黑柴---我諗佢係咁多個friend之中最清楚我&知道我所有野既人囉!! 雖然依家我有我番學, 佢有佢番工,令到我同佢自自然然少傾左計, 不過都成日出黎玩架! 諗番起以前,我地差唔多日日都見面, 互相傾下大家既感情煩惱(其間既對話係冇乜人知架), 吹下水都幾開心架! 另外, 我同佢都咁鐘意打機, 打波, 而且我地都識左唔短時間, 佢亦陪我過左我最唔開心既時候, 好多野都要好多謝佢!
No子---係咪覺得佢個名好鬼怪呢?? 其實我都唔知點解咁樣叫佢架! 佢個人好攪笑架, 而且我都冇見過佢發牌氣, 對friend 都好好, 所以同佢一齊玩都好開心架, 佢得閒就發下癲架喇, 對娛樂既知識亦特別豐富! 不過佢應該好多謝我喇, 如果唔係我, 佢依家又點會識得佢既女女, 而且同人一齊得咁開心快活呀! 攬到我鬼死咁妒忌喎! NO NO Iverson!
洛民---佢都冇乜花名可言架喇, 肥仔囉! 冇計喇, 佢天生就咁大份, 足足大過我成個碼喎, 比佢壓落我實死得架! 而且我好記得踢踢下波, 忽然有條0靚仔講大隻佬黎喇, 走呀! 即刻笑鬼死我呀! 佢打籃球係三分王黎架, 不過經過日久生疏之後, 依家可能連籃底都炒粉(死唔死?) 其實我之前同佢唔係咁熟架, 不過因為會考個個都失意, 迫於無奈要讀YMCA, 咁樣我地就繼續日日都見喇! 咁樣我地日日無聊既生活就開始左喇....放學,打機,番學,放學,打機.......唉...
阿手---同樣地, 我都唔知點解佢叫阿手, 不過佢鐘意人叫佢做地獄之手(佢傻架!), 可能就係咁佢叫阿手喇! 佢呢個七彩百變頭簡直令所有既女性呼叫呀~(正呀~~!!) 依家就係所謂既自修生一名(都未溫過書) 其次既職業係打機同打波(都好勁架) 佢既屋企係我地既集中營黎架, 以便進行手部運動
導演---名正言順, 因為佢個名同某導演一樣名, 我地就咁叫佢喇! 我都係Form4 先識佢, 佢係當中識得最短時間既一個, 佢好鬼死好體力架, 打幾耐波都得架! 依家我一唔番學, 佢就會同我一齊去打機架喇! 佢亦都係一個自修生, 不過佢就比上面0個位努力好多喇! 夜校既生活我都知唔係咁好架喇, 不過我好想我地之中有人升到Form6 架, 加油喇, 9友偉~!!
我亦有好多其他既friend架,例如良仔(去左澳洲喇), 雞聰, 阿丁, 以前3c 既人, Anna, 阿姚(kazumi), 同佢兩個既好多friend, etc(仲有多到數唔曬!!!)