[蘋果日報]　75折iPod喇叭首度減 享公主閨房樂

秀惠話每個女仔對童話故事有憧憬，所以細個時都會布置到全間房變成粉紅色，個人都開心o的。

好多人一聽到PRINCE & PRINCESS，就以為只有皇冠飾物。其實，為了滿足女孩子成為公主的心，PRINCE & PRINCESS不斷設計出很多特色的粉紅色用品。好似最近新推的MP3及iPod Speaker，細細個袋仔連兩個心心喇叭，可愛之餘又方便佩戴。另外，仲有心形咕o臣Speaker及收音機，今日減價，除o左有首飾，就連新貨都有75折優惠。眾多貨品之中，Vivien就推介皇冠形咕o臣收音機，半價$300就可以買返屋企：「我一直以為呢個係普通咕o臣，原來可以聽收音機，咁得意，可以夜晚o係床度攬住個收音機咕o臣邊聽住音樂邊訓，容易入睡之餘，發個夢都甜o的啦！」

每次去PRINCE & PRINCESS，Vivien買得最多的就是皇冠飾物：「我其實好少戴皇冠飾物出街，但就好鍾意儲，得閒攞出o黎睇o下都好開心。亦有好多朋友鍾意皇冠飾物，所以會買o黎送畀朋友。每個女仔都鍾意做公主，收到一定開心。」PRINCESS飾物雖然必定以皇冠為主題，但設計上都有很多不同變化，配合天然晶石令花款選擇夠多。今次開倉大部份飾物都平至4折，價錢咁抵，一於入定貨！

Vivien覺得粉紅色可以帶給人歡樂：「細個o個陣，媽咪負責幫我買床單，佢買o左張深藍色o既床單畀我，我好唔開心，個人都好容易發脾氣。後來，佢幫我換番張粉紅色o既床單，我成個人都開心晒，粉紅色絕對可以減壓令人開心。」今次開倉，全部粉紅色精品都有減價優惠，有蚊帳、飾物櫃連相架、Door Hanger等，要布置全粉紅睡房話咁易。