[ ...Feeling...以後不會再和戀愛扯上任何關係... ] 　2003年11月2日,能見度很低,在家中望向山上的方向...完全看不見.... 　開始的時候有點害怕...怕的是文筆不夠好,寫出來的東西變得不倫不類,亦怕不能把心中的感覺 　寫出來...唉...努力一點便行了... 　這種感覺週不時整痛自己,每當靜下來的時候,晚上的時候,自己一個人的時候, 　節日喜慶但自己一個人慶祝的時候...腦內又不其然浮現一些回憶,像針剌一般的劇痛,叫苦連天... 　唯一的止痛方法便是將腦中的垃圾卸清,文章便是這樣開始... 　中三時,我就讀一班被譽為中三最垃圾的一班,我是班中最低調的一個, 　往往於relax time的時候乖乖的坐在班房一角,佢地有佢地發花癲,我就懶理,呆望著黑板等上堂... 　同學們有留書的習慣,鄰班同學會把書藏在我班班房中,有個女孩經常於relax time出現於班中拿回 　贓物...傻傻的,個子略瘦的,黑邊眼鏡,佢唔係D咩萬人迷,但係我呢個坐在班中的死人自閉仔 　偏偏迷上了她,佢係我第一個(亦係唯一一個)愛上的女仔! 　(因本人是害羞的代言人,我只好暗戀著這個連名也不知的女子) 　中四的時候,我好死好彩,可以同佢讀同一班,依稀記得好似係中四中段坐第一行(註:我有六呎高~) 　佢就坐o係我隔離!!!(我右邊係一道牆,佢o係我左邊~hehe,佢行開時我會同牆傾計) 　從佢口中得知,佢叫林...(姑隱其名,叫佢angela la!) 　佢會聊我傾計ka,我記得佢話我穿o個條銀鏈好粗!我有次請佢食軟糖,佢話粒糖好硬...真係o甘硬咩. 　死人張sir調左我地兩個位後....就無再friend落去la...直至放榜後... 　我找到angela個ICQ號碼,我就主動add左佢,我會主動同佢傾計,佢都會ka~我地亦有共通話題.. 　就係當年903 ge廣播劇---好天氣,haha,o個時我地好friend ga~ 　 　好!入戲肉!!! 　2002年生日前夕,我係我個info表示"我好耐無入戲院,,如果有人陪我睇戲就好la" 　之後我生日正日,佢就約左我睇戲(???!!!!!),hehe~ 　我地睇左套"男人四十",好死悶,但係我好享受,因為o係我左邊o個個係佢黎!!! 　因為佢約左人ge關係,睇完戲就走左lu...之後我就隨即離開la.... 　佢仲好有心思整左份生日禮的俾我,係一個真空樽黎ka!入面仲好多糖tim~ 　我一番到屋企就打開佢...???...有張紙仔wor...睇下先~ 　"雖然D樽糖并唔係咩o野貴價貨,但都係我一番心意.希望你每次唔開心時食一粒la! 　D個係真空樽,所以都唔驚D糖甘快壞GE!食糖ge時候希望你記得你有我呢個朋友la!" 　我好感動!!!佢有在乎過我呢個friend~我亦會更加在乎你ga~ 　( 其實我地好少見面,最主要係o係ICQ度聯絡,我地無因見面少而有隔膜,反而於網上對話更交心. 　我唔會o係佢面前扮野,我對住佢我咩都講俾佢聽,開心ge,唔開心ge,都同佢分享,分擔... 　佢未必咩都幫到我,至少佢肯聽我吐苦水,多謝你!) 　之後angela去左銅鑼灣sogo度做, 02年9月,剛和掛名為女友實際上玩我的人分手 　(算唔算係分手呢...唉),我個十年好友去澳洲讀書...送完好友機之後...百感交集!!! 　好啦,去sogo搵angela吐下苦水,等佢收工,再送佢返屋企~結果我到左sogo,差唔多收工la.... 　??????!!!!唔見佢ge!!!!唔係o甘快走左ma!!!我唔信!!!