巴黎 (Paris)

Day15

訓到朝早, 個查票員話我地張pass唔可以坐返法國, 結果要補35歐...勁貴!

之後就去搵旅舍, d地下鐵真係不知所謂...同德國o個d完全無得比...又窄又污穢, 真係嘔心...

因為之前睇過旅遊書, 所以唔係太難搵, 但去到o個度, 就好似去左非渄咁...勁多黑人, 所以我地決定住一晚

就搵過第二間, 放低行李就去搵酒店. 去到第五區, 間青年旅舍full左, 見到間三星酒店, 話可以議價, 我地就入左去, 

同個經理講左一輪, 結果就以三個人一百歐一晚租佢五晚~雖然係貴左d, 不過算啦, 唔想再行~

之後就去左行街, lafayette勁多人, d野又唔係平, 都唔明點解咁多人買野, 有病咩~見到佢d野咁貴, 除左一路睇一路鬧佢痴線

之外, 都唔知可以講咩 :p (可能真係唔太想返法國...一返到黎就想鬧佢)

Day16

約左Nigel同佢家姐一齊去凡爾賽宮, 去到個度勁大風, 凍...

都唔明點解一個旅遊景點前面會係塊爛地, 勁難行...

排左一輪, 終於入到去, 都幾靚o既, 不過好燦眼囉...都唔明點解佢地咁鍾意用金色, 睡房都係咁...點訓呀?! 仲有佢d天花又係勁靚,

唔知以前d皇帝幾時會抬起頭睇呢? 我睇左一陣都覺得累 :p 睇完皇宮就出後花園影相, 又係勁大...雖然係靚, 不過駛唔駛咁誇呀?!

又係由於太凍, 行左一陣就走lu.

夜晚就返酒店等Dotty朋友黎...咁樣又過左一日.

Day17

去左睇凱旋門, 點知佢裝修緊...比d布阻左少少, haha~~都係睇番屋企個鐘靚d. 跟住行Champs Elysees, 再去協和廣場...巴黎鐵塔...

夜晚就搭船遊賽納河, 感覺唔錯~~

Day18

本來想去羅浮宮, 但因為佢休息, 無去到...諗住去跳蚤市場, 但睇睇下...原來佢都係無開~~~haha, 結果去左參觀Notre-Dame同

歌劇院, 之後諗住去聖心教堂睇日落, 點知去到d人話已經關左門...跟住就行去紅磨坊影相.

Day19

一早就去羅浮宮, 勁多人!!!我諗排隊都排左個幾兩個鐘...入到去, 初初都會逐張畫望下, 但睇睇下就得個行字...累死.

叫做見過個維納斯像同幅蒙羅麗沙, 之後就坐低左差不多半個鐘, 完全唔想起身~ :p再行多一陣決定放棄, 走左去買朱古力

同搵野食.

由於係除夕, 所以我地去左買香檳同燒雞返酒店「慶祝」, haha~點知一返到去, 見到酒店送左支紅酒同埋d朱古力比我地:>

但我地當然係飲自己個支先啦~~仲請左兩杯比酒店個兩個人飲.

零三年咁就過左lu~

Day20

由於係公眾假期, 都無咩地方好去, 都係諗住周圍影下相, 但佢竟然落雪!!人落雪佢落雪, 都落得衰過人, 係咁打落塊面度...

勁辛苦, 路又睇唔到, 又凍 >.<

去左阿歷山大橋, 同葬拿破崙個幢野度影相...諗住睇下d百貨公司有無機會會開...結果係無囉, 又要繼續食風雪...

之後就返番酒店附近條街行, 都叫做有d野睇, 行到咁上下就買crepe(即係pancake)返去食, haha~~~我地由到巴黎第一日

就幫親佢, 佢d三文冶同crepe都好正, 好大舊架又唔貴. 雖然話crepe係我住個區o既特產, 不過都無巴黎個d咁大件夾抵食 :>

咁樣就度過左旅程o既最後一日

Day21

自己一個搭朝早七點車由巴黎返Brest, 係火車站比部咖啡機呃左一歐, 無杯又唔同人講, 結果比個同樣想買咖啡o既阿伯點左

去搵火車站d人, 結果佢地話唔關佢地事...雖然預左~~

十一點幾終於都到...行返上屋條路好似好斜咁...仲落毛毛雨...幾經辛苦, 終於都到~~~