,咁開放日係有D義賣攤位賣下花,咁我D..FRIENDS叫我買花送俾佢,咁我又覺得係幾好,咁我咪即刻去買,咁上番課室送俾佢,我未入課室之前,我既心情係好驚,因為課室有好多人,咁到入到課室,我咪走到佢面前,果時佢係背向我,咁文大少咪好大力咁拍張檯發出巨響,咁佢咪轉番身過黎,果時佢望住我,當時我覺得周圍好寧靜,咁我同佢講....朵花送比你既.....佢即時收左我枝花,仲係好有笑容咁收.總算都收左,其實有冇人知我用左好多勇氣,唔係個個男仔都做到.而我做到,唔係因為我有勇氣,而係因為我鐘意你.我想你知道我係鐘意你.或者果朵花你已經丟左?

到2,3,4,5月...我都係同佢冇咩講過野,我發覺佢好似唔係幾鐘意我.我想同佢講下野.但係好驚佢話唔鐘意我,唔想同我講野.不過算....每日見到佢,我已經好開心.

到6月好似有個海洋公園既旅行,咁我同佢都有參加,咁我好開心,諗住可以同佢講下野.咁我地到左海洋公園之後,佢同佢果D....FRIENDS....一齊玩,咁我唔想阻住佢.咁我咪同我D....FRIENDS...一齊玩.當玩到咁上下,我撞到佢,咁咪一齊玩LA,我諗係天意要我地相遇.咁我地一齊玩滑浪飛船,咁我見到佢玩到個身濕曬,咁我咪俾張紙巾佢用.到我地走時,我係車上面,我走過去同佢一坐,我見佢又唔介意.咁我咪同佢傾下LAW.傾左一陣後,我地咪落車,落車後佢要去搭巴士,係巴士站我同佢講BYEBYE,佢又同我笑住講BYEBYE......好鬼死開心呀.

咁快又到9月開學,我同佢已經升上中五,關係仍然都係咁.我諗今年我要努力D追佢.但係竟然出現左一個礙事者,黎個人就係佢亞姐,我開頭以為佢都幾好人,好易相處.原來唔係.佢直頭係阻住我追佢個妹,慌死我係壞人咁.咁我同佢日日見面呀,但係唔可以同佢傾,咁我都唔知點算.

咁到9月幾係有個中秋節,咁我咪諗住約佢去,咁係放學果時我咪走去約佢,我咪係學校門口問佢可唔可以同我一齊過中秋節,咁佢話唔得,咁我咪繼續追上去,又跟佢上巴士,跟住再落車問佢,可唔可以再三考慮下.佢跟住同佢家姐回頭向我地一笑.我果時唔明佢點解要咁笑,到今時今日都係唔明呀.就係為左約佢....我就由粉嶺.....追到去上水.咁結果我咪又係自己一個過.

又到我地學校既陸運會日子,我當然要去參加,因為我要拎個金牌送俾佢,到果日我咪盡力咁去比賽,就係為左佢開心,我要一定拎到個金牌,咁到最後我拎到個金牌,係唯一一個,我係頒獎俾我果時,我已經好開心,終於有野可以送俾佢黎代表我既心意.咁拎完獎,我即刻拎去送俾佢,當時有好多人望住,但係我都冇驚過,因為我已經習慣左.到送俾佢果時,我見到佢好開心又驚訝,但係佢話佢咁姐係度,唔收得.我敢肯定佢果時一定想收,佢果時既眼神,我睇得好清楚.到最後佢都係冇收到.咁我咪諗住返學果時先再送俾佢.

到返學果日,我想送俾佢,但係我諗到如果我親自送俾佢,俾佢阿姐見到,佢一定會俾佢阿姐鬧.咁我咪託一個女仔FRIEND間接送俾佢,但係我既女仔FRIEND既回覆係話佢根本冇話過想收.原來我諗咁多野都冇用....咩阿姐唔俾,其實係佢根本冇諗過要,咁又係...人地都冇話叫我做咁多野,係我多餘者.係果日我真係呆左一日,我不斷諗藉口黎安慰自己,例如阿姐真係唔俾佢收呢.所以我每日都帶個金牌返學,直到佢收為止.但係結果不是我想要的.

