旅遊篇
| 台灣篇 |
| 日本篇 |
| 韓國篇 |
| 泰國篇 |
|
澳洲篇 |
|
台灣篇
以我緊餘記憶 , 去台灣個時我大概係五六年班到啦 , 對個時既台灣 , 我只有一個感覺∼∼悶∼∼ 根本就冇野好玩 , 成日都睇埋 d 咩咩宗正紀念堂 , 咩咩橫貫公路 , 又咩咩水力發電廠 , 簡直要一個 只覺得麥ｘ奴好食 , 歡樂ｘ地好玩既小朋友黎講 , 只會覺得悶 , 冇咩好欣賞 , 但係一場去到 , 冇理由唔鍾意就連車都唔落唔去睇嫁 , 所以我就自己搵辦法唔令自己悶喇 , 去到什麼紀念堂 , 我就係行左一轉就算喇 , 之後就出左空地玩喇 , 個到地方不知幾大 , 好玩既野就係白鴿喇 , 我就係到傻間間追住 d 白鴿玩喇 ( 大家唔好忘記我個時只係個小學生黎嫁咋 , 所以係傻我有道理 ) 去到橫貫公路 ( 係台灣主要既公路之一 ((個時咋 , 唔知而加仲係咪呀)) , 佢既賣點就係公路窄窄 , 兩旁係懸崖黎嫁 , 一轉彎呢 , 車上既人就可以清楚睇到懸崖有幾深 , 不過係見唔到底嫁 ) , 落左車 , 周圍睇睇 , 我依個唔識死既細路就走近公路旁懸崖邊 , 捉住路邊既鐵鍊係到玩 , 嚇到媽媽腳都軟埋 到返上車 , 沿公路嬈一圈 , 左搖右搖都不知幾剌激 , 不過坐係身旁既媽媽就聲都唔聲 , 事後佢先講話 嚇死佢 , 加埋格車咁搖差 d 嘔埋出黎喎 . 到到水力發電廠 , 就冇咩比我玩喇 , 不過真係幾宏偉 , 加上好大風 , 都係睇下景咁咋 . 不過我去個時台灣都算未開發咁 , 而加我諗會好好多 , 咁多旅遊節目講台灣就知啦 , 而加既台灣 應該係五光十色 , 有夜市 , 有好多美食 , 仲有大型遊樂場添 , 真可惜 , 我去個時依 d 野全部都係冇既 會唔會再去台灣 .....?!?!?! 可能啦 , 因為真係改變左好多 , 不過煩在簽證時間長 , 唔可以話去就去 .
|
|
日本篇
日本呀 ...深刻喇 ... 我連日子都記得呀 , 1997 年 8 月 4 日至 8 月 11 日 ,點解咁記得因為個年 f.3 , 8 月 3 日 就放榜睇下升唔升到原校 f.4 , 8 月12 日就要返學交學費 , 對於我黎講都幾驚險嫁 , 因為自己唔係讀書既材料 , 真係有可能升唔到嫁 , 不過升到咪當慶祝咁去囉 , 升唔到就當散心罷啦 結果就係....升到既 , 可以開開心心咁去玩喇 , 仲有驚險嫁 , 因為走個日日本o岩o岩開始打風 , 隨時會返唔到香港 , 咁就死喇 , 冇人返去交學費會當我自動放棄學位 , 都不知幾擔心 , |
 |
我不斷係到諗下 d 亞 sir 既電話 , 萬一真係返唔到黎都可以叫佢地幫我比住 $$$$ 先嘛 . 最後既結果都係平安無事返到黎既 . 好~~小講癈話 , 開始旅程 . 細細個就好原來....都係不外如是 , 反而愛上了, 富士急遊樂場 , 個到個過山車好高好大好長好斜嫁 , 好想玩不過好驚 , 就係因為佢咁宏偉 , 為左安全 , 有風有雨都一定唔開 , 雖然我去個日非常之好天 , 不過預測到有風球黎緊 , 所以都唔開 , 繼而有個叫做龍蝦蘇既野都唔開 , (其實唔開都有著數 , 因為我都未必夠擔玩 ) 最後我只係玩左個旋轉遷秋 , 大家有冇睇 Beautiful Life 呀 , 日本個套 , 木村 + 常盤 , 唔係二索大阿哥個套喎 , 我玩既野就係
|
| 木村帶常盤去遊樂場玩個個機動遊戲喇
