+*.My dairy+*.

＊唔捨得你地＊

2001. 7.21(Sat)

本身今日就冇得上網架喇~~不過我實在太唔捨得你地喇`haha,所以叫我呀媽聽日先搬野走,仲有呢一日可以玩,hee~~師父話玩通宵呀`不過睇我捱唔捱到先la,今日又比人吵醒左呀!!!!玩玩下訓左就唔好la~今次真係ＢＹＥ喇!!!

＊ＢＹＥ＊

2001. 7.20(Fri)

今日去左買書,同健恩&海狗一齊去,去到之後見到李sir同個囡囡食野,佢個囡囡肥o都o都`好得意呀!!!買完之後,放左d書係我屋企,係屋企坐多左陣,就去左銀座睇戲~~睇少林足球,呀lok&波子&唔識ge佢地之後黎左,不過要我地等佢地,賤格!!!!套戲都幾搞笑,睇完就拿拿臨搭的番左屋企喇!!!!hee~~呀lok算數la~呵呵!!! 今日係最後一日玩icq喇!!!!要到成個月先再on得~~到時先同你地傾過la`好唔捨得你地tim~hee,有事打手提搵我la~無任歡迎ga~~^^,講聲ＢＹＥ喇!!!!8月中再見la~~係今晚`好多謝師父陪我玩game玩到通頂~好好呀佢,佢聽日要出街都肯陪我,好開心呀!!!

＊可惜＊

2001. 7.19(Thu)

今日終於終於有得出街街喇,同左健恩&海狗出左旺角,好熱!!!搞到”痴立立”,我地都行左好耐呀,累死人,行到間商場la,我見到ayu “Ａ”字既扣針wor,勁正,但係好可惜間野冇開到,所以冇得買呀.....嗚嗚嗚~~我地都買左好多野ga,其間發生左d搞笑&瘀皮既事,都係免提喇`haha.我地又見到對鞋勁正*豹紋人字拖*,遲d再行下,睇下見唔見到先,今日行左好多路,累死人,上到車,我就訓左lu~~正~~ 好可惜買唔到果個扣針呀!!!!唉......好慘,可能下次去已經冇左喇~仲有呀`搵極30號d野都搵唔到,扣針又冇,其他數未又有wor~~可惜可惜呀!!!!

＊HEE＊

2001. 7.18(Wed)

今日健恩同海狗黎左我屋企,叫左我家姐幫佢染髮,又睇埋野~勁搞笑,之後,仲同呀lok係電話度互串,問佢咩野,都話唔知wor,哼哼哼!!!叫我幫佢wor,好難喇~~呵呵,除非你肯講比我地聽咩事丫,否則你唔洗指意會......呀,聽日終於有得出街街喇,希望唔好落雨la!!!!

＊GAME＊

2001. 7.17(Tue)

今日無無聊聊禁.係屋企過左一日,不過夜晚果陣都幾開心,同呀lok同師父係game east到玩game,玩左打麻雀同鋤大D,呀lok走左之後,我同師父捉左一盤鬥獸棋,比佢win埋tim~~ha,係我讓你架咋,下次玩過丫,玩到2:00到就走人喇.

＊釘左耳洞＊

2001. 7.16(Mon)

今日我去釘左耳洞lu,原來唔係太痛咋,勁正,我今次釘左一隻咋,睇下遲d釘唔釘la,我都未諗清楚,不過宜家仲痛緊~唔緊要la,過1-7日就會冇事.

＊貝殼鏈＊

2001. 7.15(Sun)

今日諗住同佢地出街會買到野la,點鬼知一樣都買唔到,得個”食”字,我地出左長沙灣到食lunch,食完之後就去左新城市到行,行左一陣,又話食m記,果陣好飽,食唔落,食淨好多野,之後就話食晚飯喇,食食食,食死人喇,飽到我丫,仲有呀`好鬼悶!!!食晚飯果陣,就去左表哥到先,表哥佢去左歐洲7個國家旅行,岩岩先返黎咋,hee~佢去左禁多地方,緊係有手信ga la,佢送左條貝殼手鏈比我,好靚ga,好多謝佢!!!我仲諗住聽日去釘耳洞,不過真係好驚,我而家都係釘多一隻算喇,遲d再釘過......

