德國

慕尼黑(Munich)

出發前一晚太擔心(因為驚夜搵唔到旅舍), 所以訓唔到, 朝早三點起身, 早餐都食唔落... :p坐左十四個鐘

火車, 累死...好彩見到個女人指左一間好近火車站o既hostel比我地, 咁樣第一晚就過左喇.

Day1

去左集中營, 唔知點解去親呢d地方都係陰天同落雨. 睇左幾個鐘, 多數都係字, 有d紀錄片,

不過都feel到o個陣營入面o既慘況...講黎講去都係話集中營o既目的係侮辱同虐待人, 都幾變態 ~.~

之後o係營入面周圍行, 開始落雨, 又大風, 加上之前都無咩食野...攪到胃痛, 返到酒店仲嘔左一野, 

夜晚就休息, 無出到去行, 所以可以話我地係無o係慕尼黑遊覽過架~~

富辛 (Fussen)

Day2

朝早就諗住去Fussen參觀天鵝堡, 去到搵青年旅舍, 幾經辛苦, 終於搵到, 但佢竟然無開!!shit~~當時

係落住雨(但有d係固體...)仲要抽住d行李...真係想死, 所以見到間bed & breafast就入左去, 雖然幾貴(一人35歐)

不過真係幾靚. 之後就搭車上天鵝堡, 但由於已經四點, 入唔到城堡參觀, 好辛苦咁行上山, 影完幾張相, 就落返黎,

天已經黑哂...是但入左間野食個包就返bb.

海德堡(Heidelberg)

Day3

一起身就見到落雪, 但無咩感覺(我已經好耐都對事物無咩感覺, 唔知係咪有病呢?), 話雖如此, 見到落雪都要影下

相, 所以食完早餐就出外面行下, 之後等搭火車時就攞住行李去睇下d鋪頭, 好重 :p

行到咁上下, 就去搭火車去海德堡, 不過好麻煩, 要轉兩三次車...就o係呢個時候, Dotty上火車時唔小心撞到

隻腳流血, 當時唯有用tissue遮住個傷口, 等到搵到青年旅舍時, 已經四五個鐘之後, 但仲流緊血, 諗住問d 職員有無消毒

物品啦...點知佢地個急救箱就只有d公仔膠布 ~.~" 個幾個正在吹水o既職員就叫Dotty比個傷口佢地睇, 佢地輪流睇完之後

都wee wee wah wah, 好似未試過整損咁...但見到佢地咁o既樣, 真係勁攪笑, 男仔之家見到傷口駛唔駛咁o既樣, 之後佢地

就話送我地去醫院, 坐佢地車時都有d驚, 因為有d快 :p 去到醫院有個職員陪我地等左個幾鐘, 佢個樣有d似吳彥祖 haha~~

本來佢話等我地入去之後就走, 但最後佢都帶我地返到旅舍, haha~我地都覺得佢係八卦多, 佢入到醫生間房, 左睇右睇,

咩都攞黎攪下, 我都無見過有人咁多手 :p 醫生又比我地留o係入面睇佢做野, 今次係我第一次睇人打針同聯針, 都幾恐怖,

見到就覺得痛...之後返到旅舍, 另一個職員又叫Dotty比個傷口佢睇, haha~佢地真係...攪笑

Day4

醫生叫Dotty休息下, 所以我地就決定留多兩晚, 取消去Cologne. 車我地去醫院個人問要唔要枴杖, 要可以借比Dotty. 但Dotty

唔要, 我地就出左去周圍行, 行行下竟然見到「吳彥祖」, 佢問我地去邊, 我地都唔知點答, 因為我地都唔知有咩好睇 :p 

寒暄左幾句之後就各有各行. 唉~唔記得叫佢影張相添...

好耐都無行過街, 我地o係個條街行左一日, 真係幾開心, 雖然唔係買左好多野, 但就睇左好多野, o係Brest完全無可能咁樣,

返去又唔駛睇時間搭車, 好快就一班車, 實在太方便~~~

Day5

再行同一條街, 不過今次係睇景, Heidelberg真係唔錯...我無諗過我會鍾意一個去旅行o既城市 (終於有番d感覺 :p) 好靚,

亦都好方便, 好多野睇...真係想o係個度過埋下半年, 跟住返香港...法國完全唔想返去呀!!

柏林(Berlin)

Day6

食完早餐就去搭火車去柏林, 但我地去到左行右行, 遊左幾次地鐵河 (又有一間青年旅舍無開門!!!)先搵到一間o係火車站

隔離o既旅舍(夜晚係有火車聲架...)之後就落街行, 個聖誕市場都幾多野睇同食~~行左兩個幾三個鐘就返去休息.

Day7

朝早去左睇景點, 其實又唔係好知係咩, 見到有人排隊,我地又排, 入到一座野, 行到上頂, 見到柏林全景 (唔係靚囉~), 

跟住就落返地下, 行去第二個景點, 好似話係柏林圍牆舊址, 有支柱, 影完幾張相就走lu. 又返市中心周圍行一陣, 就買晚餐

返去食.

布拉格