, 而加海洋公園都有嫁 . 玩完就緊係去下 shopping
先啦 , 目的地係
心齋橋 , 由於個 guide 想我地感受一下日本人既生活 , 就係距離心齋橋 15 分鐘車程既地方叫我地落車 , (唔係行路去 , 傻既咩 ) 之後就一齊去搭地鐵好熱好焗呀 , 我唔係話條街呀 , 係地鐵站呀 , 竟然大熱天時 , 係一個咁先進發達既國家既地鐵站 , 原來係冇冷氣同抽風設備嫁 , 但係 d 日本上真係頂得順嫁 , 我仲見到幾個女仔著住套浴衣 ( 貌似和服 , 比較簡單同薄身 , 基本上日本人係好小著和服嫁 , 因為係好貴好貴同好繁複 , 平至港幣幾千貴至過萬不等 , 加上和服係好多層好重嫁 , 自己係著唔到 , 一定要兩個人幫手先得 , 多數慶典 , 結婚....等等先會出動到和服 , 平時係街頭見到個 d 都只係浴衣黎嫁咋 ) 都面不改容 , 所以我發覺日本人係唔怕熱既 , 不過又可以咁講既 , 日本大部分時間都係凍既 , 大概只有3 , 4個月係熱佢地唔怕熱 , 冇冷氣系統都唔奇既 , 有暖氣就得啦 . 心齋橋真係好長好長 , |
|
係一個 shopping 既熱點 , d 野就冇原宿涉谷咁 in , 但勝在男裝女裝童裝飾物零食咩都有一家大細行都o岩 , 不過時間就好似唔多o岩喇 我用左 4個幾鐘既時間都只不過行左一半 ,仲有另外一半心齋橋未行嫁 , ~~~~~唔制呀至於住個方面就好笑喇 , 由於日本會地震就人人都知啦 所以房間既廁所係特制嫁 , 永冇瓷磚既物體整個廁所都係膠黎嫁 , 仲係冇任何駁口 , 係原身整個洗手間 "啤" 出黎嫁 , 可能我點講你地都未必明 ,但感覺竟有 d 似玩具 , 同有 d 隨時會爛既 feel 啦 , 仲有日本酒店房間有 3 |
 |
|
步曲 , 入房第一步係廁所 , 第二步係床 , 第三步係窗 , 個 guide 講笑話 , 如果踏左第 4 步就即刻落到街 , 因為第四步已經踏 , 左出窗即刻跌落街 , 形容到 d 房咁細 , 但竟然有一晚既酒店 lobby 大到嚇死人 , 房既廁所有瓷既浴缸 , 而房既面積由頭行到尾 2 0 步都行唔晒 ,而且仲有貨 lift , 走廊仲得意 , 途中會有小小既斜坡 , 轉角位既房 d 門就好似舖頭咁 , 雙門齊推 , 完全同其他房係唔同 , 聽我咁講 , 大家估唔估到點解會咁奇呢..........第二朝 , 個 guide 第一句同我地講既已經唔係早晨 , 係 " 尋晚有冇野呀 , 訓得好嘛 " 個個齊聲叫好 , 之後就有人提出我以上所講點解咁奇既問題喇 , 個 guide 就話 , " 問得好 , 其實呢.....依間酒店前身係醫院黎嫁 , 我唔講係怕你地形住 ,成晚都訓得唔好 , 所以今朝見個個都好精神我先講 " 真係覺得一陣冷風飄過黎lobby 大就係當然啦 , 醫院 lobby 一定大 , 瓷浴室係因為係一間好舊既醫院 , 唔係現時新設計 , 如果要拆晒佢再整新 , |
, 所以酒店唔改動廁所 , 因為係醫院房所以房間特別大 , 仲有個格唔係貨 lift係人搭既 lift ,
推送病人用既 , 至於走廊小斜坡都係方便推床推輪椅用既 , 而怪門就有可能係某 d 唔係咁吉利既房間 ,
但又唔想租出 , 所以當儲物房之用 . 嘩......聽完都不知幾恐怖呀 . 大家如果去日本玩 ,
住既酒店有我以上講既野就小心小心 , 唔好嚇親自己喇 .
