[太陽報]　演而優則唱 廖碧兒闖歌壇拗手瓜

廖碧兒(Bernice)入行四年多，事業可謂平步青雲，劇集長做長有，最近還染指歌壇，有份參與大碟《女兒紅》，並獨佔兩首歌曲，成為眾參與的女藝人之首。

去年一曲《實情》唱到街知巷聞，許有人都沒想過是由鬼妹仔廖碧兒(Bernice)主唱，當初她只是抱著玩的心態去唱，最終卻大獲好評，令Bernice興奮不已，早前她決定一闖歌壇，參與無線及唱片公司合作的大碟，誓要與歌手拗手瓜。

接續去年《男人魅》的氣勢，無線今年再接再厲，與唱片公司推出《女兒紅》大碟，除了楊千嬅、鄧麗欣及吳雨霏三位歌手外，亦有一班無線花旦Bernice、佘詩曼、鍾嘉欣、胡杏兒、陳敏之及楊秀惠參與，各人負責主唱一首劇集主題曲，而Bernice主唱的《人間蒸發》主題曲《實情》亦會收錄其中。擁有舞蹈底子的Bernice，早前於《勁歌金曲》大跳Hip Hop勁舞，令唱片公司刮目相看，認為Bernice潛質優厚及可塑性高，故決定為她度身訂造新歌，並加插舞蹈，誓要塑造她為型格歌手。

舞蹈根底有利發展

對於大碟中獨佔兩首歌曲，成為女藝人之冠，Bernice非常興奮：「好開心公司對我咁有信心，我會繼續努力，唔會令佢地失望，其實我諗《實情》呢首歌佔最大功勞，因為反應好好，多左人留意我唱歌，再加上之前係勁歌度跳舞，令人有印象啦！(話你可塑性最高喎！)哈哈！多謝！其實其他女藝人都好努力既！」