＊染左髮lu＊

2001. 7.14(Sat)

今日成日係屋企,又冇野做wor,咪叫家姐幫我買染髮果d野囉,不過都冇諗今日染ge,見冇野做,健恩同海狗又唔知幾時先染,所以我家姐咪幫我買左&染埋囉,染左啡金呀,個頭仲好上色tim,睇落去好似怪怪地禁,不過是但la,呵呵呵~~我要快d去釘埋耳洞先,宜家諗住釘多隻算喇!!!!!!!驚痛呀`ha~大旦呀`你幾時去釘ga,快d la,一齊去釘ma,我聽日可能會出街,不過都係可能姐,如果出就一定勁買野`yeah!!!!又唔洗我比$$$wor,係出既話,實買呀!!!

＊釘耳洞＊

2001. 7.13(Fri)

今日結業禮呀,坐係禮堂到好死熱,仲要坐係miss cheung隔離,傾下計都唔得,悶死人喇,淨係係到拍拍拍,唉.....放左學之後就去左食野喇,食野果陣傾傾下計~愈講果d野愈悶,咪走人囉,番到屋企,就做晒本暑期作業(數學),做得幾辛苦,講真就係抄得好辛苦,不過有d真係自己做ga,呵呵~~想釘耳洞呀,但係又驚痛wor,遲d同d fd去釘,正正正!!!

＊家長日＊

2001. 7.12(Thu)

今日係家長日,我冇同到我呀媽一齊去,佢見完番黎,都預左比佢話ga la,點知佢一句都冇話到我wor,可能係佢唔舒服la,所以冇氣話我呱,禁仲好,我一次比一次退步,唉......toobad,算數la,可能暑假要去補習,不過都好ge,F.3d野深好多,補下都好.

＊$$$$＊

2001. 7.10(Tue)

今日要返學,不過真係唔知為乜,好多fd就去左碌齡,得番我地幾條白痴係到,又唔知做乜好,行行企企睇睇坐坐,之後就冇野做喇,悶到嘔呀,到放學la,就去食野,諗住去B記啦,我地都知冇禁早開ge,禁我地咪諗住去同益買d野先去另外果間,買左好少野咋,不過都好貴下,搞到我冇晒錢,d錢fly走晒喇,買完野la,就行去,愈行愈熱`hothothot,去到點鬼知仲未開wor,我地緊係唔等la,咪諗住去百分百到食,行到去,點q知又冇位wor,頂丫,跟住咪入左元朗廣場囉,行左陣,肚餓到爆,咪諗住去肯德基(十分之不願意)但係冇得簡,點q知又係冇位,大旦餓到佢要番屋企食,我地就拿拿臨搭車番嘉湖食,食完之後又傾下計,傾左一陣,就見到呀婆同綿羊,咪行出同佢say聲hi囉,之後就各行各路喇.

＊頂頂頂＊

2001. 7.09(Mon)

今日晨禁早就比人叫左起身,又話回鄉証過左期,要出去搞咩回鄉card wor,一早出左元朗,叫左表姐出黎排隊,之後排左陣,就搞掂晒,咪去左食早餐囉,跟住表姐就走左喇,我就同我呀媽去街市,頂頂頂,我幾唔願意r,唉.....整到成身都係魚腥味,好黑人憎r,又要幫佢拎野,鬼死禁重,又熱喎,好辛苦呀,到左11:15就搭車返屋企,之後返到屋企坐左陣,呀媽又叫我去接細佬放學,明之曬到死,仲要我去,慘慘慘!!!!嘩.....出左商場,個太陽丫,曬死人禁制呀,出晒汗,一路行一路流汗,我真係好死”興”呀,咪拿拿臨接左我細佬咪即刻返屋企囉,再行多陣我就熱鬼死喇,仲有呀`今日仲改左friend果頁tim.

＊悶悶悶＊

2001. 7.08(Sun)

今日又係屋企,真係悶鬼死人喇,help me r,我死喇,我就快悶死架喇,又冇fd肯出街wor,日日係禁等佢地一齊出街,都等死我r,我有十條命都唔夠我死r,再係禁既話,我真係死架喇,呢幾日好似與世隔絕禁樣,街又冇出,又冇踏出門口一步,玩自閉咩??!!宜家先岩岩放假咋,仲有成個月,都唔知點捱落去,悶悶悶!!!仲有呀`綿羊出左黎喇,好返晒喇,好開心呀!!

＊悶悶悶＊

2001. 7.07(Sat)

今日成家人番晒大陸,得番自己一條友係屋企,悶死人喇,淨係傾電話,上網同埋聽歌,真係唔知仲可以做咩野,再係禁,我死架喇,遲d一定勁出街r,一放假就髮,yeah!!!

