8月17日 星期五
不知不覺， 暑假已經過得七七八八…
我d功課仲淨低九九十十未做… 仲話要溫書… 唉~~~得番兩個星期唔夠又要返學…
這個暑假中，我學會了咩叫『無咁大隻"甲拿"隨街跳』 同埋唔好咁易受騙…
『$50去camp，淨係去完之後 會考放榜要幫下手』抵喎！去！
點知就係貪左哩個小便宜，乜都唔知就好似俾人賣左豬仔咁去 奉獻左我成大半個暑假的美好時光…
由7月13日去camp日 到而家都仲未攪完要follow的野… 個咁既 $50 camp…
一來原來個camp唔係學校自己攪既 (之前完全唔知) 無miss阿sir同我地一齊去
二來 叫我去camp的人 原來係唔去既
不特止 攪手miss wong更加係去左旅行 唔係香港… 深感被人賣左豬仔…
而且 帶我地去的人原來都係無人去過個camp site
以下是我對個camp site的殘餘印象...
與青年旅社無異 比我地學生會easter帶lower form 去的將軍澳camp更殘(該將軍澳camp是全港第二歷史悠久的camp site)
廁所是踎廁
canteen (應該是飯堂 只可吃飯 無野食賣)沒有冷氣 燈光很暗 而且是吊燈(不是很美麗的水晶吊燈 只是有一條鐵鍊吊起一個橙黃色燈光的燈泡 還有個銀色的燈罩 )給人去了差館盆問犯人的地方的感覺
沒有hall 只有兩個活動室 size與課室相約 沒有咪 講野要大大聲 也沒有任何玩樂設施
bedroom裏一個放置隨身物件的櫃或架也沒有 只有鐵製的碌架床 而且床拍得很近 感覺就像在拍監獄風雲
風扇吊住一條又一條的塵 相信至少十年無人清理過 借問邊個敢訓上格床
我只是說了一句 即刻俾個miss串-----咁你咪洗乾淨佢先訓囉..........
冷氣一離開房間要即刻熄 十分環保
床單的設計異常床舖的設計異常新穎及節儉
鎖匙極為原始 但原來有機關的 鎖一次是鎖唔到的 第二次都是開到的 要鎖第三次就會有"park"一聲 咁就鎖到喇
......雖然個camp d人又真係幾好玩 ......
但係去左24小時都唔夠 同d人又唔熟
之後又鬼咁多野要follow
派個F5麻煩友俾我又鬼咁麻煩
又成日都要出去大圍開會 攪哩攪路 麻乜煩
車錢+時間都蝕埋俾佢
開頭俾果$50原來只係氹我地班豬丙落搭的魚餌
真係『無咁大隻甲拿隨街跳』……
......望下d郁都無郁過既 bio… 中文… chem… 愈諗愈覺得豬…
相信仲要麻煩到至少8月25日先會完…
麻煩… 無哂時間做功課......
(......雙子座的人就是成日替自己找藉口~~~)