| 韓國篇 |
 |
|
韓國係我覺得最好玩既地方 , 因為有勁好遊樂場同 shopping 既 地方而且 d 野實在太平喇 , 同一樣野 , 係香港買要 30 幾 40 蚊 , 但係韓國就只需要 10 幾蚊 , 買到唔停手, 仲可以好鬼死豪添 我係一間賣飾物既舖頭到睇 , 寫明全店2000韓環 , 計起上黎 14 , 15 蚊到 , 於是我就見野就羅開頭有個姐姐仔介紹邊 d 好 , 邊 d 靚 ( 佢唔係用韓文 , 只係用 body language ) , 之後佢見我 傻傻地乜都話要 , 佢就冇再 sell 野喇 , 反而就係跟住我周圍走 , 幫我羅野 , 之後連個哥仔 ( 應該係老闆 )都出埋黎 ,依個傾得兩 句喇 (因韓國人唔多識英文 , 有 d 可能連 cheaper , one , two , more 都唔識 ) , 之前個姐姐仔就係咁所以唔同我講野 ,淨係指手 畫腳 , 睇睇下....我發覺我手上帶緊係香港買既手鍊佢都有喎 , 所以事先聲明話佢知我係香港買嫁 , 係我自己嫁 , 依個哥仔就 望左幾眼 之後就問我買左幾多錢喎 , 我緊係死都唔講啦 , 我買 得貴過佢 , 容乜易比佢升番個價嫁 , 我只係答佢唔記得 lu , 始終 佢都心思思 , 叫我除比佢睇 , 佢一邊睇就一邊話好似好似 , 好似 我都有喇 , 唔會再買 , 最後我買左 7 條手鍊仲有媽媽揀左隻介指
|
 |
|
7 條手鍊仲有媽媽揀左隻介指 , 盛為16000韓環 , 豪呢............十幾分鐘狂掃16000蚊呀 , 嘻...不過係韓環 , 唔係港紙 , 可能 d 韓國人唔會咁買野啦 , 只會遊客先係咁 , 所以佢地都覺得我地幾奇怪嫁韓國好玩 , 好住 , 不過淨係唔好食姐 , 唔係話個味道唔好 , 只不過未必個個人頂得順 , 30幾度食人參焞雞仲要冇 冷氣風扇喎 , 之後餐餐唔係打邊爐就係韓國燒烤 , 我食左兩三日都開始呆呆地喇 , 所以都冇乜點食自己 通街搵食囉 . |
 |
|
 |
 |
| 泰國篇 |
|
真係唔係我想像中既泰國 , 我去泰國既時候就係香港既聖誕節 正正應該係泰國熱既時候 , 不過.....正所謂貴人出到 xxx 啦 , 得12度咋 , 有冇天理 , 不過又唔係太過凍 , 只不過褸不離身姐 , 冇乜陽光咁 , 唔好玩既 , 不過都有一個遊樂場玩 , 裏面有個飄雪 樂園 , 雪...都唔知個 d 係咪雪 ,飄.....我又唔覺有野飄喎 , 都好在 有個斜台玩下滑雪之前係韓國玩個滑草 , 個到好斜好大好高 , 但 不過唔驚既 , 見泰國都不夠韓國既一半啦 , 咪玩囉 , 哈...殊不 知............ |
 |
| 行到一半已心知不妙 , 斜到我係行唔上嫁
, 要扯住攔干先上到 , 嘩.....上到去仲大獲 ,
我先知細個唔好好讀書
連個 slope 都唔識搵係好大獲嫁 , 諗都唔夠時間比我諗就比個工作人員推左我落黎喇 , 失敗在唔記得計時 ..... 個 slope 真係勁個韓國個個好多 , 加上有唔知係冰定係雪既物體 , 攪到就更加滑 , 係不可睇小佢既 |