之後我就扮睇野,睇CD扮下蟹仔~ 　之後....我見到佢la!!!!hehe,佢著住制服好嬌ar~之後我就幫襯左佢買左隻CD, 　係"NIRVANA" ge "UNPLUGGED IN NEW YORK",多謝150 ar~好貴呀!!!!!唔緊要la~ 　隻CD係佢幫我包ge~佢ge手工都值呢個價ge~hoho!!!!!! 　之後佢話要更衣wor,o甘我咪落左樓下等佢lor...兩個字左右,見到佢la,佢就提議話去姓許o個間 　專賣d甜耶耶ge野食物食糖水,hehe~梗係好la!!!!我一向唔鍾意食甜品ge, 　唔知點解o個晚ge甜品特別好食~食完野之後我就同佢坐地鐵轉火車番歸...咪住!邊得o甘怏玩完!!!! 　之後我就話肚仔餓餓,去到大圍再食!!!!失戀大晒呀~陪我呀~佢就當然say yes la~ 　(多謝你一路以來的容忍和耐性...我這個人真的不易相處...多謝你呀...) 　你就介紹左我一間o係火車站鄰ge熟食店俾我,angela仲話佢得閒都會o係度食(我有時放工有時間 　都會特登去呢間野度食野ga!!!),之後我就嗌左一碗noodle同菜心食~~好好食ar~ 　之後佢玩我部GD93,話我部電話ge ringtone核突wor,仲同我較番D ringtone tim~唔該晒ar~ 　下一步我就送佢番屋企...佢就同我講"我o甘大個女第一次有男仔送我番屋企ja" ............. 　好彩天黑黑,如果唔係佢實見到我面紅je~gegehaha.....稀有動物ar!!!!,送到佢屋企樓下,一句 　再見過後....我就坐的士番家...... 　由o個次開始...我同佢就開始疏遠,我每晚開住ICQ等佢,希望佢會online...等到晚上點幾鍾... 　都係等唔到...(其實我知佢隱左形...唔好以為我唔知呀...bb...)我唔想就o甘就完.... 　我唯有打電話俾佢,但係唔係cut線就係唔聽,打去佢屋企度就話佢唔o係度... 　我想這幾年的友誼就這樣就搞垮了嗎?......直到2003件4月..... 　同事們到走得七七八八,只得我和幾位同事繼續神經質無意識地應付無止境的工作..... 　之後我走出走廊食一口 XX ,電話響起了...."喂,番緊工呀~"...無錯...佢係angela.... 　"近來天氣唔錯wor~不如去旅行lor~".....sure~我當然say yes 啦!!!!!! 　之後佢話佢去過好多次赤柱,想去遠D.....o甘樣,去長洲lor~ 　[...2003年4月20日,我們的最後一次約會...] 　我地約左08:00左右o係尖咀等,佢未到wor~我就去左starbucks叫左杯mocka飲,一早聞咖啡, 　唔錯呀~之後佢終於到左碼頭la....he...佢好靚ar~佢由我識佢到依家...真係越來越靚wor~ 　唔多講!!!!上船la~之後我拿了我部相機...有電話功能(hehe)ge磚頭出黎,佢就好似細路女o甘 　周圍影,我地合照la,素人自拍la,影風景la,影BB la....哈~我又同佢傻埋一份wor~hehe 　一落船...sorry,第一件事係小解先....之後angela想買帽wor~之後佢想試下頂帽仔o岩唔o岩佢, 　佢扣唔到頂帽...o甘我咪幫佢扣lor(諗起我o係佢背脊幫佢扣好頂帽ge時刻...都好sweet ka) 　其實長洲好怪ka,又唔似尖咀o甘多野睇,又唔似大嶼山o甘多名勝睇wor....都係行張保仔個洞la~ 　係佢提議ge~佢提議ge梗有品質保証ga!!!