＊$$$＊

2001. 7.06(Fri)

今日8號風球r,成日都係屋企,我姨媽果d全部黎晒打麻雀,打左成日,悶到我死r,咪去打左一陣囉,點知就嬴左$140蚊,正正正,遲d出街就有錢洗喇!!!!

＊攪掂晒＊

2001. 7.05(Thu)

今日成日都係屋企,又係上網,不過宜家都要準備執屋lu,所以我就決定今日執喇,點知執執下,就愈執愈多wor,攪到唔柅執,但係d野已經執晒出黎,冇得唔執,我執執下就走左出黎online喇,宜家成房都係野,亂鬼晒r,煩煩煩,個個都執好晒,淨係得我未執好,唉......今晚先算la,宜家個網又改左d野lu.

＊書書＊

2001. 7.04(Wed)

今日我地仲要返學r.本身應該係好悶ga ma,不過大旦比左本書我,正爆,好開心r,我當本書係寶ga,都唔捨得比人睇ge,係fd果d咪知咩書囉`ha,之後就要去禮堂到睇野,熱鬼死人喇,又悶wor,不過都冇乜所謂,有本書陪我丫ma`ha,放左學之後去左食野,食完就去左我屋企,佢地黎我屋企都係幫我整網,宜家整得七七八八lu,我地仲係到睇星座la,玩心理測驗la,再加埋海狗成日走音,真係笑鬼死我地呀,到左6:15佢地就走左lu.

＊開心番d＊

2001. 7.03(Tue)

今日要番學對卷,雖然唔係話好好,但係我都好開心r,真係唔知點解??!!可能係佢終於肯講野比我聽la,雖然我宜家仲未知邊個,不過我會遲d問你ga,你記得講至好r,yeah!!!宜家d感情又好左喇,希望大家以後都禁好la,我唔會為左少少既事,就攪成之前禁,真係唔值得ga.

＊好唔開心＊

2001. 7.02(Mon)

心淡喇~~我d fd成日都有野唔講比我聽,我有咩野都講晒比你地聽,但係你地就成日都隱瞞晒d野,問親你乜,你一係就講大話昆我,一係就話唔講,禁樣我會好辛苦ga,你地有冇諗過我既感受呀,你有咩都講晒比第二個聽,係唔講比我聽,乜我信唔過咩??!!我琴晚成晚諗,我係咪禁口疏,點解你有咩唔會同我講,究竟你當唔當我係你個好朋友ga,再係禁樣,我都唔知我會點,可能我會選擇咩都唔講出黎,既然你咩都唔肯同我講,我講晒我d野比你聽又點,我當你係我好朋友我先會咩都講比你聽,但係你就…我真係好辛苦ga,宜家連我最fd果個都禁樣對我,禁我仲可以點,個心真係好淡,你地跟本冇諗過我既感受,好想喊r,點解你地要禁對我wor,我有咩缺點你可以同我講ga,我一定會改,真係唔想你地再禁對我r,得唔得呀??如果比著你係我,你又會點呀??那一刻最難受甚至比死更難受

＊改版完成＊

2001. 7.01(Sun)

今日終於改完版喇,鬆了一口氣,我必定要在放假前做好,因為放假有一個月冇得上網,所以要盡快完成,好彩現在總算做得切,好開心喔,不過可能會有d連結錯誤,但也希望你地會多多捧場!!!!

＊心淡喇＊

2001. 6.30(Sat)

今日唔洗番學,成日都係屋企,悶鬼死我喇,整網果到,又亂鬼晒,激死人呀,結果咪冇整到囉,但係又唔知可以做得d咩wor,成屋企都冇人,淨係係到聽歌,係禁聽係禁聽,開到大大聲,之後叫健恩send野比我la,佢又唔肯send比我wor,好唔開心r,心都淡晒,攪到冇晒mood,咪offline囉.

＊就改好版喇＊

2001. 6.29(Fri)

今日番學校對卷,d成績......唔好提喇,放學之後就去左食野喇,我一路食一路俾人串(好無奈),食左都幾耐下,跟住咪番屋企囉,健恩名海狗黎左我屋企,佢地黎左我屋企我地打電話玩人,又特燈打比豬迪cut佢線,仲順便講埋生日快樂tim,之後就打左比豬兜,諗住收風la,點鬼知佢廢到嘔,咩都收唔到,傾左陣咪收左線囉,跟住再打比拉比問佢點整網,不過我都係唔明ge,之後我地就自己拎本整網頁既書出黎睇,睇睇下就得左,所以宜家個網整得七七八八,就快改完版開得tim.

