Chan's daily

九月 八月 七月 六月

寫得出就唔怕你睇!

bottom

九月一日 晴

　

終於開學啦~~體驗一下大學ge生活~~

唉~~d人果然係唔識教書ga~~

對住notes 讀......不如我自己睇好過啦....

　

堂堂都話又有tuto.....隨時lunch都冇得食.....

　

雖然唔同u,不過咁就會有問題呢咩?~~我就唔係好信~

就用時間証明一切吧!!

　

　

九月二日 雨

　

今日打風~~上完pe就唔就上堂lu~~

之後番左宿~~唔知點解成個下午都on唔倒line呀~~灰~~

之後就玩大富翁呀~~~~哈~~成為左大嬴家呀~~

　

玩玩下~~大組組爸組媽左叫我去打邊爐喎~~真係有口福!~

　

再夜d果時~~去左組媽間房玩泥膠~

又好似幾好玩咁喎~

　

攪攪下圠到差唔多成二點~~~冇沖涼就訓左lu~

　

　

九月三日 雨

　

今日成九點先起身呀~~~又要沖涼又要幫人print notes...

攪到遲左搭校巴....

　

五點幾果時就同你出去啦~~

我要買野比你~~嘿嘿嘿~

　

　

九月四日 雨

　

今日又遲左起身呀∼∼冇free breakfast食呀...

　

今日上左兩堂咋~~之後組爸約左去食lunch

shaw can d野都ok呀~

　

下午約左你呀~~

　

哈~~~之後撞到組爸~~我都話佢似victor ga啦~~

　

今次比你買野啦~~~係咪好開心呢~~哈哈

　

焗薯好好味!!

　

　

九月五日 晴

　

今日終於起得倒身啦∼∼]

可以食倒free breakfast~~不過就唔多好食...

　

下午果堂好悶呀~~悶到訓.....

　

晚夜就同你同埋其他friend一齊去睇fly ge dv發佈會~~

d音響好噪呀...~~

　

今次有其他人陪你番樂華我先放心走咋~~

唔係我一定會送你番屋企~~

夜一夜都係咁講!!

　

送心愛的人回家；哪裡都順路!

　

　

九月六日 雨

　

今日去左幫你手搬野~~~

d野都好重呀~~你之前仲竟然話唔洗我幫~_~

　

諗禮物真係一個苦惱ge問題...

　

最衰就要趕番屋企食飯同幫人補習....

唔係我一定會陪多你一陣!

　

　

九月七日 雨

　

今日本來約左你二點~~點之去到三點半先見倒你~~

我冇怪你ga~~只不過係玩下你咋~~哈哈哈~

　

根住就番工lu~~

　

胡慧肥就慘啦~~唔見左個袋~

找左好耐都唔見~

　

最後都係返唔倒中大呀~~

恨倒啦你~~同你搭N619番屋企啦~(不過其實我都想搭的)~^-^

　

　

九月八日 晴

　

今日又一日起左身~~拎左d野入宿先返學~

個tuto廢ge~~真係唔去好過去!

　

今日本來係出去買戲ge~~點知又好貴~~又打唔倒你問你睇幾多點喎....

　

本來諗住落shaw can食野啦....~點之佢八點半已經摺左.....灰...

唯有返宿煮公仔麵.....

　

　

九月九日 晴

　

唔知係咪琴日太夜訓~~~攪到今日好似好鬼tired咁~~~

　

冇啦啦落堂就話人知去開會喎...

　

你又唔online..不過知道你係溫notes...所以都冇打電話比你lu~~~

今日終於可以係正常時間訓覺~~唔洗日日攪到三四點~~

　

　

九月十日 晴

　

今日又遲左去shaw can呀..又冇野食賣~~

都係jack衰..訓過左時間!