|
離心力嫁 . 玩完之後出番室外 , 跟住我扯左媽媽去玩過山車 , 當然堂堂正正有樣睇既過山車媽媽一定係唔會玩既 , 我去玩個個係 屋內過山車 , 以前都係迪士尼玩過 , 只係虛張聲勢一 d 都唔驚 , 只係黑媽媽完全冇燈 , 左 fing 右 fing 冇離心力既 , 又再殊不知 我又比之前既經驗呃左喇 , 依個係勁 d 嫁 有 小小離心力 , 都可以 接受既不過我就好痛囉 , 因為比媽媽扯住 , 我事後問佢驚唔驚 , 佢話 : " 驚呀 , 黑媽媽 , 乜都睇唔到 , 等陣飛左你出去都唔知點算 , 所以死都扯住你 " , 媽媽真可愛 . |
 |
| 澳洲篇 |
 |
|
澳洲呀 ....... 都係一個辛苦既旅程 , 開講有話 , 我食鹽多過你食米 , 搭車多過你行路 , 今次我就真係威威威喇 試問 7 日之內搭左 6 程飛機 , 你話苦唔苦丫 . 仲要係飛機到訓唔到 , 呆左 9 個幾鐘 , 真係人都傻呀 . |
|
雖則咁講姐 , 都有好玩既時候 , 我就最鍾意係牧場個時 , 去日本就諗住要去迪士尼 , 去泰國就諗住要抱老虎仔 到去澳洲就好想好想抱樹熊 , 去到牧場就開心喇 , 見到 d 傻乎乎既樹熊仔 , 牧場裏面既動物好 feel 嫁 , 可以周圍行 , 冇被困住嫁 , 首先就有一隻白雪雪既山羊 行過我身邊 , 佢唔怕人嫁 ,我仲餵佢食野 , 佢條利暖暖地又唔濕 , 好得意嫁 , 行過幾步 , 就有一隻好靚既雞 , d 毛七彩 , 好有型呀 , 不過佢個咀絕對唔可以睇小所以我就冇餵佢喇 , 當我玩得 興高采烈既時候 ,就比個 guide 叫住話去睇 show 喎 , 入到去 , 就見到個鬼佬整理緊台上既野 , 之後佢就落左台 , 左行行右睇睇 |
 |
|
, 跟住行左埋我到 , 叫我上台玩 , 我又邊會咁順攤丫 , Vincci : WHY 鬼佬 : come on Vincci : WHY WHY WHY 鬼佬 : u have the special face Vincci : WHY WHY WHY WHY u tell me why 鬼佬 : i like u 淨係識得 WHY 既我 , 最後都係比佢扯左上台 , 跟住佢就叫我坐低 , 佢就羅左把舊式羊毛剪出黎 , 嘩.....成隻手臂咁大把嫁 , 佢用住好奸仔既眼神望住我之後行埋黎 , 羅起我 d 頭髮 , chop chop chop 之後佢就比左 "汁" 頭髮我 , 笑得咁開心 ....等我還擊 , 我除左佢頂牛仔 , 之後我話.... |
 |
Vincci : let me try it 鬼佬 : u cant try 因為佢既頭髮都冇 1cm 咁長 , 都冇得剪 , 不過佢就好 愕然我會玩番佢 , 由於台上有射燈既關係 , 我根本就 睇唔清楚佢剪出黎既頭髮既咩色 , 但原來台下係睇得 好清楚嫁 d 頭髮係黑色既 , 反而我覺得佢搵錯我上台 囉 , 因為我 d 頭髮啡啡地 , 但係我就好佩服佢既手勢喇 因為我完全感覺到佢真係真係剪左我 d 頭髮嫁 . 勁呀 佢 . 到睇完 show , 我依然走左去同 d 動物玩 |