＊thx pigpig＊

2001. 6.28(Thu)

今日10:35就起左身,都已經好早架喇,因為我琴晚傾電話傾到成2點r,琴晚傾傾下直情出唔到聲r,辛苦到我丫,不過今朝好番好多,起左身之後上網整我個網喇,琴日本身整得七七八八架喇.但係d位置亂鬼晒,又唔鬼識整番wor,攪到要問人r,真係廢呀我!!!!問左pigpig,佢好鬼勁ga,整網一流r,有咩唔明都係問佢,佢又肯幫我wor,幾好人r,不過講左好耐都係唔明,佢晏d又要去探kitty man wor,所以咪今晚先再問人囉,宜家都唔整住喇.

＊順路＊

2001. 6.27(Wed)

今日我地唔洗番學,咪同家姐出左元朗買生日禮物比人囉,同我家姐都唔岩feel ge,都唔知佢想點,出街梗係一齊行ga la,佢又我行我素,自己行wor,攪到我冇晒mood,我咪拿拿臨買完野就番番屋企,以後都唔會同佢去行街r,寧願同fd一齊.

+------------------+-------------------+

順路陳文緩`好正ga,健恩話好聽先,之後佢地幫我download左,真係好正`

突然認不到　我住過這段路
為何回家似極殘酷
但時候不早　你待我也算好　
暫時忘記不上路　
下了車　一放手　你便會再夢遊
下了車　總要說分手
若我想他很久　有很多理由　
無奈我們都不喝酒
別回家　兜兜風再算
這不算甚麼　情緣　這是庸俗暗戀
若回家　寧願住極遠
餘微仍熱戀　披在衣多麼暖
用緩慢車速　去待你說別離
但求逐公尺地回味
二人在車廂　我愉快到可悲　
但求路過都妒忌
你待我好　好友好　戀也戀不到
但願甚麼都知道
願我不奪人所好快將我
平靜送到荒島更好

＊中文oral＊

2001. 6.26(Tue)

今日要考中交oral,我地唔同時間番,所以得我,健恩,海狗一齊番學咋,番到去就諗住問人考咩野,佢地就考"賭波合法化",禁我地就以為一樣la,點知原來唔同ga,我地難好多,考"小一入學"wor,都唔識,比3分鐘講,我以為有好多時間la,點知讀讀下,都過左成2分幾鐘,ha~唔夠時間讀r,比miss話我唔睇時間,miss最興講呢句"你係咪想激死我呀"個個佢都係禁樣講.之後就去左食野,我地係餐廳到大大聲禁講野,比人望實晒,仲比人叫我地細聲d tim,坐左好耐之後就走左喇.

＊行街＊

2001. 6.25(Mon)

今日本身諗住成班一齊出去睇戲ga,點知後尾果個又話唔得,呢個又話唔想出,攪到得番我同海狗出咋,所以我地都冇去到睇戲,淨係去左行街,我地首先去左元朗,買左d衫,就出左去屯門喇,係屯門買左好多野r,勁正,我仲換左"呀May" tim..

＊去街＊

2001. 6.24(Sun)

今日同屋企人去左屯門行街,我身上一蚊都冇,淨係得部手提,不過同我老豆出街,我永遠都係唔洗用錢,就可以買到野,因為往往都係我老豆比,所以我今日買左件衫,都成200蚊,佢居然比左500蚊我去買,淨番果d佢仲話比我tim,幾正r,好開心r.

＊考3科＊

2001. 6.19(Tue)

今日要考成3科,考epa,pth,eng oral,不過我都冇乜溫到,因為實在太眼訓喇,諗住唔掂ga la,點知epa好易咋,冇乜溫到都識ge,但係pth同eng oral就好難,不過算數la,咪亂up一通囉,自己都唔明自己係到講緊d咩,番到屋企,又唔洗溫書,考得電腦一科咋.

＊好free＊

2001. 6.17(Sun)

今日好早起左身,又冇野做wor,咪online囉,玩左陣就同海狗傾左陣電話,之後就去左溫書,溫番d中史,又係溫左2個鐘,已經冇晒mood溫英文,英文又禁死難,上堂又唔明佢up乜,唉...溫唔溫都係一樣,所以我都決定唔溫lu,成家人都出晒街,得番我係屋企,開大喇叭聽歌都冇人理,勁聽告解,好正ga,放左2日,又要考試,好死辛苦r.