我地入洞前都係要影幾張相,好似兩個遊客o甘...hoho~ 　佢行先la,有咩事我都可以backup佢ma~之後後面o個D旅客就同我講話"小心睇住你女朋友ar~" 　之後我又面紅...................我地兩個都無租電筒...一來唔抵租,二來前面後面都有人租la, 　我地租黎都無咩用嚕,點知下面黑到死....我咪用火機黎照明lor~hehe無咩用,但係我地就 　用火機ge微弱火光射住我地個樣黎影相~hoho,影左出來又幾好笑ka wor~ 　出左黎之後,下一步我地去沙灘~沿途我地o係度講D無聊野~有D話題仲好似o係ICQ度先講tim~ 　行左好死耐,都搵唔到個沙灘,差唔多la~我地就去左碼頭附近一間食肆度食野,同佢食野幾時都係 　o甘開心ge,hoho~~~~~之後我地坐船出番尖咀la,沿途我釣魚,佢就玩我部有電話功能ge相機, 　我唔想訓ar...我唔想錯過我同佢每一秒ar....之後我地就去左muji度睇野,唔知點解佢剩係o係 　野食o個邊睇野~正為食妹!!!!之後大約四點鍾....佢要返屋企食飯....估唔到呢一次 　就係我地ge最後一次約會..... 　我每次掛住佢,我都會用手提找佢,但係佢唔聽...有次我用左133打俾佢,佢肯聽電話,代表左D咩.... 　之後我就決定唔打電話搵佢...俾自己一D無謂ge籍口....我選擇o係ICQ度等佢online, 　點知我晚晚都唔見佢(應該係隱形)....直至一天....所有也該結束... 　"hihi"　　　　　我o係ICQ ge開場白, 　"hihi"　　　 　 佢o係ICQ ge招牌回應, 　"how r u ?"　　招牌問候語句, 　"........"　　　　無應我..... 　"搵到男仔未?"　痴線!!!搵到o甘咪死,逼自己埋牆角!!! 　"yes"　　　　　.............................................. 　[...MessageToYou....angela...myAngel...] 　由第一日識你到依家,你變到越來越漂亮,成熟,亦越來越懂得享受生活,怏樂常在妳心! 　偏偏我就越來越轉牛角尖...食煙飲酒...成日都愁雲慘霧o甘...快樂離我太遠! 　我知你信神,哈哈,唔錯呀,神就賜予妳樂天的心,令你快快樂樂o甘生活! 　我係一個無神論者,咪將所有最差都放在我的生活上lor~ 　你有男朋友,就唔需要我替你分擔(可能一向都唔使掛....) 　你有這麼多的朋友,閒時可以找他們打發時間,就唔需要我陪你一齊去長洲... 　你生日時很多朋友為你鼓掌,并不需要我的祝福,而我每年生日只可以和自己慶祝.... 　你萬千寵愛在一身,而我就是SARS一般無人愛,無人接近,令人討厭的垃圾!!! 　當你真的感到寂寞時...你會找我嗎? 　我願意充當妳的觀音兵!隨傳隨到! 　事實上...無可能...可能你是一個天真無邪的小天使,我是一個魔鬼... 　永遠也不能成為好朋友吧... 　但我....我不知道...我想我還是願意等的,直至我真真正正離開的一刻..... 　　　　　　　　　　　　　　　　　　　　　　　　　　　　　　　　　　　邦　　 　　　　　　　　　　　　　　　　　　　　　　　　　　　　　　　　　　　3/11/2003 00:15 　文章於2003年11月3日0時30分完成...將心中的說話講完了....最後....我發誓..... 　　　　　　　　　　　我以後不會再和戀愛扯上任何關係 　ok..完成了...心中所有心事變成文章.... 　我可以去睡了.....