|
行行下我發現有袋鼠呀 , 當然就飛身飛去玩啦 , 佢地真係完全唔驚人嫁 , 為左同 d 袋鼠影相 , 就當然又係出動野食引佢啦 , 餵餵下 , 我見到有隻袋鼠 BB 呀 , 好鬼得意嫁 , 我好想抱起佢呀 , 不過見到佢身邊有咁多亞爸亞媽姨媽姑姐 , 都係唔敢亂咁黎 , 袋鼠既飛毛腿真係唔可以睇小 , 最後手上既飼料都比佢地食晒喇 , 唯有走啦 , 原來好戲會後頭 , 當我行番去人群中先發覺仲有野玩呀 , 有隻牛牛係到呀 , 又係頭先個鬼佬係到教人渣牛奶 , 一場去到冇理由唔試下嫁 , 真係覺得有 d 核凸 , 渣左兩下就轉身走喇 , 諗住去洗手之際 , 亞鬼佬呢 , 又叫住我喇 , 佢叫我蹲低 , 我以為佢教我正宗渣牛奶法啦 , 點知佢話.... |
 |
|
鬼佬 : one , two , three , ah~~~~~ 原來佢係叫我飲呀 , 我耍手兼寧頭啦 , 再加幾句 no no no . 之後我起身走人 , 但之不過比個手臂都粗過我 大脾既人捉住又點可以走得乜丫.....可憐....媽媽仲在旁笑笑笑 , 唔救我 , 嗚嗚~~~~ 我唔飲既原因都係怕佢蘇 , |
|
亞鬼佬係咁話 good taste , try it , try it , good taste , 最後我都係飲左喇 , 係由佢渣 , 直接渣入我個口 到 , um.......嘩.....原來好正嫁 , 完全唔蘇 , 比平時飲 開既鮮奶更鮮更甜 , 仲暖暖地 , 回味無窮呀 . 之後佢自己又飲仲渣左好多出黎入左落奶樽到呀 原來係用黎餵 d 羊咩咩同豬仔嫁 , 咁好玩 , 我就 去問佢羅喇 , 點知又係比佢整蠱一番先羅到 , 佢竟然當我係 d 羊咩咩 , 亞鬼佬係咁話 good taste try it , try it , good taste , 最後我都係飲左喇 , |
 |
|
係由佢渣 , 直接渣入我個口到 , um.......嘩.....原來好正嫁 , 完全唔蘇 , 比平時飲開既鮮奶更鮮更甜 , 仲暖暖地 回味無窮呀 . 之後佢自己又飲仲渣左好多出黎入左落奶樽到呀 , 原來係用黎餵 d 羊咩咩同豬仔嫁 , 咁好玩 我就去問佢羅喇 , 點知又係比佢整蠱一番先羅到 , 佢竟然當我係 d 羊咩咩咁用個奶樽餵我 , 唔好講笑喇 , 個樽比 d 羊同豬啜過嫁 , 你飲埋我份 , 所以又展開逃亡記喇 , 可惜佢用佢 強~勁~既~臂~彎~捉住我 , 佢之後 好順攤咁比我喎 . 當我出手羅個時 , 佢又縮 , 依個時候媽媽都加入戰團幫手搶喇 , 一亂混戰之後 , 奶樽誰屬 呢 ????? 係地下 . 個奶樽跌左落地下 ,我襯機就執起個奶樽喇 , d 豬好鬼死惡呀 , 覺~~覺~~覺~~~(豬叫聲) , 搶唔到奶樽仲打人添呀 (應該係打豬呀) , 哈~~我有偏心嫁 , 因為 d 豬豬咁惡 , 我餵左佢地一陣就比晒成樽 奶 d 羊喇佢地似乎好耐冇食野咁 有 d 可憐呢.... 仲有咩玩呀......