　

今日約左人一齊黎睇波..點之收倒風話今冕打蛇喎~~

攪到出左宿出面坐~

　

睇完波~~上左天台玩蠟燭,玩到四點幾~

咁就番左宿沖涼訓覺lu~~~

　

　

九月十一日 晴

　

今日約左你出來~~之前去左ust等你放學~~

唔知點解好enjoy等你果種感覺~~

　

冇啦啦去左寶琳,之後又冇啦啦去左上環~~~(真係香港一日遊呢)

　

夜晚去睇向左走向冇走~~我覺得幾好睇呀!~

　

睇完戲就去左ust玩~~約左中學一班ge同學呢~

　

　

九月十二日 晴

　

係ust,去左沙灘玩~~玩左一陣,

就走番去hall lu~~~

　

其他人玩black magic,我就表演我ge魔術比你睇~~

岩岩學咋~~將就下啦~.~

　

玩到五點幾~~玩ge玩~訓ge訓lu~

訓到差唔多十點幾~~

叫極你都唔起身~~你賴床功力果然利害!

　

之後就同你去左坑口~~買文具~~第一次買文具可以買成百蚊ge呢~

　

想陪你去cut hair,你又唔比...等下je~~有咩所謂!~

　

　

九月十三日 晴

　

今日組聚呀~~去左pizzahut食~~之後就番左cu玩~~

去左天台煲蠟呀~~我就負責睇~~

我覺得就真係好似有d危險~..所以冇玩

　

之後就去左大組長間房玩~~

哈~~入面真係咩都有得玩呢~~

玩到差唔多成五點先走~~~

　

食飯果時我諗住同你傾多陣ga..不過你又好似趕住收線咁...

　

　

九月十四日 雨

　

琴日五點先訓~~今日十點幾就起左身啦~~

去左遠征ust~~seem大戰ieem~~

可能唔夠訓~~成個人都好似唔多願郁咁~~

　

夜晚仲要同人補習呀~~補補下果時差d想訓覺~哈哈~~

不過最後都冇訓到~~~

　

　

九月十五日 晴

　

今日上堂又係有d悶呀~~有d就係學過曬~~

有d就係讀notes~~反而自修左一陣仲明過佢講~~

　

夜晚果時約左你呀~~不過只係二個鐘倒~~加上我又要轉台~~

攪到d時間好似好少咁~

你走果時我差d想跟埋你上車ga~~

不過又要開會~~費事第一次就放人飛機啦....

下次我要出成日!!!

　

　

九月十六日 晴

　

今日明明係上十一點半堂呀~~點知十點就起左身~~

仲要以為係十點半上堂~~攪到我怒趕校巴~

去到NAG撞到Alice~~~先知原來自己早左成堂~

根住就去左NA can食野啦~~

食到好飽~~攪到lunch都食唔倒~~

　

夜晚番左屋企~~拎左d野番宿~~~

番到去就一齊煮飯食~~

哈~~~唔夠飯食呢~

　

　

九月十七日 晴

　

今日起身明明好鬼好天ga~~點知行行下就落好大雨喎>.<

差唔多濕曬~

　

諗住打比你叫你起身~~點知響極都冇人聽~_~

　

夜晚去參加左入宿宴呀~~得自己一個人~~冇人陪~~又抽唔倒獎喎~~~

　

夜晚果時同jack合力做好左份csc~~~興奮!!

　

　

九月十八日 晴

　

今日都唔係好知醒起身呀~上九半點堂,九點先起身~~

　

下午撞到victor~~去左佢個宿坐呀~~

太攪笑了~~哈哈哈哈哈~

　

之後就去左打波呀~~輸左~哈哈~不過never mind啦~

　

夜晚去左na大笪地~~嬴左張table番黎呢~~哈哈哈哈~~

　

夜晚果時個電話冇電~~幾怕你打電話黎果時我聽唔倒呢~

　

　

九月十九日 晴

　

今日又唔多想起身咁呢~~~

之後上assembly~~訓左~~呵~~

　

下午上gee~~上左一節就走左lu~~

哈~~~第一次走堂呢~~~

　

今日想打電話比你...不過最衰部電話又冇分鐘......

　

　

九月二十日 晴

　

之前果幾日都唔係好曬ga~~

點知今日一約你就好鬼好太陽喎~~~

　

曬咪曬~~同你出街大過天呀~~

雖然今日唔係出左好耐~~

不過已經好心滿意足啦^-^

　

玩還玩~~~叫個x輝唔好咁過份呀~~~

　

　

九月二十一日 雨

　

今日好無聊呀~~係屋企坐...(好耐未試過係咁呀)

　

想打比你~~不過你又好似要溫書咁....

