[東方日報]　楊秀惠賞心樂事

楊秀惠絕對是個「可樂狂迷」，每當遇到心儀樽罐、精品、玩具例必捧場，半百的收藏品中，有近六成都是來自朋友或fans所送贈的。

15歲開始養成收藏可樂產品習慣的秀惠，至今已有半百收藏品，而且種類繁多，例如有樽、罐、玩具、擺設、飾物、紙巾盒等，她表示：「起初收藏可樂產品只係受朋友影響，為左有共同話題而人儲我儲，但後來儲儲下真係鍾意左，漸漸發覺每個樽、罐都有唔同特色及紀念價值，於是就愈儲愈多！」

六成珍藏來自朋友

秀惠不諱言收藏品的來源，大多來自朋友及fans，可見她人緣甚佳，她說：「其實接近六成收藏品都係由朋友送畀我，有的係生日禮物，有的係搭朋友出國時買既手信。」

愛情當入樽

對秀惠來說，這個阿特蘭大迪士尼25周年紀念的可樂樽實在別具「感情」，她謂：「記得中學時有個男仔追我，佢知我鍾意收藏可樂樽，專誠飛去美國買呢個紀念版樽畀我，諗住可以打動我既芳心，但當時我以學業為重，屋企人唔會畀我拍拖，縱使好感激佢千里迢迢買份咁有意思既禮物，但仍然不為所動，係咪幾絕情呢？」