熱氣球啦 , 係未出發之前聽到有咁既野玩 , 仲話係去睇日出嫁 , 講到好似好正咁 , 同我想像中唔同囉 , 不過都幾好既 , 首先就要一早早早早起身 , 3:30 零晨就要起身喇 , 其實都預左早嫁喇但之不過冇諗過前一晚會咁夜先返到酒店嘛 , 之前個日搭左兩程機 , 可能上上落落得密 , 一時間適應唔到 d 氣流 , 耳仔已經痛到飛起 , 個刻真係有捐血既決心 , 如果可以用捐血 既痛換左耳仔既痛就好喇 , (基本上我未捐過血 , 唔知痛既程度 , 不過當時真係好辛苦 ) , 仲要氣流令耳仔痛 唔係一時既事 , 之後日幾兩日都痛嫁 , 可憐 ....痛都未痛完又要搭過飛機..... 個晚11點幾先落機 , 仲要等羅行 李 , 再搭車番酒店 , check in得黎都已經 12 點有多 , 沖埋個涼都已經點幾 , 得番兩個鐘 , 唔想訓既我 , 就訓 係到同媽媽傾計 , 開頭媽媽都應左我幾句嫁 , 之後就 ... "唔好嘈啦你" . 訓得個兩個鐘仲辛苦過唔訓 , 就算 |
媽媽唔理我 , 我都決定唔訓嫁喇 , 不~過~決定 還決定 , 好難控制到自己唔訓嫁 , 係點幾差 不多兩點我就比周公打敗左 . 訓得最甜甜蜜 蜜既時候.....morning call呀眼都撐唔大既我 , 幾唔願意都要起身嫁啦 . 3點幾個天真係好黑 嫁 ,由 4 點上車去目的地 , 5 點幾先到 , 途中 真係睇住個天光到去到喇 , 我係玩第二輪嫁 |
 |
|
6 點先到我玩 , 未玩個天已經光晒啦睇日出 ?!?!?! 都唔係我想像中咁 , 可以睇住個咸蛋黃慢慢升上黎既 , 就算到我玩個時 , 唔好話蛋黃丫 , 蛋白蛋殼都睇唔到呀 , 不過係空中望落去 , 所有野都好似變左小人國咁 , 幾得意嫁 , 我企正個 pilot 隔離 , 都話係熱熱熱氣球嘛 , 所以我個位好熱 , 仲好嘈 , 大家都係旅程中同 pilot 傾計 , 當中有人問 pilot 做左 pilot 幾耐 , pilot 冇諗過又好認真咁答 " 2 weeks" 嚇得個個嘩嘩叫 , pilot 依然好認真話 " yes , just 2 weeks" , 之後講其他話題 , 無啦啦又講番話 , '' not 2 weeks , 12 years , don't afraid " 氣球降落之後就仲好玩呀 , 要大家合力收番埋個條球 , d 鬼佬好識攪氣氛 , 變左似 做柔軟體操多過摺個氣球 , 由於個氣球仲未放得晒氣 , 我地要一邊推 d 氣上球頂 , 一邊就要摺好個氣球 , |
 |
查實我個樣係咪真係好攪笑好好玩呢 ????? 又比鬼佬玩喇 , 有仇報喇 , 今次我知依個鬼佬叫 Patrick , 嘻....都係得個知字, 我都冇報到仇 , 亞 Patrick 係好遠走埋黎之後用佢如來神掌推跌我 , 好在有個氣 球係到 , 如果唔係的話個八月十五就會變左十月初五 的月光喇 , 可惜難逃一劫 , 因為之前落過雨 , 草地都 好濕 , 我條褲濕晒喇..... 仲有仲有 , 好剌激既野玩呀 , 四驅車 , 真係好玩呀 , 都係第一次jar 車咋 , 開頭都幾 難控制下嫁 , 所以只係係平地玩下 , 不過都有難度嫁 地下有好多車軑係到 , 要左兜加兜避開 , 操熟左之後 就入左森林 , 真係攀山涉水嫁 , 其實只不過係上上落 落 , 經過 d 小溪仔 . 真係幾好玩嫁 , 有機會一定要再 玩過 . 除左玩左 d 特別野 , 連 d 唔係好特別既我都 玩埋 , 有日去華納片場由於大部份都係睇戲做 show 既,所以唔同一般既遊樂場有咁多野玩 |
