[東方日報]　楊千嬅與無線言和領軍開騷

無線繼去年《男人魅》後，今年五月底將乘勝追擊，跟唱片公司合作推出大碟《女兒紅》，無線為力谷宣傳大搞噱頭，配合母親節籌辦音樂會。此碟擔正大旗的楊千嬅，雖然早前傳出因年頭失意「最受歡迎女歌星」獎而扭計考慮不跟無線續約，不過她已答應出席今次音樂會，似乎已跟無線「重修舊好」。

無線為谷行今年全女班大碟《女兒紅》，於五月十三日配合母親節，集齊九個女仔，由楊千嬅率領鄧麗欣、吳雨霏、胡杏兒、佘詩曼、鍾嘉欣、廖碧兒、陳敏之及楊秀惠，在九龍灣展貿舉行《女兒紅音樂會》，藉以歌頌親恩。

然而之前有傳千嬅不滿在年頭無線的《十大勁歌金曲頒獎禮》上，於「最受歡迎女歌星」一獎敗給容祖兒，故以工作為由缺席日前舉行的《2006勁歌金曲優秀選(第一回)》，以行動向無線抗議；據知千嬅跟無線的歌星合約即將屆滿，現時仍在拉鋸中。不過當這邊廂千嬅已確定出席《女兒紅音樂會》後，雙方關係又似乎露出曙光。

雙方否認關係僵

千嬅正身在廈門拍劇，其經理人回應千嬅跟無線修好一事：「根本《女兒紅》隻碟好早已經錄好晒，影左唱片封套，好多宣傳活動，包括音樂會等等亦plan好，所以根本唔關事。同埋話千嬅唔滿意年頭冇『女歌星』獎，咁頒獎禮後千嬅都有上過《勁歌》，又有做遊戲節目《15/16》，所以點會扭計？」

而無線製作資源部副總監樂易玲對有傳千嬅扭計不續約一事，她說：「千嬅一向好幫手，點會扭計，今次音樂會佢都係一口應承。(千嬅冇出席優秀選第一回？)咁千嬅真係有工作係身，總之千嬅同我地係有合約嘛。」

此外，胡杏兒對於《女兒紅》大碟未出街，已舉行音樂會感到非常開心及期待，杏兒還笑言：「我好想開演唱會好耐啦，之前雖然做過許冠傑演唱會嘉賓，但今次以主人家之一既身份當然開心。」