[太陽報]　楊怡露肉扮成熟

楊怡昨日與楊秀惠及馬國明出席活動，切磋台灣麻雀，但楊怡與楊秀惠顯得雞手鴨腳，楊怡笑說：「我平時有玩廣東麻雀，但不嬲都唔叻，圈中亦冇麻雀腳，一來費事做『站長』，二來輸錢唔緊要，輸友情就唔好嘛！」她昨日穿上吊帶低胸小背心，罕有地性感，但她否認轉行性感路線：「我只係想畀唔同感覺大家，以前衣著密實，依家係健康性感，成熟，但我唔係肉彈！」

至於牌藝不俗的馬國明笑說：「我BB時已經胎，媽咪細細個抱住我打牌，所以好細個已經識打，不過唔係經常打。」

[蘋果日報]　楊怡台灣牌「站長」

楊怡、楊秀惠同馬國明噚日去左灣仔，參與啤酒商舉辦既台灣麻雀賽，但係佢對台灣麻雀一竅不通，所以當佢地同一位嘉賓觀眾即場打番鋪時，三個即時變左「站長」，一鋪牌要打成20分鐘，仲慘過砌積木，搞到旁邊識打又手痕既塘邊鶴鬼殺咁嘈，搵佢地推廣打麻雀真係錯晒！

[明報]　楊怡性感Look打牌贏晒

楊怡、馬國明與楊秀惠昨日出席「新力新台牌」宣傳活動，並在司儀崔健邦的指導下，互相切磋台灣牌。楊秀惠雖是福建人，自小學已開始打台灣牌，但她出牌甚慢，更被譏為「站長」。

不諳台灣牌的楊怡，以性感低胸小背心打扮，新手上陣，反而食糊贏出。她說︰「好多謝崔健邦在旁提醒我，其實我無玩過台灣牌，廣東牌也打得慢，曾有導演和演員邀我打牌，但我不好意思要他們等我。」提到她一改密實形象，穿上小背心盡顯健康性感，她表示希望可以裝備自己，接拍多些廣告。

[星島日報]　楊怡盲拳打台灣牌大殺三方

楊怡、馬國明與楊秀惠昨日參加「新力新台牌•群星抬頭大比併」活動，崔健邦擔任大會司儀，一眾藝人互相切磋打台灣牌。楊秀惠出牌速度最慢，在大庭廣眾下經常被嘲笑為「站長」﹔而不諳打台灣牌的楊怡，以性感低胸小背心打扮艷壓全場，可能因為這股氣勢，令她這名「新仔」反而頻頻食胡，最後更贏出這場麻將大賽。楊怡事後表示︰「其實我沒有玩過台灣牌，廣東牌也打得慢，曾經有導演和演員邀我打牌，但我打得慢不好意思要他們等我呢﹗」她這天性感裝扮示人，她不諱言希望裝備自己接拍多些廣告。

[東方日報]　楊怡大個女要性感

楊怡昨日以吊帶低胸小背心，跟楊秀惠及馬國明出席活動，問到她是否轉行性感，她即說：「唔係特別行性感，只係大個女，想畀唔同感覺大家，之前衣密實，依家健康性感為主，會得成熟的，但我唔係肉彈！」

在活動中，他們要玩台灣麻雀較技，不過楊怡同楊秀惠顯得雞手鴨腳，楊怡事後說﹕「我有玩廣東麻雀，但唔叻，圈中亦冇麻雀腳，因為怕被人話『站長』，同埋輸錢唔緊要，輸友情唔好，不過我打得唔大，最多輸一百蚊，對賭亦興趣不大。」相反馬國明麻雀技術叻過兩個女仔，他謂﹕「我BB時已經胎，媽咪仲抱住打牌，所以好細個識打，不過都唔常打。」