＊多左個呀哥＊

2001. 6.16(Sat)

今日2:00pm先起身,之後咪online囉,on到4點咪比左家姐玩,我就去左溫書喇,溫左2個鐘就溫晒lu,之後我咪又online囉,一on就on到成凌晨2:00,我又多左個呀哥,佢就係玉丸喇,hee~佢好好人架,夜晚果陣我有d唔開心ga,,不過好快冇事lu~

＊Math Exam＊

2001. 6.15(Fri)

唉....今日就要考maths喇,勁唔掂果科....開頭以為好深la,因為d mc題難到死,但係做做下原來幾易咋,不過唔知岩唔岩ja,都冇所謂la,又考左喇,鬆左好多,之前同d fd去左食野,一路食一路傾,食完又傾,我梗係幫人問d野la(問健恩),係d咩野??!!咪就係秘密囉,呢d野健恩最清楚la,諗諗佢la,我幫左佢好多架喇.

＊Exam＊

2001. 6.23(Sat)

今日Geog勁難呀`好多人都話難,我諗住早d起身溫書,點知訓到6點先起身,攪呢樣攪果樣都夠晒鐘喇,所以冇溫到呀,驚唔合格tim r,聽日考Maths喇,死硬呀,所以咪去左耆英屋企溫囉,溫到3點半就走人喇,番到屋企又拎本書出黎溫喇....
綿羊入左醫院呀,今日拉西走黎話比我地知,開頭仲以為佢講笑咋,都唔信ga,點知原來真係r,希望佢快d好返la

＊考試喇＊

2001. 6.13(Thu)

今日考中文呀,作文果度我作左"課外活動"果一篇.要我地寫成400字,不過我諗唔到寫d乜,寫左唔係好多咋,不過都有500字左右,之後中文都幾易,讀本果到我係唔係都寫晒落去,禁樣可能有分ma,搞到都寫左好多呀
寫到隻手痺晒.

＊紅暴＊

2001. 6.12(Tue)

今日本身係我地第一日考試,不過紅暴既關係,所以停課一日,ha~我就梗係成日都online la,差唔多成日都同健恩傾,傾左好多野,我又幫人同佢講d野,講左好多同好耐,健恩諗諗佢la

＊整網＊

2001. 6.8(Fri)

今日好有興趣整網,就決定改版,但係我一日之內就改好,所以都唔係改左好多野,改左d背景同埋音樂,不過考完試我又會改多一次版,到時會好d架喇,仲會upload多d,唔會再好似之前禁,成日都唔upload,宜家就要俾心機溫書,唔再on太多line,仲唔會upload住,直到考完試為止.

＊痛死人＊

2001. 5.22(Tue)

今日番到學校果陣,我地拎左淫聰個bag,睇埋佢本手冊張相,好攪笑r,最衰我地要去體育館上pe堂la,唔係一定玩得仲激r,不過有機會我地會玩多次,去到體育館,打打下波,隻腳就抽筋,咪"cake"親,跌左係地上面,整到個膝頭甩晒皮同埋瘀晒,行路果陣痛鬼死我,又比人用波打到,行去換衫la,諗住開門,點鬼知又阻到對門,個膝頭又整多次,痛到我丫,番到學校,英文堂果陣去左hall到排drama,我同健恩都唔洗做野,咪坐係窗口果到,點知又阻親隻手r,今日係禁阻到野,痛到我喊禁制,宜家隻腳仲瘀晒r.

＊開心＊

2001. 5.14(Mon)

今日係我個網開張既日子,好開心r,整左禁耐,終於攪掂,雖然唔係太好,不過我會繼續改善下架喇, 大家要多多捧場r.

＊無聊＊

2001.5.4(Fri)

今日上班主任堂果陣,要做班會活動,又要換pe衫,煩到嘔r,仲要玩呼拉圈tim,白痴仔咩,我地個個都冇轉到r,不過miss都冇乜話我地je,之後我地周圍行下企下傾下,就打鐘lu,咪即刻去更衣室換番衫,就走人喇.

＊悶死人＊

2001. 4. 30(Mon)

今日要番學校r,因為之前報左名參加海防博物館,所以果日要9:15番到學校,眼訓死人喇,去到之後咪即刻去左餐廳到坐左好耐,比果到d人啤實晒,唉....咪走囉,熱到死,成30度r,係人都唔想行啦,不過又未夠鐘上車,咪兜左兜囉,都幾多野睇ga,不過好悶,之後架車黎左,咪拿拿臨上車囉,正,一上到車就訓到落車,好舒服r,之後去copy d野就番左tin shui wai食野喇.