奈：晴呀∼聽松本老師講，今日會有４個插班生喎！唔知咩樣架呢？唔知會唔會係Lead呢？嘻嘻…

晴：蠢奈∼你唔好發夢喇！Lead佢地係明星，點會讀埋呢ｄ咁既學校呢？係咪？…

優：晴就講得岩喇！我地間學校咁屎∼佢地一定唔會梨呀！信我喇！

奈：哦…（失落）

本老師入左梨…班長叫埋起立，但佢地都係冇起身敬禮！於是…

松本老師：咳咳∼須藤同學，千葉同學同埋鈴木同學，你地再傾既話我就唔比４位新同學坐你附近！

奈．晴．優：哦…對唔住！〔望地下〕

松本老師：好喇好喇∼唔鬧人住喇！講返果４個新同學，佢地就係日本人氣組合－Lead喇！歡迎…

Lead：大家好∼我地係Lead！以後請多多指教！〔笑〕

班中女同學：哇∼∼∼Lead呀！好靚仔呀∼∼∼

松本老師：停！〔大叫〕唔好再哇∼哇到我耳都聾！好

喇，幫你地編位先！um…敬多就坐須藤同學隔離，伸也

就坐千葉同學隔離，而輝就坐敏同學隔離，宏宜就坐輝

後面喇！好。開始上堂！

●○國文堂中○●

敬：你好呀！多多指教！我叫古屋敬多呀！你叫咩名呀？〔露出可愛既笑容〕

奈：你好，我叫須藤希奈，叫我希奈喇！〔冷淡〕

（心諗：死喇死喇，好緊張呀我∼我唔知應該要同敬多講ｄ咩好呀！）

敬：希奈呀∼一陣間一唔一齊去食野呀？〔微笑〕

奈：哦∼好呀！〔講講下就訓著左喇〕

敬：唉呀…咁易就訓著架！〔無奈〕

＊晴果邊＊

晴：伸也同學，請問…你可唔可以借你本國文書比我牙？我呢頁岩岩比人搣爛左呀！

伸：做咩叫到咁陌生喎，叫我伸也得喇！不如咁呀…我地一齊睇！好唔好？

晴：嗯！多謝你呀伸也同…呃，唔係，係伸也先岩！！〔笑〕

伸：｛心諗｝笑得好甜，好親切呀個笑容∼我最鍾意呢類型既女仔架喇！

＊優果邊＊

優：喂呀∼衰人輝！唔好掛住同宏宜傾喇！陪我傾陣得唔得呀？

輝：車！我唔鍾意呀，你咁悶咪訓覺囉∼唔好阻住我！宏宜∼我地繼續，唔好理佢！

宏：但係……好似唔係咁好喎！

輝：洗鬼理佢咩！嘿∼

優：你…你…你個衰人輝！唔同我傾咪唔好傾囉！哼∼死賤人！

輝：你…哼！好男不與惡女鬥！我忍。

於是，佢地幾個就係咁傾計傾左好耐，終於到左lunch喇∼

不過，Lead比班fans圍住左，走唔甩∼

Lead：喂∼你地三個去果個地方等我地先喇！我地陣間到！〔大聲講〕

晴．優．奈：好喇∼∼∼陣間見！〔大聲講〕

●○天台上面○●

因為Lead未黎到，所以我地講野都放ｄ！大聲講大聲笑。

優：蠢奈，你知唔知勇太佢話你戴左眼鏡好樣衰呀？哈哈…

奈：嘿，勇太佢明明同我講話我可愛左架啵！唔制呀…呃人既佢！〔扮喊〕

晴：蠢野∼你唔好扮喇！我地唔會安慰你架！要安慰就叫你鍾意既敬多安慰飽佢喇！呵∼

奈：咦？叫敬多安慰我？你係咪幫我講先？哈哈哈哈哈∼〔攬住個肚係度笑〕

就係0係佢地傾得最開心既時候，Lead佢地就上左黎，因

為唔想阻住佢地傾，所以就企左係門後面，就係因為

咁，比敬多睇到希奈笑到卡卡聲∼

敬：原來佢都識笑既！笑得好可愛呀∼∼∼（細聲講）

伸：喂∼敬多！你做咩講野咁細聲呀？係講就講大聲ｄ喇！

輝：我知喇∼敬多講緊希奈呀！人地敬多哥鍾意左希奈呀∼話佢好可愛呀！〔大聲講〕

就係因為呢句野…奈佢地知道左Lead佢地係度！

奈：嘩．．乜你地咁衰架！偷聽我地講野既…〔扮嬲〕

Lead：我地冇心架！唔好意思呀∼最多咁呀！我地放學請返你地食野呀∼

奈：好野∼有野食！〔開心〕我要食甜品架啵！嘻嘻…

敬：傻瓜∼提到食就咁開心！小心食肥左冇人要你呀！嘿…

〔心諗：放心喇，就算你肥左我都會要你既！不過你都未必制喇∼〕

奈：嘻嘻…唔緊要啵！肥左咪你要我囉！好唔好？ 敬：．．．〔面紅〕

Lead+晴+優：哎呀∼有人面紅喎！仲唔係鍾意人！哈哈哈．．

敬+奈：你地好衰架∼〔面紅〕

＋鈴……鈴……＋

奈：打鐘喇…落返去上堂先喇！最鍾意既家政堂∼你要等我呀！嘻嘻…陣間見〔笑〕

晴＋優：咁我地都落去先喇∼拜拜！〔揮手〕

Lead：咁我地點呀？唔上？繼續係度？

優＋晴＋奈：你地鍾意喇∼

Lead：咁架你地∼〔無奈〕

○●放學前一堂→數學●○

敬：係呢∼希奈，點解你對我好似冷淡過對你ｄ　ｆｄ既？係咪我好乞人憎呀？

奈：唔係呀唔係呀，係因為我唔知講ｄ咩，所以先咁咋∼唔好亂諗野喇！〔摸頭〕

敬：你知唔知你嚇死我呀？我以為你唔想同我做朋友呀！〔扮喊〕

奈：乖喇∼〔再摸頭〕我點會唔想同你做朋友呀？你死左咪冇人要我？哈！

吉川老師：古屋同學，須藤同學！〔怒〕上咁耐堂就傾足咁耐！同我出去走廊罰企！

敬＋奈：係…… 　

〔走廊〕

敬：唔好意思呀小奈，累埋你要企添！

奈：小奈？邊個黎架？嘻嘻…唔緊要喇！我地企仲好呀，可以繼續傾過∼呵。。

敬：哈哈∼你咪係小奈喇！得我一個可以咁叫你架咋！

奈：我都唔係你既！唔準咁叫！〔嘟嘴〕

我地就係咁傾左好耐∼雖然比人罰企！但我已經覺得冇

所謂喇！今日既放學鐘好似遲左好耐先響！不過冇緊要

∼呢幾個字入面，可能係呢世人最開心既回憶！好想永

遠都聽係呢幾個字度…­…

晴：喂∼蠢奈！做咩呆晒既？走喇…

優：你係咪又諗敬多諗到傻左呀？

奈：冇野呀！我唔係諗佢呀∼我只係有ｄ唔舒服咋！

就係咁，本來放學之後可以去食蛋糕！但因為我講大話

話我唔舒服，加上佢地又比d fans圍住走唔到！於是就

去唔到喇！好唔抵呀。〔嘟嘴〕不過唔緊要喇！下次再

去過！唔知聽日會唔會都係過得咁開心呢？嘻嘻…

+++待續+++