12月28日

星期五

今日英文又補課，之前miss leung明明話當正考A-level，8:15返到，8:30正式開始。
但係我返到去，關左門，燈又無開，如果唔係有dd人聲，我仲以為我返錯日子！白痴~~~~ 得果小貓三四隻，等我仲以為我遲到，仆倒返黎~~~
唔知miss受左d咩滋潤，今日咁好人… 我地話晏晝唔想補就唔駛補，仲有得請食飯tim~~~ 唔返學無得食~~呵呵呵~~~~~
其實係之前miss應承畢業杯之後請我地食飯，所以擇日不如撞日，就即刻去啦~~
原本想去稼軒食，但book唔到位，所以去左美心食，一食就幾個鐘，miss都唔覺時間飛逝tim~~
最後埋單都唔係好貴，千二蚊，廿幾人，抵！
諗返今日講過d乜野？好似講過好多野，鼻"寒"、去旅行、芝姐唔鍾意大庭廣眾咁、yb俾人打到麻木了、拜山執骨... 都好似無咩特別記得