|
場中只有兩個機動遊戲 , 既然係咁就當然要玩晒佢啦 , 第一個係樣似海洋公園既滑浪飛船 , 咁當然就正好 多好多啦 , 外貌已經正喇 , 做到好似尋寶咁 , 一開始就緊係要向上攀先啦 , 之後就入左個黑媽媽既洞睇左一 段短片 ( 冇計 , 片埸就真係片場 , 始終都 hard sell d ) , 之後就勁喇 ,隻船突然轉左個圈向後衝左出外邊幾剌 激呀 , 之後就平平淡淡咁飄啦 , 到 last 臨衝喇 , 又入左個洞到 , 佢又再度 hard sell 左一陣 , 突然對門開左 呼~~一聲衝左落去 lu , 我就當然係變左落湯雞啦 . 係身都未乾既時候又跑去玩另外又係最後既一樣野 , 過山車 , 請大家唔好笑小妹呀 , 我咁大過都從未玩過過山車嫁 , 就算係海洋公園最勁都只係玩過海盜船咋 |
 |
一係唔玩一玩就激喇 , 勁過海洋公園個個幾 倍 , 轉足6 個圈嫁 , 排左好耐隊終於到我喇依 個係腳 fing fing既過山車黎嫁 , 所以應該係比 普通既 fing 得勁d 開始喇 ,格~格~格~格~ ,聲 住攀上去既格格聲 , 都唔知幾時衝 , 真係有 d 驚 , 不過驚都太遲 , 嘩~~~~~~~~~ 衝喇 ,嘩 ~~~~~~~~~~~~~~(衝緊 , 我係冇眼睇合埋眼) , 喘氣~~~~~~~ , 嘩~~~~~~~~~~~ (又再衝 , 開始 開眼睇下環境喇) , 又喘氣~~~~~~~ , 我開始接 受到佢 , 所以我都費是0徒氣再嗌 , 所以之後 |
|
又唔需要喘氣喇 , 周圍睇下調轉左既野 , 好得意呀 , 同埋再聽下我身邊嘉嘉 ( 同我一齊去旅行既朋友 )既嗌 聲 , 佢全程都嗌 , 好似好慘咁 , 玩完既結論 ------bill 晒眼水囉 , 可能我周圍望又咁強風 , 所以就咁喇 , |
|
原來有 6 個圈 , 都係玩完之後亞嘉嘉媽咪話嫁咋 , 其實坐左上 去又點先轉左幾多個圈丫 , 咁鬼快 , 嘉嘉媽咪問我地驚唔驚 , 嘉嘉就話驚 , 我就話唔驚 , 可能係有得比較啦 , 嘉嘉玩過海洋 公園個個 ,相比下可能依個恐怖 d 啦 , 我冇玩過 , 都冇得比 , 所以都係件好事黎既 . 都講得 77 88 喇 , 臨走個日又再次 3:30 morning call 起身去機場喇 , 黎個時搭夜機我都訓唔到 , 走搭早 機都唔方可以訓到嫁喇 , 好在走個時 , 搭大機 , 人人都有個私 家電視仔 , 我都睇左幾套戲 , 又打機 , 再食下野 , 行下 , 去下廁 所 ,都總好消磨過去個時既叫一個唔方坐得定既人困係格飛機 到 9 個幾鐘真係好羅命 , 唔知仲有冇勇氣去遠 d , um.....到時一 定要帶安眠藥先得 .
|
 |
 |
 |
 |
|
|
 |
