4.9.2003 石川、藤本夾擊後藤真希
《蘋果日報 4.9.2003》
4.9.2003 石川、藤本夾擊後藤真希
《蘋果日報 4.9.2003》
日本電影圈已經好耐冇一套好收得純偶像電影，最近少女偶像工廠Morning娘家族，派出三個最有人氣成員後藤真希、石川梨華同藤本美貴，希望靠佢三個令正統偶像派電影可以「大復活」 。
劇情淡如水
三年前Morning娘主演《Pinch-runner》的確收得唔錯，而今次後藤單拖拍《青春瓜料理學校》，石川就同藤本就合作《17
歲 ~ 兩人之旅程~
》，重要係一張飛睇兩套好抵睇隻，但我羅拉一睇劇情，就立即頭擰擰。
後藤套講佢冇生存目標，一日無心插柳報讀料理學校，點知武田鐵矢等老師全部都係騎呢之輩，令佢得到唔少領悟。而石川套就連武田呢老戲骨都冇，淨係講佢一個好積極、一個天生反叛，最後就成為好朋友。一句講晒，果然係典型偶像片，除忠心fans都好難搵人入場。
不過你又唔使擔心套戲會蝕大本，一來成本高極有限，二來相關產品利潤豐厚，好似我買呢本同戲名劇情介紹書，有大把佢靚相同一切幕後花絮，香港fans無緣睇套戲都可知八八九九，淨睇後藤點一個鬥石川加藤本兩個都夠過癮啦!