大棠荔枝園
今次我地去既地方……………………..無錯又係大棠荔枝園!!!
今次亦都係同上次一樣食早餐既會係8點半係餐廳等,而唔食早餐既就九點鐘係餐廳門口等……………….今次食我地班人食早餐既就只有………….5大個!!!
我地大概9點40分開車,10點半到達場地,大約11點半先開始打game｡
因為我地今次人數比較少,所以我地今次係打散團｡
(因為今次覺得唔太好玩,所以好簡單咁寫,唔好意思呀!!!)
第一場我地去左廢車場打,不過我唔係好記得詳細情況,所以就......(麻煩搵人幫我補充下,唔該)
第二場我地去左車軚場打,係開始個陣時,我突然間聽到一個好震撼既消息-------就係阿俊佢壞左槍......佢個心情,大家唔使講都feel到啦!!!真係慘呀=.=” 
第三場(即係上午最後一場)我地去左office打,係呢個場打......大家都有一個感覺,就係班敵人好矛呀!!!明明死左都可以繼續玩落去,有班紅色怪物仲衰,阿sir講過話如果太近要叫"Bingo”,但係佢地企係你面前都要射,仲要唔止射一槍喎,好似真係黎殺人咁,實在太恐怖la !!!大家都有好多不滿......
今次lunch我地食............又係豉椒排骨飯!!!有d悶 添
!!! 哈哈 
到左下午三點又係開game時間，不過又有事情發生,就係阿希壞槍,唉!!!
(原來黑起上黎,真係可以好黑架!!!)
第一場我地上左山打,但係因為有人唔守規矩,事情係咁既------同sir玩之前講明有一個森林係有蜜蜂,千祈唔好入去,但係班紅色怪物真係當自己係超人,唔聽阿sir講,照走入去,結果就梗係有蜜蜂既出現,令到我地要暫停遊戲,跟住阿sir就話佢地,可能佢地接受唔到咁瘀既情況出現,所以就走左老!我地當然非常之開心啦!哈哈!
因為我地係第一場浪費左好多時間,所以呢一場係我地最後既一場,我地去左廢鐵銅場打,今次阿sir竟然同我地一齊落場打,因為佢話我地無理由會輸,所以就落場幫手打,但係我地都係......
到左五點鐘又係執野走既時候,因為我地經過上次教訓,所以今次精左,我地好快咁收拾所有野上車走人!!!
出到旺角,我地一行六人(阿俊,安仔,阿希,阿寧,老四,Vincci)一齊去食一餐非常豐富既晚餐,食完我地就去左槍街逛左一陣就走人lu......
本二篇由VincCi寫出^^非常感激,所以本人會一字不改她寫的記事^^
(本頁由VincCi製作)