Homan ソ Diary
2003年6月1日
今日又係入石澳呀!因為研研0個組今日正式開始拍攝啦~!不過我呢個遲到
大王又遲到啦!!真係好對唔住呀!!!今日出席0既人有研研,wen仔,vicky,正怡
同埋yuki~happy因為屋企人唔俾所以冇去~我0地3點幾入到石澳~爆多人呀!!!
我0地搵到位放低0的0野之後就開始傾啦~點知把太陽傘突然跌0左落0黎囉~
好黑仔呢~哈哈~之後佢0地錄玩搶旗~大家都好落力呀~哈哈~最後係由正怡
贏0左0架~!!之後我0地去0左海邊錄~錄到6點幾~正怡同vicky就走先~我0地
4個就留返0係度玩~我0地去0左海邊睇浪~今日真超大浪呀!好好feel呀!!不過
我0地都冇帶泳衣呀~所以只可以睇咋~><"~我0地又0係度撥水~撥到研研濕哂
呀~哈哈~有班男仔又學我0地玩搶旗喎~之後我0地玩飛碟啦~0個班男仔又跟
我0地玩喎~佢0地玩飛水泡囉~勁cheap呀~!我0地之後又玩搶旗~我真係一個
運動白痴呀~哈哈~要wen仔同研研讓賽~但係我都係輸呀~哈哈~7點幾走之前
想影相~咪叫0個班男仔幫我0地影囉~點知影0個時佢0地又企0係我0地後面喎~
想正正經經影張相都攪咁耐~勁憎佢0地囉~!之後我0地走~佢0地又走喎~不過好
彩我0地走得快0者~好討厭呀!
今日都幾好玩呀~哈哈~又同佢0地熟0左0的~!!今日有種好奇怪0既感覺呀~我突
然覺得可以識到大家係一種緣份呀~因為大家本來只係v6 fans~但係而家竟然可
以一齊玩得咁開心~我都覺得好安慰呀~哈哈~有機會要再同大家玩呀!!
2003年5月31日
又有10日冇寫日記啦~因為我實在太懶啦~哈哈~不過今日係燒0野食0既
大日子~所以一定要記啊~!
今日大家都好準咁9點0係筲箕灣等~齊人之後我0地就收錢啦~雖然今日得
15個人呀~不過我都好開心呀~因為有得玩啊!!阿so,阿yue,mika同埋kazami
都要遲0的先到~所以研研就帶佢0地入石澳先~我同chikada,sau yee,井井,
可頤同埋yan就去買0野食~差唔多10點幾先買完~twins原本到0左~但係就
去0左買冰~所以我0地就入石澳先!但係mika同kazami都比我0地早到呀~><"
因為今日係星期六~所以好多人呀~研研佢0地搵唔到爐~所以我0地用0左
300蚊租0左兩個爐~燒0左一陣0野食之後就出0左去海邊玩~佢0地玩捉魚,
蝦,蟹呀~~哈哈~~勁攪笑~~都捉到好多呀~之後有個叔叔捉0左隻海膽呀!!!
超勁呀!!!之後我0地就玩搶旗同埋扑傻瓜~係勁攪笑囉~短時間之內真係可
以記哂大家0的名呀~哈哈~玩到差唔多5點幾就開始執0野走啦~走0個時勁
多人囉~勁多人等巴士同van仔喎~我0地4個又勁累~坐0左0係馬路邊~又諗
唔到邊個有車可以車我0地喎~坐0左一陣之後都係決定搭巴士~但係要企
囉~我0地都冇乜出聲呀~去到地鐵站0個時我0地一見位就衝埋去坐囉~勁攪
笑呀~哈哈~雖然係好累呀~但係都係值得0既~因為好好玩呀~好多謝大家呀!!
2003年5月20日
今日同秀儀家姐一齊去幫daddy報名~之後佢同朋友几去街~我就返屋企~
4:30我就同manchi出0左旺角~我0係信和買0左隻V6 VCD呀~有瀧澤秀明
同松本潤客串0架~好想快0的返屋企睇呀!!!夜晚同埋catherine出尖沙咀學
跳舞~但係我0地上0左house jazz0個班呀~唔知係唔係因為太耐冇跳呢~好
似唔係好想郁咁~同埋都幾累~但係又覺得好好玩喎~哈哈
2003年5月19日
今日我冇去考歷史呀~哈哈~我真係覺得自己好勁呀!!1點幾同hidie出0左尖
沙咀唱k~但係其實我今日有0的喉沙~但係我0地依然唱0左7個鐘~勁呀!!!
唉......我前幾日先知原來big echo有V6歌唱喎~但係我知道0既時候已經太
遲啦~因為big echo已經執哂笠啦........><"
2003年5月18日
今日係同大家見面0既大日子啦!真係好緊張呀~我0地12點幾就同dior同可
頤出0左尖沙咀食飯~阿so同阿yau去0左吉野家搵我0地~我0地8個人已經
好嘈啦~哈哈~2:30我0地去到地鐵站~之後就好多靚女0黎到啦~攪到我有
0的自卑tim~點哂名之後大約2:45~我0地就30幾人行過柏麗大道~好似遊行
咁~好攪笑呀~!去到舞蹈室之後大家就開始meeting~好開心大家咁快就識
到朋友呀~不過就嘈0左少少囉~哈哈~十幾個墟喎~!今日個meeting都好順
利呀~冇咩意外發生~meeting之後我0地去0左報名~其實今日都幾累0架~不
過就真係好開心呀~哈哈
2003年5月17日
今日係我個HP開站0既大日子呀!!而且係小井0既生日喎~真係好開心呀!!
首先0係度祝小井生日快樂~永遠都咁可愛!!以後每年小井生日係就本站
生日~!!!不過好驚會因為冇人0黎我個站而攪到要關站呢....><"~不過點都
好啦~希望大家好支持我個站啦!!!!
2003年5月16日
今日本來要考文學0架~但係點知一出門口就覺得對眼開始有0的問題~右
眼睇0野好唔清楚~連有人企0係我前面我都睇唔到~明明行去0個間學校唔
係好遠~但係我足足行0左45分鐘~去到0個時已經勁頭痛~本來諗住捱埋佢
之後返屋企休息啦~點知我考第一份卷已經不停咁喊~我喊唔係因為我唔識
而係我痛到喊~我做0左幾題之後已經頂唔順~喊到個口罩都濕哂~好辛苦咁
等0左半個鐘先走得~之後我返0左屋企~冇考第二份~我一路行一路喊~其實
都有0的唔甘心0架~因為始終都係溫過~不過冇辦法啦~我真係儘0左力啦......