點知諗諗下果時你就打來喎~~

果時我真係好想好想同你出街...

不過如果你應承出去~~~

我又可能又會話唔出去ga~~

因為你要溫書嘛~~嘻嘻~~係咪好矛盾呢~

　

下次睇波我會講聲你知ga~~等你唔好等咁耐.....

　

　

九月二十二日 晴

　

今日上堂果時又訓左啦~~哈哈~

　

黃昏果時去左victor間宿打左一陣機~~哈~

番到宿~哈~~又煮野食~

本來係煮個公仔麵就算ga啦~~點知grace又開大餐喎~~

我當然去食埋一份啦~~

食下野~~玩左一陣倉鼠~~

番到宿~~打比你~~你又溫緊書喎~~

攪到我好似煩住你咁~~

　

又一次過三點啦~~~幾時先可以早d訓~_~

(唔只係話緊我呀~~我都係話緊你~!)

　

　

九月二十三日 晴

　

好可惡呀~~唔知點解二十五分會冇車喎~~~

怒趕去NAG...不過都係遲

比人扣左一分..~shit~

　

夜晚去左沙田食野~~組聚~~~

根住去左宜加家俬~~

哈~~入到去好似一個遊樂場場咁~~

周圍玩人地d野~~~

　

諗左一陣~~我都係唔online啦

你都講啦~~你聽日要test嘛~~

仲要係早起喎~~

唔可以夜訓呀~~~要養足精神呀~~

希望你明白我ge苦心啦~~

(不過就算on都唔好咁夜呀.....)

　

　

九月二十四日 晴

　

今日好鬼眼訓呀~~哈哈~~

釣曬魚咁~~

不過最後都冇訓著到~~

　

唔知點解~~今日補完習果時~~

突然好想好想好想見你呀~~~

唔唔~~期待星期五ge來臨!

　

　

九月二十五日 晴

　

今日我竟然可以準時起倒身呀~~勁~

不過成個人都累呀~~

今日都少有地訓左一陣午睡

　

夜晚去左賤build幫手攪O'day d野~~~

聽日快d來啦~~唔該

　

　

九月二十六日 晴

　

終於可以同你出倒黎啦~~~

哈哈~~唔知點解會同你去左西貢~~

或者係心血來潮啦~~

係海滂同你坐左一陣~~傾下計~~

感覺好舒服~~

　

之後同左你去寶琳~~行下食下傾下~~

咁就去到差唔多十點幾啦~~

　

　

九月二十七日 晴

　

今日去左自己個系攪ge乘風航~~

去左香港ge東部~

去左跳海跳海再跳海~~哈哈~~

開頭都有d驚~~~玩落又幾好玩呀~~~

不過最累係扒繩網呀~~~超累!

　

之後夜晚又話去組聚~~不過冇去呀~~~冇錢呀~~

我要去買電話!!

　

　

九月二十八日 晴

　

今日又可以同你出來~~好呀~~

　

去左銅鑼灣大笪地~~

都唔算冇野睇ge~~不過就唔係好岩我啦~~哈哈

　

根住同你去左深水po~~哈~~

終於同你影相啦~~~我真係]好開心ga~~~

次次都要影~~~嘿!~

　

我發覺原來見幾耐都係唔會夠的~>.<~

　

　

九月二十九日 晴

　

今日一日起身去交功課呀~~~

之後就去左cc can食早餐~~

$12.5有麵,有雙蛋,有多士又有凍飲~~

低到爛呀!!

　

個2420低b ga~~教左等如冇教~~

自己番宿唔洗一陣就學識左lu~~

　

又幫唔倒手~~可惡可惡可惡!

　

　

九月三十日 晴

　

上GEE又訓著左啦~~係訓到好舒服果時~~

竟然落堂喎......

　

我知你D math好難讀,我又好似幫唔倒d咩~

我做倒ge只有默默咁支持你~~

有咩同我講啦~~我會耐心聽ga

唔好怕會煩倒我!

　

d 芝士蛋糕冇得頂呀~~真係好好味!