好快到佢生日,係11月23日,同時都係我校旅行既日子,係前幾日我已經準備好禮物,到果時送俾佢,但係原來佢係唔去,咁我冇理由咁早送俾佢,咁我諗住旅行完左之後返學先送俾佢.

到返學果日,我上左課室後,我咪走去送俾佢,我果時都幾驚下,因為有好多人係到.所以我諗住小息果時送俾佢,到小息果時,我咪鼓起勇氣走過去同佢講我有生日禮物送俾你,但係佢有少少尷尬而話唔收,我立即好驚,我立即苦苦哀求佢要,但係佢都係堅持話唔要,咁我再同佢講,可唔可以淨係收張咭,佢果時仲有D遲疑,咁我咪再求下佢淨係收張咭好唔好,咁佢終於收左張咭,都算係咁.但係佢最終都係冇收到我份禮物.所以我每日都帶份禮物學,直到佢收為止,雖然我係戇居左D,但係我唯一可以做既就係咁.(當然...佢最後都係冇收到)而張卡寫咩內容,估都估到LA)

好快又到聖誕節,我又準備好聖誕卡黎送俾佢同埋佢阿姐,點知佢地兩個都有送番聖誕卡俾我,而佢地都有參加聖誕聯歡會,果日我真係好開心,因為見到佢,又收到佢張卡.就係咁我過左一個開心既聖誕節.

仲有幾個月我地就考會考,果時我都冇咩奢望,原本我每日都等奇蹟出現,但係我知係冇可能.(靠向你身邊,我帶笑卻冇言,在落寞情況常贈你明天,總會有辛酸,有了你我願擔起每天.)

唔.....有一日我記得係佢補課既日子,好大雨,我都有諗過帶把遮去俾去,但係我諗會俾佢....拒絕.突然我的友人文大少打俾我,叫我拎把遮俾佢,咁我咪去,到入去學校操埸果時,我咪見到佢,但係佢冇遮,咁我立刻上前俾把遮佢,點知佢亞姐好有禮貌咁話唔使,叫我遮我班FRIEND,而佢冇講過野.咁佢地見雨細左小小,即刻衝出去巴士站,咁我咪追上去遮佢,到巴士站,我見到佢有D濕,我咪羅張紙巾俾佢,但係佢冇要,佢友人立即拿我果張紙巾俾佢,咁我見到佢咁既態度,我立刻走,而我係冇打開遮咁行返去學校,等雨水落係我身上,淨化我既身心.(天氣的錯?錯在我麼?聽你心裏,有著我麼?)...過了數個月,我和我的友人打電話俾佢,佢一聽到我的友人既聲音,佢淨係問我地點解有佢既電話號碼,然後立即收線.唔通點解有你既電話號碼既問題,真係咁重要嗎?

我仲記得我係仲有再打俾佢,但係我每次打俾佢之前都係飲醉酒先夠膽打俾佢,但每次都係打唔通.(可能她一心要避我,所以電話號碼都轉埋.)

到今時今日我都係有D放唔低佢,追左兩年,我唔係介意追咁耐,又唔係介意等佢,只要佢一聲,我便能做到,如果你給我的難題,我不會逃避.但係要我冇止境咁等,我做唔到,可能我都係唔夠長情.

由果日電話打不通開始我都冇再同佢講過一句說話.但係我個心都係掛住你,但係可是你心不會裝,而我知身受其害.

生命何時開始,確信不疑,偶遇你時,凝望你一雙眼開始,但思念如何休止,見你之時,已是太遲,冇辦法共同過日子,可揀選不戀上你麼,不想想起偏更記起,假裝開心心更悲.問愛情誰人主使,說有選擇乃是托辭.

PS: 如果你(瑩)有一日見到我寫既野,希望你睇完後會有一些感動.

回到主頁