8月19日 星期六
昨日我由鄉下出了城市的M記 又見到一d奇人異士 或者只不過係麥當奴小見聞...
首先 是一位自私的黑衣女人
由於是在城市 想食餐M記都要等位 而那個自私的女人(暫且叫佢自私精) 就坐在我等緊的枱的後面
等左一陣 與自私精同枱的人起身走了… 咦? 點解自私精唔起身既? 原來佢係自己一個人
不過唔緊要啦 等佢張枱的人只係兩位 一個約小三小四的肥妹仔同一個很老 頭髮已灰留鬚的阿公 但後來個肥妹妹竟然叫個公公做爸爸!!! 啊~~~~
因為佢果張係四人枱 可以搭枱 自私精係度都無所謂 之後不久 我都有位坐了 由於我唔係負責出去買野食 所以八卦的周圍望 目光又回到自私精上......
佢飲下杯汽水 又執下個袋d野 好似無乜野做但就係唔走 (即使有人要企係個垃圾桶上面食) 自私!!!
過左一陣 買吃的回來了 我掛住食 就無理個自私精 望左去自私精後面的一枱…
果枱d人仲勁 佢地應該係一家人 有阿爹阿娘阿仔同阿女
個阿爹吃的是巨無霸 但就一支牙籤好似吉熱狗咁吉落個包度 究竟佢想做咩呢
佢用支牙籤將個巨無霸分開兩層 然後將d菜了哂出黎!!! 勁!!!
我地立即暗地裡恥笑佢!!!
然後還俾我地見到... 咦?!點解個巨無霸盒入面會有d雪糕既??? 奇 !!!仲要係成大pat!!!似乎係把成杯軟雪糕倒到巨無霸盒中… 點解佢地要咁做呢?? 我地對佢地我所作所為深感迷惑 …
嘩嘩嘩~~~不但只係咁 佢仲用牙籤"了"d雪糕黎食!!! 哈哈哈~~~我地又再暗地裡恥笑佢!!
哎吔 ~~ 又俾佢了到黎食喎!!!哈哈哈~~~~~
佢仲好似未夠喉 再用支飲管再接再厲!!!
不過唔係用黎"了"雪糕 係用黎飲!!!伸長個頭用支飲管飲巨無霸盒八入面的雪糕!!!哈哈哈~~~~~~笑死~~~~~
飲完雪糕後 佢又再用佢既牙籤神功將d菜了哂上巨無霸的下層 可惜佢太貪心了 了得太多 想摺埋個包俾個女食都唔得… 哈哈哈~~~~~~~~~
與此同時 由於自私精張枱仲有一個位 好快就吸引到另一家人的垂青
這家人有兩個細路 大的是一個頗可愛的肥仔 大約同珍珍咁上下大 另一個係佢妹妹 帶住佢地的是一個年輕師奶 隨後蹣跚而來的是一個老伯 小孩們叫他公公
個肥dee dee一見到個位就好雀躍咁叫媽媽睇住個位 佢同妹妹去廁所 但個妹妹仲細 媽媽唔放心 要跟埋去 … 個肥仔見到個位無人看住 鬼咁緊張咁拉佢公公去睇住個位…
個公公好似有老人痴呆咁 目無表情 行又行得慢 一個女人帶住個咁既麻煩老豆同兩個仔女出街 真係戥個女人慘
又過左一陣 個肥妹妹同佢個好老既老豆走了 等緊位的肥dee dee既即刻同佢妹妹坐埋去
咦? 但係個自私精仲坐係度 湊下個袋 執下d野 扮哂有野做咁 見人地一家人來食野 佢坐左人地阿媽個位 攪到人地阿媽無位坐 佢個先私精仲好意思唔起身坐係度攪哩攪路 的確係自私精!!!
還有 點解今日見到咁多肥仔肥妹既?! 唔通這就是城市的麥當奴?!
哈哈~~掛住周圍望 食得鬼咁慢 我都o係麥當奴坐左好耐 !!!