10月16日
話咁快 瀏覽人數已直達三千人次 心情無上幾次一千 二千 時咁興奮 但真係好開心^^ 仲有人睇=仲有人支持
人地話:『創業難 守業更難』我覺得真係有其道理! 一個網頁新開張 一定好多人貪新鮮去visit 但久而久之 個網頁無左新鮮感 又沒有一些可以吸引人visit regularly的原素 攪到一日得返一兩個人visit 想一個人挨落去都幾吃力 希望我唔會咁啦
開始時只係唔想waste中學的最後一個暑假 想做番d野 於是將自己鍾意既野放上黎 公諸同好 而因為有新鮮感 d人會成日黎睇 自己都好有衝勁 一日做十幾個鐘都唔覺得悶/倦 但日子久了開始要兼顧 一些組織、技術上的問題 暗地裡做了好多 但見到的成績卻很少 而且開張一段日子 無左新鮮感 又無咩creative的idea 開始無左d衝勁 但對比起對住本書or對住部腦 我都係揀後者 不過 我諗個counter有d問題 ... 點會咁快3000?!想有更多人visit 好簡單 加入人地d聯盟就可以了 一定日日都好多街外人來探你 但我未有這樣做 因為我覺得 要做一個個人網頁 唔係單單為左吸引人前往瀏覽 要真係有野睇 我去過好多網頁 見佢又無內容 無野睇 無野download design又無個人風格 一味copy人地d料 十分不濟 最近update日可以是2000年 最可笑的是 一日竟然有過百人瀏覽!!!! 不知所謂!!! 要多人睇 就要俾一個有野睇既網頁俾人睇......
想擴充業務 有以下的proposal....
~重新組織過 建立真正自己的風格 唔copy人地d wallpaper, 公仔....etc
~全個hp得一首歌 放係menu 仲有得揀歌 迎合不同口味 而且click去第二頁時首歌仲可以繼續/ 好似而家咁 每頁background music不同 可襯返個意景 但多數聽唔哂全首歌就click走左
~增強功能 例如心理測驗、小遊戲、政府網頁、更多連結、有趣網頁、mp3、歌詞、手機鈴聲、.......
~ ．．．．．．秘 密．．．．．嘿∼∼